ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
1 օգոստոսի 2013 թվականի N 956-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՀՈՒՆԻՍԻ 29-Ի N 867 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ
«Լիցենզավորման մասին» Հայաստանի Հանրապետության օրենքի 10-րդ հոդվածի 3-րդ և 17-րդ հոդվածի 2-րդ մասերին համապատասխան` Հայաստանի Հանրապետության կառավարությունը որոշում է.
1. Հայաստանի Հանրապետության կառավարության 2002 թվականի հունիսի 29-ի «Հայաստանի Հանրապետությունում դեղերի արտադրության, դեղատնային գործունեության, կազմակերպությունների կամ անհատ ձեռնարկատերերի կողմից բժշկական օգնության և սպասարկման, բժշկական նախնական մասնագիտական (արհեստագործական), միջին մասնագիտական ու բարձրագույն (մասնագիտական) կրթական ծրագրերի իրականացման լիցենզավորման կարգերը և նշված գործունեությունների իրականացման լիցենզիայի ձևերը հաստատելու մասին» N 867 որոշման մեջ կատարել հետևյալ փոփոխություններն ու լրացումները`
1) որոշման N 1 հավելվածում`
ա. 5-րդ կետում «30 օրվա ընթացքում» բառերը փոխարինել «23 աշխատանքային օրվա ընթացքում» բառերով,
բ. 7-րդ կետը շարադրել հետևյալ խմբագրությամբ.
«7. Լիցենզիա տալու համար գանձվում է պետական տուրք «Պետական տուրքի մասին» Հայաստանի Հանրապետության օրենքով սահմանված կարգով և չափով: Ընդ որում`
1) լիցենզավորող մարմինը լիցենզիայի կամ դրա կրկնօրինակի տրման, լիցենզիայի գործողության ժամկետի երկարաձգման, լիցենզիայի վերաձևակերպման, այլ վայրում ևս լիցենզավորման ենթակա նույն գործունեությամբ զբաղվելու մասին որոշման ընդունումից հետո մեկ աշխատանքային օրվա ընթացքում պատշաճ ձևով դրա մասին տեղեկացնում է հայտատուին: Տեղեկացմամբ հայտատուն պետք է նախազգուշացվի սույն կետի 4-րդ ենթակետով նախատեսված հետևանքների մասին.
2) հայտատուն սույն կետի 1-ին ենթակետով սահմանված համապատասխան գործողության համար օրենքով սահմանված պետական տուրքը պարտավոր է վճարել ոչ ուշ, քան լիցենզիայի կամ դրա կրկնօրինակի տրման, լիցենզիայի գործողության ժամկետի երկարաձգման, լիցենզիայի վերաձևակերպման, այլ վայրում ևս լիցենզավորման ենթակա նույն գործունեությամբ զբաղվելու հայտը բավարարելուց հետո հինգ աշխատանքային օրվա ընթացքում.
3) հայտատուն լիցենզավորող մարմին պետական տուրքի վճարումը հավաստող փաստաթուղթ կարող է չներկայացնել: Հայտատուի կողմից պետական տուրքի վճարումը հավաստող փաստաթուղթ չներկայացվելու դեպքում լիցենզավորող մարմինը լիցենզիայի կամ դրա կրկնօրինակի տրման, լիցենզիայի գործողության ժամկետի երկարաձգման, լիցենզիայի վերաձևակերպման, այլ վայրում ևս լիցենզավորման ենթակա նույն գործունեությամբ զբաղվելու հայտը բավարարելու մասին որոշումն ընդունելուց հետո գանձապետական առցանց կառավարման համակարգի կամ պետական վճարումների էլեկտրոնային համակարգի միջոցով հավաստիանում է պետական տուրքի վճարման մասին և հայտատուին պատշաճ ձևով հանձնում կամ ուղարկում է լիցենզիան, լիցենզիայի կրկնօրինակը, ժամկետը երկարաձգված լիցենզիան, վերաձևակերպված լիցենզիան, այլ վայրում ևս լիցենզավորման ենթակա նույն գործունեությամբ զբաղվելու լիցենզիան, ինչպես նաև դրանց մասին համապատասխան որոշումները.
4) սույն կետի 2-րդ ենթակետով նախատեսված ժամկետում հայտատուի կողմից պետական տուրքը չվճարվելու դեպքում համապատասխան հայտը մերժվում է` պետական տուրքը չվճարելու հիմքով: Հայտը մերժելուց հետո լիցենզավորող մարմնի որոշումը չեղյալ է ճանաչվում:»,
գ. 9-րդ կետը շարադրել հետևյալ խմբագրությամբ.
«9. Դեղերի արտադրության լիցենզիա ստացած անձինք ոչ ուշ, քան յուրաքանչյուր կիսամյակին հաջորդող ամսվա տասներորդ աշխատանքային օրը լիազոր մարմին են ներկայացնում հաշվետվություն արտադրվող դեղերի մասին` համաձայն սույն կարգի N 4 ձևի:»,
դ. 11-րդ կետի 1-ին ենթակետը շարադրել հետևյալ խմբագրությամբ.
«1) լիցենզիա ստանալու մասին հայտը` համաձայն N 1 ձևի,»,
ե. 12-րդ կետը շարադրել հետևյալ խմբագրությամբ.
