ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 սեպտեմբերի 2013 թվականի N 992-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2007 ԹՎԱԿԱՆԻ ՄԱՅԻՍԻ 31-Ի N 815-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարության 2013 թվականի հունվարի 10-ի N 70-Ն որոշման N 1 հավելվածի 63-րդ կետին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2007 թվականի մայիսի 31-ի «Մանկատանը, երեխաների խնամքի և պաշտպանության գիշերօթիկ հաստատությունում (անկախ դրա կազմակերպական-իրավական ձևից) խնամվող երեխայի խնամքի և սպասարկման նվազագույն չափորոշիչները հաստատելու մասին» N 815-Ն որոշման մեջ կատարել հետևյալ լրացումները և փոփոխությունները`

1) որոշման վերնագիրը «ԽՆԱՄՎՈՂ» բառից հետո լրացնել «, ԻՆՉՊԵՍ ՆԱԵՎ ՀԱՏՈՒԿ ՀԱՆՐԱԿՐԹԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՈՒՄ ՍՈՎՈՐՈՂ» բառերով.

2) որոշման 1-ին կետը լրացնել հետևյալ բովանդակությամբ նոր` 13-րդ և 14-րդ ենթակետերով.

«13) հատուկ հանրակրթական ուսումնական հաստատությունում սովորող երեխաների սննդամթերքի տեսականին և քանակը (մեկ սովորողի հաշվարկով)` համաձայն N 13 հավելվածի.

14) հատուկ հանրակրթական ուսումնական հաստատությունում սովորող երեխաների փափուկ գույքի տեսականին և քանակը (մեկ սովորողի հաշվարկով)` համաձայն N 14 հավելվածի։».

3) որոշումը լրացնել NN 13 և 14 հավելվածներով` համաձայն NN 1 և 2 հավելվածների.

4) որոշման NN 4, 5 և 6 հավելվածներից հանել «Սուրճ» տողը:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Տ. Սարգսյան
2013 թ. սեպտեմբերի 23 Երևան

Հավելված N 1 ՀՀ կառավարության 2013 թվականի սեպտեմբերի 13-ի N 992-Ն որոշման

«Հավելված N 13 ՀՀ կառավարության 2007 թվականի մայիսի 31-ի N 815-Ն որոշման

ՀԱՏՈՒԿ ՀԱՆՐԱԿՐԹԱԿԱՆ ՈՒՍՈՒՄՆԱԿԱՆ ՀԱՍՏԱՏՈՒԹՅՈՒՆՈՒՄ ՍՈՎՈՐՈՂԻ ՍՆՆԴԱՄԹԵՐՔԻ ՏԵՍԱԿԱՆԻՆ ԵՎ ՔԱՆԱԿԸ (ՄԵԿ ՍՈՎՈՐՈՂԻ ՀԱՇՎԱՐԿՈՎ)

Սննդամթերքի անվանումը Չափորոշիչը (գրամ) Հաց` աշորայի 250 Հաց` ցորենի 250 Ալյուր` ցորենի 35 Ալյուր` կարտոֆիլի 3 Ձավարեղեն, ընդեղեն, մակարոնեղեն 120 Կարտոֆիլ 400 Բանջարեղեն և այլ կանաչեղեն 470 Մրգեղեն` թարմ 350 Հյութեր 200 Մրգեղեն` չոր 15 Շաքար 70 Հրուշակեղեն 25 Կակաո 2 Թեյ 0.2 Միս` տավարի 170 Թռչնի միս 50 Ձկնեղեն 100 Եփած երշիկ, նրբերշիկ 25 Կաթ, կաթնամթերք 500 Կաթնաշոռ 70 Թթվասեր 10 Պանիր 20 Կարագ 50 Յուղ` բուսական 20 Ձու (հատ) 1 Համեմունքներ 2 Յոդացված աղ 10 Խմորիչ 1

»:

Հայաստանի Հանրապետության կառավարության աշխատակազմի ղեկավար-նախարար

Վ. Գաբրիելյան

Հավելված N 2 ՀՀ կառավարության 2013 թվականի սեպտեմբերի 13-ի N 992-Ն որոշման

«Հավելված N 14 ՀՀ կառավարության 2007 թվականի մայիսի 31-ի N 815-Ն որոշման

ՀԱՏՈՒԿ ՀԱՆՐԱԿՐԹԱԿԱՆ ՀԱՍՏԱՏՈՒԹՅՈՒՆՈՒՄ ՍՈՎՈՐՈՂԻ ՓԱՓՈՒԿ ԳՈՒՅՔԻ ՏԵՍԱԿԱՆԻՆ ԵՎ ՔԱՆԱԿԸ (ՄԵԿ ՍՈՎՈՐՈՂԻ ՀԱՇՎԱՐԿՈՎ)

Փափուկ գույքի անվանումը Չափի միավորը Քանակը Ժամկետը (տարի) Անկողնային պարագաներ, սպիտակեղեն       Սավան հատ 8 2 Վերմակասավան հատ 5 2 Բարձի ներքին երես հատ 1 4 Բարձի արտաքին երես հատ 5 2 Սրբիչ հատ 3 2 Սրբիչ` խավավոր հատ 3 2 բրդյա, բամբակյա վերմակ հատ 1 3 Վերմակ` բայկայից հատ 1 2 Ներքնակ հատ 1 2 Բարձ հատ 1 2 Ծածկոց հատ 1 6 Գորգ` մահճակալամերձ հատ 1 4 Կանացի հիգիենայի միջադիր փաթեթ 12 1 Փափուկ գույք` ճաշարանի համար (50 տեղի համար)       Սփռոց հատ 25 3 Սրբիչ` ամանի հատ 15 1 Փափուկ գույք` ճաշասենյակի համար (50 տեղի համար)       Սփռոց հատ 50 3 Սեղանի մոմլաթ հատ 50 4 Սրբիչ` ամանի հատ 15 1

»:

Հայաստանի Հանրապետության կառավարության աշխատակազմի ղեկավար-նախարար

Վ. Գաբրիելյան