«Վավերացնում եմ»
Հայաստանի Հանրապետության
Նախագահ Ռ. Քոչարյան
2 ապրիլի 2007 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
15 փետրվարի 2007 թվականի N 344-Ն
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ԸՆԴՀԱՆՈՒՐ ՕԳՏԱԳՈՐԾՄԱՆ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՊԱՐՏԱԴԻՐ ՏԵԽՆԻԿԱԿԱՆ ԶՆՆՈՒԹՅԱՆ ԱՆՑԿԱՑՄԱՆ ԵՎ ԴԵՂԻՆ ՀԻՄՆԱԳՈՒՅՆԻ ՀԱՄԱՐԱՆԻՇԵՐԻ ՀԱՏԿԱՑՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
(վերնագիրը լրաց. 21.04.11 N 441-Ն, 08.11.12 N 1406-Ն)
Հայաստանի Հանրապետության կառավարությունը որոշում է.
1. Հաստատել Հայաստանի Հանրապետությունում ընդհանուր օգտագործման տրանսպորտային միջոցների պարտադիր տեխնիկական զննության անցկացման և ԴԵՂԻՆ ՀԻՄՆԱԳՈՒՅՆԻ ՀԱՄԱՐԱՆԻՇԵՐԻ ՀԱՏԿԱՑՄԱՆ կարգը` համաձայն հավելվածի:
(1-ին կետը լրաց. 21.04.11 N 441-Ն, 08.11.12 N 1406-Ն)
2. Հայաստանի Հանրապետության տրանսպորտի և կապի նախարարին և Հայաստանի Հանրապետության ոստիկանության պետին` Հայաստանի Հանրապետության Նախագահի 2005 թվականի դեկտեմբերի 26-ի ՆԿ-301-Ա կարգադրությամբ ստեղծված աշխատանքային խմբի հետ համաձայնեցնելուց հետո համատեղ հրամանով հաստատել Հայաստանի Հանրապետության ճանապարհային երթևեկության անվտանգության վիճակը և տեխնիկական արատորոշման միջոցների օգտագործմամբ` տրանսպորտային միջոցների պարտադիր տեխնիկական զննության անցկացման գործառույթի ներդրման արդյունավետությունն ուսումնասիրող` մշտական գործող աշխատանքային խումբ և սահմանել դրա իրավասությունները:
3. Սույն որոշումն ուժի մեջ է մտնում «Լիցենզավորման մասին» Հայաստանի Հանրապետության օրենքում լրացումներ կատարելու մասին» Հայաստանի Հանրապետության 2006 թվականի նոյեմբերի 29-ի ՀՕ-230-Ն օրենքն ուժի մեջ մտնելու պահից:
|
Հայաստանի Հանրապետության |
Ա. Մարգարյան |
|
|
|
Հավելված |
Կ Ա Ր Գ
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՊԱՐՏԱԴԻՐ ՏԵԽՆԻԿԱԿԱՆ ԶՆՆՈՒԹՅԱՆ ԱՆՑԿԱՑՄԱՆ ԵՎ ԴԵՂԻՆ ՀԻՄՆԱԳՈՒՅՆԻ ՀԱՄԱՐԱՆԻՇԵՐԻ ՀԱՏԿԱՑՄԱՆ
(վերնագիրը լրաց. 08.11.12 N 1406-Ն)
I. ԸՆԴՀԱՆՈՒՐ ԴՐՈՒՅԹՆԵՐ
1. Սույն կարգով սահմանվում է Հայաստանի Հանրապետության տարածքում շահագործվող և Հայաստանի Հանրապետության կառավարությանն առընթեր Հայաստանի Հանրապետության ոստիկանության ճանապարհային ոստիկանությունում (այսուհետ՝ ճանապարհային ոստիկանություն) հաշվառված, ինչպես նաև նոր ներմուծված և Ճանապարհային ոստիկանությունում մշտական հաշվառման ենթակա ընդհանուր օգտագործման մեխանիկական տրանսպորտային միջոցների և դրանց կցորդների (այսուհետ՝ տրանսպորտային միջոցներ) պարտադիր տեխնիկական զննության անցկացման և ԴԵՂԻՆ ՀԻՄՆԱԳՈՒՅՆԻ ՀԱՄԱՐԱՆԻՇԵՐԻ ՀԱՏԿԱՑՄԱՆ կարգը:
(1-ին կետը լրաց. 21.04.11 N 441-Ն, 08.11.12 N 1406-Ն)
2. Տրանսպորտային միջոցների պարտադիր տեխնիկական զննությունը (այսուհետ` տեխնիկական զննություն) իրականացվում է Հայաստանի Հանրապետության օրենսդրությանը համապատասխան լիցենզավորված իրավաբանական անձանց կամ անհատ ձեռնարկատերերի արտադրական բազայում (այսուհետ` տեխնիկական զննության կայան)` տեխնիկական արատորոշման միջոցների օգտագործմամբ:
3. Տեխնիկական զննություն իրականացնող իրավաբանական անձանց կամ անհատ ձեռնարկատերերի (այսուհետ` կազմակերպություններ) լիցենզավորումը և լիցենզիայի պայմանների կատարման նկատմամբ հսկողությունն իրականացնում է Հայաստանի Հանրապետության տրանսպորտի և կապի նախարարությունը` «Լիցենզավորման մասին» Հայաստանի Հանրապետության օրենքով սահմանված կարգով:
4. Տեխնիկական զննությունն իրականացվում է վճարովի հիմունքով` օրենքով սահմանված կարգով հաստատված սակագնով:
II. ՏԵԽՆԻԿԱԿԱՆ ԶՆՆՈՒԹՅԱՆ ԽՆԴԻՐՆԵՐՆ ՈՒ ԱՆՑԿԱՑՄԱՆ ԺԱՄԿԵՏՆԵՐԸ
5. Տեխնիկական զննության հիմնական խնդիրներն են`
1) ճանապարհային երթևեկության անվտանգության ապահովման ոլորտի նորմատիվ իրավական ակտերի, կանոնների, ստանդարտների և տեխնիկական նորմերի պահանջներին, ինչպես նաև վնասակար նյութերի մթնոլորտ արտանետման տեխնիկական նորմատիվներին տրանսպորտային միջոցների տեխնիկական վիճակի և կահավորանքի համապատասխանության ապահովումը.
2) շահագործման մեջ գտնվող տրանսպորտային միջոցների կառուցվածքում ինքնակամ և երթևեկության անվտանգությանն սպառնացող փոփոխությունների կատարման կանխումը.
3) առևանգված, ինչպես նաև հետախուզվող և ոստիկանության կողմից որոնվող տրանսպորտային միջոցների հայտնաբերումը.
4) տեխնիկական զննության անցկացման արդյունքների մասին համապատասխան կառավարման մարմիններում տեղեկատվական բազայի ձևավորումն ու վարումը` նրանց կողմից սահմանվող կարգով:
6. Տեխնիկական զննությունն իրականացվում է տրանսպորտային միջոցների տեխնիկական զննության գործունեության լիցենզիա ունեցող կազմակերպությունների և անհատ ձեռնարկատերերի կողմից` անկախ տրանսպորտային միջոցների հաշվառման վայրից:
(6-րդ կետը խմբ. 05.08.10 N 974-Ն)
7. Տրանսպորտային միջոցները ենթակա են տեխնիկական զննության` օրենքով սահմանված պարբերականությամբ:
8. Սեփականատերերը կամ սեփականատիրոջ ներկայացուցիչները (այսուհետ` տիրապետող) իրավունք ունեն տրանսպորտային միջոցը տեխնիկական զննության ներկայացնել նախորդ տեխնիկական զննության ժամանակ սահմանված ժամկետից շուտ:
Հաջորդ տեխնիկական զննության ժամկետը հաշվարկվում է վերջին տեխնիկական զննության անցկացման օրվանից:
III. ՏԵԽՆԻԿԱԿԱՆ ԶՆՆՈՒԹՅԱՆ ԺԱՄԱՆԱԿ ՆԵՐԿԱՅԱՑՎՈՂ ՓԱՍՏԱԹՂԹԵՐԸ
9. Տեխնիկական զննություն անցկացնելու համար տիրապետողը տեխնիկական զննության կայան է ներկայացնում տրանսպորտային միջոցը և հետևյալ փաստաթղթերը`
1) տրանսպորտային միջոցի տեխնիկական անձնագիրը (հաշվառման վկայագիրը), կամ տեխնիկական կտրոնը, իսկ նոր ներմուծված և ճանապարհային ոստիկանությունում մշտական հաշվառման ենթակա տրանսպորտային միջոցների տեխնիկական զննության ժամանակ` տրանսպորտային միջոցի մաքսային փաստաթղթերը.
2) մեխանիկական տրանսպորտային միջոցների գույքահարկի պարտավորությունների ամբողջական կատարման մասին տեղեկանքը: Նոր ներմուծված և ճանապարհային ոստիկանությունում մշտական հաշվառման ենթակա մեխանիկական տրանսպորտային միջոցների տեխնիկական զննության ժամանակ գույքահարկի պարտավորությունների կատարման մասին տեղեկանքը չի ներկայացվում.
3) բնապահպանական վճարի վճարման անդորրագիրը.
4) հատուկ լուսային և ձայնային ազդանշաններով տրանսպորտային միջոցի կահավորման վերաբերյալ փաստաթղթերը` ճանապարհային ոստիկանությունում համապատասխան գրառմամբ (դրոշմակնիքով), եթե տրանսպորտային միջոցը կահավորված է այդպիսի միջոցներով.
5) Հայաստանի Հանրապետության կառավարության 2005 թվականի սեպտեմբերի 28-ի «Սեղմված բնական կամ հեղուկացված նավթային գազով աշխատելու համար ավտոտրանսպորտային միջոցների վերասարքավորման տեխնիկական կանոնակարգը և գազաբալոնային ավտոտրանսպորտային միջոցների տեխնիկական շահագործման հրահանգը հաստատելու մասին» N 2388-Ն որոշմամբ սահմանված` անվտանգության պահանջներին ավտոտրանսպորտային միջոցի վրա տեղադրված գազաբալոնային սարքավորման համապատասխանության կամ ավտոտրանսպորտային միջոցի վրա տեղադրված բալոնների վկայագրման և գազավառելիքային սնման համակարգի ճնշափորձարկման մասին վկայականը (համաձայն N 2 կամ N 3 ձևերի), ինչպես նաև տրանսպորտային միջոցի կառուցվածքում երթևեկության անվտանգության վրա
ազդող փոփոխությունների օրինականությունը հավաստող փաստաթղթերը` բացառությամբ նոր ներմուծվողների:
Ներկայացվում են սույն կետում նշված փաստաթղթերի բնօրինակները, իսկ 4-րդ և 5-րդ ենթակետերում նշված փաստաթղթերը` նաև պատճենների տեսքով: Ներկայացված փաստաթղթերի համապատասխան տվյալների գրանցումից և պատճենների հետ համեմատումից հետո, վերադարձվում են տիրապետողին` բացի սույն կետի 2-րդ և 3-րդ ենթակետերում նշվածներից.
6) Ընդհանուր օգտագործման տրանսպորտային միջոցների (տաքսի ավտոմոբիլներ, միկրոավտոբուսներ, ավտոբուսներ) տիրապետողներն ընթացիկ տարում երկրորդ տեխնիկական զննման ժամանակ ներկայացնում են տրանսպորտային միջոցը, տրանսպորտային միջոցի հաշվառման վկայագիրը և սույն կարգի 9-րդ կետի 4-րդ և 5-րդ ենթակետերում նշված փաստաթղթերը: Նույն տարվա ընթացքում 2-րդ տեխնիկական զննությունն այլ կայանում անցկացնելու դեպքում` որպես գույքահարկի և բնապահպանական վճարումների կատարման փաստը հաստատող փաստաթուղթ, ընդունվում է նախորդ տեխնիկական զննության կտրոնը, որի համարը և տալու ամսաթիվը գրանցվում է արատորոշման քարտի «դիտողություններ ստուգման ժամանակ հայտնաբերված անսարքությունների մասին և լրացուցիչ տեղեկություններ» բաժնում:
(9-րդ կետը փոփ., լրաց. 05.08.10 N 974-Ն)
10. Տեխնիկական զննության կայանների կողմից չեն ընդունվում մատիտով լրացված, կամ ջնջումներ, բացթողումներ, ինչպես նաև հաստատում չունեցող` ուղղումներ պարունակող փաստաթղթերը` բացառությամբ այն դեպքերի, երբ դրանք կատարվել են ներկայացված փաստաթղթերում առկա ակնհայտ սխալները կամ վրիպակներն ուղղելու նպատակով:
Փաստաթղթերի տեքստը պետք է գրված լինի պարզ և հստակ: Քաղաքացիների ազգանունը, անունը պետք է գրված լինի լրիվ` նրանց բնակավայրի նշմամբ, իսկ իրավաբանական անձանց անվանումը (ֆիրմայի անվանումը)` առանց կրճատումների և գտնվելու վայրի ճիշտ նշմամբ:
IV. ՏԵԽՆԻԿԱԿԱՆ ԶՆՆՈՒԹՅՈՒՆԸ
11. Տրանսպորտային միջոցը տեխնիկական զննության ընդունելուց առաջ ստուգվում է սույն կարգի 9-րդ կետում նշված փաստաթղթերի համապատասխանությունը դրանց ներկայացվող պահանջներին:
12. Տեխնիկական զննության կայաններում տեխնիկական արատորոշման միջոցների օգտագործմամբ և զննման միջոցով ստուգվում են տրանսպորտային միջոցների համապատասխանությունը շահագործման մեջ գտնվող տրանսպորտային միջոցների և դրանց լրացուցիչ սարքավորումների կառուցվածքին ու տեխնիկական վիճակին պահանջներ ներկայացնող` սույն կարգի N 1 ցանկում նշված նորմատիվ իրավական ակտերի, կանոնների, ստանդարտների և տեխնիկական նորմերի պահանջներին (այսուհետ` ճանապարհային երթևեկության անվտանգության պահանջներ):
13. Տեխնիկական զննության կայաններում կատարվում են տրանսպորտային միջոցների` սույն կարգի N 2 ցանկում նշված հանգույցների ու համակարգերի տեխնիկական վիճակի ստուգման աշխատանքները:
14. Տրանսպորտային միջոցների տեխնիկական վիճակի ստուգման համար օգտագործվող տեխնիկական արատորոշման միջոցները պետք է ունենան համապատասխանության սերտիֆիկատ և ապահովեն համապատասխան ստանդարտներով ու տեխնիկական նորմերով սահմանված ճշտությամբ չափումների կատարումը:
Տեխնիկական զննության կայաններում տրանսպորտային միջոցների տեխնիկական վիճակի ստուգման ժամանակ օգտագործվող տեխնիկական արատորոշման միջոցների ցանկը և դրանց հիմնական տեխնիկական բնութագրերը ներկայացված են սույն կարգի N 3 ցանկում:
15. Այն տրանսպորտային միջոցները, որոնց` տեխնիկական արատորոշման միջոցներով վերահսկվող (ստուգվող) պարամետրերից թեկուզ մեկը չի բավարարում ճանապարհային երթևեկության անվտանգության պահանջները, համարվում են անսարք, և տեխնիկական զննության կտրոն չի տրվում:
Սահմանված պահանջներին մնացած պարամետրերի անհամապատասխանության դեպքում արատորոշման քարտում կատարվում է նշում և տրանսպորտային միջոցները տնօրինողներին զգուշացվում է դրանց անհապաղ վերացման մասին, որի համար վերջիններս ստորագրում են արատորոշման քարտում:
Տեխնիկական զննության կտրոնի չտրամադրման համար հիմք ծառայող` սահմանված պահանջներին չհամապատասխանող մնացած պարամետրերի ցանկը սահմանում է Հայաստանի Հանրապետության կառավարությունը` Հայաստանի Հանրապետության տրանսպորտի և կապի նախարարի և Հայաստանի Հանրապետության ոստիկանության պետի ներկայացմամբ:
16. Ճանապարհային երթևեկության անվտանգության պահանջները չբավարարած և անսարք համարված տրանսպորտային միջոցի կրկնակի զննությունը տեխնիկական զննությունից հետո 20 օրվա ընթացքում իրականացվելու դեպքում կատարվում են սույն կարգի 9-րդ կետում նշված գործողությունները, և տեխնիկական վիճակն ստուգվում է միայն այն ցուցանիշների գծով, որոնք հիմք են հանդիսացել նախորդ զննության ժամանակ տեխնիկական զննության կտրոն չտալու համար։
Նախորդ զննության պահից 20 օր հետո տրանսպորտային միջոցը կրկնակի զննության ներկայացվելու դեպքում` տեխնիկական վիճակի ստուգումը կատարվում է սույն կարգով նախատեսված ամբողջ ծավալով:
(Պարբերությունն ուժը կորցրել է 05.08.10 N 974-Ն)
Տեխնիկական արատորոշման միջոցների օգտագործմամբ տրանսպորտային միջոցների տեխնիկական զննության համակարգի ներդրման առաջին և երկրորդ տարիների տեխնիկական զննությունների ժամանակ տեխնիկական զննության կտրոնները տրվում են` հաշվի առնելով միայն տեխնիկական արատորոշման միջոցների կողմից արձանագրվող և համակարգչին փոխանցվող տվյալները։
(16-րդ կետը փոփ. 05.08.10 N 974-Ն)
17. Տեխնիկական զննության ներկայացված տրանսպորտային միջոցը չի զննվում, եթե դրա տվյալները չեն համապատասխանում հաշվառման փաստաթղթերի տվյալներին:
Երբ տեխնիկական զննության ընթացքում տրանսպորտային միջոցի համարակիր ագրեգատների համարների դաջվածքներում կամ հաշվառման փաստաթղթերում հայտնաբերվում են ակնհայտ կեղծիքների փաստեր` տեխնիկական զննության կայանի հսկիչը դրա մասին անհապաղ տեղեկացնում է տեխնիկական զննության կայանի ղեկավարին, իսկ վերջինս էլ հայտնում է Հայաստանի Հանրապետության կառավարությանն առընթեր Հայաստանի Հանրապետության ոստիկանությանը:
V. ՏԵԽՆԻԿԱԿԱՆ ԶՆՆՈՒԹՅԱՆ ԱՐԴՅՈՒՆՔՆԵՐԻ ՁԵՎԱԿԵՐՊՈՒՄԸ
18. Տեխնիկական վիճակի ստուգման արդյունքի հիման վրա համակարգչի միջոցով ձևակերպվում է տրանսպորտային միջոցի տեխնիկական զննության արատորոշման N 1 ձևի քարտը (այսուհետ` արատորոշման քարտ):
19. Արատորոշման քարտերի լրացման համակարգչային ծրագրային ապահովումը` քարտում բոլոր տվյալները լրացնելուց և հսկիչի էլեկտրոնային ստորագրությունը դնելուց ու համապատասխան հրահանգով աշխատանքների ավարտը հաստատելուց հետո բացառվում է որևէ անձի կողմից քարտում փոփոխությունների կատարումը:
Սույն կարգին համապատասխան կազմված արատորոշման քարտերը չեն կարող հանվել համակարգչի հիշողությունից, մինչև հաջորդ տեխնիկական զննության ավարտը:
(19-րդ կետը լրաց. 05.08.10 N 974-Ն)
20. Արատորոշման քարտը տպվում է նաև թղթային կրիչի վրա` երկու օրինակից: Տրանսպորտային միջոցի տեխնիկական վիճակի հսկիչի և տրանսպորտային միջոցը տիրապետողի կողմից ստորագրվելուց և հսկիչի կնիքով կնքվելուց հետո արատորոշման քարտի առաջին օրինակը հանձնվում է տրանսպորտային միջոցը տիրապետողին, երկրորդը պահվում է տեխնիկական զննության կայանում, որը համարվում է խիստ հաշվառման փաստաթուղթ և պահպանվում է մինչև հաջորդ տարվա տեխնիկական զննության ժամկետի ավարտը:
21. Տեխնիկական զննություն անցած տրանսպորտային միջոցի համար լրացվում է Հայաստանի Հանրապետության կառավարության կողմից հաստատված ձևի տեխնիկական զննության կտրոն: Տեխնիկական զննության կտրոնի դիմային մասի քառակուսի վանդակում փակցվում է հաջորդ տեխնիկական զննության անցկացման ամիսը նշող` հռոմեական թվերով նշված հերթական համարը և վարորդի կողմից անձամբ փակցվում է տրանսպորտային միջոցի առջևի հողմապակու ներքևի աջ անկյունում` բացառությամբ կցորդի (կիսակցորդի), որի տեխնիկական զննության կտրոնը պետք է գտնվի քարշակող տրանսպորտային միջոցի վարորդի մոտ: Նույն տարվա ընթացքում երկրորդ տեխնիկական զննության ժամանակ կտրոնը փակցվում է նախկին կտրոնի վերևի մասում:
(6-րդ կետը փոփ. 05.08.10 N 974-Ն)
22. Տեխնիկական զննության կտրոնը կորցնելու կամ ոչ պիտանի դառնալու դեպքերում տիրապետողի գրավոր դիմումի համաձայն տեխնիկական զննության կայանն ստուգում է նախկինում տեխնիկական զննություն անցնելու փաստը:
Տեխնիկական զննություն անցնելու փաստը հաստատվելու և սույն կարգի 9-րդ կետի 1-ին, 4-րդ և 5-րդ ենթակետերում և 10-րդ կետում նշված դրույթների կատարման դեպքում ձևակերպվում և տրվում է տեխնիկական զննության կտրոնի կրկնօրինակ: Այս դեպքում տրանսպորտային միջոցի տեխնիկական վիճակի զննություն չի կատարվում, և հաջորդ տեխնիկական զննության ներկայացման ժամկետը չի փոխվում: Տեխնիկական զննության կտրոնի «Հատուկ նշումներ» տողում կատարվում է «Կրկնօրինակ» նշումը:
Տեխնիկական զննության կտրոնի կրկնօրինակը տիրապետողին տրվում է դրա համար սահմանված պետական տուրքի չափով վճարման կատարումից հետո:
Տեխնիկական զննություն անցնելու փաստը չհաստատվելու դեպքում, այն կատարվում է սույն կարգի պահանջներին համապատասխան:
(22-րդ կետը խմբ. 05.08.10 N 974-Ն)
VI. ՏԵԽՆԻԿԱԿԱՆ ԶՆՆՈՒԹՅԱՆ ԱՐԴՅՈՒՆՔՆԵՐԻ ՀԱՇՎԱՌՈՒՄԸ
23. Տեխնիկական զննության արդյունքում տեխնիկական զննության կայանները համակարգչի միջոցով գրանցամատյանում կատարում են տեխնիկական զննություն անցած տրանսպորտային միջոցների հաշվառում:
(23-րդ կետը փոփ. 05.08.10 N 974-Ն)
24. Տրանսպորտային միջոցի հաշվառման փաստաթղթում նշված բոլոր տվյալները գրանցվում են տեխնիկական զննության կայանի համակարգչում` գրանցամատյանի տեսքով, որի տվյալները տրանսպորտային միջոցի տեխնիկական զննությունից անմիջապես հետո կայանների համակարգչային ցանցի միջոցով փոխանցվում են Հայաստանի Հանրապետության տրանսպորտի և կապի նախարարության սերվերին: Կապի խափանման դեպքում սերվերին տվյալները փոխանցվում է խոչընդոտը վերանալուց անմիջապես հետո:
Տեխնիկական զննության կայանների համակարգչային ցանցից կարող է օգտվել Ճանապարհային ոստիկանությունը, որն օրենքով սահմանված դեպքերում կարող է ստուգել տեխնիկական զննության ընթացքը` հետախուզման մեջ գտնվող` տրանսպորտային միջոցների, դրանց ագրեգատների հայտնաբերման նպատակով:
(24-րդ կետը խմբ. 05.08.10 N 974-Ն)
25. Տրանսպորտային միջոցների առկայության ու դրանց տեխնիկական վիճակի տվյալների վերաբերյալ համակարգչի միջոցով գրանցամատյան է վարվում նաև Հայաստանի Հանրապետության տրանսպորտի և կապի նախարարությունում` արտակարգ իրավիճակներում բնակչության և տնտեսության տրանսպորտային սպասարկումը պլանավորելու և կազմակերպելու նպատակով, ինչպես նաև կանոնավոր ուղևորափոխադրումների մրցույթին ներկայացված տվյալների փոփոխությունը պարզելու և համապատասխան միջոցներ ձեռնարկելու համար:
Տրանսպորտային միջոցների առկայության ու դրանց տեխնիկական վիճակի տվյալների գրանցամատյանի ձևը և դրա վարման կարգը հաստատում է Հայաստանի Հանրապետության տրանսպորտի և կապի նախարարը:
Հայաստանի Հանրապետության տրանսպորտի և կապի նախարարության համակարգչային ցանցին փոխանցվում են միայն տեխնիկական զննություն անցած տրանսպորտային միջոցի, այն տիրապետողի մասին արատորոշման քարտում լրացված տվյալները, կառուցվածքային ու հարմարադասման մեջ կատարված փոփոխությունների մասին լրացուցիչ տեղեկություններն ու տրանսպորտային միջոցին հատկացված տեխնիկական զննության կտրոնի համարը, ինչպես նաև հաջորդ տեխնիկական զննության անցկացման ժամկետը:
(25-րդ կետը լրաց. 05.08.10 N 974-Ն)
26. Արատորոշման քարտերը և կտրոնները համարվում են խիստ հաշվառման փաստաթղթեր և պահպանվում ու օգտագործվում են դրանց համար Հայաստանի Հանրապետության օրենսդրությամբ սահմանված կարգով։
27. Տրանսպորտային միջոցների առկայության ու դրանց տեխնիկական վիճակի տվյալների գրանցամատյանում նշվող տեղեկությունները ծառայողական օգտագործման համար են և հրապարակման ենթակա չեն` բացառությամբ օրենքով ուղղակի նախատեսված դեպքերի:
28. Հայաuտանի Հանրապետության հարկային և բնապահպանական մարմինների կողմից տրանuպորտային միջոցների uեփականատերերի կողմից վճարվող բնապահպանական վճարների գանձման նկատմամբ վերահuկողությունն ապահովելու համար տեխնիկական զննության կայանները յուրաքանչյուր եռամuյակից հետո մինչև հաջորդ ամuվա 20-ը բնապահպանական և իրենց հաշվառման հարկային մարմիններ թղթային կամ էլեկտրոնային տարբերակով ներկայացնում են տեխնիկական զննություն անցած տրանuպորտային միջոցների uեփականատերերի կողմից կատարված բնապահպանական վճարների մաuին տեղեկատվություն` համաձայն N 2 ձևի:
(28-րդ կետը խմբ. 06.08.09 N 903-Ն, փոփ. 20.05.10 N 761-Ն)
VII. ԴԵՂԻՆ ՀԻՄՆԱԳՈՒՅՆԻ ՀԱՄԱՐԱՆԻՇԵՐԻ ՀԱՏԿԱՑՄԱՆ ԿԱՐԳԸ
29. Ընդհանուր օգտագործման ավտոմոբիլային տրանսպորտով կանոնավոր ուղևորափոխադրումներ իրականացնող կազմակերպությունների տրանսպորտային միջոցներին դեղին հիմնագույնի համարանիշեր հատկացնելու համար տրանսպորտային միջոցի սեփականատերը կամ նրա կողմից լիազորված անձը, իսկ վարձակալության դեպքում՝ նաև վարձակալը ճանապարհային ոստիկանության ստորաբաժանումներ է ներկայացնում`
1) դիմում.
2) համապատասխան մրցութային հանձնաժողովի կողմից տրված տեղեկանքը.
3) տրանսպորտային միջոցի գրանցման վկայագիրը (տեխնիկական անձնագիրը).
4) համարանիշեր տալու և գրանցման գործողություն կատարելու համար պետական տուրքերի վճարման անդորրագրերը:
(29-րդ կետը լրաց. 08.11.12 N 1406-Ն)
30. Դեղին հիմնագույնի համարանիշերը տրվում են սույն կարգի 29-րդ կետով սահմանված փաստաթղթերը ճանապարհային ոստիկանության ստորաբաժանում ներկայացվելուց հետո` 5-օրյա ժամկետում:
(30-րդ կետը լրաց. 08.11.12 N 1406-Ն)
31. Տրանսպորտային միջոցի անձնագրային տվյալների անհամապատասխանության դեպքում տրանսպորտային միջոցին դեղին հիմնագույնի համարանիշեր չեն տրվում, որի մասին 2-օրյա ժամկետում տեղեկացվում է մրցութային հանձնաժողովին` նշելով համարանիշերը չտալու պատճառները:
(31-րդ կետը լրաց. 08.11.12 N 1406-Ն)
32. Սույն կարգի 29-րդ կետով պահանջվող փաստաթղթերի առկայության դեպքում ճանապարհային ոստիկանության ստորաբաժանման կողմից ի պահ են վերցվում տրանսպորտային միջոցի նախկին համարանիշերը, իսկ փոխարենը հատկացվում են դեղին հիմնագույնի համարանիշեր ու ժամանակավոր գրանցման կտրոն` կանոնավոր ուղևորափոխադրումներ իրականացնելու համար` համապատասխան մրցութային հանձնաժողովի կողմից տրված տեղեկանքում նշված ժամկետով:
(32-րդ կետը լրաց. 08.11.12 N 1406-Ն)
33. Եթե կազմակերպության տրանսպորտային միջոցներից որևէ մեկի շահագործումը կանոնավոր ուղևորափոխադրումներում դադարեցվում է, ապա կազմակերպության հետ պայմանագիր կնքած լիազոր մարմինը դրա մասին եռօրյա ժամկետում տեղեկացնում է ճանապարհային ոստիկանությանը` վերջինիս կողմից այդ տրանսպորտային միջոցի դեղին հիմնագույնի համարանիշերը և ժամանակավոր գրանցման կտրոնը նախկին համարանիշերով փոխարինելու համար:
(33-րդ կետը լրաց. 08.11.12 N 1406-Ն)
34. Երթուղին սպասարկելու ժամկետը լրանալու, կազմակերպության գործունեությունը դադարեցվելու կամ վաղաժամկետ այդ իրավունքից զրկվելու դեպքում տվյալ տրանսպորտային միջոցի սեփականատերը կամ նրա կողմից լիազորված անձը դեղին հիմնագույնի համարանիշերն ու ժամանակավոր գրանցման կտրոնը ներկայացնում է ճանապարհային ոստիկանության ստորաբաժանում` տրանսպորտային միջոցի նախկին համարանիշերի հետ փոխանակելու համար։ Վերադարձված դեղին հիմնագույնի համարանիշն ու ժամանակավոր գրանցման կտրոնը ճանապարհային ոստիկանության ստորաբաժանման կողմից նույն օրվա ընթացքում փոխարինվում են նախկին համարանիշով` համապատասխան մրցութային հանձնաժողովի կողմից տրված տեղեկատվության հիման վրա:
(34-րդ կետը լրաց. 08.11.12 N 1406-Ն)
35. Դեղին հիմնագույնի համարանիշերով տրանսպորտային միջոցներն ընդհանուր օգտագործման ավտոմոբիլային տրանսպորտով կանոնավոր ուղևորափոխադրումներ իրականացնելու իրավունք ունեցող անձանց օտարվելու կամ ֆինանսական վարձակալության (լիզինգի) պայմանագրով վարձակալության տրամադրվելու դեպքում տրանսպորտային միջոցի հետ, նախկին սեփականատիրոջ համաձայնությամբ, նոր սեփականատիրոջը կամ վարձակալին են անցնում նաև դրանց համար տրված դեղին հիմնագույնի համարանիշերը, որի մասին ճանապարհային ոստիկանության տվյալ ստորաբաժանման կողմից կատարվում է համապատասխան գրառում:
(35-րդ կետը լրաց. 08.11.12 N 1406-Ն)
| Հայաստանի Հանրապետության կառավարության աշխատակազմի ղեկավար-նախարար |
Մ. Թոփուզյան |
Ց Ա Ն Կ N 1
ՏՐԱՆՍՊՈՐՏԱՅԻՆ ՄԻՋՈՑՆԵՐԻ ԵՎ ԴՐԱՆՑ ԼՐԱՑՈՒՑԻՉ ՍԱՐՔԱՎՈՐՈՒՄՆԵՐԻ ԿԱՌՈՒՑՎԱԾՔԻՆ ԵՎ ՏԵԽՆԻԿԱԿԱՆ ՎԻՃԱԿԻՆ ՊԱՀԱՆՋՆԵՐ ՆԵՐԿԱՅԱՑՆՈՂ ՆՈՐՄԱՏԻՎ ԻՐԱՎԱԿԱՆ ԱԿՏԵՐԻ, ԿԱՆՈՆՆԵՐԻ, ՍՏԱՆԴԱՐՏՆԵՐԻ ԵՎ ՏԵԽՆԻԿԱԿԱՆ ՆՈՐՄԵՐԻ
1. «Ճանապարհային երթևեկության անվտանգության ապահովման մասին» Հայաստանի Հանրապետության օրենք
2. Հայաստանի Հանրապետության կառավարության 2007 թվականի հունիսի 28-ի «Հայաստանի Հանրապետության ճանապարհային երթևեկության կանոնները և տրանսպորտային միջոցների շահագործումն արգելող անսարքությունների և պայմանների ցանկը հաստատելու մասին» N 955-Ն որոշում:
(2-րդ կետը խմբ. 05.08.10 N 974-Ն)
3. Հայաստանի Հանրապետության կառավարության 2005 թվականի սեպտեմբերի 28-ի «Սեղմված բնական կամ հեղուկացված նավթային գազով աշխատելու համար ավտոտրանսպորտային միջոցների վերասարքավորման տեխնիկական կանոնակարգը և գազաբալոնային ավտոմոբիլների տեխնիկական շահագործման հրահանգը հաստատելու մասին» N 2388-Ն որոշում
4. (կետն ուժը կորցրել է 08.11.12 N 1406-Ն)
5. Հայաստանի Հանրապետության կառավարության 2005 թվականի դեկտեմբերի 29-ի «Կարմիր, կապույտ, դեղին (նարնջագույն), լուսնասպիտակ առկայծող փարոսիկներով կահավորման ենթակա տրանսպորտային միջոցների ցանկը հաստատելու մասին» N 2329-Ն որոշում
6. Հայաստանի Հանրապետության կառավարության 1998 թվականի հունիսի 16-ի «Ավտոտրանսպորտային միջոցների պետական գրանցման առանձնահատուկ համարանիշների և հատուկ ազդանշանների օգտագործումը կանոնակարգելու մասին» N 367 որոշում
7. Հայաստանի Հանրապետության կառավարության 2005 թվականի նոյեմբերի 24-ի «Տրանսպորտային միջոցներում գովազդի տեղադրման կարգը հաստատելու մասին» N 2137-Ն որոշում
8. Հայաստանի Հանրապետության կառավարության 2002 թվականի սեպտեմբերի 12-ի «Քաղաքացիներին և կազմակերպություններին պատկանող` ոստիկանության կողմից հատուկ հաշվառման ենթակա առարկաների, սարքավորումների և փաստաթղթերի ցանկը հաստատելու մասին» N 1566-Ն որոշում
9. ՀՍՏ-185-2006 օպերատիվ ծառայությունների ավտոմեքենաներ, ավտոբուսներ և մոտոցիկլետներ. Գունագծապատկերներ, ճանաչման նշաններ, մակագրություններ, լուսային և ձայնային հատուկ ազդանշաններ. Ընդհանուր պահանջներ (հաստատված Հայաստանի Հանրապետության առևտրի և տնտեսական զարգացման նախարարի 2006 թվականի հունիսի 29-ի N 146 հրամանով)
10. ՀՍՏ-110-2006 տրանսպորտային միջոցների հաշվառման համարանիշներ. Տիպեր և հիմնական չափեր. Տեխնիկական պահանջներ և շահագործման վերաբերյալ ցուցումներ (հաստատված Հայաստանի Հանրապետության առևտրի և տնտեսական զարգացման նախարարի 2006 թվականի դեկտեմբերի 12-ի N 246-Ա հրամանով)
11. ГОСТ Р 51709-2001 «Автотранспортные средства. Требования безопасности к теxническому состоянию и методы проверки»
12. ГОСТ 5727-88 «Стекло безопасное для наземного транспорта. Теxнические требования»
Ց Ա Ն Կ N 2
ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՊԱՐՏԱԴԻՐ ՏԵԽՆԻԿԱԿԱՆ ԶՆՆՈՒԹՅԱՆ ԺԱՄԱՆԱԿ ՏԵԽՆԻԿԱԿԱՆ ՎԻՃԱԿԻ ՍՏՈՒԳՄԱՆ ԱՇԽԱՏԱՆՔՆԵՐԻ
| NN ը/կ |
Ագրեգատների, հանգույցների, համակարգերի և աշխատանքների անվանումները | Դիրքը` ըստ արատ-որոշման քարտի | |
| Արգելակային համակարգ | |||
| 1. |
Արգելակային ստենդի վրա փորձարկման ժամանակ
2) անիվների արգելակային ուժերի անհավասարաչափության գործակցի որոշում 3) կայանման արգելակային համակարգի տեսակարար արգելակման ուժի որոշում 4) բանվորական արգելակային համակարգի գործարկման ժամանակի որոշում 5) օժանդակ արգելակային համակարգի աշխատունակության ստուգում |
| |
| 2. |
Ճանապարհային փորձարկման ժամանակ տրանսպորտային միջոցի արգելակման արդյունավետության և կայունության ստուգում
2) կայունացված դանդաղեցման մեծության չափում 3) արգելակման ժամանակ շարժման ուղղությունից տրանսպորտային միջոցի գծային շեղման առկայության ստուգում 4) թեքության վրա կայանման արգելակային համակարգը պահելու ունակության ստուգում 5) օժանդակ արգելակային համակարգի աշխատունակության ստուգում |
104 105 112 106 113 | |
| 3. | Պնևմատիկ արգելակային շարժաբերի հերմետիկության ստուգում | 107 | |
| 4. | Հիդրավլիկ արգելակային շարժաբերի հերմետիկության ստուգում | 108 | |
| 5. | Ազդանշանման համակարգի և ճնշաչափի աշխատունակության ստուգում | 109 | |
| 6. | Արգելակային համակարգի տարրերի տեխնիկական վիճակի ստուգում | 113 | |
| 7. | Տրանսպորտային միջոցի կառուցվածքին արգելակային համակարգի և դրա տարրերի համապատասխանության ստուգում | 114 | |
| Ղեկային կառավարում | |||
| 1. | Ղեկանիվի առավելագույն շրջադարձի անկյան և ղեկային վարման գումարային խաղի մեծության չափում | 201 | |
| 2. | Ղեկային կառավարման դետալների փոխադարձ տեղաշարժի և խաղի առկայության ու պարուրակային միացությունների սևեռման հուսալիության ստուգում | 202 | |
| 3. | Ղեկային կառավարման ուժեղարարի տեխնիկական վիճակի և աշխատունակության ստուգում | 203 | |
| 4. | Ղեկային կառավարման տարրերի տեխնիկական վիճակի և ամրակապման ստուգում | 204 | |
| Արտաքին լուսավորման սարքեր | |||
| 1. | Ներկայացվող պահանջներին արտաքին լուսավորման սարքերի քանակի, տեսակի, դասավորության, վիճակի և գույնի համապատասխանության ու սահմանված ռեժիմում դրանց աշխատունակության ստուգում
2) առջևի և հետևի հակամառախուղային լապտերների 3) արգելակման ազդանշանների 4) եզրաչափային լույսերի 5) շրջադարձի ցուցիչների և վթարային ազդարարիչների 6) հետընթացի լույսերի 7) գրանցման համարանիշի լուսավորման լապտերիկի 8) լուսային անդրադարձիչների 9) ավտոգնացքի նշանների 10) հեռահար և մոտակա լույսի լապտերների ու հակամառախուղային լապտերների լույսի ուժի ստուգում |
301 302 303 304 305 307 306 308 309 301 302 | |
| Հողմապակու ապակեմաքրիչներ և ապակելվացներ | |||
| 1. | Հողմապակու ապակեմաքրիչների և ողողիչների վիճակի և սահմանված ռեժիմում դրանց աշխատունակության ստուգում
2) ապակելվացների |
401 402 | |
| Անիվներ և դողեր | |||
| 1. | Դողերի մակնիշավորմանը և տրանսպորտային միջոցի կառուցվածքին, չափին և թույլատրելի բեռնվածքին դրանց համապատասխանության ու տեխնիկական վիճակի ստուգում
2) դողերի վնասվածքի առկայության 3) անիվների տեղակայման 4) անվահեծերի և սկավառակների ամրակապման ու վիճակի |
501 502 503 504 | |
| Շարժիչը և դրա համակարգերը | |||
| 1. | Բենզինային և գազաբալոնային շարժիչի բանած գազերում վնասակար նյութերի (ածխածնի օքսիդի` CO, և ածխաջրածինների` CH) պարունակության ստուգում | 601 | |
| 2. | Դիզելային շարժիչի ծխայնության ստուգում | 602 | |
| 3. | Սնման համակարգի սարքերի և խողովակաշարերի հերմետիկության ստուգում | 603 | |
| 4. | Չեզոքացուցիչների առկայության և սարքինության բանած գազերի արտածման համակարգի համալրվածության և այրվածքների, մեխանիկական ծակվածքների ու անկիպությունների առկայության ստուգում | 604 | |
| Կառուցվածքի այլ տարրեր | |||
| 1. | Պետական գրանցման համարանիշների տեղի համապատասխանությունը տեխնիկական պայմանների պահանջներին և ամրացման հուսալիության ստուգում | 701 | |
| 2. | Տրանսպորտային մրջոցի և դրա ագրեգատների մականշվածքների համապատասխանությունը տեխնիկական անձնագրի տվյալներին և դրանց փոփոխման առկայությունը | 702 | |
| 3. | Հետին տեսանելիության հայելիների առկայության, դրանց վիճակի և ամրակապման ստուգում | 703 | |
| 4. | Ձայնային ազդանշանի աշխատունակության ստուգում | 704 | |
| 5. | Ապակիների վիճակի (տեսանելիության), վարորդի նստատեղից տեսանելիությունը սահմանափակող լրացուցիչ իրերի առկայության ստուգում | 705 | |
| 6. | Վազքաչափի, պտուտաչափի և այլ չափիչ սարքերի սարքինության ստուգում | 706 | |
| 7. | Կախոցքի և կարդանային փոխանցման տարրերի տեխնիկական վիճակի և ամրակապման ստուգում | 707 | |
| 8. | Վարորդի և ուղևորների նստարանների կարգավորման մեխանիզմի տեխնիկական վիճակի և ամրակապման ստուգում | 708 | |
| 9. | Դռների կողպեքների, կողերի փականների, ցիստեռնների բկանցքերի աշխատունակության ստուգում | 709 | |
| 10. | Դռների կառավարման շարժաբերի աշխատունակության ստուգում | 710 | |
| 11. | Ավտոբուսների սրահներից վթարային ելքերի աշխատունակության, դրանց ցուցիչների և օգտագործման կարգի վերաբերյալ ցուցումների առկայության ստուգում | 711 | |
| 12. | Ապակիների տաքացման և փչահարման սարքերի աշխատունակության ստուգում | 712 | |
| 13. | Հետին պաշտպանիչ սարքվածքի, ցեխապաշտպանիչ գոգնոցների ու ցայտապաշտպանիչների առկայության, դրանց ամրակապման և վիճակի ստուգում | 713 | |
| 14. | Կցանքային հարմարանքի տեխնիկական վիճակի, սարքինության և տարրերի ամրակապման հուսալիության ստուգում | 714 | |
| 15. | Բժշկական դեղատուփի, կրակմարիչի, վթարային կանգառի նշանի առկայության ստուգում | 715 | |
| 16. | Հակահետգլորման հենակների առկայության ստուգում | 716 | |
| 17. | Անվտանգության գոտիների առկայության և աշխատունակության ստուգում | 717 | |
| 18. | Տեխնիկական նորմատիվների և ստանդարտների պահանջներին օպերատիվ և հատուկ ծառայությունների տրանսպորտային միջոցների գունագրաֆիկ ներկվածքի, հատուկ ձայնային և լուսային ազդանշանների համապատասխանության ստուգում | 718 | |
| Այլ աշխատանքներ | |||
| 1. | Տրանսպորտային միջոցի կառուցվածքում փոփոխությունների առկայության և դրանց վերաբերյալ համապատասխան մարմինների թույլտվության կամ համաձայնության առկայության ստուգում | 801 | |
| 2. | Մեծ եզրաչափեր ունեցող և ծանրաքաշ բեռներ փոխադրող տրանսպորտային միջոցների մոտ ապահովիչ հարմարանքների, լրացուցիչ հայելիների տարբերիչ նշանների, առկայծող փարոսիկների առկայության ստուգում | 802 | |
| 3. | Վտանգավոր բեռներ փոխադրող տրանսպորտային միջոցների մոտ տարբերիչ նշանների և փոխադրման անվտանգության պահանջներով նախատեսված այլ սարքերի առկայության, դրանց աշխատունակության և ամրացման հուսալիության ստուգում | 803 | |
| 4. | Մասնագիտացված տրանսպորտային միջոցների մոտ բեռի ամրացման հարմարանքի, հատուկ թափքերի, ցիստեռնների և այլ սարքավորումների տեխնիկական վիճակի, աշխատունակության և հուսալիության ստուգում | 804 | |
| 5. | Հատուկ տրանսպորտային միջոցների կառուցվածքով և տեխնիկական փաստաթղթերով նախատեսված սարքավորումների առկայության, դրանց տեխնիկական վիճակի և աշխատունակության ստուգում | 805 | |
Ց Ա Ն Կ N 3
ՏԵԽՆԻԿԱԿԱՆ ԶՆՆՈՒԹՅԱՆ ԿԱՅԱՆՆԵՐՈՒՄ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՏԵԽՆԻԿԱԿԱՆ ԶՆՆՈՒԹՅԱՆ ԺԱՄԱՆԱԿ ԴՐԱՆՑ ՎԻՃԱԿԻ ՍՏՈՒԳՄԱՆ ՀԱՄԱՐ ՕԳՏԱՈՐԾՎՈՂ ՏԵԽՆԻԿԱԿԱՆ ԱՐԱՏՈՐՈՇՄԱՆ ՄԻՋՈՑՆԵՐԻ
| NN ը/կ |
Սարքավորման տեսակը | Տեխնիկական բնութագիրը | ||
| վերահսկվող (ստուգվող) պարամետրերը | չափման սահմանը |
առավելա- գույն սխալանքը | ||
| 1 | 2 | 3 | 4 | 5 |
| Արգելակային համակարգի տեխնիկական արատորոշման պարտադիր միջոցները | ||||
| 1. | Հոլովակային ստենդ` թեթև մարդատար ավտոմոբիլների, միկրոավտոբուսների և փոքրատոննաժ բեռնատար ավտոմոբիլների արգելակային համակարգի ստուգման համար, որոնց սռնու վրա ընկնող առավելագույն զանգվածը չի գերազանցում 1000 կգ-ը | արգելակման ուժերը | 0-6.0 կՆ | 5 % |
| կառավարման օրգանի վրա գործադրվող ուժը |
300-700 Ն |
5 % | ||
| արգելակային համակարգի գործարկման ժամանակը |
0.4-2.0 վ |
+/-0.03 վ | ||
