ՄԱՔՍԱՅԻՆ ՄԻՈՒԹՅԱՆ ՀԱՆՁՆԱԺՈՂՈՎ

Ո Ր Ո Շ ՈՒ Մ

23 սեպտեմբերի, 2011 թվականի

թիվ 785

քաղ. Ալմաթի

«Ապրանքների մաքսային արժեքի հայտարարագրման կարգում» փոփոխություններ ԵՎ լրացումներ կատարելու մասին

Մաքսային միության հանձնաժողովը որոշեց.

1. Փոփոխություններ և լրացումներ կատարել Մաքսային միության հանձնաժողովի 2010 թվականի սեպտեմբերի 20-ի թիվ 376 որոշմամբ հաստատված «Ապրանքների մաքսային արժեքի հայտարարագրման կարգում»՝ հավելվածի համաձայն։

2. Հանձնարարել փորձագիտական խմբին մշակել մաքսային արժեքի հայտարարագրի էլեկտրոնային պատճենի կառուցվածքը և ձևը (ՄԱՀ-2 ձև)՝ Մաքսային միության հանձնաժողովի կողմից 2010 թվականի հունիսի 18-ի թիվ 304 որոշմամբ հաստատված «Մաքսային հայտարարագիրը լրացնելու համար օգտագործվող դասակարգիչների» մշակման համար։

3. Սույն Որոշման 1-ին կետն ուժի մեջ է մտնում 2012 թվականի հունվարի 1-ից:

4. Սույն Որոշման 2-րդ կետն ուժի մեջ է մտնում Մաքսային միության հանձնաժողովի համացանցային պաշտոնական կայքում սույն Որոշման պաշտոնական հրապարակման ամսաթվից։

Մաքսային միության հանձնաժողովի անդամներ՝

Բելառուսի Հանրապետությունից	Ղազախստանի Հանրապետությունից	Ռուսաստանի Դաշնությունից
Ս. Ռումաս	Ու. Շուկեև	Ի. Շուվալով

Հավելված Մաքսային միության  հանձնաժողովի 2011 թվականի սեպտեմբերի 23-ի  թիվ 785 որոշման

Փոփոխություններ և լրացումներ

Մաքսային միության հանձնաժողովի 2010 թվականի սեպտեմբերի 20-ի թիվ 376 որոշմամբ հաստատված «Ապրանքների մաքսային արժեքի հայտարարագրման կարգում»

«Ապրանքների մաքսային արժեքի հայտարարագրման կարգում» կատարել հետևյալ փոփոխությունները և լրացումները.

1. 3-րդ կետում «ՄԱՀ-1 համապատասխան վանդակը լրացնելու կարգի II բաժնով սահմանված» բառերը փոխարինել «ՄԱՀ-1 և ՄԱՀ-2 համապատասխան վանդակները լրացնելու կարգի II և III բաժիններով սահմանված» բառերով:

2. [փոփոխությունը վերաբերում է միայն ռուսերենին]:

3. 7-րդ կետի երրորդ պարբերությունը շարադրել հետևյալ խմբագրությամբ՝

«Համաձայնագրի 6-10-րդ հոդվածներով նախատեսված մաքսային արժեքի որոշման մեթոդներով ապրանքների մաքսային արժեքը որոշելիս՝ լրացվում է ՄԱՀ- 2-ը (Կարգի 3-րդ հավելված):»

4. 9-րդ կետը լրացնել հետևյալ բովանդակությամբ պարբերություններով՝

«ՄԱՀ-2-ը բաղկացած է երկու հիմնական թերթերից՝ առաջին թերթից, որը պարունակում է ապրանքների հայտարարագրում հայտարարագրվող բոլոր ապրանքների վրա տարածվող տեղեկությունները, և երկրորդ թերթից, որի մեջ նշվում են այն տեղեկությունները, որոնք օգտագործվում են հայտարարագրվող ապրանքների մաքսային արժեքը որոշելիս, և մաքսային արժեքի մեծության հաշվարկը։ Եթե ապրանքների մեկ հայտարարագրով հայտարարագրվում են երեքից ավելի անուն ապրանքներ, ապա ապրանքների մաքսային արժեքի հայտարարագրման համար օգտագործվում են լրացուցիչ թերթեր: Այդ դեպքում, որպես լրացուցիչ թերթ, օգտագործվում է ՄԱՀ-2-ի երկրորդ հիմնական թերթի ձևաթուղթը:

Երրորդ թերթից սկսած՝ ՄԱՀ-2-ի բոլոր թերթերը համարվում են լրացուցիչ։ Լրացուցիչ թերթերի համարակալումն սկսվում է երրորդ համարից (1-ին և 2-րդ թերթերը ձևի հիմնական թերթերն են, 3-րդն ու հաջորդ թերթերը՝ լրացուցիչ)։

ՄԱՀ-2-ի առաջին հիմնական թերթը ընդհանուր (միասնական) է Համաձայնագրի 6-10-րդ հոդվածներով սահմանված ապրանքների մաքսային արժեքը որոշելու բոլոր մեթոդների համար: ՄԱՀ-2-ի երկրորդ հիմնական թերթը կարող է լինել հաստատված չորս տեսակներից որևէ մեկից՝ կախված ապրանքների մաքսային արժեքը որոշելու մեթոդից: ՄԱՀ-2-ի երկրորդ և լրացուցիչ թերթերի համապատասխան տարբերակն օգտագործվում է ապրանքների մաքսային արժեքը որոշելու ժամանակ, կիրառելով՝

- նույնական կամ համանման ապրանքներով գործարքների արժեքի մեթոդները՝ Համաձայնագրի 6-րդ կամ 7-րդ հոդվածներին համապատասխան (այսուհետ՝ 2-րդ մեթոդ կամ 3-րդ մեթոդ, համապատասխանաբար), և դրանց հիման վրա պահուստային մեթոդը՝ Համաձայնագրի 10-րդ հոդվածին համապատասխան (այսուհետ՝ 6-րդ մեթոդ).

- հանման մեթոդը՝ Համաձայնագրի 8-րդ հոդվածին համապատասխան (այսուհետ՝ 4-րդ մեթոդ), և դրա հիման վրա՝ 6-րդ մեթոդը.

- գումարման մեթոդը՝ Համաձայնագրի 9-րդ հոդվածին համապատասխան (այսուհետ՝ 5-րդ մեթոդ), և դրա հիման վրա՝ 6-րդ մեթոդը.

- 1-ին մեթոդի հիման վրա՝ 6-րդ մեթոդը։»:

5. 10-րդ կետում «ՄԱՀ-1-ի հիմնական ձևի առաջին թերթը» բառերը փոխարինել «ՄԱՀ-1-ի ձևի առաջին հիմնական թերթը» բառերով, «ՄԱՀ-1-ի հիմնական ձևի երկրորդ թերթում» բառերը փոխարինել «ՄԱՀ-1-ի ձևի երկրորդ հիմնական թերթում» բառերով։

6. [փոփոխությունը վերաբերում է միայն ռուսերենին]։

7. II բաժնում՝

«ՄԱՀ» բառերը փոխարինել «ՄԱՀ-1» բառերով.

21-րդ կետում «(Կարգի III բաժին)» բառերը փոխարինել «(Կարգի IV բաժին)» բառերով.

22-րդ կետում՝

«Վանդակ «ԱՏԳ ԱԱ ծածկագիր» բառերը փոխարինել «Վանդակ «ՄՄ ԱՏԳ ԱԱ ծածկագիր» բառերով.

[փոփոխությունը վերաբերում է միայն ռուսերենին]:

8. Ավելացնել հետևյալ բովանդակությամբ նոր՝ III բաժին.

«III. ՄԱՀ-2-ը լրացնելու կանոնները

23. ՄԱՀ-2-ը կազմող անձի կողմից վանդակները լրացնելու կարգ.

Վանդակ 1.

Նշվում են արտաքին տնտեսական գործարքի կողմ հանդիսացող օտարերկրյա անձի լրիվ անվանումը (իրավաբանական անձանց համար) կամ ազգանունը, անունը, հայրանունը (ֆիզիկական անձանց համար) և գտնվելու վայրի հասցեն.

կազմակերպության համար՝ անվանումը և գտնվելու վայրը (հասցեն),

անհատ ձեռնարկատիրոջ համար՝ ազգանունը, անունը, հայրանունը և բնակության վայրը (երկրի կրճատ անվանումը, վարչատարածքային միավորը, բնակավայրը, փողոցը, տան և բնակարանի համարը)։

Վանդակ 2ա.

Նշվում են տեղեկություններ ապրանքների ներմուծման երկրի այն գործարքի կողմ հանդիսացող (կամ, միակողմանի գործարքի դեպքում՝ ապրանքներն ստացող) անձի վերաբերյալ, ինչին համապատասխան ապրանքները ներմուծվում են Մաքսային միության մաքսային տարածք.

կազմակերպության համար՝ անվանումը, դրա կազմակերպաիրավական ձևը և գտնվելու վայրը (երկրի կրճատ անվանումը, վարչատարածքային միավորը, բնակավայրը, փողոցը, տան և բնակարանի համարը).

անհատ ձեռնարկատիրոջ համար՝ ազգանունը, անունը, հայրանունը և բնակության վայրը (երկրի կրճատ անվանումը, վարչատարածքային միավորը, բնակավայրը, փողոցը, տան և բնակարանի համարը)։

Վանդակի վերին աջ անկյունում նշվում է՝

Բելառուսի Հանրապետության համար՝ վճարողի հաշվառման համարը (ՎՀՀ), Ղազախստանի Հանրապետության համար՝ նույնականացման համարը (ՆՀ)՝ կազմակերպության (մասնաճյուղի և ներկայացուցչության) ու համատեղ ձեռնարկատիրական գործունեություն իրականացնող անհատ ձեռնարկատիրոջ դեպքում, կամ անհատական նույնականացման համարը (ԱՆՀ)՝ ֆիզիկական անձի, այդ թվում՝ անձնական ձեռնարկատիրական գործունեություն իրականացնող անհատ ձեռնարկատիրոջ դեպքում.

Ռուսաստանի Դաշնության համար՝ հարկ վճարողի նույնականացման համարը (ՀՎՆՀ) և «/» բաժանիչ նշանից հետո հաշվառման կանգնեցնելու պատճառի ծածկագիրը (ՀԿՊԾ):

Վանդակի ստորին մասում նշվում է՝

Ղազախստանի Հանրապետության համար՝ գնորդի նույնականացման մաքսային համարը (ՆՄՀ)՝ Նույնականացման մաքսային համարի ձևավորման դասակարգչին համապատասխան.

Ռուսաստանի Դաշնության համար՝ պետական գրանցման հիմնական համարը (ՊԳՀՀ) կամ անհատ ձեռնարկատիրոջ պետական գրանցման վերաբերյալ գրառման պետական գրանցման հիմնական համարը (ԱՁՊԳՀՀ)։Վանդակ 2բ.

Վանդակում նշվում են տեղեկություններ ՄԱՀ-2-ը լրացրած անձի վերաբերյալ՝ կազմակերպության համար՝ անվանումը, դրա կազմակերպաիրավական ձևը և գտնվելու վայրը (երկրի կրճատ անվանումը, վարչատարածքային միավորը, բնակավայրը, փողոցը, տան և բնակարանի համարը).

անհատ ձեռնարկատիրոջ համար՝ ազգանունը, անունը, հայրանունը և բնակության վայրը (երկրի կրճատ անվանումը, վարչատարածքային միավորը, բնակավայրը, փողոցը, տան և բնակարանի համարը)։

Վանդակի վերին աջ անկյունում նշվում է՝

Բելառուսի Հանրապետության համար՝ վճարողի հաշվառման համարը (ՎՀՀ),

Ղազախստանի Հանրապետության համար՝ նույնականացման համարը (ՆՀ)՝ կազմակերպության (մասնաճյուղի և ներկայացուցչության) ու համատեղ ձեռնարկատիրական գործունեություն իրականացնող անհատ ձեռնարկատիրոջ դեպքում, կամ անհատական նույնականացման համարը (ԱՆՀ)՝ ֆիզիկական անձի, այդ թվում՝ անձնական ձեռնարկատիրական գործունեություն իրականացնող անհատ ձեռնարկատիրոջ դեպքում.

Ռուսաստանի Դաշնության համար՝ հարկ վճարողի նույնականացման համարը (ՀՎՆՀ) և «/» բաժանիչ նշանից հետո հաշվառման կանգնեցնելու պատճառի ծածկագիրը (ՀԿՊԾ):

Վանդակի ստորին մասում նշվում է՝

Ղազախստանի Հանրապետության համար՝ այն լրացնող անձի նույնականացման մաքսային համարը (ՆՄՀ)՝ Նույնականացման մաքսային համարի ձևավորման դասակարգչին համապատասխան,

Ռուսաստանի Դաշնության համար՝ պետական գրանցման հիմնական համարը (ՊԳՀՀ) կամ անհատ ձեռնարկատիրոջ պետական գրանցման վերաբերյալ գրառման պետական գրանցման հիմնական համարը (ԱՁՊԳՀՀ)։

Վանդակ 3.

Նշվում է մատակարարման պայմանների անվանումը (լատինական պայմանանշաններով)՝ Մատակարարման պայմանների դասակարգչին համապատասխան, և աշխարհագրական կետի անվանումը, ելնելով այն տեղեկություններից, որոնք նշված են գործարքն ուղեկցող առևտրային փաստաթղթերում, կամ, նման տեղեկությունների բացակայության դեպքում, ելնելով գործարքի կազմակերպման փաստացի հանգամանքներից:

Վանդակ 4.

Նշվում են հայտարարագրվող ապրանքների մատակարարման համար հիմք հանդիսացող փաստաթղթի համարը և ամսաթիվը (օրինակ՝ ապրանքների անհատույց մատակարարման համաձայնագրի համարը և ամսաթիվը):

Վանդակ 5.

Նշվում են մաքսային մարմինների կողմից նախկինում ընդունված՝ տվյալ պայմանագրի շրջանակներում ապրանքների նախորդ մատակարարումների նկատմամբ անցկացված ստուգումների վերաբերյալ որոշումներ կամ այդպիսի ապրանքների վերաբերյալ դատական մարմինների որոշումներ պարունակող փաստաթղթերի վավերապայմանները (համարն ու ամսաթիվը): Չեն նշվում 8-րդ վանդակի փաստաթղթերը:

Վանդակ 6.

«X» նշանով նշվում է այն մեթոդը, որն օգտագործվում է հայտարարագրվող ապրանքների մաքսային արժեքը որոշելու համար:

1-ին մեթոդի հիման վրա 6-րդ մեթոդով մաքսային արժեքը որոշելիս՝ կատարվում է նշում միայն (զ) դաշտում:

2-5-րդ մեթոդների հիման վրա 6-րդ մեթոդով մաքսային արժեքը որոշելիս՝ միաժամանակ նշում է կատարվում (ե) դաշտում և այն դաշտում, որը համապատասխանում է 2-5-րդ մեթոդներից որևէ մեկին:

Եթե ՄԱՀ-2-ի «Ապրանք թիվ» վանդակներում տարբեր համարների տակ նշված ապրանքների մաքսային արժեքի որոշման համար օգտագործվում են մաքսային արժեքի որոշման տարբեր մեթոդներ, ապա կատարվում է նշում (է) դաշտում:

Վանդակ 7.

Նշվում է այն պատճառների հակիրճ հիմնավորումը, որոնց հետ կապված անկիրառելի են 6-րդ վանդակում նշված մեթոդին նախորդող բոլոր մեթոդները, ընդ որում, 1-ին մեթոդի համար պարտադիր է Մաքսային միության մաքսային օրենսդրության կոնկրետ դրույթների նշումը, որոնց համապատասխան, դրա կիրառումն անհնարին է. մնացած մեթոդների համար, որպես դրանց կիրառման անհնարինության հիմնավորում, նշվում է համապատասխան փաստաթղթերի և տեղեկությունների (դրանց կոնկրետացմամբ) բացակայությունը:

Վանդակ 8.

Նշվում են հիմնական փաստաթղթերի անվանումները և վավերապայմանները, որոնք ներկայացված են ի հաստատումն տրամադրված տեղեկությունների՝ ելնելով մաքսային արժեքի որոշման կիրառված մեթոդից:

2-րդ և 3-րդ մեթոդներով մաքսային արժեքը որոշելիս՝ նշվում են օգտագործվող փաստաթղթերի վավերապայմանները, որոնց հիման վրա, ըստ 1-ին մեթոդի, մաքսային մարմնի կողմից ընդունվել է նույնական կամ համանման ապրանքների մաքսային արժեքը՝ պայմանագրի, հաշիվ-ապրանքագրի համարը և ամսաթիվը, ապրանքների մասին հայտարարագրի և մաքսային արժեքի հայտարարագրի գրանցման համարը, որը կազմվել է ՄԱՀ-1-ի ձևի համաձայն, դրա լրացված լինելու դեպքում:

4-րդ մեթոդով ապրանքների մաքսային արժեքը որոշելիս՝ նշվում են օգտագործվող փաստաթղթերի վավերապայմանները, որոնք պարունակում են տեղեկություններ նախկինում ներմուծված նույնական կամ համանման ապրանքների կամ գնահատվող ապրանքների գնի վերաբերյալ, որով Մաքսային միության միասնական մաքսային տարածքում վաճառվում է ապրանքների համախառն ամենամեծ քանակությունը՝ հաշիվ-ապրանքագրեր, պայմանագրեր կամ այլ փաստաթղթեր, որոնք հաստատում են ապրանքի միավորի գինը:

5-րդ մեթոդով ապրանքների մաքսային արժեքը որոշելիս՝ նշվում են այն փաստաթղթերը, որոնց հիման վրա ընդունվում է ապրանքների հաշվարկային արժեքը, ելնելով նրանից, որ այդպիսի փաստաթղթերը համապատասխանում են ապրանքների արտադրության երկրում կիրառվող հաշվապահական հաշվառման ընդհանուր սկզբունքներին:

6-րդ մեթոդով ապրանքների մաքսային արժեքը որոշելիս՝ նշվում են փաստաթղթերի վավերապայմանները, որոնք, 1-5-րդ մեթոդների ճկուն կիրառության վերաբերյալ Համաձայնագրի պահանջներին համապատասխան, օգտագործվում են որպես հիմք՝ այդ մեթոդով գնահատվող ապրանքների մաքսային արժեքի որոշման համար:

Վանդակ 9.

Նշվում է ՄԱՀ-2-ի լրացուցիչ թերթերի թիվը (թերթերի թիվը պետք է համապատասխանի վերջին թերթի՝ 2 անգամ փոքրացված համարին)։

Վանդակ 10.

Լրացվում է ՄԱՀ-1-ի 10բ վանդակի լրացման համար նախատեսված կարգով:

2-րդ, 3-րդ մեթոդները և դրանց հիման վրա՝ 6-րդ մեթոդը

24. ՄԱՀ-2 ձևի երկրորդ թերթը՝ 2-րդ, 3-րդ, 6-րդ մեթոդների համար։ Վանդակ «Ապրանք թիվ»

Նշվում է ապրանքի համարը ապրանքների մասին հայտարարագրի համապատասխան վանդակից։

ՄՄ ԱՏԳ ԱԱ մեկ դասակարգման ծածկագրի նշումով մեկ ապրանքային խմբաքանակում պարունակվող տարբեր անուն ապրանքներ հայտարարագրելիս, երբ անհրաժեշտ է նշել տեղեկություններ ցուցակում ընդգրկված յուրաքանչյուր կամ որոշ ապրանքների վերաբերյալ, նշվում է ապրանքի համապատասխան հերթական համարը՝ ըստ ցուցակի։

Վանդակ «ՄՄ ԱՏԳ ԱԱ ծածկագիր»:

Նշվում է ապրանքի ծածկագիրը՝ ըստ ՄՄ ԱՏԳ ԱԱ-ի։

11-18ա վանդակներում ներկայացված արժեքային ցուցանիշները նշվում են Մաքսային միության անդամ պետության արժույթով:

Վանդակ 11.

Նշվում է նույնական կամ համանման ապրանքներով գործարքների արժեքը, որոնք վաճառվել են Մաքսային միության մաքսային տարածք ներմուծելու համար և արտահանվել են Մաքսային միության մաքսային տարածք այն նույն կամ դրան համապատասխանող ժամանակահատվածում, ինչ գնահատվող ապրանքները, այսինքն՝ Համաձայնագրի 4-րդ հոդվածին համապատասխան՝ հայտարարատուի կողմից որոշված և սահմանված կարգով մաքսային մարմնի կողմից ընդունված (ՄԱՀ-1 վանդակ 25ա) նույնական կամ համանման ապրանքների մաքսային արժեքը:

Բաժին Բ «Գործարքի արժեքի ճշգրտումներ (+/-)»:

Սույն բաժնում ներկայացվում են 11-րդ վանդակում նշված նույնական կամ համանման ապրանքներով գործարքի արժեքի (համապատասխան ՄԱՀ-1-ի 25ա վանդակում նշված նույնական կամ համանման ապրանքների մաքսային արժեքի) համապատասխան ճշգրտումները, որոնք ապահովում են նույնական (համանման) ապրանքների ներմուծման պայմանները գնահատվող ապրանքների ներմուծման պայմանների հետ համադրելի տեսքի բերելը:

Ճշգրտումները կարող են լինել ինչպես «+» նշանով, եթե դրանցով ավելացվում է նույնական կամ համանման ապրանքներով գործարքների արժեքը, այնպես էլ՝ «-» նշանով, եթե դրանցով պակասեցվում է նույնական կամ համանման ապրանքներով գործարքների արժեքը:

Նույնական կամ համանման ապրանքներով գործարքի արժեքի ճշգրտումն արվում է նման ճշգրտումների հիմնավորվածությունն ու ճշտությունը հաստատող և Մաքսային միության մաքսային օրենսդրության պահանջները բավարարող տեղեկությունների հիման վրա:

Վանդակ 12ա.

