ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

17 հոկտեմբերի 2013 թվականի N 942-Ա

Հ. ԲԵԳԼԱՐՅԱՆԻՆ ԲԱՆԳԿՈԿ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության տրանսպորտի և կապի նախարարի առաջին տեղակալ Հ. Բեգլարյանին 2013 թվականի նոյեմբերի 4-8-ը գործուղել Բանգկոկ (Թաիլանդի Թագավորություն)` Միավորված ազգերի կազմակերպության Ասիայի և խաղաղօվկիանոսյան տարածաշրջանի երկրների տնտեսական և սոցիալական հանձնաժողովի Ասիայի տրանսպորտի նախարարների ֆորումի երկրորդ նիստին մասնակցելու և հանդիպման շրջանակներում «Չոր նավահանգիստներ» միջկառավարական համաձայնագրի ստորագրման համար:

2. Ընդունել ի գիտություն, որ Հ. Բեգլարյանի` Բանգկոկ գործուղման հետ կապված ծախսերը կատարվելու են հրավիրող կողմի հաշվին։

3. Հայաստանի Հանրապետության տրանսպորտի և կապի նախարարին՝ ապահովել գործուղումից վերադառնալուց հետո եռօրյա ժամկետում Հ. Բեգլարյանի` Բանգկոկ գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը:

Հայաստանի Հանրապետության վարչապետ	Տ. Սարգսյան
2013 թ. հոկտեմբերի 17 Երևան