ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

26 դեկտեմբերի 2013 թվականի N 1508-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՄԱՅԻՍԻ 30-Ի N 927-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2002 թվականի մայիսի 30-ի «Սևան» ազգային պարկ» պետական հիմնարկը վերակազմակերպելու, «Սևան» ազգային պարկի և «Սևան» ազգային պարկ» պետական ոչ առևտրային կազմակերպության կանոնադրությունները հաստատելու մասին» N 927-Ն որոշման 2-րդ կետի «բ» ենթակետով հաստատված կանոնադրության մեջ կատարել հետևյալ լրացումները և փոփոխությունները՝

1) 8-րդ կետը լրացնել հետևյալ բովանդակությամբ նոր` 11.1-ին ենթակետով.

«11.1) հավանություն է տալիս սույն կանոնադրության 27.4–րդ կետի 12-րդ ենթակետով նախատեսված այն պայմանագրերի փոփոխություններին, որոնցում կազմակերպությունը որպես պայմանագրի կողմ հանդես չի գալիս` բացառությամբ այն պայմանագրերի փոփոխությունների, որոնց հավանություն տալու իրավասությունը վերապահված է խորհրդին».

2) 27.4-րդ կետի 12-րդ ենթակետում`

ա. հանել «ու դրանցում կատարվող փոփոխություններին» բառերը,

բ. ենթակետը լրացնել հետևյալ բովանդակությամբ նոր նախադասությամբ.

«Նշված պայմանագրերում կատարվող փոփոխությունները խորհրդի հավանությանը չեն ներկայացվում` բացառությամբ սույն կետի 15-րդ ենթակետով նախատեսված դեպքերի:».

3) 27.4-րդ կետի 15-րդ ենթակետում`

ա. «ինչպես նաև» բառերը փոխարինել «և» բառով,

բ. «վճարների» բառից հետո ենթակետը լրացնել «մեկնարկային նվազագույն» բառերով,

գ. «չափերը» բառից հետո ենթակետը լրացնել «ինչպես նաև կնքված և իրավունքների պետական գրանցում ստացած պայմանագրերով սահմանված վճարների չափերի նվազեցումները» բառերով:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2013 թ. դեկտեմբերի 28 Երևան