«12. Լիցենզիա ստանալու հայտում կամ կից փաստաթղթերում ոչ էական թերությունների (վրիպակների, ոչ իրավաբանական անճշտությունների, թվաբանական սխալների և նման այլ բացթողումների) առկայության, ինչպես նաև փաստաթղթերը թերի լինելու դեպքում լիցենզավորող մարմինը դրանք հայտնաբերելու պահից 2 աշխատանքային օրվա ընթացքում առաջարկում է հայտատուին 5 աշխատանքային օրվա ընթացքում վերացնել թերությունները:»,
զ. N 3 ձևի 4-րդ կետում «Տեղեկություններ դեղերի արտադրության իրականացման համար նախատեսված տարածքի և արտադրամասերի մասին` կցելով հատակագիծը» պարբերությունը շարադրել հետևյալ խմբագրությամբ.
«Դեղերի արտադրության իրականացման համար նախատեսված տեխնիկատեխնոլոգիական հագեցվածության, տարածքի և արտադրամասերի մասին տեղեկություններ (կցելով տարածքի հատակագիծը):»,
է. լրացնել հետևյալ բովանդակությամբ` նոր 17.1-ին կետով.
«17.1. Լիցենզավորված անձը լիցենզավորված գործունեությունն սկսելուց առնվազն հինգ աշխատանքային օր առաջ լիազոր մարմին է ներկայացնում համապատասխան որակավորված անձի մասին տեղեկատվություն` կցելով համապատասխան որակավորումը հավաստող բարձրագույն մասնագիտական կրթության վկայականների, ինչպես նաև հետբուհական կրթության, վերապատրաստումների, այդ թվում` օտարերկրյա պետություններում վերապատրաստման վկայականների (հավաստագրեր) պատճենները, իսկ հետագա փոփոխության դեպքում` 3 աշխատանքային օրվա ընթացքում:»,
ը. ուժը կորցրած ճանաչել 11-րդ կետի 3-րդ, 6-րդ և 7-րդ ենթակետերը, 13-րդ կետը, 25-րդ կետի 6-րդ ենթակետը, NN 2 և 5 ձևերը,
թ. N 1 ձևը շարադրել նոր խմբագրությամբ` համաձայն N 1 հավելվածի.
2) որոշման N 3 հավելվածում`
ա. 3-րդ կետում «30 օրվա ընթացքում» բառերը փոխարինել «23 աշխատանքային օրվա ընթացքում» բառերով,
բ. 4-րդ կետը շարադրել հետևյալ խմբագրությամբ.
«4. Լիցենզիա տալու համար գանձվում է պետական տուրք «Պետական տուրքի մասին» Հայաստանի Հանրապետության օրենքով սահմանված կարգով և չափով: Ընդ որում`
1) լիցենզավորող մարմինը լիցենզիայի կամ դրա կրկնօրինակի տրման, լիցենզիայի գործողության ժամկետի երկարաձգման, լիցենզիայի վերաձևակերպման, այլ վայրում ևս լիցենզավորման ենթակա նույն գործունեությամբ զբաղվելու մասին որոշման ընդունումից հետո մեկ աշխատանքային օրվա ընթացքում պատշաճ ձևով դրա մասին տեղեկացնում է հայտատուին: Տեղեկացմամբ հայտատուն պետք է նախազգուշացվի սույն կետի 4-րդ ենթակետով նախատեսված հետևանքների մասին.
2) հայտատուն սույն կետի 1-ին ենթակետով սահմանված համապատասխան գործողության համար օրենքով սահմանված պետական տուրքը պարտավոր է վճարել ոչ ուշ, քան լիցենզիայի կամ դրա կրկնօրինակի տրման, լիցենզիայի գործողության ժամկետի երկարաձգման, լիցենզիայի վերաձևակերպման, այլ վայրում ևս լիցենզավորման ենթակա նույն գործունեությամբ զբաղվելու հայտը բավարարելուց հետո հինգ աշխատանքային օրվա ընթացքում.
3) հայտատուն լիցենզավորող մարմին պետական տուրքի վճարումը հավաստող փաստաթուղթ կարող է չներկայացնել: Հայտատուի կողմից պետական տուրքի վճարումը հավաստող փաստաթուղթ չներկայացվելու դեպքում լիցենզավորող մարմինը լիցենզիայի կամ դրա կրկնօրինակի տրման, լիցենզիայի գործողության ժամկետի երկարաձգման, լիցենզիայի վերաձևակերպման, այլ վայրում ևս լիցենզավորման ենթակա նույն գործունեությամբ զբաղվելու հայտը բավարարելու մասին որոշումն ընդունելուց հետո գանձապետական առցանց կառավարման համակարգի կամ պետական վճարումների էլեկտրոնային համակարգի միջոցով հավաստիանում է պետական տուրքի վճարման մասին և հայտատուին պատշաճ ձևով հանձնում կամ ուղարկում է լիցենզիան, լիցենզիայի կրկնօրինակը, ժամկետը երկարաձգված լիցենզիան, վերաձևակերպված լիցենզիան, այլ վայրում ևս լիցենզավորման ենթակա նույն գործունեությամբ զբաղվելու լիցենզիան, ինչպես նաև դրանց մասին համապատասխան որոշումները.
4) սույն կետի 2-րդ ենթակետով նախատեսված ժամկետում հայտատուի կողմից պետական տուրքը չվճարվելու դեպքում համապատասխան հայտը մերժվում է` պետական տուրքը չվճարելու հիմքով: Հայտը մերժելուց հետո լիցենզավորող մարմնի որոշումը չեղյալ է ճանաչվում:»,
գ. 6-րդ կետը շարադրել հետևյալ խմբագրությամբ.
