Գլխավոր տեղեկություն
Номер
թիվ 308-Ն
Տիպ
Որոշում
Тип
Исходный акт (25.02.2013-по сей день)
Статус
Գործում է
Первоисточник
ՀՀԳՏ 2013.02.15/4(448).1 Հոդ.44.1
Принят
Կենտրոնական բանկի խորհուրդ
Дата принятия
13.11.2012
Подписан
Կենտրոնական բանկի նախագահ
Дата подписания
15.11.2012
Дата вступления в силу
25.02.2013

«Գրանցված է»

ՀՀ արդարադատության

նախարարության կողմից

7 փետրվարի 2013 թ.

Պետական գրանցման թիվ 05013039

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

 

13 նոյեմբերի 2012 թ.

 թիվ 308-Ն

 

Ո Ր Ո Շ ՈՒ Մ

 

2012-2013 ԹՎԱԿԱՆՆԵՐԻ ՀՈՒՇԱԴՐԱՄՆԵՐԻ ԹՈՂԱՐԿՄԱՆ ԾՐԱԳՐՈՎ ՆԱԽԱՏԵՍՎԱԾ «ՎԱՀՐԱՄ ՓԱՓԱԶՅԱՆԻ ԾՆՆԴՅԱՆ 125-ԱՄՅԱԿ», «ՍՏԵՓԱՆ ԱՂԱՋԱՆՅԱՆԻ ԾՆՆԴՅԱՆ 150-ԱՄՅԱԿ», «ԱՐԱ ԲԵՔԱՐՅԱՆԻ ԾՆՆԴՅԱՆ 100-ԱՄՅԱԿ» ԵՎ «ԲԵՆԻԱՄԻՆ ՄԱՐԳԱՐՅԱՆԻ ԾՆՆԴՅԱՆ 100-ԱՄՅԱԿ» ՀՈՒՇԱԴՐԱՄՆԵՐԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ԵՎ ԴՐԱՆՑ ՆԿԱՐԱԳՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ

 

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը` Հայաստանի Հանրապետության կենտրոնական բանկի խորհուրդը որոշում է.

1. 2013 թվականի հունվարի 14-ից շրջանառության մեջ դնել «Վահրամ Փափազյանի ծննդյան 125-ամյակ», «Ստեփան Աղաջանյանի ծննդյան 150-ամյակ», «Արա Բեքարյանի ծննդյան 100-ամյակ» և «Բենիամին Մարգարյանի ծննդյան 100-ամյակ» հուշադրամները:

2. Հաստատել սույն որոշման 1-ին կետով սահմանված հուշադրամների նկարագրությունները, որոնք հուշադրամների էսքիզների հետ մեկտեղ ներկայացված են Հավելվածում (կցվում է):

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

ՀՀ կենտրոնական

բանկի նախագահ

 Ա. Ջավադյան

 

2012 թ. նոյեմբերի 15

Երևան

 

 

Հավելված

 

Հաստատված է

ՀՀ կենտրոնական բանկի խորհրդի

2012 թվականի նոյեմբերի 13-ի

թիվ 308-Ն որոշմամբ

 

Ն Կ Ա Ր Ա Գ Ր ՈՒ Թ Յ ՈՒ Ն

 

1. «Վահրամ Փափազյանի ծննդյան 125-ամյակ» հուշադրամի նկարագրությունը

 

Հայաստանի Հանրապետության կենտրոնական բանկը թողարկել է Վահրամ Փափազյանի ծննդյան 125-ամյակին նվիրված հուշադրամ:

 

Հուշադրամի դիմերեսին պատկերված են դիմակներ, որոնք խորհրդանշում են թատրոնը: Դիմակներից ձախ՝ հուշադրամի թողարկման տարեթիվն է՝ «2013»: Ներքևում՝ վարագույրի ֆոնին, անվանական արժեքն է` «10000 ԴՐԱՄ», իսկ շրջագծով՝ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ» մակագրությունը:

 

Հուշադրամի դարձերեսին Վահրամ Փափազյանի դիմանկարն է: Ներքևի մասում «1888» և «1968» տարեթվերն են, աջ և ձախ կողմերում, վարագույրի ֆոնին՝ «ՎԱՀՐԱՄ ՓԱՓԱԶՅԱՆ» մակագրությունները:

 

Հուշադրամի բնութագիրը

   
Անվանական արժեքը

10 000 դրամ

Մետաղը և հարգը ոսկի, 9000
Քաշը 8,6 գ
Տրամագիծը 22,0 մմ
Դրամաշուրթը ատամնավոր
Որակը պրուֆ
Տպաքանակը 1000 հատ

 

Հուշադրամի էսքիզների հեղինակն է Էդուարդ Կուրղինյանը:

Հուշադրամը հատվել է Նիդեռլանդների արքայական դրամահատարանում:

 

 

1.1 «Վահրամ Փափազյանի ծննդյան 125-ամյակ» հուշադրամի դիմերեսի և դարձերեսի էսքիզները

 

Ներմուծեք նկարագրությունը_2190

 

Ն Կ Ա Ր Ա Գ Ր ՈՒ Թ Յ ՈՒ Ն

 

2. «Ստեփան Աղաջանյանի ծննդյան 150-ամյակ» հուշադրամի նկարագրությունը

 

Հայաստանի Հանրապետության կենտրոնական բանկը թողարկել է Ստեփան Աղաջանյանի ծննդյան 150-ամյակին նվիրված հուշադրամ:

 

Հուշադրամի դիմերեսին պատկերված է դրվագ «Նկարչի քրոջ աղջիկը» նկարից և նույն դրվագի գծանկարը: Վերևի ձախ մասում հուշադրամի թողարկման տարեթիվն է` «2013», ներքևի մասում անվանական արժեքն է` «100 դրամ»: Վերևի և ներքևի եզրաշուրթով` «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ» մակագրություններն են:

 

Հուշադրամի դարձերեսին պատկերված են Ստեփան Աղաջանյանի դիմանկարը, ներկապնակ և վրձիններ: Վերևի և ներքևի եզրաշուրթով` «ՍՏԵՓԱՆ ԱՂԱՋԱՆՅԱՆ 1863-1940» և «STEPAN AGHAJANIAN» մակագրություններն են:

 

Հուշադրամի բնութագիրը
   
Անվանական արժեքը

100 դրամ

Մետաղը և հարգը արծաթ, 9250
Քաշը 28,28 գ
Չափը 28,0x40,0 մմ
Դրամաշուրթը հարթ
Որակը լավացված
Տպաքանակը 500 հատ

 

Հուշադրամի էսքիզների հեղինակն է Վարդան Վարդանյանը:

Հուշադրամը հատվել է Նիդեռլանդների արքայական դրամահատարանում:

 

2.1 «Ստեփան Աղաջանյանի ծննդյան 150-ամյակ» հուշադրամի դիմերեսի և դարձերեսի էսքիզները

 

Ներմուծեք նկարագրությունը_2191

 

Ն Կ Ա Ր Ա Գ Ր ՈՒ Թ Յ ՈՒ Ն

 

3. «Արա Բեքարյանի ծննդյան 100-ամյակ» հուշադրամի նկարագրությունը

 

Հայաստանի Հանրապետության կենտրոնական բանկը թողարկել է Արա Բեքարյանի ծննդյան 100-ամյակին նվիրված հուշադրամ:

 

Հուշադրամի դիմերեսին պատկերված է դրվագ «Աշտարակ» կտավից: Վերևի ձախ մասում ՀՀ զինանշանն է և հուշադրամի թողարկման տարեթիվը` «2013»: Վերևի և ձախ եզրաշուրթերով «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» մակագրությունն է: Ներքևի մասում անվանական արժեքն է` «100 դրամ»:

 

Հուշադրամի դարձերեսին պատկերված են Արա Բեքարյանի դիմանկարը և «Քաջ Նազար» հեքիաթի նրա նկարազարդումը: Ձախ և ներքևի եզրաշուրթերով «ԱՐԱ ԲԵՔԱՐՅԱՆ» և «Արա Բեքարյան 1913-1986» մակագրություններն են:

 

Հուշադրամի բնութագիրը
 
Անվանական արժեքը

100 դրամ

Մետաղը և հարգը ոսկի, 9250
Քաշը 28,28 գ
Չափը 28,0x40,0 մմ
Դրամաշուրթը հարթ
Որակը լավացված
Տպաքանակը 500 հատ

 

Հուշադրամի էսքիզների հեղինակն է Էդուարդ Կուրղինյանը:

Հուշադրամը հատվել է Նիդեռլանդների արքայական դրամահատարանում:

 

3.1 «Արա Բեքարյանի ծննդյան 100-ամյակ» հուշադրամի դիմերեսի և դարձերեսի էսքիզները

 

Ներմուծեք նկարագրությունը_2192

 

Ն Կ Ա Ր Ա Գ Ր ՈՒ Թ Յ ՈՒ Ն

 

 

4. «Բենիամին Մարգարյանի ծննդյան 100-ամյակ» հուշադրամի նկարագրությունը

 

Հայաստանի Հանրապետության կենտրոնական բանկը թողարկել է Բենիամին Մարգարյանի ծննդյան 100-ամյակին նվիրված հուշադրամ:

 

Հուշադրամի դիմերեսին տիեզերքի և գալակտիկաների ոճավորված պատկերներ են: Ներքևի մասում հուշադրամի անվանական արժեքն է` «1000 դրամ» և թողարկման տարեթիվը՝ «2013», եզրագծով՝ «ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԵՆՏՐՈՆԱԿԱՆ ԲԱՆԿ» մակագրությունը:

 

Հուշադրամի դարձերեսին պատկերված են Բենիամին Մարգարյանի դիմանկարը և նրա կողմից հայտնաբերված գալակտիկաները:

Եզրագծով «ԲԵՆԻԱՄԻՆ ՄԱՐԳԱՐՅԱՆ» և «BENJAMIN MARGARYAN 1913-1985» մակագրություններն են:

 

Հուշադրամի բնութագիրը

 
   
Անվանական արժեքը

1000 դրամ

Մետաղը և հարգը ոսկի, 9250
Քաշը 33,6 գ
Տրամագիծը 40,0 մմ
Դրամաշուրթը ատամնավոր
Որակը պրուֆ
Տպաքանակը 500 հատ

 

Հուշադրամի էսքիզների հեղինակն է Վարդան Վարդանյանը:

Հուշադրամը հատվել է Նիդեռլանդների արքայական դրամահատարանում:

 

4.1 «Բենիամին Մարգարյանի ծննդյան 100-ամյակ» հուշադրամի դիմերեսի և դարձերեսի էսքիզները

 

Ներմուծեք նկարագրությունը_2193

Փոփոխման պատմություն
Փոփոխող ակտ Համապատասխան ինկորպորացիան
Փոփոխված ակտ
Փոփոխող ակտ Համապատասխան ինկորպորացիան