ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

29 փետրվարի 2012 թվականի N 184-Ա

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎ ՍՏԵՂԾԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի`

1. Հայաստանի Հանրապետության բնակչության արտաքին միգրացիոն հոսքերի մասին տեղեկատվության ստացման տարբեր համակարգերից, ինչպես նաև տարբեր աղբյուրներից ստացված տվյալների համադրման և վերլուծության միջոցով 2010-2011 թվականների միգրացիայի արտաքին ծավալների մասին առավել հավաստի ու ամբողջական տեղեկատվություն ստանալու նպատակով ստեղծել միջգերատեսչական հանձնաժողով և հաստատել դրա անհատական կազմը` համաձայն հավելվածի:

2. Միջգերատեսչական հանձնաժողովին՝ Հայաստանի Հանրապետության բնակչության 2010-2011 թվականների միգրացիայի արտաքին ծավալների մասին ամփոփ տեղեկատվությունը Հայաստանի Հանրապետության վարչապետին ներկայացնել Հայաստանի Հանրապետության կառավարությանն առընթեր ազգային անվտանգության ծառայության «ՍԷԿՏ» համակարգի արդիականացման ավարտից հետո:

(2-րդ կետը խմբ. 19.07.12 N 621-Ա)

Հայաստանի Հանրապետության վարչապետ	Տ. Սարգսյան
2012 թ. փետրվարի 29 Երևան

Հավելված  ՀՀ վարչապետի 2012 թ. փետրվարի 29-ի N 184-Ա որոշման

Ա Ն Հ Ա Տ Ա Կ Ա Ն  Կ Ա Զ Մ

ՄԻՋԳԵՐԱՏԵՍՉԱԿԱՆ ՀԱՆՁՆԱԺՈՂՈՎԻ

Ա. Գևորգյան	- ՀՀ փոխվարչապետ, ՀՀ տարածքային կառավարման նախարար (միջգերատեսչական հանձնաժողովի նախագահ)
Ա. Մովսեսյան	- ՀՀ կառավարությանն առընթեր քաղաքացիական ավիացիայի գլխավոր վարչության պետ
Ս. Մնացականյան	- ՀՀ ազգային վիճակագրական ծառայության նախագահ (համաձայնությամբ)
Ա. Ավետիսյան	- ՀՀ տրանսպորտի և կապի նախարարի տեղակալ
Ե. Կիրակոսյան	- ՀՀ արդարադատության նախարարի տեղակալ
Տ. Հարությունյան	- ՀՀ էկոնոմիկայի նախարարի տեղակալ
Ս. Մանասերյան	- ՀՀ արտաքին գործերի նախարարի տեղակալ
Ռ. Հարությունյան	- ՀՀ կառավարությանն առընթեր ազգային անվտանգության ծառայության տնօրենի տեղակալ
Ա. Օսիկյան	- ՀՀ կառավարությանն առընթեր ՀՀ ոստիկանության պետի տեղակալ
Կ. Մարգարյան	- ՀՀ կառավարության աշխատակազմի տարածքային զարգացման և բնապահպանական վարչության պետ
Գ. Եգանյան	- ՀՀ տարածքային կառավարման նախարարության միգրացիոն պետական ծառայության պետ

Հայաստանի Հանրապետության կառավարության աշխատակազմի ղեկավար

Դ. Սարգսյան