«6. Իրենց գործունեության իրականացման ընթացքում թմրամիջոցներ կամ հոգեմետ նյութեր պարունակող դեղերի իրացում և (կամ) բացթողում իրականացնող անհատ ձեռնարկատերերին կամ իրավաբանական անձանց դեղատնային գործունեության իրականացման լիցենզիա տրամադրելիս լիցենզիայի «Գործունեության տեսակը» տողում, գործունեության տեսակը նշելուց բացի, կատարվում է նաև հետևյալ նշումը`
«(ներառյալ թմրամիջոցներ կամ հոգեմետ նյութեր պարունակող դեղերի իրացում և (կամ) բացթողում)»,
դ. 9-րդ կետը շարադրել հետևյալ խմբագրությամբ.
«9. Հայտատուն դեղատնային գործունեության լիցենզավորման համար օրենքի համաձայն ներկայացնում է`
1) լիցենզիա ստանալու մասին հայտ (ձևը կցվում է).
2) լիցենզավորման ենթակա գործունեության իրականացման համար նախատեսված տարածքի նկատմամբ հայտատուի սեփականության (օգտագործման) իրավունքի պետական գրանցման վկայականի և իրավասու մարմնի կողմից տրված գործունեության համար նախատեսված տարածքի հատակագծի պատճենները.
3) գործունեության իրականացման վայրում տեղադրված հսկիչ-դրամարկղային մեքենայի գրանցման քարտի պատճենը:»,
ե. 10-րդ կետը շարադրել հետևյալ խմբագրությամբ.
«10. Լիցենզիա ստանալու հայտում կամ կից փաստաթղթերում ոչ էական թերությունների (վրիպակների, ոչ իրավաբանական անճշտությունների, թվաբանական սխալների և նման այլ բացթողումների) առկայության, ինչպես նաև փաստաթղթերը թերի լինելու դեպքում լիցենզավորող մարմինը դրանք հայտնաբերելու պահից 2 աշխատանքային օրվա ընթացքում առաջարկում է հայտատուին 5 աշխատանքային օրվա ընթացքում վերացնել թերությունները:»,
զ. 11-րդ կետը շարադրել հետևյալ խմբագրությամբ.
«11. Դեղատնային գործունեության լիցենզիա ստանալու համար ներկայացված փաստաթղթերում առկա տեղեկությունների համապատասխանության ստուգաճշտումը լիազոր մարմնի կողմից իրականացվում է ընտրանքային ուսումնասիրության միջոցով, որի արդյունքների հիման վրա կազմվում է արձանագրություն: Ընտրանքային ուսումնասիրության անցկացման կարգը սահմանում է լիազոր պետական մարմինը:»,
է. 12-րդ կետը շարադրել հետևյալ խմբագրությամբ.
«12. Դեղատնային գործունեությամբ զբաղվելու լիցենզիա ստացած իրավաբանական անձը կամ անհատ ձեռնարկատերը դեղատանը կամ դեղատնային կրպակում դեղերի ընդունում, պահպանում, իրացում և բացթողում կարող է իրականացնել Հայաստանի Հանրապետության օրենսդրությամբ սահմանված կարգով լիցենզավորված և պետական հավատարմագրում ունեցող ուսումնական հաստատություն ավարտած, օրենքով սահմանված կարգով որակավորված, վերջին 5 տարվա ընթացքում լիազոր մարմնի կողմից սահմանված կարգով մասնագիտական վերապատրաստում անցած դեղագետների և դեղագործների միջոցով: Ընդ որում, դեղատնային գործունեությամբ զբաղվելու լիցենզիա ստացած անհատ ձեռնարկատերը, եթե նա համապատասխանում է սույն կետով դեղագետին կամ դեղագործին ներկայացվող որակավորման պահանջներին, դեղատանը կամ դեղատնային կրպակում դեղերի ընդունում, պահպանում, իրացում և բացթողում կարող է իրականացնել անձամբ:»,
ը. 13-րդ կետը շարադրել հետևյալ խմբագրությամբ.
«13. Դեղատնային գործունեությունը դեղատան միջոցով իրականացնող իրավաբանական անձը կամ անհատ ձեռնարկատերը դեղատանը դեղերի պատրաստում կարող է իրականացնել Հայաստանի Հանրապետության օրենսդրությամբ սահմանված կարգով լիցենզավորված և պետական հավատարմագրում ունեցող ուսումնական հաստատություն ավարտած, օրենքով սահմանված կարգով որակավորված, վերջին 5 տարվա ընթացքում լիազոր մարմնի կողմից սահմանված կարգով մասնագիտական վերապատրաստում անցած դեղագետների միջոցով: Ընդ որում, դեղատնային գործունեությունը դեղատան միջոցով իրականացնող իրավաբանական անձը կամ անհատ ձեռնարկատերը պետք է ունենա առնվազն մեկ դեղագետ՝ բացառությամբ այն դեպքի, երբ անհատ ձեռնարկատերը համապատասխանում է սույն կետով դեղագետին ներկայացվող որակավորման պահանջներին:»,
թ. 14-րդ կետը «որպես» բառից հետո լրացնել «տվյալ դեղատան կամ դեղատնային կրպակի» բառերով,
ժ. 24-րդ կետից հանել «Հայաստանի Հանրապետությունում դեղատները և դեղատնային կրպակները չեն կարող տեղակայվել նկուղային կամ կիսանկուղային հարկերում» բառերը,
ժա. 26-րդ կետից հանել «ինչպես նաև համապատասխան շենքի կամ շինության ընդհանուր մուտքից առանձնացված մուտք,» բառերը,
ժբ. 30-րդ կետը շարադրել հետևյալ խմբագրությամբ.