Նշվում է մեծությունը, որի չափով պետք է պակասեցվի 11-րդ վանդակում բերված նույնական կամ համանման ապրանքներով գործարքների արժեքը ապրանքի միավորի գնի փոփոխության կապակցությամբ (ենթադրվում են այն դեպքերը, երբ պայմանագրին համապատասխան ապրանքների միավորի գինը կախված է ապրանքների վաճառված միավորների քանակից, իսկ գնահատվող և նույնական (համանման) ապրանքները վաճառված են այն քանակություններով, որոնք համապատասխանում են ապրանքների միավորի գների տարբեր մակարդակներին):

Վանդակը չի լրացվում, եթե 11-րդ վանդակում նշված է այն նույնական կամ համանման ապրանքներով գործարքների արժեքը, որոնք վաճառվել են, ըստ էության, այն նույն քանակությամբ, ինչ գնահատվող ապրանքները (այսինքն՝ ապրանքների միավորի միևնույն գնով), կամ բացակայում է փաստաթղթային հիմնավորումը, որ ապրանքների միավորի գինը կախված է այդ ապրանքի վաճառված միավորների քանակից:

Վանդակ 12բ.

Նշվում է մեծությունը, որի չափով պետք է պակասեցվի 11-րդ վանդակում բերված նույնական կամ համանման ապրանքներով գործարքների արժեքն այնպես, ինչպես դա կարվեր, եթե նույնական կամ համանման ապրանքները վաճառված լինեին նույն առևտրային մակարդակով, ինչ գնահատվող ապրանքները:

Վանդակը չի լրացվում, եթե 11-րդ վանդակում նշված է այն նույնական կամ համանման ապրանքներով գործարքների արժեքը, որոնք վաճառվել են նույն առևտրային մակարդակով (մեծածախ, մանրածախ և այլն), ինչ գնահատվող ապրանքները:

Վանդակ 12գ.

Նշվում են.

- Մաքսային միության մաքսային տարածք գնահատվող ապրանքների ժամանման վայրը (աշխարհագրական կետը),

- մինչև Մաքսային միության մաքսային տարածքում գտնվող ժամանման վայր նույնական կամ համանման և գնահատվող ապրանքների փոխադրման (տրանսպորտային փոխադրման) ծախսերի միջև տարբերությունը։

Վանդակը լրացվում է, եթե, ի տարբերություն նույնական (համանման) ապրանքների, գնահատվող ապրանքները փոխադրվում են այլ երթուղով և (կամ) այլ տեսակի տրանսպորտով։

Վանդակ 12դ.

Նշվում է բեռնման, բեռնաթափման կամ փոխաբեռնման և մինչև Մաքսային միության մաքսային տարածքում գտնվող ժամանման վայր նույնական կամ համանման ապրանքների փոխադրման (տրանսպորտային փոխադրման) հետ կապված այլ գործողությունների իրականացման ծախսերի և գնահատվող ապրանքների մասով նույնանման ծախսերի միջև տարբերությունը։

Վանդակ 12ե.

Նշվում է 12գ և 12դ վանդակներում նշված գործողությունների հետ կապված՝ գնահատվող ապրանքների և նույնական ու համանման ապրանքների ապահովագրական ծախսերի միջև տարբերությունը։

12դ և 12ե վանդակները լրացվում են, եթե գնահատվող ապրանքների հետ կապված համապատասխան ծախսերն էապես տարբերվում են 11-րդ վանդակում նշված՝ նույնական կամ համանման ապրանքներով գործարքի արժեքի մեջ ներառված ծախսերից։

Վանդակ 13.

Նշվում է 12ա-12ե վանդակներում ներկայացված մեծությունների գումարը։

Վանդակ 14ա.

Նշվում է այն մեծությունը, որի չափով պետք է մեծացվի 11-րդ վանդակում ներկայացված՝ նույնական կամ համանման ապրանքներով գործարքների արժեքը, ապրանքի միավորի գնի փոփոխության կապակցությամբ (հաշվի են առնվում այն դեպքերը, երբ պայմանագրին համապատասխան՝ ապրանքների միավորի գինը կախված է ապրանքների վաճառված միավորների քանակից, իսկ գնահատվող և նույնական (համանման) ապրանքները վաճառված են այն քանակություններով, որոնք համապատասխանում են ապրանքների միավորի գների տարբեր մակարդակներին):

Վանդակը չի լրացվում, եթե 11-րդ վանդակում նշված է նույնական կամ համանման այն ապրանքներով գործարքի արժեքը, որոնք վաճառվել են, ըստ էության, այն նույն քանակությամբ, ինչ գնահատվող ապրանքները (այսինքն՝ ապրանքների միավորի միևնույն գնով), կամ եթե բացակայում է փաստաթղթային հաստատումն այն մասին, որ ապրանքների միավորի գինը կախված է այդ ապրանքի վաճառված միավորների քանակությունից:

Վանդակ 14բ.

Նշվում է այն մեծությունը, որի չափով պետք է մեծացվի 11-րդ վանդակում ներկայացված՝ նույնական կամ համանման ապրանքներով գործարքների արժեքն այնպես, ինչպես դա կարվեր, եթե նույնական կամ համանման ապրանքները վաճառված լինեին նույն առևտրային մակարդակով, ինչ որ գնահատվող ապրանքները:

Վանդակը չի լրացվում, եթե 11-րդ վանդակում նշված է այն նույնական (համանման) ապրանքներով գործարքի արժեքը, որոնք վաճառվել են նույն առևտրային մակարդակով (մեծածախ, մանրածախ և այլ), ինչ որ գնահատվող ապրանքները:

Վանդակ 14գ.

Նշվում են.

- Մաքսային միության մաքսային տարածք գնահատվող ապրանքների ժամանման վայրը (աշխարհագրական կետը),

- մինչև Մաքսային միության մաքսային տարածքում գտնվող ժամանման վայր նույնական կամ համանման և գնահատվող ապրանքների փոխադրման (տրանսպորտային փոխադրման) ծախսերի միջև տարբերությունը։

Վանդակը լրացվում է, եթե, ի տարբերություն նույնական կամ համանման ապրանքների, գնահատվող ապրանքները փոխադրվում են այլ երթուղով և (կամ) այլ տեսակի տրանսպորտով։

Վանդակ 14դ.

Նշվում է բեռնման, բեռնաթափման կամ փոխաբեռնման և մինչև Մաքսային միության մաքսային տարածքում գտնվող ժամանման վայր նույնական կամ համանման ապրանքների փոխադրման (տրանսպորտային փոխադրման) հետ կապված այլ գործողությունների իրականացման ծախսերի և գնահատվող ապրանքների մասով նույնանման ծախսերի միջև տարբերությունը։

Վանդակ 14ե.

Նշվում է 12գ և 12դ վանդակներում նշված գործողությունների հետ կապված՝ գնահատվող ապրանքների և նույնական կամ համանման ապրանքների ապահովագրական ծախսերի միջև տարբերությունը։

14դ և 14ե վանդակները լրացվում են, եթե գնահատվող ապրանքների հետ կապված համապատասխան ծախսերը էապես տարբերվում են 11-րդ վանդակում նշված՝ նույնական կամ համանման ապրանքներով գործարքի արժեքի մեջ ներառված ծախսերից։

Վանդակ 15.

Նշվում է 14ա-14ե վանդակներում ներկայացված մեծությունների գումարը։ Վանդակ 16.

Նշվում է նույնական կամ համանման ապրանքներով գործարքի արժեքը՝ փոքրացված 13-րդ վանդակում նշված գումարով և մեծացված 15-րդ վանդակում նշված գումարով։

Եթե նույնական կամ համանման ապրանքները վաճառվել են նույն առևտրային մակարդակով (մեծածախ, մանրածախ և այլն) և, ըստ էության, նույն քանակությամբ, ինչ գնահատվող ապրանքները, ինչպես նաև, եթե բացակայում է դրանցով գործարքի արժեքը ճշգրտելու անհրաժեշտությունը՝ Համաձայնագրի 5-րդ հոդվածի 1-ին կետի 4-6-րդ ենթակետերում նշված գնահատվող և համանման ապրանքների մասով ծախսերի միջև էական տարբերությունը հաշվի առնելու համար, որը պայմանավորված է դրանց փոխադրման (տրանսպորտային փոխադրման) հեռավորությունների տարբերություններով և փոխադրամիջոցների տեսակներով, ապա 16-րդ վանդակում ներկայացվում է 11-րդ վանդակում նշված՝ գործարքի արժեքի մեծությունը։

Վանդակ 17.

Նշվում է ապրանքների քանակը համապատասխան չափման միավորներով (կիլոգրամ, հատ և այլն)՝ չափման այդ միավորները նշելով ներկայացված մեծությունից անմիջապես հետո։

Վանդակը չի լրացվում այն դեպքում, երբ գնահատվող և նույնական կամ համանման ապրանքների քանակությունը նույնն է։ Սույն վանդակում հաշվի չի առնվում 12ա, 14ա վանդակներում նշված ճշգրտումը։

Վանդակ 17ա.

Նշվում է այն նույնական կամ համանման ապրանքների քանակությունը, որոնցով գործարքի արժեքը նշված է 11-րդ վանդակում։

Վանդակ 17բ.

Նշվում է գնահատվող (հայտարարագրվող) ապրանքների քանակությունը։ Վանդակ 18ա.

Նշվում է գնահատվող ապրանքների մաքսային արժեքը, որը հաշվարկվում է՝ 16-րդ վանդակում նշված մեծությունը բազմապատկելով 17բ վանդակում ներկայացված մեծության և 17ա վանդակում ներկայացված մեծության հարաբերությամբ։

Եթե 17-րդ վանդակը չի լրացվել, ապա օգտագործվում են 16-րդ վանդակի տեղեկությունները։

Վանդակ 18բ.

