Գլխավոր տեղեկություն

Համար

N 775-Ա

Տիպ

Որոշում

Ակտի տիպ

Հիմնական ակտ (27.06.2012-մինչ օրս)

Կարգավիճակ

Գործում է

Սկզբնաղբյուր

Չի հրապարակվել պաշտոնական պարբերականում

Ընդունող մարմին

ՀՀ կառավարություն

Ընդունման ամսաթիվ

22.06.2012

Ստորագրող մարմին

ՀՀ վարչապետ

Ստորագրման ամսաթիվ

26.06.2012

Ուժի մեջ մտնելու ամսաթիվ

27.06.2012

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

22 հունիսի 2012 թվականի N 775-Ա

ԳՈՒՅՔ ՀԱՆՁՆԵԼՈՒ ՄԱՍԻՆ

Ղեկավարվելով «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածով` Հայաստանի Հանրապետության կառավարությունը որոշում է.

1. Թույլատրել Հայաստանի Հանրապետության տրանսպորտի և կապի նախարարին «Հայաստանի Հանրապետության տրանսպորտի և կապի նախարարության աշխատակազմ» պետական կառավարչական հիմնարկի տնօրինության «Հարավկովկասյան երկաթուղի» փակ բաժնետիրական ընկերությանը փոխանցված, երկաթուղու արտադրական գործունեությանը մասնակցություն չունեցող, որպես Հայաստանի Հանրապետության սեփականություն պետական գրանցում ստացած Հայաստանի Հանրապետության Գեղարքունիքի մարզի Վարդենիս քաղաքում գտնվող` 501,9 քառ. մետր մակերեսով երկաթգծի հյուրանոցի շենքը (լոկոմոտիվային բրիգադների հանգստյան տան նախկին շենքը` վկայական` N 2166001, տրված` 03.10.2008 թվականին, սկզբնական արժեքը` 1837500 դրամ, մնացորդային արժեքը` 0 դրամ) ու 0,2900 հա մակերեսով հողամասը և ԿԱՏՈ NK-1200 Տ մակնիշի հատուկ ավտոկռունկը (պետհամարանիշը` 327 OU 64, թողարկման տարեթիվը` 1983 թվական, սկզբնական արժեքը` 35.462.164 դրամ, մնացորդային արժեքը` 16.950.945,33 դրամ) (այսուհետ` գույք) Հայաստանի Հանրապետության օրենսդրությամբ սահմանված կարգով հանել կոնցեսիոն ակտիվների կազմից:

2. Սույն որոշման 1-ին կետում նշված գույքը հետ վերցնել «Հայաստանի Հանրապետության տրանսպորտի և կապի նախարարության աշխատակազմ» պետական կառավարչական հիմնարկից և Հայաստանի Հանրապետության օրենսդրությամբ սահմանված կարգով Հայաստանի Հանրապետության Գեղարքունիքի մարզի Վարդենիս քաղաքի երկաթգծի հյուրանոցը և հողամասը հանձնել «Հայաստանի Հանրապետության էներգետիկայի և բնական պաշարների նախարարության աշխատակազմ» պետական կառավարչական հիմնարկին, իսկ ԿԱՏՈ NK-1200 Տ մակնիշի հատուկ ավտոկռունկը` «Հայաստանի Հանրապետության արտակարգ իրավիճակների նախարարության աշխատակազմ» պետական կառավարչական հիմնարկին:

3. Հայաստանի Հանրապետության տրանսպորտի և կապի նախարարին` Հայաստանի Հանրապետության էներգետիկայի և բնական պաշարների նախարարի և Հայաստանի Հանրապետության արտակարգ իրավիճակների նախարարի հետ համատեղ սույն որոշումն ուժի մեջ մտնելուց հետո եռամսյա ժամկետում ապահովել սույն որոշման 2-րդ կետերում նշված գույքի հանձնման-ընդունման աշխատանքների կատարումը:

Հայաստանի Հանրապետության
վարչապետ
Տ. Սարգսյան

2012 թ. հունիսի 26

Երևան