Գլխավոր տեղեկություն
Номер
N 725-Ն
Տիպ
Որոշում
Тип
Ինկորպորացիա (29.07.2013-մինչ օրս)
Статус
Գործում է
Первоисточник
ՀՀՊՏ 2013.07.19/39(979) Հոդ.711
Принят
ՀՀ կառավարություն
Дата принятия
10.07.2013
Подписан
ՀՀ վարչապետ
Дата подписания
15.07.2013
Дата вступления в силу
29.07.2013

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

10 հուլիսի 2013 թվականի N 725-Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ՆՈՅԵՄԲԵՐԻ 7-Ի N 1920-Ն, 2002 ԹՎԱԿԱՆԻ ԴԵԿՏԵՄԲԵՐԻ 26-Ի N 2176-Ն ԵՎ 2012 ԹՎԱԿԱՆԻ ՆՈՅԵՄԲԵՐԻ 1-Ի N 1425-Ն ՈՐՈՇՈՒՄՆԵՐՈՒՄ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

 

Հայաստանի Հանրապետության կառավարությունը որոշում է.

1. Ուժը կորցրած ճանաչել Հայաստանի Հանրապետության կառավարության 2002 թվականի նոյեմբերի 7-ի «Երևանի Կոմիտասի անվան պետական կոնսերվատորիա» պետական հիմնարկը վերակազմակերպելու և «Երևանի Կոմիտասի անվան պետական կոնսերվատորիա» պետական ոչ առևտրային կազմակերպության կանոնադրությունը հաստատելու մասին» N 1920-Ն որոշման հավելվածի 3.1-ին կետը:

2. Ուժը կորցրած ճանաչել Հայաստանի Հանրապետության կառավարության 2002 թվականի դեկտեմբերի 26-ի «Երևանի թատրոնի և կինոյի պետական ինստիտուտ» պետական հիմնարկը վերակազմակերպելու և «Երևանի թատրոնի և կինոյի պետական ինստիտուտ» պետական ոչ առևտրային կազմակերպության կանոնադրությունը հաստատելու մասին» N 2176-Ն որոշման հավելվածի 3.1-ին կետը:

3. Հայաստանի Հանրապետության կառավարության 2012 թվականի նոյեմբերի 1-ի «Հայաստանի Հանրապետության միջին մասնագիտական մի շարք ուսումնական հաստատություններ միացման ձևով վերակազմակերպելու, Հայաստանի Հանրապետության կառավարության 2002 թվականի դեկտեմբերի 26-ի N 2176-Ն, 2002 թվականի նոյեմբերի 7-ի N 1920-Ն, 2002 թվականի հունիսի 20-ի N 1009-Ն և 2010 թվականի օգոստոսի 5-ի N 1055-Ն որոշումներում լրացումներ և փոփոխություններ կատարելու մասին» N 1425-Ն որոշման մեջ կատարել հետևյալ փոփոխությունները՝

1) որոշման վերնագիրը շարադրել հետևյալ խմբագրությամբ.

«ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2002 ԹՎԱԿԱՆԻ ԴԵԿՏԵՄԲԵՐԻ 26-Ի N 2176-Ն, 2002 ԹՎԱԿԱՆԻ ՆՈՅԵՄԲԵՐԻ 7-Ի N 1920-Ն, 2002 ԹՎԱԿԱՆԻ ՀՈՒՆԻՍԻ 20-Ի N 1009-Ն ԵՎ 2010 ԹՎԱԿԱՆԻ ՕԳՈՍՏՈՍԻ 5-Ի N 1055-Ն ՈՐՈՇՈՒՄՆԵՐՈՒՄ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ».

2) որոշման նախաբանը շարադրել հետևյալ խմբագրությամբ.

«Հայաստանի Հանրապետության կառավարությունը որոշում է.».

3) չեղյալ ճանաչել որոշման 1-6-րդ կետերը:

4. Հայաստանի Հանրապետության կառավարությանն առընթեր պետական գույքի կառավարման վարչության պետին` սույն որոշումն ուժի մեջ մտնելուց հետո մեկամսյա ժամկետում Հայաստանի Հանրապետության մշակույթի նախարարի հետ համատեղ ապահովել «Երևանի էստրադային և ջազային արվեստի պետական քոլեջ» և «Երևանի մշակույթի պետական քոլեջ» պետական ոչ առևտրային կազմակերպությունների հետ Երևան քաղաքի Բագրատունյաց 37 հասցեում գտնվող անշարժ գույքի անհատույց օգտագործման մասին պայմանագրերի կնքումը՝ դրանցում նախատեսելով, որ պայմանագրերից բխող նոտարական վավերացումները և գույքային իրավունքների պետական գրանցումներն իրականացվելու են «Երևանի էստրադային և ջազային արվեստի պետական քոլեջ» և «Երևանի մշակույթի պետական քոլեջ» պետական ոչ առևտրային կազմակերպությունների միջոցների հաշվին:

5. Հայաստանի Հանրապետության կրթության և գիտության նախարարին`

1) սույն որոշման 4-րդ և 5-րդ կետերում նշված գործընթացի ավարտից հետո եռամսյա ժամկետում Հայաստանի Հանրապետության մշակույթի նախարարի հետ համատեղ ապահովել Հայաստանի Հանրապետության կառավարության 2002 թվականի հունիսի 20-ի N 1009-Ն որոշման N 1 հավելվածի 67-րդ և 69-րդ կետերով ենթակայությունը փոխված «Երևանի էստրադային և ջազային արվեստի պետական քոլեջ» և «Երևանի մշակույթի պետական քոլեջ» պետական ոչ առևտրային կազմակերպությունների հանձնման-ընդունման ակտերի կնքումը.

2) սույն որոշումն ուժի մեջ մտնելուց հետո քառամսյա ժամկետում համապատասխան փոփոխություններ կատարել ենթակայությունը փոխված «Երևանի էստրադային և ջազային արվեստի պետական քոլեջ» և «Երևանի մշակույթի պետական քոլեջ» պետական ոչ առևտրային կազմակերպությունների կանոնադրություններում:

6. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

Հայաստանի Հանրապետության
վարչապետ

Տ. Սարգսյան

 

2013 թ. հուլիսի 15

Երևան

 

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան