Գլխավոր տեղեկություն
Номер
N 380-Ա
Տիպ
Որոշում
Тип
Исходный акт (20.04.2013-по сей день)
Статус
Գործում է
Первоисточник
Չի հրապարակվել պաշտոնական պարբերականում
Принят
ՀՀ կառավարություն
Дата принятия
18.04.2013
Подписан
Վարչապետի պաշտոնակատար
Дата подписания
19.04.2013
Дата вступления в силу
20.04.2013

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

18 ապրիլի 2013 թվականի N 380-Ա

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ՄԻՋԱԶԳԱՅԻՆ ԶԱՐԳԱՑՄԱՆ ԸՆԿԵՐԱԿՑՈՒԹՅԱՆ ՄԻՋԵՎ 2005 ԹՎԱԿԱՆԻ ՀՈՒԼԻՍԻ 20-ԻՆ ԿՆՔՎԱԾ N 4095 AM ՎԱՐԿԱՅԻՆ ՀԱՄԱՁԱՅՆԱԳՐԻ ՇՐՋԱՆԱԿՆԵՐՈՒՄ  ԻՐԱԿԱՆԱՑՎՈՂ ՄԻՋՈՑԱՌՈՒՄՆԵՐԻ ՄԱՍԻՆ

 

Հայաստանի Հանրապետության և Միջազգային զարգացման ընկերակցության միջև 2005 թվականի հուլիսի 20-ին կնքված N 4095 AM վարկային համաձայնագրով իրականացված Գյուղական ձեռնարկությունների և փոքրածավալ առևտրային գյուղատնտեսության զարգացման ծրագրի շրջանակներում Հայաստանի Հանրապետության երկու համայնքներում կառուցված գազատարների շահագործումն ապահովելու և այդ գազատարներով սպառողներին անխափան գազամատակարարում իրականացնելու նպատակով և ղեկավարվելով Հայաստանի Հանրապետության քաղաքացիական օրենսգրքի 594-րդ և 605-րդ հոդվածներով` Հայաստանի Հանրապետության կառավարությունը որոշում է.

1. Գյուղական ձեռնարկությունների և փոքրածավալ առևտրային գյուղատնտեսության զարգացման ծրագրի շրջանակներում ձեռք բերված գույքի կազմից 79 769 242 դրամ արժողությամբ գույքը Հայաստանի Հանրապետության օրենսդրությամբ սահմանված կարգով նվիրաբերել համայնքներին՝ համաձայն հավելվածի:

2. Հայաստանի Հանրապետության Շիրակի և Լոռու մարզպետներին` օժանդակել սույն որոշման 1-ին կետում նշված գույքի հանձնման-ընդունման գործընթացի իրականացմանը։

3. Հայաստանի Հանրապետության գյուղատնտեսության նախարարին՝ ապահովել սույն որոշման հավելվածում նշված գույքի նվիրաբերության պայմանագրերի կնքումը համապատասխան համայնքների հետ:

4. Առաջարկել Հայաստանի Հանրապետության համապատասխան տեղական ինքնակառավարման մարմիններին Հայաստանի Հանրապետության կառավարության 1999 թվականի դեկտեմբերի 22-ի N 765 որոշման 1-ին կետի «ա» ենթակետով հաստատված կանոնակարգի 18-րդ կետի դրույթներին համապատասխան ապահովել սույն որոշման 1-ին կետում նշված գույքի ձևակերպումն ու հաշվառումը:

5. Հայաստանի Հանրապետության Շիրակի և Լոռու մարզպետներին`

1) քննարկել համայնքների ղեկավարների հետ Հայաստանի Հանրապետության օրենսդրությամբ սահմանված կարգով սույն որոշման հավելվածում նշված գույքի նվիրատվության հարցը Հայաստանի Հանրապետությանը` ի դեմս Հայաստանի Հանրապետության էներգետիկայի և բնական պաշարների նախարարության աշխատակազմի.

2) օժանդակել սույն կետի 1-ին ենթակետում նշված համայնքների կողմից գույքի նվիրատվության պայմանագրերի կնքմանը «Հայաստանի Հանրապետության էներգետիկայի և բնական պաշարների նախարարության աշխատակազմ» պետական կառավարչական հիմնարկի հետ.

3) Հայաստանի Հանրապետության էներգետիկայի և բնական պաշարների նախարարի հետ համատեղ օժանդակել սույն կետի 1-ին ենթակետում նշված գույքի հանձնման-ընդունման գործընթացի իրականացմանը։

 

Հայաստանի Հանրապետության
վարչապետի պաշտոնակատար

  Տ. Սարգսյան

 

2013 թ. ապրիլի 19

Երևան

  

 

 

Հավելված

ՀՀ կառավարության 2013 թվականի

ապրիլի 18-ի N 380-Ա որոշման

 

Ց Ա Ն Կ

 

ԳՅՈՒՂԱԿԱՆ ՁԵՌՆԱՐԿՈՒԹՅՈՒՆՆԵՐԻ ԵՎ ՓՈՔՐԱԾԱՎԱԼ ԱՌԵՎՏՐԱՅԻՆ ԳՅՈՒՂԱՏՆՏԵՍՈՒԹՅԱՆ ԶԱՐԳԱՑՄԱՆ ԾՐԱԳՐԻ ՇՐՋԱՆԱԿՆԵՐՈՒՄ ՁԵՌՔ ԲԵՐՎԱԾ ԳՈՒՅՔԻ (ԿԱՌՈՒՑՎԱԾ ԳԱԶԱՏԱՐՆԵՐԻ)

 

NN
ը/կ

Համայնքի անվանումը

Գույքի անվանումը

Ձեռքբերման (կառուցման) տարեթիվը

Արժեքը
(դրամ)

գազատարը
 (մ)

սարքավորումը
(հատ)

1.

ՀՀ Շիրակի մարզի
Հայկավանի համայնք

5142

5

13.11.2009 թ.

50 847 310

2.

ՀՀ Լոռու մարզի
Մեծ Այրումի համայնք

2592

4

20.04.2010 թ.

28 921 932

Ընդամենը

79 769 242

 

Հայաստանի Հանրապետության
կառավարության աշխատակազմի
ղեկավար
 Դ. Սարգսյան