«30. Դեղատան և դեղատնային կրպակի սպառողների համար տեսանելի վայրում պետք է փակցված լինեն տեղեկատու դեղատների հեռախոսահամարները (հեռախոսահամարները տեղադրված են լիազոր մարմնի պաշտոնական կայք էջում և թարմացվում են կիսամյակային պարբերականությամբ), սպասարկող դեղագետի կամ դեղագործի անունը, ազգանունը:»,
ժգ. 31-րդ կետը շարադրել հետևյալ խմբագրությամբ.
«31. Դեղատանը կամ դեղատնային կրպակում թղթային կամ էլեկտրոնային տարբերակով պետք է առկա լինեն դեղերի պետական գրանցամատյանը, հիմնական դեղերի ցանկը, առանց դեղատոմսի բաց թողնվող դեղերի ցանկը (տեղադրված են լիազոր մարմնի պաշտոնական կայք էջում և թարմացվում են կիսամյակային պարբերականությամբ), ինչպես նաև դեղագրքեր և դեղագիտական-տեղեկատվական ձեռնարկներ:»,
ժդ. լրացնել հետևյալ բովանդակությամբ նոր` 43.1-ին կետով.
«43.1. Լիցենզավորված անձը լիցենզավորված գործունեությունն սկսելուց առնվազն հինգ աշխատանքային օր առաջ լիազոր մարմին է ներկայացնում՝
1) դեղատանը կամ դեղատնային կրպակում աշխատանքն իրականացնող` համապատասխան որակավորում ունեցող դեղագետի կամ դեղագործի հետ կնքված աշխատանքային պայմանագրի պատճենները.
2) դեղատանը կամ դեղատնային կրպակում աշխատանքն իրականացնող` համապատասխան որակավորում ունեցող դեղագետի բարձրագույն մասնագիտական կրթության վկայականի (դիպլոմ), հետբուհական կրթության և վերջին հինգ տարիների ընթացքում մասնագիտական վերապատրաստում անցնելու փաստը հավաստող վկայականների պատճենները, իսկ դեղագործի դեպքում` համապատասխան որակավորում ունեցող դեղագործի միջին մասնագիտական կրթության փաստը հավաստող վկայականի պատճենը և վերջին հինգ տարիների ընթացքում մասնագիտական վերապատրաստում անցնելու փաստը հավաստող վկայականների պատճենները.
3) Հայաստանի Հանրապետության օրենսդրությամբ սահմանված կարգով վտանգավոր թափոնների վնասազերծման ոլորտում համապատասխան լիցենզիա ունեցող որևէ կազմակերպության հետ կնքված պայմանագրի պատճենը:»,
ժե. 44-րդ կետը շարադրել հետևյալ խմբագրությամբ.
«44. Լիզենզավորված անձի կողմից հայտում կամ սույն կարգի 431-րդ կետով սահմանված փաստաթղթերում ներկայացված դեղատնային գործունեության համար սահմանված պարտադիր պահանջների և պայմանների փոփոխման դեպքում (ներառյալ համապատասխան որակավորում ունեցող դեղագետի կամ դեղագործի, հագեցվածության փոփոխման) լիցենզավորված անձը 10 աշխատանքային օրվա ընթացքում լիազոր մարմնին հայտնում է իրականացված փոփոխության մասին` կցելով համապատասխան փաստաթղթերը:»,
ժզ. 45-րդ կետի 5-րդ ենթակետը շարադրել հետևյալ խմբագրությամբ.
«5) սույն կարգի 16-22-րդ, 24-29-րդ և 31-րդ կետերով սահմանված լիցենզավորման պարտադիր պահանջներին և պայմաններին չհամապատասխանելու դեպքում.»,
ժէ. ուժը կորցրած ճանաչել 25-րդ, 40-րդ և 43-րդ կետերը, 45-րդ կետի 6-րդ ենթակետը, NN 2, 3, 4 և 5 ձևերը,
ժը. N 1 ձևը շարադրել նոր խմբագրությամբ` համաձայն N 2 հավելվածի.
3) որոշման N 5 հավելվածում`
ա. 4-րդ կետում «30 օրվա ընթացքում» բառերը փոխարինել «23 աշխատանքային օրվա ընթացքում» բառերով,
բ. 5-րդ կետը շարադրել հետևյալ խմբագրությամբ.
«5. Լիցենզիա տալու համար գանձվում է պետական տուրք «Պետական տուրքի մասին» Հայաստանի Հանրապետության օրենքով սահմանված կարգով և չափով: Ընդ որում`
1) լիցենզավորող մարմինը լիցենզիայի կամ դրա կրկնօրինակի տրման, լիցենզիայի գործողության ժամկետի երկարաձգման, լիցենզիայի վերաձևակերպման, այլ վայրում ևս լիցենզավորման ենթակա նույն գործունեությամբ զբաղվելու մասին որոշման ընդունումից հետո մեկ աշխատանքային օրվա ընթացքում պատշաճ ձևով դրա մասին տեղեկացնում է հայտատուին: Տեղեկացմամբ հայտատուն պետք է նախազգուշացվի սույն կետի 4-րդ ենթակետով նախատեսված հետևանքների մասին.
2) հայտատուն սույն կետի 1-ին ենթակետով սահմանված համապատասխան գործողության համար օրենքով սահմանված պետական տուրքը պարտավոր է վճարել ոչ ուշ, քան լիցենզիայի կամ դրա կրկնօրինակի տրման, լիցենզիայի գործողության ժամկետի երկարաձգման, լիցենզիայի վերաձևակերպման, այլ վայրում ևս լիցենզավորման ենթակա նույն գործունեությամբ զբաղվելու հայտը բավարարելուց հետո հինգ աշխատանքային օրվա ընթացքում.
3) հայտատուն լիցենզավորող մարմին պետական տուրքի վճարումը հավաստող փաստաթուղթ կարող է չներկայացնել: Հայտատուի կողմից պետական տուրքի վճարումը հավաստող փաստաթուղթ չներկայացվելու դեպքում լիցենզավորող մարմինը լիցենզիայի կամ դրա կրկնօրինակի տրման, լիցենզիայի գործողության ժամկետի երկարաձգման, լիցենզիայի վերաձևակերպման, այլ վայրում ևս լիցենզավորման ենթակա նույն գործունեությամբ զբաղվելու հայտը բավարարելու մասին որոշումն ընդունելուց հետո գանձապետական առցանց կառավարման համակարգի կամ պետական վճարումների էլեկտրոնային համակարգի միջոցով հավաստիանում է պետական տուրքի վճարման մասին և հայտատուին պատշաճ ձևով հանձնում կամ ուղարկում է լիցենզիան, լիցենզիայի կրկնօրինակը, ժամկետը երկարաձգված լիցենզիան, վերաձևակերպված լիցենզիան, այլ վայրում ևս լիցենզավորման ենթակա նույն գործունեությամբ զբաղվելու լիցենզիան, ինչպես նաև դրանց վերաբերյալ համապատասխան որոշումները.
4) սույն կետի 2-րդ ենթակետով նախատեսված ժամկետում հայտատուի կողմից պետական տուրքը չվճարվելու դեպքում համապատասխան հայտը մերժվում է պետական տուրքը չվճարելու հիմքով: Հայտը մերժելուց հետո լիցենզավորող մարմնի որոշումը չեղյալ է ճանաչվում:»,
գ. 10-րդ կետը շարադրել հետևյալ խմբագրությամբ.
«10. Հայտատուն բժշկական օգնության և սպասարկման գործունեության լիցենզավորման համար օրենքի համաձայն ներկայացնում է`
1) լիցենզիա ստանալու մասին հայտ (ձևը կցվում է).
2) լիցենզավորման ենթակա գործունեության իրականացման համար նախատեսված տարածքի նկատմամբ հայտատուի սեփականության (օգտագործման) իրավունքի պետական գրանցման վկայականի և իրավասու մարմնի կողմից տրված գործունեության համար նախատեսված տարածքի հատակագծի պատճենները.
3) գործունեության իրականացման վայրում տեղադրված հսկիչ-դրամարկղային մեքենայի գրանցման քարտի պատճենը:»,
դ. 11-րդ կետը շարադրել հետևյալ խմբագրությամբ.
«11. Լիցենզիա ստանալու հայտում կամ կից փաստաթղթերում ոչ էական թերությունների (վրիպակների, ոչ իրավաբանական անճշտությունների, թվաբանական սխալների և նման այլ բացթողումների) առկայության, ինչպես նաև փաստաթղթերը թերի լինելու դեպքում լիցենզավորող մարմինը դրանք հայտնաբերելու պահից 2 աշխատանքային օրվա ընթացքում առաջարկում է հայտատուին 5 աշխատանքային օրվա ընթացքում վերացնել թերությունները:»,
ե. 12-րդ կետը շարադրել հետևյալ խմբագրությամբ.
«12. Բժշկական օգնության և սպասարկման լիցենզիա ստանալու համար ներկայացված փաստաթղթերում առկա տեղեկությունների համապատասխանության ստույգ ճշտումը լիազոր մարմնի կողմից իրականացվում է ընտրանքային ուսումնասիրության միջոցով, որի արդյունքների հիման վրա կազմվում է արձանագրություն: Ընտրանքային ուսումնասիրության անցկացման կարգը սահմանում է լիազոր պետական մարմինը:»,
զ. 18-րդ կետը շարադրել հետևյալ խմբագրությամբ.
«18. Լիցենզավորված անձը լիցենզավորված գործունեություն իրականացնելու պահից հինգ աշխատանքային օրվա ընթացքում լիազոր մարմին է ներկայացնում տեղեկատվություն առողջապահության բնագավառում տվյալ գործունեության համար անհրաժեշտ համապատասխան մասնագիտական կրթություն ունեցող մասնագետներով (համապատասխան բարձրագույն մասնագիտական կրթության վկայագրի (դիպլոմ), հետբուհական կրթության վկայականների պատճենները) ապահովվածության մասին` Հայաստանի Հանրապետության կառավարության 2002 թվականի դեկտեմբերի 5-ի N 1936-Ն և (կամ) Հայաստանի Հանրապետության կառավարության 2009 թվականի հոկտեմբերի 29-ի N 1275-Ն որոշումներին համապատասխանության վերաբերյալ, իսկ հետագա փոփոխությունների դեպքում` 3 աշխատանքային օրվա ընթացքում:»,
է. ուժը կորցրած ճանաչել կարգի 19-րդ կետը, 20-րդ կետի 6-րդ, 7-րդ և 8-րդ ենթակետերը,
ը. N 2 ձևը շարադրել նոր խմբագրությամբ` համաձայն N 3 հավելվածի:
2. Հայաստանի Հանրապետության առողջապահության նախարարին՝ սույն որոշումն ուժի մեջ մտնելուց հետո եռամսյա ժամկետում Հայաստանի Հանրապետության կառավարության հաստատմանը ներկայացնել Հայաստանի Հանրապետության դեղերի և դեղանյութերի արտադրության` պատշաճ արտադրական գործունեության համապատասխանության վերաբերյալ իրականացվող փորձաքննության իրականացման կարգը, որը պետք է ներառի նաև փորձաքննության վճարների չափերը:
3. Հայաստանի Հանրապետության առողջապահության նախարարին` սույն որոշումն ուժի մեջ մտնելուց հետո եռամսյա ժամկետում Հայաստանի Հանրապետության առողջապահության նախարարության պաշտոնական կայք էջում տեղադրել, հետագայում թարմացնելով կիսամյակային պարբերականությամբ, տեղեկատու դեղատների հասցեներն ու հեռախոսահամարները, հիմնական դեղերի ցանկը, առանց դեղատոմսի բաց թողնվող դեղերի ցանկը:
4. Սույն որոշումն ուժի մեջ է մտնում պաշտոնական հրապարկման օրվան հաջորդող իննսուներորդ օրը` բացառությամբ մինչև սույն որոշումն ուժի մեջ մտնելը դեղերի արտադրության, դեղատնային գործունեության, բժշկական օգնության և սպասարկման, ինչպես նաև բժշկական նախնական մասնագիտական (արհեստագործական), միջին մասնագիտական և բարձրագույն (մասնագիտական) կրթական ծրագրերի իրականացման լիցենզիա ստացած անհատ ձեռնարկատերերի և իրավաբանական անձանց, որոնց համար սույն որոշումն ուժի մեջ է մտնում պաշտոնական հրապարակումից վեց ամիս հետո:
|
Հայաստանի Հանրապետության |
Տ. Սարգսյան |
|
2013 թ. սեպտեմբերի 13 Երևան |
|
Հավելված N 1 ՀՀ կառավարության 2013 թվականի օգոստոսի 1-ի N 956-Ն որոշման |
«Ձև N 1
ՀՀ առողջապահության նախարար
__________________________________________________-ին
| (անունը, հայրանունը, ազգանունը) |
Հ Ա Յ Տ
ԴԵՂԵՐԻ ԱՐՏԱԴՐՈՒԹՅԱՆ ԻՐԱԿԱՆԱՑՄԱՆ ԼԻՑԵՆԶԻԱ ՍՏԱՆԱԼՈՒ ՄԱՍԻՆ
1. Իրավաբանական անձի անվանումը, անհատ ձեռնարկատիրոջ անունը, ազգանունը ________________
_________________________________________________________________________________
2. Գործունեության իրականացման վայրը, հեռախոսահամարը, էլեկտրոնային փոստի հասցեն և ինտերնետային պաշտոնական կայքի հասցեն (առկայության դեպքում) ____________________________
__________________________________________________________________________________
3. Իրավաբանական անձի վկայականի պետական գրանցման համարը □□□□□□□□□□
4. Անհատ ձեռնարկատիրոջ հաշվառման վկայականի հաշվառման համարը □□□□□□□□□□
5. □ Վճարված է պետական տուրք (նշում կատարվում է պետական տուրքը նախապես վճարված լինելու դեպքում)
6. Կից ներկայացնում եմ`
□
Դեղերի արտադրության կանոնակարգում պարտադիր ներկայացվող տեղեկությունների ցանկը (1 օրինակից),□
Փորձաքննություն իրականացնող կազմակերպության կողմից տրված դրական փորձագիտական եզրակացությունը` հայտավորված գործունեության համար նախատեսված ապրանքների, առարկաների, սարքավորումների, տարածքների և տեխնիկատեխնոլոգիական հագեցվածության վերաբերյալ:□
Լիցենզավորման ենթակա գործունեության իրականացման համար նախատեսված տարածքի նկատմամբհայտատուի սեփականության (օգտագործման) իրավունքի պետական գրանցման վկայականի պատճենը:
Ներկայացված տեղեկությունների իսկությունը հաստատում եմ`
| ____________________________________________________________________ |
____ ___________ 201 թ.»: |
| (կազմակերպության տնօրենի/ անհատ ձեռնարկատիրոջ ստորագրությունը, անունը, հայրանունը, ազգանունը) |
|
Հայաստանի Հանրապետության |
Վ. Գաբրիելյան |
|
Հավելված N 2 ՀՀ կառավարության 2013 թվականի օգոստոսի 1-ի N 956-Ն որոշման |
«Ձև N 1
ՀՀ առողջապահության նախարար
__________________________________________________-ին
| (անունը, ազգանունը) |
Հ Ա Յ Տ
ԴԵՂԱՏՆԱՅԻՆ ԳՈՐԾՈՒՆԵՈՒԹՅԱՆ ԻՐԱԿԱՆԱՑՄԱՆ ԼԻՑԵՆԶԻԱ ՍՏԱՆԱԼՈՒ ՄԱՍԻՆ
1. Իրավաբանական անձի անվանումը/անհատ ձեռնարկատիրոջ անունը, ազգանունը ______________
_________________________________________________________________________________
2. Գործունեության իրականացման վայրը, հեռախոսահամարը ________________________________
_________________________________________________________________________________
3. Իրավաբանական անձի վկայականի պետական գրանցման համարը □□□□□□□□□□
4. Անհատ ձեռնարկատիրոջ վկայականի հաշվառման համարը □□□□□□□□□□
5. Իրավաբանական անձի/անհատ ձեռնարկատիրոջ էլեկտրոնային փոստի հասցեն և ինտերնետային պաշտոնական կայքի հասցեն (առկայության դեպքում)
_______________________________________________________________________
_________________________________________________________________________________
6. □ Վճարված է պետական տուրք (նշում կատարվում է պետական տուրքը նախապես վճարված լինելու դեպքում)
7. Դեղատնային գործունեության իրականացման ձևը
□
դեղատուն՝ ստերիլ դեղերի պատրաստմամբ □ դեղատուն՝ առանց ստերիլ դեղերի պատրաստման
□
դեղատնային կրպակ
8. Թմրամիջոցներ կամ հոգեմետ նյութեր պարունակող դեղերի իրացում և (կամ) բացթողում
□
այո
□
ոչ
9. Դեղերի պատրաստման համար պարտադիր տեխնիկատեխնոլոգիական հագեցվածություն (դեղատնային
գործունեությունը դեղատնային կրպակի միջոցով իրականացնելու դեպքում սույն կետը չի լրացվում)
|
□ |
ասիստենտական սեղան | □ | հավանգ | |
|
□ |
չորացնող-մանրէազերծող պահարան | □ | կշեռքներ և կշռաքարեր` դեղանյութի կշռման համար | |
|
□ |
մանրէասպան (բակտերիոցիդ) լամպ | □ | տեխնիկական լաբորատոր կշեռք | |
|
□ |
թորած ջրի ստացման սարք | □ | շտանգլասների հավաքածու | |
|
□ |
հեղուկ դեղերի լցաբաժանման սարք | □ | դեղերի և դեղանյութերի պտտարան-պահարաններ | |
|
□ |
հեղուկների չափիչ ամանեղեն | □ | սառնարան | |
|
□ |
օդի խոնավությունը որոշող սարք | □ | երկաթե պահարան | |
|
□ |
տաքացուցիչ` ջերմակայունարարով | □ | սենյակային ջերմաչափ | |
|
□ |
լաբորատոր ամանեղեն |
10. Դեղատանը/դեղատնային կրպակում թղթային կամ էլեկտրոնային տարբերակով առկա են`
□
դեղերի պետական գրանցամատյանը□
հիմնական դեղերի ցանկը□
առանց դեղատոմսի բաց թողնվող դեղերի ցանկը□
դեղագրքեր և դեղագիտական-տեղեկատվական ձեռնարկներ
11. Դեղատան/դեղատնային կրպակի տարածքներ և դրանց հագեցվածություն
|
Դեղատան կամ դեղատնային կրպակի տարածքներ |
Թույլատրելի նվազագույն չափեր (քառակուսի մետրերով) |
Դեղատան կամ դեղատնային կրպակի տարածքների չափերը (քառակուսի մետրերով) |
Դեղատան կամ դեղատնային կրպակի տարածքների տեխնիկական հագեցվածությունը | |
|
1. |
Առևտրի սրահ, սպասասրահ |
18 |
1. Առևտրի սրահում` □ ցուցադրման սեղաններ□ ցուցապահարաններ □ փակ պահարաններ □ վաճառասեղան □ սառնարան □ ջերմաչափ □ հեռախոս | |
|
2. |
դեղերի ստերիլիզացման սենյակ |
10 |
||
|
3. |
դեղատոմսերի ընդունման և պատրաստված դեղերի բացթողման բաժին |
7 |
||
|
4. |
ասիստենտական սենյակ |
8 |
||
|
5. |
փաթեթավորման սենյակ` լվացարանով |
4 |
||
|
6. |
ստերիլ դեղերի պատրաստման սենյակ |
10 |
||
|
7. |
ամանեղենի մանրէազերծման սենյակ |
6 |
||
|
8. |
պահեստ |
15 |
□ փակ պահարաններ □ վիրակապական և ռետինե ապրանքների համար առանձին պահարաններ □ խոնավաչափ | |
|
9. |
շշերի պահպանման սենյակ |
6 |
||
|
10. |
դեղափոշիների պահպանման սենյակ |
8 |
||
|
11. |
գրասենյակ, հանգստի սենյակ |
8 |
□ գրասեղան □ աթոռներ □ հագուստի պահարան (անձնական և աշխատանքային հագուստը պետք է միմյանցից մեկուսացված լինեն) □ թախտ կամ բազմոց | |
|
12. |
տնտեսական ապրանքների պահպանման սենյակ |
2 |
||
|
13. |
սանհանգույց` լվացարանով |
2 |
Եթե դեղատնային գործունեությունն իրականցվելու է`
ա) առանց ստերիլ դեղերի պատրաստման դեղատան միջոցով, ապա 2-րդ և 6-րդ կետերը պարտադիր չեն,
բ) դեղատնային կրպակի միջոցով, ապա պարտադիր են միայն 1-ին, 11-րդ և 13-րդ կետերը,
գ) հասարակական շենքերի (առևտրի կենտրոններ, սուպերմարկետներ և այլն), բժշկական հաստատությունների, վարչական շենքերի, մետրոների, օդանավակայանների, երկաթուղային և ավտոկայարանների սպասասրահներում տեղադրվող դեղատնային կրպակների միջոցով, ապա առանձին սպասասրահ ու սանհանգույց ունենալը պարտադիր չէ, եթե դրանցում կան ընդհանուր օգտագործման սանհանգույց և սպասասրահ: Այս դեպքերում առևտրի սրահի նվազագույն թույլատրելի չափը սահմանվում է 8 քառ. մետր:
12. Դեղատան/դեղատնային կրպակի պահեստը (առկայության դեպքում) սարքավորված է ազդանշանային համակարգով, որն ունի պահեստային էլեկտրասնուցման աղբյուր
□
այո□
ոչկամ
դեղատունը կամ դեղատնային կրպակն ունի հատակին ամրացված չհրկիզվող պահարան (պարտադիր է միայն թմրամիջոցներ կամ հոգեմետ նյութեր պարունակող դեղերի իրացում և (կամ) բացթողում իրականացնող դեղատների/դեղատնային կրպակների համար)
□
այո□
ոչ
13. Դեղատունը/դեղատնային կրպակը հանդիսանում է տեղեկատու
□
այո□
ոչ
13. Դեղատունը/դեղատնային կրպակը հանդիսանում է կլինիկական ամբիոն կամ ուսումնական բազա
|
□ այո |
____________________________ |
|
(հաստատության անվանումը) |
14. Դեղատան/դեղատնային կրպակի աշխատանքային ժամերը _____________ կամ շուրջօրյա □
ընդմիջումը___________________________
հանգստյան օրերը _________________________
15. Կից ներկայացնում եմ՝
