ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
9 օգոստոսի 2012 թվականի N 1001-Ն
ՀԱՄԱՊԱՏԱՍԽԱՆՈՒԹՅԱՆ ԳՆԱՀԱՏՄԱՆ ՆՇԱՆԱԿՎԱԾ ՄԱՐՄԻՆՆԵՐԻ ԿՈՂՄԻՑ ԱՐՏԱԴՐԱՆՔԻ ՀԱՄԱՊԱՏԱՍԽԱՆՈՒԹՅԱՆ ԳՆԱՀԱՏՄԱՆ ԱՐԴՅՈՒՆՔՆԵՐԻ ՄԱՍԻՆ ՏԵՂԵԿԱՏՎՈՒԹՅՈՒՆԸ ՆԵՐԿԱՅԱՑՆԵԼՈՒ ԿԱՐԳԸ ՀԱՍՏԱՏԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՀՈՒՆԻՍԻ 23-Ի N 851-Ն ՈՐՈՇՈՒՄՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ
Հիմք ընդունելով «Տեխնիկական կանոնակարգման մասին» Հայաստանի Հանրապետության օրենքի 2-րդ հոդվածի 1-ին մասի 2-րդ կետը, 20-րդ հոդվածը և 26-րդ հոդվածի 2-րդ մասը` Հայաստանի Հանրապետության կառավարությունը որոշում է.
1. Հաստատել Հայաստանի Հանրապետության համապատասխանության գնահատման նշանակված մարմինների կողմից արտադրանքի համապատասխանության գնահատման արդյունքների մասին տեղեկատվությունը ներկայացնելու կարգը` համաձայն հավելվածի:
2. Ուժը կորցրած ճանաչել Հայաստանի Հանրապետության կառավարության 2011 թվականի հունիսի 23-ի «Արտադրանքի սերտիֆիկացման մարմինների կողմից ոչ պարենային արտադրանքի համապատասխանության հավաստման վերաբերյալ տեղեկատվության տրամադրման կարգը հաստատելու մասին» N 851-Ն որոշումը:
3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:
|
Հայաստանի Հանրապետության |
Տ. Սարգսյան |
|
2012 թ. օգոստոսի 10 Երևան |
|
Հավելված ՀՀ կառավարության 2012 թվականի օգոստոսի 9-ի N 1001-Ն որոշման |
Կ Ա Ր Գ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՀԱՄԱՊԱՏԱՍԽԱՆՈՒԹՅԱՆ ԳՆԱՀԱՏՄԱՆ ՆՇԱՆԱԿՎԱԾ ՄԱՐՄԻՆՆԵՐԻ ԿՈՂՄԻՑ ԱՐՏԱԴՐԱՆՔԻ ՀԱՄԱՊԱՏԱՍԽԱՆՈՒԹՅԱՆ ԳՆԱՀԱՏՄԱՆ ԱՐԴՅՈՒՆՔՆԵՐԻ ՄԱՍԻՆ ՏԵՂԵԿԱՏՎՈՒԹՅՈՒՆԸ ՆԵՐԿԱՅԱՑՆԵԼՈՒ
1. Սույն կարգով կարգավորվում են Հայաստանի Հանրապետության համապատասխանության գնահատման նշանակված մարմինների կողմից արտադրանքի համապատասխանության գնահատման արդյունքների մասին տեղեկատվությունը (այսուհետ՝ տեղեկատվություն) ներկայացնելու պահանջների հետ կապված հարաբերությունները:
2. Հայաստանի Հանրապետության համապատասխանության գնահատման նշանակված մարմինների կողմից տեղեկատվությունը տրամադրվում է Հայաստանի Հանրապետության էկոնոմիկայի նախարարությանը (այսուհետ` համակարգող մարմին)` բացառապես էլեկտրոնային եղանակով` համաձայն ձևի:
3. Հայաստանի Հանրապետության համապատասխանության գնահատման նշանակված մարմինները տեղեկատվությունը համակարգող մարմնին են տրամադրում մինչև յուրաքանչյուր ամսվան հաջորդող ամսվա 10-ը, բացառությամբ «Տեխնիկական կանոնակարգման մասին» Հայաստանի Հանրապետության օրենքով սահմանված պահանջներին արտադրանքի անհամապատասխանության դեպքերի, երբ անհապաղ, բայց ոչ ուշ, քան մեկ օրվա ընթացքում էլեկտրոնային եղանակով դրա մասին ծանուցում են համակարգող մարմնին:
|
Հայաստանի Հանրապետության կառավարության աշխատակազմի ղեկավար |
Դ. Սարգսյան |
Ձև
Տ Ե Ղ Ե Կ Ա Տ Վ ՈՒ Թ Յ ՈՒ Ն
ԱՐՏԱԴՐԱՆՔԻ ՀԱՄԱՊԱՏԱՍԽԱՆՈՒԹՅԱՆ ԳՆԱՀԱՏՄԱՆ ԱՐԴՅՈՒՆՔՆԵՐԻ ՄԱՍԻՆ
|
Արտադրանքի արտաքին տնտեսական գործունեության ապրանքային անվանացանկի ծածկագիրը |
Արտա- |
Արտա- |
Արտադրանքն արտադրողը |
Ներմուծողը (անվանումը) |
Արտադրանքի արտադրության և պիտանիության ժամկետները |
Արտադրանքի համապատասխանության գնահատման փաստաթղթի անվանումը, համարը, գործողության ժամկետը և տալու ամսաթիվը, գնահատված արտադրանքի խմբաքանակի համարը |
Համապատաս-խանության գնահատման |
Տեխնիկական կանոնա-կարգի լրիվ անվանումը |
|
1 |
2 |
3 |
4 |
5 |
6 |
7 |
8 |
9 |
Տեղեկատվությունը ներկայացրեց
|
_________________________________________________________________________________ (գնահատման նշանակված մարմնի անվանումը, գտնվելու և գործունեության իրականացման վայրը, _________________________________________________________________________________ հեռախոսահամարը, էլեկտրոնային հասցեն` առկայության դեպքում) _________________________________________________________________________________ |
| ԳՆԱՀԱՏՄԱՆ ՆՇԱՆԱԿՎԱԾ ՄԱՐՄՆԻ ՂԵԿԱՎԱՐ |
___________________ (պաշտոնը) |
___________________ (ստորագրությունը) |
__________________ (անունը, ազգանունը) |
| ________ _____________________ 20 թ. | |||
|
ՍՏԱՑՈՂ ՀՀ էկոնոմիկայի նախարարություն _______________________________ (Մ. Մկրտչյան 5) | |||