հայաստանի հանրապետության նախագահի

հ ր ա մ ա ն ա գ ի ր ը

հայաստանի հանրապետությունում աշխատանքի վարձատրության եվ կրթաթոշակների նվազագույն չափերի մասին

1. 1992 թվականի հունվարի 5-ից Հայաստանի Հանրապետությունում աշխատավարձի նվազագույն չափը սահմանել ամսական 280 ռուբլի:

Ավելացնել բյուջետային հիմնարկների աշխատողների աշխատավարձի չափը 150 ռուբլով:

2. 1992 թվականի հունվարի 5-ից Հայաստանի Հանրապետությունում աշխատաժամանակի նորմալ տևողությունը սահմանել շաբաթական 40 ժամից ոչ ավել:

3. 1992 թվականի հունվարի 5-ից սահմանել ժամային տարիֆային դրույքի հետևյալ նվազագույն չափերը.

աշխատաժամանակի նորմալ տևողության դեպքում`	165 կոպ.
աշխատաժամանակի կրճատ տևողության դեպքում.
36-ժամյա աշխատանքային շաբաթ`	183 կոպ.
30-ժամյա աշխատանքային շաբաթ`	221 կոպ.

4. Սահմանել կրթաթոշակի նվազագույն չափ ամսական 200 ռուբլի:

5. Ձեռնարկություններում աշխատանքի վարձատրության նվազագույն չափն ապահովվում է սեփական եկամուտների հաշվին: Բյուջետային հիմնարկներում աշխատանքի վարձատրության և կրթաթոշակների նվազագույն չափերի ու աշխատավարձի դրույքաչափերի ավելացումը ապահովվում է բյուջետային հատկացումների հաշվին:

6. Փոխհատուցման լրավճարների չափերը (աշխատանքի պայմանների, երեկոյան և գիշերային ժամերին աշխատանքի համար և այլն) ձեռնարկությունների համար որոշվում են Հայաստանի Հանրապետության օրենսդրությամբ սահմանված կարգով:

Հայաստանի Հանրապետության Նախագահ`	Լ. Տեր-Պետրոսյան
Երևան 4 հունվարի 1992 թ. ՆՀ-52