ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

25 մարտի 2013 թվականի N 225-Ա

ՊԱՏՎԻՐԱԿՈՒԹՅՈՒՆ ԱՐԱԲԱԿԱՆ ՄԻԱՑՅԱԼ ԷՄԻՐՈՒԹՅՈՒՆՆԵՐ, ՔՈՒՎԵՅԹԻ ՊԵՏՈՒԹՅՈՒՆ ԵՎ ԿԱՏԱՐԻ ՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայ-էմիրաթական, հայ-քուվեյթյան և հայ-կատարական օրակարգային հարցերը արաբական կողմի համապատասխան պաշտոնյաների հետ քննարկելու նպատակով 2013 թվականի մարտի 19-ին՝ Արաբական Միացյալ Էմիրություններ, մարտի 20-ին՝ Քուվեյթի Պետություն և մարտի 21-22-ը՝ Կատարի Պետություն գործուղել պատվիրակություն` համաձայն հավելվածի:

2. Ա. Գևորգյանի և Ս. Ամիրբեկյանի՝ սույն որոշման 1-ին կետում նշված երկրներ գործուղման հետ կապված ծախսերը կատարել Հայաստանի Հանրապետության 2013 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին` համաձայն փաստացի ծախսերը հիմնավորող փաստաթղթերի:

3. Մ. Մկրտումյանի՝ սույն որոշման 1-ին կետում նշված երկրներ գործուղման հետ կապված ծախսերը կատարել Հայաստանի Հանրապետության 2013 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին՝ համաձայն Հայաստանի Հանրապետության տարածքային կառավարման նախարարության ներկայացրած հաշվետվությունների:

(3-րդ կետը խմբ. 13.04.13 N 279-Ա) 

4. Հայաստանի Հանրապետության արտաքին գործերի նախարարին՝ լուծել պատվիրակության Արաբական Միացյալ Էմիրություններ, Քուվեյթի Պետություն և Կատարի Պետություն գործուղման հետ կապված հարցերը:

5. Հայաստանի Հանրապետության փոխվարչապետ, Հայաստանի Հանրապետության տարածքային կառավարման նախարարին՝ գործուղումից վերադառնալուց հետո եռօրյա ժամկետում Հայաստանի Հանրապետության վարչապետին ներկայացնել Արաբական Միացյալ Էմիրություններ, Քուվեյթի Պետություն և Կատարի Պետություն գործուղման արդյունքների մասին հաշվետվություն:

Հայաստանի Հանրապետության վարչապետ	Տ. Սարգսյան
2013 թ. մարտի 25 Երևան

Հավելված ՀՀ վարչապետի 2013 թ. մարտի 25-ի N 225-Ա որոշման

Կ Ա Զ Մ

2013 ԹՎԱԿԱՆԻ ՄԱՐՏԻ 19-22-Ը ԱՐԱԲԱԿԱՆ ՄԻԱՑՅԱԼ ԷՄԻՐՈՒԹՅՈՒՆՆԵՐ, ՔՈՒՎԵՅԹԻ ՊԵՏՈՒԹՅՈՒՆ ԵՎ ԿԱՏԱՐԻ ՊԵՏՈՒԹՅՈՒՆ ՄԵԿՆՈՂ ՊԱՏՎԻՐԱԿՈՒԹՅԱՆ

Ա. Գևորգյան	- ՀՀ փոխվարչապետ, ՀՀ տարածքային կառավարման նախարար  (պատվիրակության ղեկավար)
Ս. Ամիրբեկյան	- ՀՀ փոխվարչապետ, տարածքային կառավարման նախարարի խորհրդական
Մ. Մկրտումյան	- թարգմանիչ

(հավելվածը փոփ. 13.04.13 N 279-Ա) 

Հայաստանի Հանրապետության կառավարության աշխատակազմի ղեկավար

Դ. Սարգսյան