| տրանսպորտային միջոցի զանգվածը |
600-4000 կգ |
2 % | ||
| 2. | Հոլովակային ստենդ` բեռնատար ավտոմոբիլների և ավտոբուսների արգելակային համակարգի ստուգման համար, որոնց սռնու վրա ընկնող առավելագույն զանգվածը չի գերազանցում 13000 կգ-ը | արգելակման ուժերը | 0-40 ԿՆ | 5 % |
| կառավարման օրգանի վրա ընկնող ուժը |
300-700 Ն |
5 % | ||
| արգելակային համակարգի գործարկման ժամանակը |
0.4-2.0 վ |
+/-0.03 վ | ||
| տրանսպորտային միջոցի զանգվածը |
1500-13000 կգ |
2 % | ||
| 3. | Ունիվերսալ հոլովակային ստենդ` թեթև մարդատար և բեռնատար ավտոմոբիլների ու ավտոբուսների արգելակային համակարգի ստուգման համար, որոնց սռնու վրա ընկնող առավելագույն զանգվածը չի գերազանցում 13000 կգ-ը (օգտագործվում է սույն ցանկի 1-ին և 2-րդ կետերում նշված ստենդների և 4-րդ կետում նշված սարքի փոխարեն) | արգելակման ուժերը | 0-40 ԿՆ | 5 % |
| կառավարման օրգանի վրա գործադրվող ուժը |
300-700 Ն |
5 % | ||
| արգելակային համակարգի գործարկման ժամանակը |
0.4-2.0 վ |
+/-0.03 վ | ||
| տրանսպորտային միջոցի զանգվածը |
600-13000 կգ |
2 % | ||
| 4. | Ճանապարհային պայմաններում տրանսպորտային միջոցների արգելակային համակարգի ստուգման սարք (օգտագործվում է սույն ցանկի 1-ին, 2-րդ և 3-րդ կետերում նշված հոլովակային ստենդների փոխարեն) | դանդաղեցումը և կայունացված դանդաղեցման հաշվարկը | 0.4-8 մ/վ2 | 4 % |
| արգելակման ճանապարհ |
9-30 մ |
5 % | ||
| արգելակային համակարգի գործարկման ժամանակը |
0.2-2 վ |
+/-0.03 վ | ||
| կառավարման օրգանի վրա գործադրվող ուժը |
400-750 Ն |
5 % | ||
| տրանսպորտային միջոցի շարժման արագությունը |
2.6 կմ/ժ |
+/-1 կմ/ժ | ||
| 5. | Դանդաղաչափիչ՝ տրանսպորտային միջոցի դանդաղեցման չափիչ (օգտագործվում է միայն օժանդակ արգելակման համակարգի ստուգման համար` սույն ցանկի 4-րդ կետում նշված սարքի բացակայության դեպքում) | օժանդակ արգելակման համակարգով տրանսպորտային միջոցի արգելակման ժամանակ կայունացված դանդաղեցումը | 0.4-1 մ/վ2 և ավտոմատ տարբեր արագու- թյուններ |
5 % |
| Ղեկային վարման համակարգի տեխնիկական արատորոշման պարտադիր միջոցները | ||||
| 6. | Սարք` ղեկային վարման գումարային խաղի չափման համար (35 կգ/Նժ) | ղեկանիվի շրջադարձի անկյունը | մինչև 25 աստիճան | +/-1 աստ. |
| ճիգը` ղեկանիվի շրջադարձի ժամանակ |
մինչև |
1 % | ||
| 7. | Ձողակարկին | գծային չափերի չափում | 0.5-100 մմ | +/- 0.05 մմ |
| Արտաքին լուսավորման սարքերի տեխնիկական արատորոշման պարտադիր միջոցները | ||||
| 8. | Սարք` արտաքին լուսային սարքերի լույսի ստուգման համար | լուսաստվերային սահման պարունակող հարթության թեքվածքը | 30'-150' | 0.5 % |
| լուսային փնջի առանցքի հորիզոնական շեղումը հաշվանցման առանցքից |
մինչև 5 |
0.5 % | ||
| Անիվների և դողերի տեխնիկական արատորոշման պարտադիր միջոցները | ||||
| 9. | Դողերի ճնշաչափերի հավաքածու | սեղմված օդի ճնշումը | մինչև 1 ՄՊա (10 կգ/սմ2) |
+/- 0.01 ՄՊա |
| 10. | Դողի պահպանաշերտի նախշերի խորության չափիչ | պահպանաշերտի նախշերի մնացորդային բարձրությունը | 0.5-3.0 մմ | +/-0.1 մմ |
| Շարժիչի և դրա համակարգերի տեխնիկական արատորոշման պարտադիր միջոցները | ||||
| 11. | Գազաանալիզատոր (սարք` կայծային բռնկմամբ շարժիչներով (բենզինային, գազային) ավտոտրանսպորտային միջոցների արտանետումների մակարդակների չափման համար) | ածխածնի օքսիդի (CO) պարունակությունը | մինչև 5 % | 5 % |
| ածխաջրածինների (CH) պարունակությունը |
500-4000 մլն-1 |
5 % | ||
| ծնկաձև լիսեռի պտտման հաճախությունը |
500-3500 րոպե-1 |
2.5 % | ||
| 12. |
Ծխաչափ (սարք` դիզելային շարժիչով ավտոտրանսպորտային միջոցների ծխայնության (դիսպերս մասնիկների) չափման համար կամ ունիվերսալ չափիչ սարք` կայծային բռնկմամբ շարժիչներով (բենզինային, գազային) և դիզելային շարժիչներով ավտոտրանսպորտային միջոցների արտանետումների մակարդակներ չափելու համար (օգտագործվում է սույն ցանկի 11-րդ կետում նշված գազաանալիզատորի և 12-րդ կետում նշված ծխաչափի փոխարեն) |
լուսային հոսքի թուլացման իրական ցուցանիշը | 0.2-2մ-1 | 2.5 % |
| լուսային հոսքի թուլացման գործակիցը |
5-80 % |
2.5 % | ||
| ծնկաձև լիսեռի պտտման հաճախությունը |
500-8000 րոպե-1 |
1 % | ||
| տվյալները համապատասխանաբար` ըստ սույն ցանկի 11-րդ և 12-րդ կետերի |
համապատաս- |
համապատաս-խանաբար` ըստ սույն ցանկի | ||
| 13. | Հոսաորոնիչ` տրանսպորտային միջոցի սնման գազային համակարգի հերմետիկության ստուգման համար | օդում պրոպանի (մեթանի, հեքսանի և այլնի) պարունակությունը |
մինչև 20 % |
2 % |
| Տրանսպորտային միջոցի կառուցվածքի այլ տարրերի տեխնիկական արատորոշման պարտադիր միջոցները | ||||
| 14. | Ստենդ` տրանսպորտային միջոցների ղեկային վարման շարժաբերի և կախոցքի վիճակի ստուգման համար | երկու փոխուղղահայաց ուղղություններով հարթակների տեղաշարժը | 100 մմ | |
| հարթակների տեղաշարժի առավելագույն ճիգը. ոչ պակաս` թեթև մարդատար ավտոմոբիլների համար բեռնատար ավտոմոբիլների և ավտոբուսների համար |
11 ԿՆ |
|||
| Պարտադիր գարաժային սարքավորումներ | ||||
| 15. | Կոմպրեսոր` մանոմետրով, ծայրակալով | արտադրողականությունը | 1 մ3 /րոպե | - |
| վերջնական ճնշումը |
մինչև 1 ՄՊա |
|||
| 16. | Ավտոմեխանիկի գործիքների հավաքակազմ |
- |
- | - |
| Համակարգչային տեխնիկա | ||||
| 17. | Համակարգիչ` լազերային տպիչով | տակտային հաճախականություն |
1000 ՄՀց |
- |
| գործարարական հիշողության ծավալը |
128 ՄԲ |
|||
Ձև N 1
ՏՐԱՆՍՊՈՐՏԱՅԻՆ ՄԻՋՈՑԻ ՏԵԽՆԻԿԱԿԱՆ ՎԻՃԱԿԻ ԱՐԱՏՈՐՈՇՄԱՆ ՔԱՐՏ
Տեխնիկական զննության կայանի անվանումը ________________________________
Գտնվելու վայրը ________________________ , պետական գրանցման N __________
Տեխնիկական զննության ամսաթիվը _____ _____________________________ 200 թ.
