ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

16 օգոստոսի 2012 թվականի N 1030-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2004 ԹՎԱԿԱՆԻ ՀՈՒՆՎԱՐԻ 22-Ի N 130-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2004 թվականի հունվարի 22-ի «Խմելու ջրի մատակարարման և ջրահեռացման կանոնները, ջրամատակարարման և ջրահեռացման պայմանագրերի օրինակելի ձևերը, ջրամատակարարման և ջրահեռացման համակարգերի միացման տեխնիկական պայմանների սահմանման կարգը հաստատելու և Հայաստանի Հանրապետության կառավարության 1999 թվականի մարտի 13-ի N 149 որոշումն ուժը կորցրած ճանաչելու մասին» N 130-Ն որոշման մեջ կատարել հետևյալ լրացումներն ու փոփոխությունը`

1) որոշման 4-րդ կետի «բ» ենթակետը «սահմանված կարգով տեղադրվում բաժանորդների» բառերից հետո լրացնել «և (կամ) պայմանագրով նախատեսված դեպքերում և կարգով խմելու ջրի մատակարարման և ջրահեռացման ծառայություններ մատուցող կազմակերպությունների» բառերով.

2) որոշմամբ հաստատված կանոնների`

ա. 15-րդ կետի երկրորդ պարբերությունը «բաժանորդի» բառից հետո լրացնել «և (կամ) պայմանագրով նախատեսված դեպքերում և կարգով խմելու ջրի մատակարարման և ջրահեռացման ծառայություններ մատուցող կազմակերպությունների» բառերով,

բ. 24-րդ կետից հանել «, իսկ բաժանորդը պարտավոր է կանոնների 15-րդ կետի համաձայն տեղադրել ջրաչափը» բառերը,

գ. 42-րդ կետի «ա» ենթակետը «ջրաչափերի» բառից հետո լրացնել «, ինչպես նաև պայմանագրով նախատեսված դեպքերում և կարգով խմելու ջրի մատակարարման և ջրահեռացման ծառայություններ մատուցող կազմակերպությունների ջրաչափերի» բառերով,

 դ. 42-րդ կետի «ժգ» ենթակետը «անվճար ջրաչափը» բառերից հետո լրացնել հետևյալ բովանդակությամբ նոր նախադասությամբ.

 «Բաժանորդի և խմելու ջրի մատակարարման և ջրահեռացման ծառայություններ մատուցող կազմակերպության միջև կնքված պայմանագրով սահմանված դեպքերում և կարգով ջրաչափերի ստուգաչափման կամ անհրաժեշտության դեպքում նոր ջրաչափերի տեղադրման գործընթացը կարող է իրականացվել խմելու ջրի մատակարարման և ջրահեռացման ծառայություններ մատուցող կազմակերպության կողմից:»:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Տ. Սարգսյան
2012 թ. օգոստոսի 18 Երևան