Հ Ա Մ Ա Տ Ե Ղ  Հ Ր Ա Մ Ա Ն

Ղեկավարվելով Հայաստանի Հանրապետության անտառային օրենսգրքի 7-րդ հոդվածի 1-ին մասի «ե5» կետով.

1. Հայաստանի Հանրապետության անտառային և բնության հատուկ պահպանվող տարածքներում առաջացած հրդեհներին արագ արձագանքելու և արդյունավետ հրդեհաշիջում իրականացնելու նպատակով սահմանել՝ անտառներում և բնության հատուկ պահպանվող տարածքներում հրդեհների արձագանքման պլանի օրինակելի ձևը՝ համաձայն հավելվածի։

2. Սույն հրամանն ուժի մեջ է մտնում պաշտոնական հրապարակմանը հաջորդող տասներորդ օրը:

Ա. ՓԱՄԲՈՒԽՉՅԱՆ   «24» նոյեմբերի 2022 թ. ք. Երևան

Հ. ՍԻՄԻԴՅԱՆ   «17» նոյեմբերի 2022 թ. ք. Երևան

Հավելված Արտակարգ իրավիճակների նախարարի 2022 թ. նոյեմբերի «24»-ի N 6-Ն և Շրջակա միջավայրի նախարարի 2022 թ. նոյեմբերի «17»-ի N 409-Ն համատեղ հրամանի

1. Անտառների կառավարումն իրականացվում է շրջակա միջավայրի նախարարության անտառային կոմիտեի «Հայանտառ» պետական ոչ առևտրային կազմակերպության կողմից, ինչն իր գործունեությունն իրականացնում է «Անտառտնտեսություն» մասնաճյուղերի միջոցով։ Բնության հատուկ պահպանվող տարածքների կառավարումն իրականացվում է՝ «Խոսրովի անտառ» պետական արգելոց, «Զանգեզուր» կենսոլորտային համալիր, «Դիլիջան» ազգային պարկ, «Սևան» ազգային պարկ, «Արգելոցապարկային համալիր», «Զիկատար» բնապահպանական կենտրոն և «Արփի լիճ» ազգային պարկ պետական ոչ առևտրային կազմակերպությունների միջոցով, վերջիններս իրենց գործունեությունն իրականացնում են համապատասխան մասնաճյուղերի միջոցով։

2. Սույն հավելվածի Աղյուսակ N 1-ում լրացվում են «Անտառտնտեսություն» մասնաճյուղի և բնության հատուկ պահպանվող տարածքի կառավարումն ապահովող պետական ոչ առևտրային կազմակերպության (այսուհետ՝ ԲՀՊՏ ՊՈԱԿ-ի)՝ ըստ մասնաճյուղերի, պահաբաժինների, անտառպետությունների, բնութագիրը (տարածքի ընդհանուր մակերեսը, տարածքում առկա ծառատեսակները): Աղյուսակ N 1-ից հետո կցվում է տարածքի քարտեզը։

Աղյուսակ N 1

3. «Անտառտնտեսություն» մասնաճյուղի, ԲՀՊՏ ՊՈԱԿ-ի տարածքներում բռնկված հրդեհաշիջման ղեկավարման պատասխանատուների վերաբերյալ տվյալները լրացվում են Աղյուսակ N 2-ում։

Աղյուսակ N 2

4. Հրդեհաշիջում իրականացնող ստորաբաժանումների, հրդեհաշիջմանը մասնակցող աշխատակիցների, հրդեհաշիջման միջոցների (առկա տրանսպորտային միջոցների, տեխնիկայի քանակի, այդ թվում նաև անտառային հրդեհների մարման համար նախատեսված տեխնիկական միջոցների քանակի ու տեսակի` հրշեջ ավտոմեքենաներ, հրշեջ մոտոպոմպեր, փողակներ, փողրակներ, ձեռքի պարզագույն գործիքներ՝ հեղուկացիր ուսապարկ սրսկիչներ, կտրող գործիքներ, կրակին հարվածող գործիքներ և այլն) և վառելանյութի պաշարի առկայության վերաբերյալ տեղեկությունը լրացվում է Աղյուսակ N 3-ում։

Աղյուսակ N 3

5. «Անտառտնտեսություն» մասնաճյուղի, ԲՀՊՏ ՊՈԱԿ-ի տարածքներում բռնկված հրդեհներին արձագանքող արտակարգ իրավիճակների նախարարության փրկարար ծառայության ստորաբաժանումների ցանկը լրացվում է Աղյուսակ N 4-ում։

Աղյուսակ N 4

6. «Անտառտնտեսություն» մասնաճյուղում և բնության հատուկ պահպանվող տարածքում և հարակից բնակավայրերում գտնվող ջրաղբյուրների կոորդինատները, դրանցից օգտվելու հնարավորությունների մասին տեղեկությունը լրացվում է Աղյուսակ N 5-ում։

Աղյուսակ N 5

7. «Անտառտնտեսություն» մասնաճյուղի և բնության հատուկ պահպանվող տարածքի առկա ճանապարհների, դրանց բնութագրի, երթևեկելու հնարավորությունների, հանքայնացված շերտերի և պատասխանատուների տվյալները լրացվում են Աղյուսակ N 6-ում։ Ճանապարհների քարտեզների էլեկտրոնային տարբերակները նախապես փոխանցվում են ՃԿԱԿ-ին։

Աղյուսակ N 6

8. «Անտառտնտեսություն» մասնաճյուղի և բնության հատուկ պահպանվող տարածքում բռնկված հրդեհների մարմանը ներգրավված անձանց սննդով, խմելու ջրով ապահովելու և անհրաժեշտության դեպքում՝ առաջին բուժօգնություն ցուցաբերելու հնարավորությունների մասին տեղեկությունը լրացվում է Աղյուսակ N 7-ում։

Աղյուսակ N 7

9. «Անտառտնտեսություն» մասնաճյուղի և բնության հատուկ պահպանվող տարածքում բռնկված հրդեհներին հարակից համայնքի բնակչությանը ներգրավելու և տեղական ինքնակառավարման մարմինների հետ փոխհամագործակցության հնարավորությունների վերաբերյալ անհրաժեշտ տեղեկությունները լրացվում են Աղյուսակ N 8-ում։

Աղյուսակ N 8

«ԱՆՏԱՌՏՆՏԵՍՈՒԹՅՈՒՆ» ՄԱՍՆԱՃՅՈՒՂԻ ԵՎ ԲՀՊՏ ՊՈԱԿ-Ի ՏԱՐԱԾՔՈՒՄ ԲՌՆԿՎԱԾ ՀՐԴԵՀՆԵՐԻՆ ՀԱՐԱԿԻՑ ՀԱՄԱՅՆՔԻ ԲՆԱԿՉՈՒԹՅԱՆ ԵՎ ՏԵՂԱԿԱՆ ԻՆՔՆԱԿԱՌԱՎԱՐՄԱՆԸ ՄԱՐՄՆԻ ՆԵՐԳՐԱՎՎԱԾՈՒԹՅՈՒՆԸ

10. «Անտառտնտեսություն» մասնաճյուղի և ԲՀՊՏ ՊՈԱԿ-ի կողմից տվյալ տարում նախատեսվող հրդեհային անվտանգության բարելավմանն ուղղված միջոցառումների մասին տեղեկությունը լրացվում է Աղյուսակ N 9-ում։

Աղյուսակ N 9

11. «Անտառտնտեսություն» մասնաճյուղում և բնության հատուկ պահպանվող տարածքներում ուղղաթիռների համար ժամանակավոր հատկացված վայրէջքային հրապարակների առկայության և կոորդինատների մասին տեղեկությունը լրացվում է Աղյուսակ N 10-ում։