Տեխնիկական զննության փուլը` սկզբնական (կրկնակի) (ընդգծել)
Մակնիշը ________________________ , թողարկման տարեթիվը _______________
Համարանիշը _____________________ , թափք N _________________________
Շարժիչը ___________________________ , հենասահքը ___________________
Նույնականացման (VIN) համարը ________________________________________
Պետական գրանցման փաստաթուղթը ____________, սերիան _______ , համարը ______
Գրանցված է Հայաստանի Հանրապետության ոստիկանության ճանապարհային ոստիկանության
_________________________ բաժանմունքում:
Սեղմված բնական կամ հեղուկացված նավթային գազով աշխատելու համար վերասարքավորման
ակտի N __________________ , տրված _____ __________________ 200 թ.
|
Արգելակային |
բանվոր. արգելակ. տես. արգելակ. ուժը |
101 | կայան.արգելակ. տես. արգելակ. ուժ | 102 | անիվների արգելակ. ուժերի անհավ. |
103 | արգելակային ճանապարհը |
104 | |
| Կայունացված դանդաղեցումը | 105 | թեքության վրա կայանման արգելակ | 106 | պնևմատիկ արգելաշարժաբերի հերմ. | 107 | հիդրավլիկ արգելակ.շարժաբերի հերմետ. | 108 | ազդանշանման ճնշաչափը | 109 |
| Բանվոր. արգելակ. գործարկմամ ժամ. |
110 | արգելակման ժամանակ գծային շեղում | 111 | օժանդակ արգելակ. համակարգ | 112 | արգելակ. տարրերի վիճակը |
113 | արգելակ. տարրերի համապատ. | 114 |
|
Ղեկային |
ղեկանիվի գումարային խաղը | 201 | դետալների տեղաշարժ խաղ, սևեռում | 202 | ղեկային ուժեղարարի |
203 | ղեկային կառավար. տարրերի վիճակը |
204 | |
|
Արտաքին |
հեռահար, մոտակա լույսի լապտերներ | 301 | հակամառախուղ. լապտերներ | 302 | արգելակման ազդանշաններ |
303 | եզրաչափային լույսեր |
304 | |
| Շրջադարձի ցուցիչ վթար. ազդար. | 305 | Համարանիշի լուսավոր. լապտեր | 306 | հետընթացի լույսեր | 307 | լուսային անդրա- դարձիչներ |
308 | ավտոգնացքի նշաններ | 309 |
|
Հողմապակու մաքրիչներ, |
ապակեմաքրիչներ | 401 | ապակելվացներ | 402 | |||||
|
Անիվներ և դողեր 500 |
պահպանաշերտի նախշանկար | 501 | դողերի վնասվածք |
502 | դողերի տեղակայումը | 503 | անվահեծեր և սկավառակներ | 504 | |
|
Շարժիչը և |
CO-ի և CH-ի պարունակությունը | 601 | դիզել. շարժիչի ծխայնությունը | 602 | սնման համակարգը | 603 | արտածման համակարգը | 604 | |
|
Կառուցվածքի այլ |
գրանցման համարանիշերը | 701 | տրանսպորտ. մրջոց. մակնիշավորում | 702 | հետին տեսանելիության հայելիներ | 703 | ձայնային ազդանշանը | 704 | |
| Ապակիների տեսանելի թափանցիկ. | 705 | վազքաչափ, պտու-տաչափ, այլ սարք | 706 | կախոցքի, կարդան. փոխանց. տարրեր | 707 | վարորդի նստարանի մեխանիզմ | 708 | կողպեք-փական` ցիստեռնների | 709 |
| Դռների կառավարման շարժաբերը | 710 | վթարային ելքը | 711 | ապակե տաքացուց. և փչահար սարք | 712 | ցեխապաշտպանիչ գոգնոցներ | 713 | կցանքային հարմարանք | 714 |
| Դեղատուփ, կրակմարիչ, կանգառի նշան | 715 | հակահետգլորման հենակներ | 716 | անվտանգության գոտիներ |
717 | գունագրաֆիկ ներկազդանշաններ | 718 | ||
| Կառուցվածքի փոփոխություն | 801 | մեծ եզրաչափերով և ծանրաքաշ բեռ | 802 | վտանգավոր բեռ | 803 | մասնագիտացված տրանսպորտ | 804 | հատուկ տրանս-պորտային միջոց | 805 |
Դիտողություններ ստուգման ժամանակ հայտնաբերված անսարքությունների մասին ԵՎ լրացուցիչ տեղեկություններ
Հատկացվել է N_________________ տեխնիկական զննության կտրոնը:
| Տրանսպորտային միջոցի տեխնիկական վիճակի հսկիչ |
___________ |
____________________ |
|
(ստորագրությունը) |
(անունը, ազգանունը, հայրանունը) |
Կ.Տ.
| Տրանսպորտային միջոցը տնօրինող |
___________ |
____________________ |
|
(ստորագրությունը) |
(անունը, ազգանունը, հայրանունը) |
Ձև N 2
Տ Ե Ղ Ե Կ Ա Ն Ք
ՏԵԽՆԻԿԱԿԱՆ ԶՆՆՈՒԹՅՈՒՆ ԱՆՑԱԾ ՏՐԱՆՍՊՈՐՏԱՅԻՆ ՄԻՋՈՑՆԵՐԻ ՍԵՓԱԿԱՆԱՏԵՐԵՐԻ ԿՈՂՄԻՑ ԿԱՏԱՐՎԱԾ ԲՆԱՊԱՀՊԱՆԱԿԱՆ ՎՃԱՐՆԵՐԻ ՄԱՍԻՆ
Տեխնիկական զննության կայանի անվանումը ________________________________
|
NN ը/կ |
Ամսաթիվը |
Տրանսպորտային միջոցի` |
Բնապահպանական վճարի` | ||||
|
|
|
մակնիշը, մոդելը |
պետհա- |
թողարկման |
սեփականատիրոջ |
անդորրագրի |
վճարված |
|
1 |
2 |
3 |
4 |
5 |
6 |
7 |
8 |
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
|
(ձևը փոփ. 05.08.10 N 974-Ն)
(հավելվածը խմբ. 06.08.09 N 903-Ն, փոփ. 20.05.10 N 761-Ն, խմբ., փոփ., լրաց. 05.08.10 N 974-Ն, լրաց. 21.04.11 N 441-Ն, լրաց., փոփ. 08.11.12 N 1406-Ն)