Նշվում է 18ա վանդակում ներկայացված՝ գնահատվող ապրանքների մաքսային արժեքը, որը վերահաշվարկվել է ԱՄՆ դոլարով՝ մաքսային մարմնի կողմից ապրանքների հայտարարագրի գրանցման ամսաթվի դրությամբ գործող համապատասխան փոխարժեքով։

Վանդակ «Լրացուցիչ տվյալներ».

Անհրաժեշտության դեպքում նշվում է ՄԱՀ-2-ում ներկայացված տեղեկություններին վերաբերող ցանկացած լրացուցիչ տվյալ (հաշվարկ)։

Վանդակ «Ստորագրություն, կնիք».

Թերթը ստորագրվում է հայտարարատուի կամ մաքսային ներկայացուցչի կողմից, եթե հայտարարագրումը կատարվում է մաքսային ներկայացուցչի կողմից և վավերացվում է սահմանված կարգով։

4-րդ մեթոդը և դրա հիման վրա 6-րդ մեթոդը

25. Ձև ՄԱՀ–2–ի երկրորդ թերթը 4-րդ, 6-րդ մեթոդների համար։ Վանդակ «Ապրանք թիվ».

Նշվում է ապրանքի համարն ապրանքների մասին հայտարարագրի համապատասխան վանդակից։

ՄՄ ԱՏԳ ԱԱ մեկ դասակարգման ծածկագրի նշումով մեկ ապրանքային խմբաքանակում պարունակվող տարբեր անուն ապրանքներ հայտարարագրելիս, երբ անհրաժեշտ է նշել տեղեկություններ՝ ցուցակում ընդգրկված յուրաքանչյուր կամ որոշ ապրանքների վերաբերյալ, նշվում է ապրանքի համապատասխան հերթական համարը՝ ըստ ցուցակի։

Վանդակ «ՄՄ ԱՏԳ ԱԱ ծածկագիր».

Նշվում է ապրանքի ծածկագիրը՝ ըստ ՄՄ ԱՏԳ ԱԱ-ի։

11-18ա վանդակներում ներկայացվող արժեքային ցուցանիշները նշվում են Մաքսային միության անդամ պետության արժույթով:

Վանդակ 11.

Նշվում է գնահատվող, նույնական կամ համանման ապրանքների միավորի այն գինը, որով դրանց ամենամեծ համախառն քանակությունն անփոփոխ վիճակում վաճառվում է Մաքսային միության մաքսային տարածքում վաճառք իրականացնող անձանց հետ չփոխկապակցված անձանց։

Այն դեպքերի բացակայության պարագայում, երբ գնահատվող, նույնական կամ համանման ապրանքները վաճառվում են այն նույն վիճակում, ինչպես որ դրանք ներմուծվել են Մաքսային միության մաքսային տարածք, հայտարարատուի կողմից տվյալ վանդակում նշվում է ապրանքի միավորի այն գինը, որով գնահատվող ապրանքների ամենամեծ համախառն քանակությունը դրանց վերամշակումից (մշակումից) հետո վաճառվում է Մաքսային միության մաքսային տարածքում վաճառք իրականացնող անձանց հետ չփոխկապակցված անձանց։

Բաժին Բ «Հանումներ՝ Ա բաժնում ներառված գումարներից».

Նշվում են Համաձայնագրի 8-րդ հոդվածի 2-րդ կետին համապատասխան հանման ենթակա գումարները՝ հաշվարկված ապրանքի միավորի համար և ներառված Ա բաժնում նշված գումարի կազմում։

Վանդակ 12.

Նշվում է միջնորդին (գործակալին) սովորաբար վճարվող կամ վճարման ենթակա վարձատրության մեծությունը, կամ գնին հավելումները, որոնք սովորաբար կատարվում են շահույթ ստանալու ու առևտրային և կառավարչական ծախսերը ծածկելու համար, այն չափով, որչափ այն սովորաբար սահմանվում է Մաքսային միության մաքսային տարածքում միևնույն դասի կամ տեսակի ապրանքներիվաճառքի հետ կապված։ Վանդակ 13.

Նշվում է Մաքսային միության մաքսային տարածքում ապրանքների փոխադրման (տրանսպորտային փոխադրման) և սովորական ապահովագրական ծախսերի ու այդպիսի գործողությունների հետ կապված այլ ծախսերի մեծությունը։

Վանդակ 14.

Նշվում է մաքսատուրքերի, հարկերի, հավաքագրումների գումարը, ինչպես նաև Մաքսային միության անդամ պետությունների օրենսդրությանը համապատասխան սահմանված հարկերը, որոնք ենթակա են վճարման Մաքսային միության մաքսային տարածք ապրանքների ներմուծման կամ տվյալ տարածքում դրանց վաճառքի առնչությամբ՝ ներառյալ Մաքսային միության անդամ պետությունների սուբյեկտների հարկերն ու հավաքագրումները և տեղական հարկերն ու հավաքագրումները։

Վանդակ 15.

Նշվում է Մաքսային միության անդամ պետությունում ապրանքների վերամշակման (մշակման) արդյունքում ավելացված արժեքը (նման գործողությունների իրականացման հետ կապված բոլոր ծախսումները, այդ թվում՝ ապրանքների բաղկացուցիչ մաս կազմող բաղադրիչների արժեքը, վերամշակման ընթացքում օգտագործված նյութերի արժեքը և այլն) այն դեպքում, երբ 11-րդ վանդակում հայտարարատուի կողմից ներկայացված է ապրանքների միավորի գինը՝ վերամշակումից հետո։

Վանդակ 16.

Նշվում է 12-15-րդ վանդակներում ներկայացված արժեքների գումարը։ Վանդակ 17.

Նշվում է գնահատվող (հայտարարագրվող) ապրանքների քանակը։ Վանդակ 18ա.

Նշվում է գնահատվող ապրանքների մաքսային արժեքը, որը հաշվարկվում է 11-րդ վանդակում նշված մեծությունից հանելով 16-րդ վանդակում նշված մեծությունը և ստացված մեծությունը բազմապատկելով 17-րդ վանդակում նշված մեծությամբ։

Վանդակ 18բ.

Նշվում է 18ա վանդակում ներկայացված՝ գնահատվող (հայտարարագրվող) ապրանքների մաքսային արժեքը, որը վերահաշվարկվել է ԱՄՆ դոլարով՝ մաքսային մարմնի կողմից ապրանքների հայտարարագրի գրանցման ամսաթվի դրությամբ գործող համապատասխան փոխարժեքով։

Վանդակ «Լրացուցիչ տվյալներ».

Անհրաժեշտության դեպքում նշվում է ՄԱՀ-2–ում ներկայացված տեղեկություններին վերաբերող ցանկացած լրացուցիչ տվյալ (հաշվարկ)։

Վանդակ «Ստորագրություն, կնիք».

Թերթը ստորագրվում է հայտարարատուի կամ մաքսային ներկայացուցչի կողմից, եթե հայտարարագրումը կատարվում է մաքսային ներկայացուցչի կողմից և վավերացվում սահմանված կարգով։

5-րդ մեթոդը և 6-րդ մեթոդը՝ դրա հիման վրա

26. ՄԱՀ–2 ձևի երկրորդ թերթը՝ 5-րդ, 6-րդ մեթոդների համար Վանդակ «Ապրանք թիվ».

Նշվում է ապրանքի համարը՝ ապրանքների մասին հայտարարագրի համապատասխան վանդակից։

Ապրանքային մեկ խմբաքանակում ներառված, մեկ ՄՄ ԱՏԳ ԱԱ դասակարգման ծածկագրով նշված տարբեր անուն ապրանքներ հայտարարագրելիս, ցանկի յուրաքանչյուր կամ մի քանի ապրանքների համար տեղեկություններ տրամադրելու անհրաժեշտության դեպքում, ցանկում նշվում է ապրանքի համապատասխան հերթական համարը։

Վանդակ «ՄՄ ԱՏԳ ԱԱ ծածկագիր».

Նշվում է ապրանքի ծածկագիրը՝ ըստ ՄՄ ԱՏԳ ԱԱ-ի։ Վանդակ 11.

Նշվում է գնահատվող ապրանքներ արտադրողի (վաճառողի) կողմից նյութերի պատրաստման և (կամ) ձեռքբերման ծախսերի և արտադրության ծախսերի,ինչպես նաև գնահատվող (ներմուծվող) ապրանքների արտադրության հետ կապված այլ գործողությունների կապակցությամբ կատարված ծախսերի ընդհանուր գումարը՝ ներառյալ տարայի և փաթեթվածքի ծախսերը (11ա և 11բ վանդակներ), ինչպես նաև Մաքսային միության մաքսային տարածքում կատարված նախագծման, մշակման, ինժեներական, կոնստրուկտորական աշխատանքների,դիզայնի,գեղարվեստական ձևավորման, գծագրերի և էսքիզների համար արտադրողի կողմից վճարված արժեքը (11գ վանդակ),որին ավելանում է Մաքսային միության մաքսային տարածք արտահանելու համար արտահանման երկրում արտադրվող՝ գնահատվող ապրանքների նույն դասին կամ տեսակին պատկանող ապրանքների վաճառքին բնորոշ շահույթի և ընդհանուր (առևտրային ու կառավարչական)ծախսերի գումարը։

5-րդ մեթոդի համաձայն՝ ապրանքների մաքսային արժեքի հաշվարկման համար անհրաժեշտ բոլոր տեղեկությունները կարող են օգտագործվել միայն այն դեպքում, եթե դրանք սահմանված են հավաստի, քանակապես սահմանելի և փաստաթղթերով հաստատված տեղեկությունների հիման վրա։

Ապրանքների մաքսային արժեքը հաշվարկելու համար անհրաժեշտ տեղեկությունները պետք է հիմնվեն արտադրողի առևտրային հաշիվների վրա՝ պայմանով, որ նման հաշիվները համապատասխանեն ապրանքների արտադրման երկրում կիրառվող հաշվապահական հաշվառման համընդհանուր սկզբունքներին։

Որպես նման տեղեկությունների փաստաթղթային հաստատում՝ հայտարարատուն իրավունք ունի ներկայացնելու անկախ կազմակերպությունների (ոլորտային ասոցիացիաների, ապրանք արտադրողների միությունների, առևտրաարդյունաբերական պալատների և նմ.) փաստաթղթերը (եզրակացությունները), որոնցով հաստատվում են հայտարարատուի կողմից ներկայացված փաստաթղթերի համապատասխանությունը ապրանքների արտադրության երկրի օրենսդրությանը, այդ թվում՝ նշված տեղեկությունների համապատասխանությունը արտադրության ծախքերի մակարդակին, ինչպես նաև Մաքսային միության մաքսային տարածք արտահանելու համար գնահատվող ապրանքների նույն դասին կամ տեսակին պատկանող ապրանքների վաճառքին բնորոշ շահույթի և ընդհանուր (առևտրային և կառավարչական) ծախսերի մակարդակին։

Վանդակ 12.

Նշվում է գնահատվող ապրանքի գնորդի (ստացողի) կողմից դրա արտադրողին անվճար կամ իջեցված գնով, ուղղակի կամ անուղղակի տրամադրված ապրանքների և ծառայությունների՝ համապատասխան կերպով բաշխված արժեքը, որն օգտագործվում է արտադրության և Մաքսային միության մաքսային տարածք արտահանելու համար և ներառված չէ 11-րդ վանդակում նշված ծախսերում։

Վանդակ 12ա.

Նշվում է հումքի, նյութերի, մասերի, կիսաֆաբրիկատների և այլ նմանատիպ առարկաների՝ համապատասխան կերպով բաշխված արժեքը, որոնցից բաղկացած են գնահատվող (հայտարարագրվող) ապրանքները։

Վանդակ 12բ.

Նշվում է գործիքների, դրոշմակնիքների, ձևերի և ներմուծվող ապրանքների արտադրության մեջ օգտագործված նմանատիպ այլ առարկաների ձեռքբերման ծախսերի համապատասխան կերպով բաշխված գումարը, եթե այդ առարկաները ձեռք են բերվել գնորդի (ստացողի) հետ փոխկապակցված անձ չհանդիսացող անձից, կամ դրանց պատրաստման հետ կապված ծախսերը, եթե առարկաներն արտադրված են գնահատվող ապրանքների գնորդի կամ գնորդի (ստացողի) հետ փոխկապակցված անձ հանդիսացող անձի կողմից։

Գնահատվող ապրանքների արտադրության ժամանակ օգտագործված՝ նշված առարկաների արժեքի բաշխումը կարող է իրականացվել այդ ամբողջ արժեքն ապրանքների առաջին խմբաքանակի մաքսային արժեքին կամ հայտարարատուի կողմից որոշված ապրանքների այլ քանակի մաքսային արժեքին վերագրելու միջոցով, որը չի կարող հայտարարագրվող ապրանքների քանակից քիչ լինել։ Այդպիսի բաշխումը պետք է իրականացվի կոնկրետ հանգամանքներում կիրառելի եղանակով՝ կախված հայտարարատուի մոտ առկա փաստաթղթերից և հաշվապահական հաշվառման համընդհանուր սկզբունքներին համապատասխան։

Եթե նշված առարկաները նախկինում օգտագործվել են, ապա դրանց ձեռքբերման կամ արտադրության նախնական գինը ենթակա է նվազեցման՝ հաշվի առնելով դրանց մաշվածությունը։

Վանդակ 12գ.

Նշվում է ներմուծվող ապրանքների արտադրության ժամանակ ծախսված նյութերի (օրինակ՝ ծախսված վառելիքաքսուքային նյութերի)՝ համապատասխան կերպով բաշխված արժեքը։

Վանդակ 12դ.

Նշվում է գնահատվող ապրանքների վերաբերյալ Մաքսային միության մաքսային տարածքից դուրս կատարված նախագծման, մշակման, ինժեներական, կոնստրուկտորական աշխատանքների, գեղարվեստական ձևավորման, դիզայնի, էսքիզների և գծագրերի՝ համապատասխան կերպով բաշխված արժեքը։

Այդպիսի ապրանքների ու ծառայությունների (աշխատանքների) նկատմամբ, եթե դրանք ձեռք են բերվել կամ վարձակալվել են, հաշվի են առնվում դրանց ձեռքբերման կամ վարձակալման ծախսերը։

Գնորդի (ստացողի) կողմից ներկայացված այն ապրանքների նկատմամբ, որոնք ձեռք են բերվել կամ վարձակալվել են գնորդի կողմից, ավելացումները կատարվում են նման ապրանքների և ծառայությունների ձեռքբերման կամ վարձակալության ծախսերի մասում։ Եթե գնորդի (ստացողի) կողմից ներկայացվել են ապրանքներ և ծառայություններ, որոնք գտնվում են հանրային տիրապետության, այսինքն՝ պետական կամ մունիցիպալ սեփականության ներքո, ապա լրացուցիչ հաշվեգրումները կատարվում են դրանց պատճենների ստացման արժեքի (ծախքերի) մասում։

Վանդակ 13.

Նշվում է շահույթի և ընդհանուր (առևտրային և կառավարչական)ծախսերի գումարը՝ այն մեծությանը համարժեք, որը սովորաբար հաշվի է առնվում գնահատվող (ներմուծվող) ապրանքների նույն դասին կամ տեսակին պատկանող ապրանքների վաճառքի ժամանակ, որոնք արտադրվում են արտահանման երկրում Մաքսային միության մաքսային տարածք արտահանելու համար։

Վանդակ 14.

Նշվում է գնահատվող ապրանքների՝ մինչև օդանավակայան, նավահանգիստ կամ Մաքսային միության մաքսային տարածքում դրանց ժամանման այլ վայր փոխադրման (տեղափոխման) ծախսերի մեծությունը։ Եթե փոխադրումը (տրանսպորտային փոխադրումը) իրականացվում է տրանսպորտի տարբեր տեսակներով, ապա հաշվի են առնվում տրանսպորտի բոլոր տեսակներով փոխադրման (տրանսպորտային փոխադրման) ընդհանուր ծախսերը։

Եթե փոխադրումը (տեղափոխումը) իրականացվել է անհատույց կամ գնորդի (ստացողի) սեփական տրանսպորտային միջոցներով, ապա սույն վանդակում նշվում է համապատասխան տեսակի տրանսպորտով փոխադրման այն սակագների հիման վրա հաշվարկված մեծությունը, որոնք գործում են փոխադրման (տեղափոխման) ժամանակ կամ համապատասխան ժամանակահատվածում (տեղափոխման սեզոնայնություն)։

Հայտարարատուի մոտ տվյալ տեսակի փոխադրամիջոցով տեղափոխման սակագների մասին տվյալների բացակայության դեպքում տրանսպորտային ծախսերը հաշվարկելու համար օգտագործվում են տրանսպորտային ծախսերի հաշվարկման համար հաշվապահական հաշվառման տվյալները՝ ներառելով ծախսերի բոլոր անհրաժեշտ հոդվածներն ու տարրերը։

Եթե ՄԱՀ-2-ը լրացվում է մի քանի անուն ապրանքների համար, ապա ապրանքների փոխադրման (տեղափոխման) ծախսերը բաշխվում են տարբեր անուն ապրանքների միջև՝ իրենց համաքաշի համամասնությամբ։

14-րդ վանդակում նշվում է Մաքսային միության մաքսային տարածք ապրանքների ժամանման վայրը (աշխարհագրական տեղանք) կամ Մաքսային միության մաքսային տարածքում ապրանքի նշանակման վայրը, որտեղ հասնելու ծախսերը պետք է ներառվեն մաքսային արժեքի մեջ։

Եթե Մաքսային միության մաքսային տարածք ժամանման վայրից մինչև Մաքսային միության մաքսային տարածքի նշանակման վայրը փոխադրման (տեղափոխման) ծախսերը չեն կարող փաստաթղթերով հիմնավորվել, ապա 14-րդ վանդակում նշվում է Մաքսային միության մաքսային տարածքում ապրանքների նշանակման վայրը։ Եթե փոխադրման (տեղափոխման) ծախսերի բաշխումը առաքման վայրից մինչև Մաքսային միության մաքսային տարածք ժամանման վայրը և ժամանման վայրից մինչև նշանակման վայրը կարող է փաստաթղթերով հիմնավորվել, ապա 14-րդ վանդակում նշվում է Մաքսային միության մաքսային տարածք ապրանքների ժամանման վայրը։

14-րդ վանդակում նաև նշվում են արտահանման երկրից ապրանքներն արտահանելիս դրանց մաքսային հայտարարագրման ծախսերը (եթե այդպիսիք կան), ինչպես նաև բեռնառաքողի վարձատրությունը։

Վանդակ 15.

Նշվում են գնահատվող ապրանքների բեռնման, բեռնաթափման կամ վերաբեռնման և մինչև Մաքսային միության մաքսային տարածք այդ ապրանքների ժամանման վայր դրանց փոխադրման (տեղափոխման) հետ կապված այլ գործողությունների իրականացման ծախսերը։

Եթե ՄԱՀ-2-ը լրացվում է մի քանի անուն ապրանքների համար, ապա նման ծախսերը բաշխվում են համապատասխան ապրանքների միջև՝ իրենց համաքաշի համամասնությամբ։

Վանդակ 16.

Նշվում են Համաձայնագրի 5-րդ հոդվածի 1-ին կետի 4-րդ և 5-րդ ենթակետերում նշված գործողությունների ապահովագրական ծախսերը։

Եթե ՄԱՀ-2–ը լրացվում է մի քանի անուն ապրանքների համար, ապա ապահովագրական ծախսերը համապատասխան ապրանքների միջև բաշխվում են դրանց արժեքների համամասնությամբ։

Վանդակ 17ա.

Գնահատվող ապրանքների մաքսային արժեքը, որը հաշվարկվում է որպես 11- 16-րդ վանդակներում բերված մեծությունների գումար, նշվում է Մաքսային միության անդամ պետության արժույթով։

Վանդակ 17բ.

Նշվում է 17ա վանդակում ներկայացված մաքսային արժեքը՝ վերահաշվարկված ԱՄՆ դոլարով՝ մաքսային մարմնի կողմից ապրանքների հայտարարագրի գրանցման օրվան համապատասխանող փոխարժեքով։

Վանդակ «Լրացուցիչ տվյալներ».

Անհրաժեշտության դեպքում նշվում է ՄԱՀ-2–ում ներկայացված տեղեկություններին վերաբերող ցանկացած լրացուցիչ տվյալ։

Վանդակ «Ստորագրություն, կնիք».

Թերթը լրացվում է հայտարարատուի կամ մաքսային ներկայացուցչի կողմից, եթե մաքսային հայտարարագրումը կատարվում է մաքսային ներկայացուցչի կողմից, և վավերացվում է սահմանված կարգով։

6-րդ մեթոդ՝ 1-ին մեթոդի հիման վրա

27. ՄԱՀ–2 ձևի երկրորդ թերթը՝ 6-րդ մեթոդի համար Վանդակ «Ապրանք թիվ».

Ապրանքների հայտարարագրի համապատասխան վանդակից նշվում է ապրանքի համարը։

Ապրանքային մեկ խմբաքանակում ներառված, մեկ ՄՄ ԱՏԳ ԱԱ դասակարգման ծածկագրով նշված տարբեր անուն ապրանքներ հայտարարագրելիս, ցանկի յուրաքանչյուր կամ մի քանի ապրանքների համար տեղեկությունների տրամադրման անհրաժեշտության դեպքում նշվում է ցանկում ապրանքի համապատասխան հերթական համարը։

Վանդակ «ՄՄ ԱՏԳ ԱԱ ծածկագիր».

Նշվում է ապրանքի ծածկագիրը՝ ըստ ՄՄ ԱՏԳ ԱԱ-ի։

11-25–րդ վանդակներում ներկայացված բոլոր տեղեկությունները պետք է հիմնվեն հավաստի, քանակապես սահմանելի և փաստաթղթերով հաստատված տեղեկությունների վրա։

11-25-րդ վանդակները լրացվում են ՄԱՀ-1-ի 11-25-րդ վանդակները լրացնելու կարգին համապատասխան՝ հաշվի առնելով հետևյալ առանձնահատկությունները։

Առքուվաճառքի գործարքի բացակայության կամ փաստացի վճարված կամ վճարման ենթակա գնի անընդունելիության դեպքում՝ ելնելով Համաձայնագրի 4-րդ հոդվածի պահանջներից, գնահատվող ապրանքների մաքսային արժեքը սահմանելու համար կարող է նշվել այդ ապրանքների արժեքը, որը համարժեք է (մոտիկ է) փաստացի վճարված կամ վճարման ենթակա գնին, և հաստատվել է համապատասխան փաստաթղթերով (օրինակ՝ գնահատվող ապրանքների հաշվեկշռային արժեքը դրանք՝ Մաքսային միության անդամ պետության օրենսդրությանը համապատասխան հաշվապահական, հարկային հաշվառման վերցնելիս)։

Եթե գնահատվող ապրանքների մաքսային արժեքը սահմանելու համար 1-ին մեթոդի կիրառման անհնարինության պատճառ է լրացուցիչ հավելագրումները հաստատող անհրաժեշտ փաստաթղթերի բացակայությունը, ապա 11ա վանդակում նշվում է ապրանքների փաստացի վճարված կամ վճարման ենթակա գինը՝ հաստատված 1-ին մեթոդի կիրառման դեպքում սահմանված պահանջներին համապատասխան։

«Լրացուցիչ հաշվեգրումներ. ազգային արժույթով ծախսեր, որոնք ներառված չեն Ա բաժնում», Բ բաժնում նշվում են փաստաթղթերով հաստատված հաշվարկային տվյալների հիման վրա մաքսային արժեքը հաշվարկելու համար լրացուցիչ հաշվեգրումների մասին տեղեկություններ (օրինակ՝ բավականին ներկայացուցչական անցյալ ժամանակահատվածում՝ եռամսյակում, տարում հաշվապահական տվյալների հիման վրա, համապատասխան ապագա ժամանակահատվածի համար՝ պլանավորված ցուցանիշների հիման վրա, դրանք են՝ կազմակերպության կողմից բիզնես պլաններով և նմանատիպ փաստաթղթերով հաստատված ցուցանիշներ, գնացուցակներ և կատալոգներ, տրանսպորտային փոխադրման, բեռնման–բեռնաթափման աշխատանքների սակագներ և այլն)։

Վանդակ «Լրացուցիչ տվյալներ».

Անհրաժեշտության դեպքում նշվում է հայտարարագրում ներկայացված տեղեկություններին վերաբերող ցանկացած լրացուցիչ տվյալ։

Վանդակ «Ստորագրություն, կնիք».

Թերթը ստորագրվում է հայտարարատուի կամ մաքսային ներկայացուցչի կողմից, եթե մաքսային հայտարարագրումը կատարվում է մաքսային ներկայացուցչի կողմից, և վավերացվում է սահմանված կարգով։»։

9. III բաժինը և 23-րդ ու 24-րդ կետերը համարել համապատասխանաբար IV բաժին և 28-րդ ու 29-րդ կետեր։

10. Թիվ 2 հավելվածը շարադրել սույն Փոփոխությունների և լրացումների թիվ 1 հավելվածի համաձայն խմբագրությամբ։

11. Թիվ 3 հավելվածն ավելացնել սույն Փոփոխությունների և լրացումների թիվ 2 հավելվածի համաձայն։

Հավելված թիվ 1  «Ապրանքների մաքսային արժեքի հայտարարագրման» կարգում փոփոխությունների և լրացումների

Հավելված թիվ 2 «Ապրանքների մաքսային արժեքի  հայտարարագրման» կարգի

Մաքսային արժեքի հայտարարագրման (ՄԱՀ-1) ձև

Ձև ՄԱՀ-1

Թերթ թիվ ____________  Մեթոդ 1

ՄԱՔՍԱՅԻՆ ՄԱՐՄՆԻ ԿՈՂՄԻՑ ՆՇՈՒՄՆԵՐԻ ՀԱՄԱՐ		Ապրանք թիվ	Ապրանք թիվ	Ապրանք թիվ
		ԱՏԳ ԱԱ ծածկագիր	ԱՏԳ ԱԱ ծածկագիր	ԱՏԳ ԱԱ ծածկագիր
Ա. Հաշվարկի համար հիմքը	11 ա) Ապրանքների համար փաստացի վճարված կամ վճարման ենթակա գինը ՀԱՇՎԻ ԱՐԺՈՒՅԹՈՎ
	ԱԶԳԱՅԻՆ ԱՐԺՈՒՅԹՈՎ (վերահաշվարկի             փոխարժեքը _______________)
	բ) Անուղղակի վճարներ ԱԶԳԱՅԻՆ ԱՐԺՈՒՅԹՈՎ (պայմաններ կամ պարտավորություններ)՝ տե'ս 8 (բ) վանդակը (վերահաշվարկի               փոխարժեքը __________________)
	12 Ընդամենը «Ա»-ն ազգային արժույթով
Բ. ԼՐԱՑՈՒՑԻՉ ՀԱՎԵԼԱ- ԳՐՈՒՄՆԵՐ՝ ազգային արժույթով ծախսեր, որոնք ներառված չեն Ա-ում*	13 Գնորդի կողմից կատարված ծախսեր՝ ա) միջնորդի (գործակալի), բրոքերի վարձատրության համար՝ բացառությամբ ապրանքների գնման համար վարձատրության
	բ) տարայի և փաթեթվածքի համար
	14 Մաքսային միության միասնական մաքսային տարածք գնահատվող ապրանքների արտահանման համար՝ արտադրության և վաճառքի մասով օգտագործման նպատակով գնորդի կողմից ուղղակիորեն կամ անուղղակիորեն, անվճար կամ իջեցված գներով տրամադրված հետևյալ ապրանքների և ծառայությունների համապատասխան ձևով բաշխված արժեքը, որը ներառված չէ փաստացի վճարված կամ վճարման ենթակա գնի մեջ՝ ա) հումք, նյութեր, մասեր, կիսաֆաբրիկատներ և նույնանման առարկաներ, որոնցից բաղկացած են ներմուծվող ապրանքները.
	բ) գործիքներ, դրոշմներ, ձևեր և նույնանման այլ առարկաներ, որոնք օգտագործվել են ներմուծվող ապրանքների արտադրության ժամանակ.
	գ) նյութեր, որոնք օգտագործվել են ներմուծվող ապրանքների արտադրության ժամանակ.
	դ) Մաքսային միության միասնական մաքսային տարածքից դուրս կատարված և ներմուծվող ապրանքների արտադրության համար անհրաժեշտ՝ նախագծում, մշակում, ինժեներակոնստրուկտորական աշխատանքներ, գեղարվեստական ձևավորում, դիզայն, էսքիզներ և գծագրեր
	15 Լիցենզիոն և նույնանման այլ վճարներ մտավոր սեփականության օբյեկտների օգտագործման համար՝ տե'ս 9 (ա) վանդակը
	16 Ապրանքների հետագա վաճառքի, այլ եղանակով տնօրինելու կամ օգտագործելու արդյունքում վաճառողին ուղղակիորեն կամ անուղղակիորեն հատկացվելիք եկամտի (հասույթի) մասը՝ տե'ս 9 (բ) վանդակը
	17 Ապրանքների` ____________ մինչև (Մաքսային միության միասնական մաքսային տարածքում ժամանման վայրը փոխադրման (տրանսպորտային փոխադրման) ծախսերը)
	18 Ապրանքների բեռնման, բեռնաթափման (փոխաբեռնման) և մինչև ____________ (Մաքսային միության միասնական մաքսային տարածքում ժամանման վայր) փոխադրման հետ կապված այլ գործողությունների ծախսերը
	19 17-րդ և 18-րդ վանդակներում նշված գործողությունների գծով ապահովագրական ծախսերը
	20 Ընդամենը «Բ»-ն ազգային արժույթով
Բ. ՀԱՆՈՒՄ- ՆԵՐ՝ ազգային արժույթով ծախսեր, որոնք ներառված են Ա-ում*	21 Մաքսային միության մաքսային տարածք ներմուծված ապրանքների ժամանումից հետո կատարված շինարարական, կառուցման, հավաքման, մոնտաժման, սպասարկման կամ տեխնիկական աջակցության իրականացման ծախսերը
	22 Ապրանքների փոխադրման (տրանսպորտային փոխադրման) ծախսերը Մաքսային միության միասնական մաքսային տարածք դրանց ժամանումից հետո
	23 Մաքսային միության մաքսային տարածքում ներմուծվող ապրանքների ներմուծման կամ վաճառքի կապակցությամբ վճարվող մաքսատուրքեր, հարկեր և հավաքագրումներ
	24 Ընդամենը «Բ»-ն ազգային արժույթով
25 ՀԱՅՏԱԳՐՎԱԾ ՄԱՔՍԱՅԻՆ ԱՐԺԵՔԸ (Ա + Բ - Գ) ա) ԱԶԳԱՅԻՆ ԱՐԺՈՒՅԹՈՎ
բ) ԱՄՆ ԴՈԼԱՐՈՎ (վերահաշվարկի         փոխարժեքը _____________)

* Եթե գումարը վճարվել է արտարժույթով, ապա այստեղ նշվում է գումարը` արտարժույթով, և վերահաշվարկի փոխարժեքը` յուրաքանչյուր ապրանքի և արժեքի տարրի համար    Ապրանքի համարը և դիրքը Արժույթի  ծածկագիրը, գումարը  Վերահաշվարկի  փոխարժեքը
Լրացուցիչ տվյալներ	Ստորագրություն, կնիք

Հավելված թիվ 2  «Ապրանքների մաքսային արժեքի հայտարարագրման» կարգում փոփոխությունների և լրացումների

Հավելված թիվ 3 «Ապրանքների մաքսային արժեքի  հայտարարագրման» կարգի

Մաքսային արժեքի հայտարարագրման (ՄԱՀ-2) ձև

ՄԱՔՍԱՅԻՆ ԱՐԺԵՔԻ ՀԱՅՏԱՐԱՐԱԳԻՐ Ձև ՄԱՀ-2

1 Գնորդ (մատակարար)	ՄԱՔՍԱՅԻՆ ՄԱՐՄՆԻ ՆՇՈՒՄՆԵՐԻ ՀԱՄԱՐ
2 ա) Գնորդ (ստացող)
2 բ) Հայտարարատու
	3 Մատակարարման պայմանները
ԿԱՐԵՎՈՐ ՏԵՂԵԿՈՒԹՅՈՒՆՆԵՐ Մաքսային միության մաքսային օրենսգրքի 65-րդ հոդվածին համապատասխան՝ հայտարարատուն կամ մաքսային ներկայացուցիչը պատասխանատվություն է կրում մաքսային արժեքի հայտարարագրում ոչ հավաստի տեղեկություններ նշելու համար։	4 Ապրանքների մատակարարման հիմք հանդիսացող փաստաթղթի տեսակը, համարը և ամսաթիվը
5 Փաստաթղթի համարն ու ամսաթիվը 4-րդ վանդակում նշված փաստաթղթերով ավելի վաղ ներմուծված ապրանքների վերաբերյալ (մաքսային մարմինների (դատական մարմինների կողմից)) ընդունված որոշումների հետ
6 Հայտարարագրվող ապրանքների մաքսային արժեքը որոշվում է հետևյալ մեթոդով՝	Ճիշտ պատասխանը նշել « X »-ով
ա) ըստ նույնական ապրանքներով գործարքի արժեքի (2-րդ մեթոդ) □ բ) ըստ համանման ապրանքներով գործարքի արժեքի (3-րդ մեթոդ) □ գ) հանման մեթոդով (4-րդ մեթոդ) □ դ) գումարման մեթոդով (5-րդ մեթոդ) □ ե) * պահուստային մեթոդով (6-րդ մեթոդ) □ զ) պահուստային մեթոդով (6-րդ մեթոդ)՝ ըստ ներմուծվող ապրանքների գործարքի □ արժեքի մեթոդի հիման վրա (1-ին մեթոդ) է) տարբեր (եթե տարբեր ապրանքների համար օգտագործվում են տարբեր մեթոդներ) □
7 Այն պատճառները, որոնց հիման վրա մաքսային արժեքի որոշման նախորդ մեթոդները կիրառելի չեն
8 Այն հիմնական փաստաթղթերի անվանումներն ու վավերապայմանները, որոնցով հաստատվում են ներկայացվող տեղեկությունները
* «ՄԱՔՍԱՅԻՆ ՄԻՈՒԹՅԱՆ ՄԱՔՍԱՅԻՆ ՍԱՀՄԱՆՈՎ ՏԵՂԱՓՈԽՎՈՂ ԱՊՐԱՆՔՆԵՐԻ ՄԱՔՍԱՅԻՆ ԱՐԺԵՔԸ ՈՐՈՇԵԼՈՒ ՄԱՍԻՆ» 2008 ԹՎԱԿԱՆԻ ՀՈՒՆՎԱՐԻ 25- Ի ՀԱՄԱՁԱՅՆԱԳՐԻ 10-ՐԴ ՀՈԴՎԱԾԻՆ ՀԱՄԱՊԱՏԱՍԽԱՆ՝ ԸՍՏ 6-ՐԴ ՄԵԹՈԴԻ ԱՊՐԱՆՔՆԵՐԻ ՄԱՔՍԱՅԻՆ ԱՐԺԵՔԸ ՈՐՈՇԵԼՈՒ ՀԱՄԱՐ ՈՐՊԵՍ ՀԻՄՔ ՉԵՆ ԿԱՐՈՂ ՕԳՏԱԳՈՐԾՎԵԼ՝ - Մաքսային միության ներքին շուկայում առկա՝ Մաքսային միության մաքսային տարածքում արտադրված ապրանքների գները. - այն համակարգերը, որոնցով մաքսային նպատակների համար նախատեսվում է երկու այլընտրանքային արժեքներից ընդունել առավել բարձրը.  - արտահանման երկրի ներքին շուկայում առկա ապրանքների գները. - նույնական կամ համանման ապրանքների համար որոշված հաշվարկային արժեքում ներառված ծախսերից բացի այլ ծախսեր. - արտահանման երկրներից երրորդ երկրներ մատակարարվող ապրանքների գները. - նվազագույն մաքսային արժեքը. - կամայական կամ շինծու (ֆիկտիվ) արժեքը։	9 Լրացուցիչ թերթերի թիվը.
	10 Տեղը, ամսաթիվը, ստորագրությունը, կնիքը

Ձև ՄԱՀ-2 2-րդ, 3-րդ, 6-րդ մեթոդները

Թերթ թիվ ____________

ՄԱՔՍԱՅԻՆ ՄԱՐՄՆԻ ՆՇՈՒՄՆԵՐԻ ՀԱՄԱՐ		Ապրանք թիվ	Ապրանք թիվ	Ապրանք թիվ
		ՄՄ ԱՏԳ ԱԱ ծածկագիրը	ՄՄ ԱՏԳ ԱԱ ծածկագիրը	ՄՄ ԱՏԳ ԱԱ ծածկագիրը
Ա. Հաշվարկի հիմքը	11 Նույնական (համանման) ապրանքներով գործարքի արժեքն ազգային արժույթով
Բ. Ճշգրտումներ գործարքի արժեքի մասով (±)*	12 ա) ճշգրտումներ քանակի մասով (-)
	բ) ճշգրտումներ առևտրային մակարդակի մասով (-)
	գ) ճշգրտումներ մինչև ____________ (Մաքսային միության մաքսային տարածքում ժամանման վայր) ապրանքների փոխադրման (տրանսպորտային փոխադրման) ծախսերի տարբերությունների մասով
	դ) ճշգրտումներ ապրանքների բեռնման, բեռնաթափման (փոխաբեռնման) և մինչև _____________ (Մաքսային միության մաքսային տարածքում ժամանման վայր) փոխադրման հետ կապված ծախսերի տարբերությունների մասով (-)
	ե) ճշգրտումներ 12գ և 12դ վանդակներում նշված գործողությունների գծով ապահովագրական ծախսերի մասով (-)
	13 Ընդամենը 12-րդ վանդակն ազգային արժույթով
	14 ա) ճշգրտումներ քանակի մասով (+)
	բ) ճշգրտումներ առևտրային մակարդակի մասով (+)
	գ) ճշգրտումներ մինչև _______________ (Մաքսային միության մաքսային տարածքում ժամանման վայր) ապրանքների փոխադրման (տրանսպորտային փոխադրման) ծախսերի տարբերությունների մասով (+)
	դ) ճշգրտումներ ապրանքների բեռնման, բեռնաթափման (փոխաբեռնման) և մինչև _______________ (Մաքսային միության մաքսային տարածքում ժամանման վայր) փոխադրման հետ կապված ծախսերի տարբերությունների մասով (+)
	ե) ճշգրտումներ 14գ և 14դ վանդակներում նշված գործողությունների գծով ապահովագրական ծախսերի մասով (+)
	15 Ընդամենը 14-րդվանդակն ազգային արժույթով
	16 Գործարքի արժեքն ազգային արժույթով՝ հաշվի առնելով ճշգրտումները (11 - 13 + 15)
	17 Քանակը ա) նույնական  (համանման) ապրանքների
	բ) գնահատվող ապրանքների
	18 Գնահատվող ապրանքների մաքսային արժեքը (16*17բ (17ա)) կամ (16) ա) ազգային արժույթով
	բ) ԱՄՆ ԴՈԼԱՐՈՎ (վերահաշվարկի փոխարժեքը ________________)
* Եթե գումարը վճարվել է արտարժույթով, ապա այստեղ նշվում է գումարը՝ արտարժույթով, և վերահաշվարկի փոխարժեքը՝ յուրաքանչյուր ապրանքի և արժեքի տարրի համար    Ապրանքի համարը և դիրքը Արժույթի  ծածկագիրը, գումարը  Վերահաշվարկի  փոխարժեքը
Լրացուցիչ տվյալներ			Ստորագրություն, կնիք

Ձև ՄԱՀ-2 4-րդ, 6-րդ մեթոդները

Թերթ թիվ ____________

ՄԱՔՍԱՅԻՆ ՄԱՐՄՆԻ ՆՇՈՒՄՆԵՐԻ ՀԱՄԱՐ		Ապրանք թիվ	Ապրանք թիվ	Ապրանք թիվ
		ՄՄ ԱՏԳ ԱԱ ծածկագիրը	ՄՄ ԱՏԳ ԱԱ ծածկագիրը	ՄՄ ԱՏԳ ԱԱ ծածկագիրը
Ա. Հաշվարկի հիմքը	11 Գնահատվող նույնական կամ համանման ապրանքների միավորի այն գինը (ազգային արժույթով), որով դրանց ամենամեծ համախառն քանակությունը վաճառվում է Մաքսային միության մաքսային տարածքում վաճառք իրականացնող անձանց հետ փոխկապակցված անձ չհանդիսացող անձանց կողմից
Բ. Հանումներ՝ Ա բաժնում ներառված գումարներից	12 Միջնորդին (գործակալին) վճարվող վարձատրությունները կամ շահույթ ստանալու և առևտրային ու կառավարչական ծախսերը ծածկելու նպատակով սովորաբար կատարվող գնի հավելումները
	13 Մաքսային միության մաքսային տարածքում ապրանքների փոխադրման (տրանսպորտային փոխադրման), ապահովագրության ծախսերն ու այդպիսի գործողությունների հետ կապված այլ ծախսեր
	14 Մաքսային միության մաքսային տարածք ապրանքների ներմուծման կամ Մաքսային միության անդամ պետության տարածքում դրանց վաճառքի հետ կապված մաքսատուրքերը, հարկերը, հավաքագրումները՝ ներառյալ Մաքսային միության անդամ պետության սուբյեկտների հարկերն ու հավաքագրումները և տեղական հարկերն ու հավաքագրումները
	15 Վերամշակման (մշակման) արդյունքում ավելացված արժեքը
	16 Ընդամենը «Բ»-ն ազգային արժույթով (ըստ 12-15-րդ վանդակների)
17 Գնահատվող ապրանքների քանակը
18 ՀԱՅՏԱԳՐՎԱԾ ՄԱՔՍԱՅԻՆ ԱՐԺԵՔԸ (11 - 16) х 17 ա) ազգային արժույթով
բ) ԱՄՆ ԴՈԼԱՐՈՎ (վերահաշվարկի փոխարժեքը )
Լրացուցիչ տվյալներ			Ստորագրություն, կնիք

Ձև ՄԱՀ-2 5-րդ, 6-րդ մեթոդները

Թերթ թիվ ____________

ՄԱՔՍԱՅԻՆ ՄԱՐՄՆԻ ՆՇՈՒՄՆԵՐԻ ՀԱՄԱՐ		Ապրանք թիվ	Ապրանք թիվ	Ապրանք թիվ
		ՄՄ ԱՏԳ ԱԱ ծածկագիրը	ՄՄ ԱՏԳ ԱԱ ծածկագիրը	ՄՄ ԱՏԳ ԱԱ ծածկագիրը
Ա. Հաշվարկի հիմքը	11 Արտադրողի՝ նյութերի պատրաստման (ձեռքբերման) հետ կապված ծախսերը և արտադրության ծախսերը, ինչպես նաև ներմուծվող ապրանքների արտադրության հետ կապված այլ գործողություններ, այդ թվում՝
	ա) տարայի ու փաթեթվածքի հետ կապված ծախսերը
	բ) Մաքսային միության տարածքում՝ արտադրողի կողմից վճարված սահմաններում կատարված և գնահատվող ապրանքների արտադրության համար անհրաժեշտ՝ նախագծման, մշակման, ինժեներաշինարարական աշխատանքների, գեղարվեստական ձևավորման, դիզայնի, էսքիզների և գծագրերի հետ կապված ծախսերը
	12 Ներմուծվող ապրանքների արտադրության հետ կապված ծախսերը, այդ թվում՝ ուղղակիորեն կամ անուղղակիորեն տրամադրված հետևյալ ապրանքների և ծառայությունների համապատասխան ձևով բաշխված արժեքը, որոնք տրամադրվել են անվճար կամ իջեցված գնով Մաքսային միության մաքսային տարածք գնահատվող ապրանքների արտահանման համար արտադրության և վաճառքի մասով օգտագործման նպատակով՝ ա) հումք, նյութեր, մասեր, կիսաֆաբրիկատներ և նույնանման առարկաներ, որոնցից բաղկացած են ներմուծվող ապրանքները
	բ) գործիքներ, դրոշմներ, ձևեր և նույնանման այլ առարկաներ, որոնք օգտագործվել են ներմուծվող ապրանքների արտադրության ժամանակ
	գ) նյութեր, որոնք օգտագործվել են ներմուծվող ապրանքների արտադրության ժամանակ
	դ) Մաքսային միության մաքսային տարածքից դուրս կատարված և ներմուծվող ապրանքների արտադրության համար անհրաժեշտ՝ նախագծում, մշակում, ինժեներակոնստրուկտորական աշխատանքներ, գեղարվեստական ձևավորում, դիզայն, էսքիզներ և գծագրեր
	13 Շահույթի և առևտրային ու
	կառավարչական ծախսերի գումարը
	14 Ապրանքների՝ մինչև (Մաքսային միության մաքսային տարածքում ժամանման վայրը) փոխադրման (տրանսպորտային փոխադրման) ծախսերը
	15 Ապրանքների բեռնման, բեռնաթափման (փոխաբեռնման) և մինչև _______________ (Մաքսային միության միասնական մաքսային տարածքում ժամանման վայր) փոխադրման հետ կապված այլ գործողությունների ծախսերը
	16 14-րդ և 15-րդ վանդակներում նշված գործողությունների գծով ապահովագրական ծախսերը
17 ԳՆԱՀԱՏՎՈՂ ԱՊՐԱՆՔՆԵՐԻ ՄԱՔՍԱՅԻՆ ԱՐԺԵՔԸ (ընդամենը՝ ըստ 11-16-րդ վանդակների) ա) Մաքսային միության անդամ պետության ազգային արժույթով
բ) ԱՄՆ ԴՈԼԱՐՈՎ (վերահաշվարկի փոխարժեքը ________________)
* Եթե գումարը սահմանվել է արտարժույթով, ապա այստեղ նշվում է գումարը՝ արտարժույթով,՝ և վերահաշվարկի փոխարժեքը՝ յուրաքանչյուր ապրանքի և արժեքի տարրի համար    Ապրանքի համարը և դիրքը Արժույթի  ծածկագիրը, գումարը  Վերահաշվարկի  փոխարժեքը
Լրացուցիչ տվյալներ			Ստորագրություն, կնիք

Ձև ՄԱՀ-2

Թերթ թիվ ____________ 1-ին մեթոդի հիման վրա 6-րդ մեթոդ

ՄԱՔՍԱՅԻՆ ՄԱՐՄՆԻ ՆՇՈՒՄՆԵՐԻ ՀԱՄԱՐ		Ապրանք թիվ	Ապրանք թիվ	Ապրանք թիվ
		ՄՄ ԱՏԳ ԱԱ ծածկագիրը	ՄՄ ԱՏԳ ԱԱ ծածկագիրը	ՄՄ ԱՏԳ ԱԱ ծածկագիրը
Ա. Հաշվարկի հիմքը	11 ա) ապրանքների համար փաստացի վճարված կամ վճարման ենթակա գինը կամ առքուվաճառքի պայմանագրերից տարբերվող պայմանագրերով տեղափոխվող ապրանքների արժեքը (ՀԱՇՎԻ ԱՐԺՈՒՅԹՈՎ)
	ԱԶԳԱՅԻՆ ԱՐԺՈՒՅԹՈՎ (վերահաշվարկի փոխարժեքը ________________)
	բ) Անուղղակի վճարներ ԱԶԳԱՅԻՆ ԱՐԺՈՒՅԹՈՎ (պայմաններ կամ պարտավորություններ) (վերահաշվարկի փոխարժեքը ____________________)
	12 Ընդամենը«Ա»-նազգային արժույթով
Բ. ԼՐԱՑՈՒՑԻՉ ՀԱՎԵԼԱԳՐՈՒՄՆԵՐ ազգային արժույթով ծախսեր, որոնք ներառված չեն Ա*- ում	13 Գնորդի կողմից կատարված ծախսեր՝ ա) միջնորդի (գործակալի), բրոքերի վարձատրություն՝ բացառությամբ ապրանքների գնման համար վարձատրության
	բ) տարայի և փաթեթվածքի համար
	14 Գնորդի կողմից ուղղակիորեն կամ անուղղակիորեն վաճառողին տրամադրված ապրանքների և ծառայությունների համապատասխան ձևով բաշխված արժեքը, որոնք տրամադրվել են գնորդին անվճար կամ իջեցված գնով Մաքսային միության մաքսային տարածք գնահատվող ապրանքների արտահանման համար արտադրության և վաճառքի մասով դրանց օգտագործման նպատակով այնքանով, որքանով այն ներառված չէ փաստացի վճարված կամ վճարման ենթակա գնի մեջ. ա) հումք, նյութեր, մասեր, կիսաֆաբրիկատներ և նույնանման առարկաներ, որոնցից բաղկացած են ներմուծվող ապրանքները
	բ) գործիքներ, դրոշմներ, ձևեր և նույնանման այլ առարկաներ, որոնք օգտագործվել են ներմուծվող ապրանքների արտադրության ժամանակ
	գ) նյութեր, որոնք օգտագործվել են ներմուծվող ապրանքների արտադրության ժամանակ
	դ) Մաքսային միության մաքսային տարածքից դուրս կատարված և ներմուծվող ապրանքների արտադրության համար անհրաժեշտ՝ նախագծում, մշակում, ինժեներակոնստրուկտորական աշխատանքներ, գեղարվեստական ձևավորում, դիզայն, էսքիզներ և գծագրեր
	15 Լիցենզիոն և նույնանման այլ վճարներ մտավոր սեփականության օբյեկտների օգտագործման համար
	16 Ապրանքների հետագա վաճառքի, այլ եղանակով տնօրինելու կամ օգտագործելու արդյունքում վաճառողին ուղղակիորեն կամ անուղղակիորեն հատկացվելիք եկամտի (հասույթի) մասը
	17 Ապրանքների՝ ______________ մինչև (Մաքսային միության մաքսային տարածքում ժամանման վայրը) փոխադրման (տրանսպորտային փոխադրման) ծախսերը
	18 Ապրանքների բեռնման, բեռնաթափման (փոխաբեռնման) և մինչև _________________ (Մաքսային միության միասնական մաքսային տարածքում ժամանման վայր) փոխադրման հետ կապված այլ գործողությունների ծախսերը
	19 17-րդ և 18-րդ վանդակներում նշված գործողությունների գծով ապահովագրական ծախսերը
	20 Ընդամենը արժույթով «Բ»-ն ազգային
Գ. ՀԱՆՈՒՄՆԵՐ ազգային արժույթով ծախսեր, որոնք ներառված են Ա- ում*	21 Մաքսային միության մաքսային տարածք ներմուծված ապրանքների ժամանումից հետո կատարված շինարարական, կառուցման, հավաքման, մոնտաժման, սպասարկման կամ տեխնիկական աջակցության իրականացման ծախսերը
	22 Ապրանքների փոխադրման (տրանսպորտային փոխադրման) ծախսերը Մաքսային միության մաքսային տարածքում դրանց ժամանումից հետո
	23 Մաքսային միության մաքսային տարածքում ներմուծվող ապրանքների ներմուծման կամ վաճառքի կապակցությամբ վճարվող մաքսատուրքեր, հարկեր և հավաքագրումներ
	24 Ընդամենը «Բ»-ն ազգային արժույթով
25 ՀԱՅՏԱԳՐՎԱԾ ՄԱՔՍԱՅԻՆ ԱՐԺԵՔԸ (Ա + Բ - Գ) ա) ԱԶԳԱՅԻՆ ԱՐԺՈՒՅԹՈՎ
բ) ԱՄՆ ԴՈԼԱՐՈՎ (վերահաշվարկի փոխարժեքը______________)
* Եթե գումարը վճարվել է արտարժույթով, ապա այստեղ նշվում է գումարը՝ արտարժույթով, և վերահաշվարկի փոխարժեքը՝ յուրաքանչյուր ապրանքի և արժեքի տարրի համար    Ապրանքի համարը և դիրքը Արժույթի  ծածկագիրը, գումարը  Վերահաշվարկի  փոխարժեքը
Լրացուցիչ տվյալներ			Ստորագրություն, կնիք

Հրապարակվել է կայքում 19 օգոստոսի 2015 թվական: