ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՆԱԽԱԳԱՀԻ

Հ Ր Ա Մ Ա Ն Ա Գ Ի Ր Ը

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ՁԵՌՆԱՐԿՈՒԹՅՈՒՆՆԵՐԻ ԵՎ ԿԱԶՄԱԿԵՐՊՈՒԹՅՈՒՆՆԵՐԻ ՀԻՄՆԱԿԱՆ ԱՐՏԱԴՐԱԿԱՆ ՖՈՆԴԵՐԻ ՕԳՏԱԳՈՐԾՄԱՆ ՀԱՄԱՐ ՎՃԱՐ ՍԱՀՄԱՆԵԼՈՒ ՄԱՍԻՆ

1. Շուկայական հարաբերությունների և ազատ գների ու սակագների անցնելու կապակցությամբ պետական ձեռնարկությունների ու կազմակերպությունների հիմնական արտադրական ֆոնդերի օգտագործման համար սահմանել հաստատագրված վճարը, այն նախատեսելով արտադրանքի ինքնարժեքում և շերտավորելով ըստ ժողովրդական տնտեսության առանձին ճյուղերի: Սահմանել, որ նշված վճարից ազատվում են այն ձեռնարկություններն ու կազմակերպությունները, որոնց արտադրանքների և ծառայությունների վրա պետության կողմից սահմանվում են հաստատագրված գներ:

2. Հայաստանի Հանրապետության կառավարությանը` 10-օրյա ժամկետում սահմանել պետական ձեռնարկությունների և կազմակերպությունների հիմնական արտադրական ֆոնդերի օգտագործման համար վճարի հաշվարկման և գանձման կարգը:

3. Սահմանել, որ սույն հրամանագրի կիրարկումից հետո Հայաստանի Հանրապետությունում վարձակալված հիմնական արտադրական ֆոնդերի վարձակալական վճարի չափը չի կարող ցածր լինել դրանց օգտագործման համար գանձվող վճարի չափից:

4. Սույն հրամանագիրը ուժի մեջ է մտնում 1992 թվականի հունվարի 5-ից:

Հայաստանի Հանրապետության Նախագահ`	Լ. Տեր-Պետրոսյան
Երևան 4 հունվարի 1992 թ. ՆՀ-55