ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

20 հունիսի 2013 թվականի N 912-Ն

ԳՆՈՒՄՆԵՐԻ ԳՈՐԾԸՆԹԱՑԸ ԿԱԶՄԱԿԵՐՊԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2011 թվականի փետրվարի 10-ի N 168-Ն որոշմամբ հաստատված գնումների գործընթացի կազմակերպման կարգի 32-րդ կետի 5-րդ ենթակետի «բ» պարբերությունը` Հայաստանի Հանրապետության կառավարությունը որոշում է.

Համարել անհետաձգելի և սահմանել, որ Հայաստանի Հանրապետության պաշտպանության նախարարությունը 3 500 տոննա դիզելային վառելիք ձեռք է բերելու «ՌԱԻՆ ԲՈՈՒ» ֆիրմայից՝ «Գնումների մասին» Հայաստանի Հանրապետության օրենքի 20-րդ հոդվածի 5-րդ մասի 2-րդ կետով նախատեսված բանակցային ընթացակարգով՝ առանց գնումների հայտարարությունը նախապես հրապարակելու, 1 տոննան առավելագույնը 1 150 ԱՄՆ-ի դոլարին համարժեք դրամի սահմաններում, որը ներառում է մինչև Հայաստանի Հանրապետության սահմանային անցակետ տեղափոխման և մաքսազերծման հետ կապված բոլոր ծախսերը:

Հայաստանի Հանրապետության վարչապետ	Տ. Սարգսյան
2013 թ. օգոստոսի 29 Երևան