Աղյուսակ N 10

12. «Անտառտնտեսություն» մասնաճյուղի և ԲՀՊՏ ՊՈԱԿ-ի տարածքում բջջային և ինտերնետ կապի առկայության, հասանելիության, ինչպես նաև հսկողական կետերի և դրանց պատասխանատու անձի տվյալները լրացվում են Աղյուսակ N 11-ում։

Աղյուսակ N 11

13. «Անտառտնտեսություն» մասնաճյուղի և ԲՀՊՏ ՊՈԱԿ-ի տարածքի հանգստյան գոտիներում և զբոսաշրջության երթուղիներում հրդեհային անվտանգության բարելավմանն ուղղությամբ իրականացված միջոցառումների (տեղադրվել են հրդեհաշիջման սկզբնական միջոցներ, փակցվել են պաստառներ, հրդեհների մասին ուղեցույց-հիշեցումներ և այլն) մասին տեղեկությունը լրացվում է Աղյուսակ N 12-ում։

Աղյուսակ N 12

14. «Անտառտնտեսություն» մասնաճյուղերի կամ բնության հատուկ պահպանվող տարածքներում բռնկված հրդեհների մարմանն անմիջապես ներգրավվում են համապատասխան «Անտառտնտեսություն» մասնաճյուղի և բնության հատուկ պահպանվող տարածքները կառավարող պետական ոչ առևտրային կազմակերպությունների ուժերն ու միջոցները: Հրդեհաշիջման աշխատանքները ղեկավարում է համապատասխան «Անտառտնտեսություն» մասնաճյուղերի կամ բնության հատուկ պահպանվող տարածքի հրդեհաշիջման համար պատասխանատու պաշտոնատար անձը: Եթե ներգրավված ուժերին չի հաջողվում մարել հրդեհը, ապա հրդեհաշիջման աշխատանքներին ներգրավվում են արտակարգ իրավիճակների նախարարության (այսուհետ՝ ԱԻՆ) փրկարար ծառայության (այսուհետ՝ ՓԾ) ստորաբաժանումները: Հրդեհաշիջման աշխատանքները սկզբնական փուլում ղեկավարում է ՓԾ համապատասխան մարզային փրկարարական վարչության պետը կամ նրան փոխարինող անձը: Հետախուզության արդյունքների և հրդեհների ծավալներից ելնելով, հրդեհաշիջման ղեկավարը ստեղծված իրավիճակի վերաբերյալ զեկուցում է ՓԾ վերադաս պետին, որից հետո որոշում է կայացվում հրդեհաշիջման աշխատանքներին պաշտպանության նախարարության, ոստիկանության ստորաբաժանումների, ինչպես նաև տեղական ինքնակառավարման մարմինների ու մոտակա համայնքների բնակչությանը ներգրավելու վերաբերյալ: ՓԾ-ի կողմից հրդեհաշիջման ղեկավարը, ստանալով անտառային հրդեհի մասին հաղորդագրությունը, անհապաղ միջոցներ է ձեռնարկում արդյունավետ հրդեհաշիջման աշխատանքների կազմակերպման ուղղությամբ: Անտառային կամ բնության հատուկ պահպանվող տարածքի անվտանգ տեղամասում ծավալվում է օպերատիվ շտաբ, որի կազմում ընդգրկվում են լիազոր մարմինների, տեղական ինքնակառավարման մարմինների ներկայացուցիչներ: Նշանակվում են հրդեհաշիջման աշխատանքների տեղամասերի ղեկավարներ, նրանց ենթակայությանը տրամադրվում են ուժեր և միջոցներ: Ուժերի և միջոցների ներգրավումը իրականացվում է ՓԾ Ճգնաժամային կառավարման ազգային կենտրոնի (այսուհետ՝ ՃԿԱԿ) միջոցով:

15. «Անտառտնտեսություն» մասնաճյուղի, ԲՀՊՏ ՊՈԱԿ-ի տարածքում հրդեհավտանգության հսկողությանն ուղղված միջոցառումների իրականացման ցանկը լրացվում է Աղյուսակ N 13-ում։