□
Լիցենզավորման ենթակա գործունեության իրականացման համար նախատեսված տարածքի նկատմամբ հայտատուի սեփականության (օգտագործման) իրավունքի պետական գրանցման վկայականի և իրավասու մարմնի կողմից տրված գործունեության համար նախատեսված տարածքի հատակագծի պատճենները:
□
Գործունեության իրականացման վայրում տեղադրված հսկիչ-դրամարկղային մեքենայի գրանցման քարտիպատճենը:
Ներկայացված տեղեկությունների իսկությունը հաստատում եմ`
________________________________________________________________________________________
(կազմակերպության տնօրենի/ անհատ ձեռնարկատիրոջ ստորագրությունը, անունը, հայրանունը, ազգանունը)
| _____ | ________________ | _________ »: |
| օրը |
ամիսը |
տարեթիվը |
|
Հայաստանի Հանրապետության |
Վ. Գաբրիելյան |
|
Հավելված N 3 ՀՀ կառավարության 2013 թվականի օգոստոսի 1-ի N 956-Ն որոշման |
«Ձև N 2
ՀՀ առողջապահության նախարար
__________________________________________________-ին
| (անունը, ազգանունը) |
Հ Ա Յ Տ
ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ԻՐԱԿԱՆԱՑՄԱՆ ԼԻՑԵՆԶԻԱ ՍՏԱՆԱԼՈՒ ՄԱՍԻՆ
1. Իրավաբանական անձի անվանումը, անհատ ձեռնարկատիրոջ անունը, ազգանունը ______________
________________________________________________________________________________
2. Գործունեության իրականացման վայրը, հեռախոսահամարը ________________________________
________________________________________________________________________________
3. Իրավաբանական անձի վկայականի պետական գրանցման համարը □□□□□□□□□□
4. Անհատ ձեռնարկատիրոջ վկայականի հաշվառման համարը □□□□□□□□□□
5. □ Վճարված է պետական տուրք (նշում կատարվում է պետական տուրքը նախապես վճարված լինելու դեպքում):
6. □ Գործունեության տեսակները համապատասխանում են ՀՀ կառավարության 2008 թվականի մարտի 27-ի N 276-Ն որոշմամբ հաստատված բժշկական օգնության և սպասարկման տեսակների ցանկին և հետևյալն են՝
1. ________________________________________________________________________________
2. ________________________________________________________________________________
(նշել բուժհաստատության գործառնական ստորաբաժանումները)
7. □ Հիվանդանոցային բժշկական օգնության և սպասարկման դեպքում՝ նախատեսվող մահճակալների թիվը_____:
8. □ Տեխնիկական հագեցվածությունը և մասնագիտական որակավորումը համապատասխանում են
ՀՀ կառավարության 2002 թվականի դեկտեմբերի 5-ի N 1936-Ն որոշման պահանջներին:
Սույն կետը չի լրացվում ստոմատոլոգիական բժշկական օգնություն և սպասարկում իրականացնող
կազմակերպությունների կողմից:
9. □ Տեխնիկական հագեցվածությունը և մասնագիտական որակավորումը համապատասխանում են
ՀՀ կառավարության 2009 թվականի հոկտեմբերի 29-ի N 1275-Ն որոշման պահանջներին:
Սույն կետը լրացվում է ստոմատոլոգիական բժշկական օգնություն և սպասարկում իրականացնող
կազմակերպությունների կողմից:
10. □ Առկա է պահեստ ______ քառակուսի մետր ընդհանուր մակերեսով, որն ունի`
□
խոնավաչափ□
փակ պահարաններ□
վիրակապական և ռետինե ապրանքների համար առանձին պահարաններ
Սույն կետը լրացվում է պահեստի առկայության դեպքում
11. Հանդիսանում է կլինիկական ամբիոն կամ ուսումնական բազա
□
այո□
ոչ
12. □ Սարքավորված է ազդանշանային համակարգով:
Սույն կետը լրացվում է թմրամիջոցներ կամ հոգեմետ նյութեր պարունակող դեղերի բաց թողնելու և (կամ)
կիրառելու դեպքում:
13. Կից ներկայացնում եմ`
□
Լիցենզավորման ենթակա գործունեության իրականացման համար նախատեսված տարածքի նկատմամբհայտատուի սեփականության (օգտագործման) իրավունքի պետական գրանցման վկայականի և իրավասու
մարմնի կողմից տրված գործունեության համար նախատեսված տարածքի հատակագծի պատճենները:
□
Գործունեության իրականացման վայրում տեղադրված հսկիչ-դրամարկղային մեքենայի գրանցման քարտի պատճենը:
Ներկայացված տեղեկությունների իսկությունը հաստատում եմ`
| ____________________________________________________________________ |
____ ___________ 201 թ.»: |
| (կազմակերպության տնօրենի/ անհատ ձեռնարկատիրոջ ստորագրությունը, անունը, հայրանունը, ազգանունը) |
|
Հայաստանի Հանրապետության |
Վ. Գաբրիելյան |
| Փոփոխող ակտ | Համապատասխան ինկորպորացիան |
|---|
| Փոփոխող ակտ | Համապատասխան ինկորպորացիան |
|---|