Աղյուսակ N 13

16. «Անտառտնտեսություն» մասնաճյուղի, ԲՀՊՏ ՊՈԱԿ-ի տարածքներում պարեկության (շրջայցի) կազմակերպման վերաբերյալ տեղեկությունը լրացվում է Աղյուսակ N 14-ում։

Աղյուսակ N 14

17. «Անտառտնտեսություն» մասնաճյուղի, ԲՀՊՏ ՊՈԱԿ-ի տարածքների հրդեհների վերաբերյալ ահազանգերի ստացումը և հաշվառումը լրացվում է Աղյուսակ N 15-ում։

Աղյուսակ N 15

18. «Անտառտնտեսություն» մասնաճյուղի, ԲՀՊՏ ՊՈԱԿ-ի տարածքներում բռնկված հրդեհների վերաբերյալ տեղեկատվությունն արտակարգ իրավիճակների նախարարությանը փոխանցող անձանց ցանկը լրացվում է Աղյուսակ N 16-ում։

Աղյուսակ N 16

19. «Անտառտնտեսություն» մասնաճյուղի, ԲՀՊՏ ՊՈԱԿ-ի տարածքների հրդեհների վերաբերյալ արտակարգ իրավիճակների նախարարությանը փոխանցվող ամփոփ տեղեկատվությունը լրացվում է Աղյուսակ N 17-ում։

Աղյուսակ N 17

20. ԱԻՆ ՓԾ ստորաբաժանումների անձնակազմի համակողմանի ապահովումն իրականացվում է ԱԻՆ ՓԾ թիկունքի և նյութատեխնիկական ապահովման վարչության կողմից։

21. Անտառային և բնության հատուկ պահպանվող տարածքներում արդյունավետ հրդեհաշիջում իրականացնելու նպատակով, կապը կազմակերպվում է արտակարգ իրավիճակների նախարարի, ՓԾ տնօրենի օպերատիվ շտաբի, հրդեհաշիջման շտաբի, հրդեհաշիջման տեղամասերի, ՓԾ ՃԿԱԿ-ի, մարզային ճգնաժամային կառավարման կենտրոնների միջև, ռադիոկայանների, բջջային և ֆիքսված կապի միջոցներով: Կապ կազմակերպվում է նաև արտակարգ իրավիճակների նախարարի և ՓԾ տնօրենի շարժական կառավարման կետերի հետ:

22. Անտառային և բնության հատուկ պահպանվող տարածքներում հետախուզությունն իրականացվում է հրդեհաշիջման ղեկավարումը ստանձնած ՓԾ պաշտոնատար անձի գլխավորությամբ` «Անտառտնտեսություն» մասնաճյուղի կամ ԲՀՊՏ ՊՈԱԿ-ի ներկայացուցչի մասնակցությամբ: Հետախուզությունը կարող է կատարվել ինչպես օդային, այնպես էլ ցամաքային եղանակով: Հետախուզության ընթացքում ձեռք բերված տվյալները վերլուծվում և զեկուցվում են արտակարգ իրավիճակների նախարարին, ՓԾ տնօրենին, ՓԾ կողմից հրդեհաշիջման ղեկավարին և փոխանցվում են ՓԾ ՃԿԱԿ-ին:

23. Անտառներում և բնության հատուկ պահպանվող տարածքներում հրդեհների արձագանքման պլանները մշակվում են անտառտնտեսությունների և բնության հատուկ պահպանվող տարածքների կառավարումն իրականացնող պետական ոչ առևտրային կազմակերպությունների կողմից և յուրաքանչյուր տարի մինչև մարտի 31-ը ներկայացվում են արտակարգ իրավիճակների նախարարության փրկարար ծառայության համապատասխան տարածքային ստորաբաժանման համաձայնեցմանը։

Պաշտոնական հրապարակման օրը՝ 25 նոյեմբերի 2022 թվական: