«Վավերացնում եմ»

Հայաստանի Հանրապետության

Նախագահ Ռ. Քոչարյան

14 սեպտեմբերի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

22 օգոստոսի 2002 թվականի N 1383-Ա

«ՀԱՄԱՀԱՅԿԱԿԱՆ ԵՐԻՏԱՍԱՐԴԱԿԱՆ ՄԻՋԱԶԳԱՅԻՆ ԿԵՆՏՐՈՆ» ՀԻՄՆԱԴՐԱՄԻՆ ՇԵՆՔ ՆՎԻՐԱԲԵՐԵԼՈՒ ՄԱՍԻՆ

Հայաստանի Հանրապետության մշակույթի, երիտասարդության հարցերի և սպորտի նախարարության Ծաղկաձորի գլխավոր մարզահամալիրի 3-րդ մասնաշենքի արդյունավետ շահագործման ու դրա հիմնանորոգման ապահովման նպատակով Հայաստանի Հանրապետության կառավարությունը որոշում է.

1. Հայաստանի Հանրապետության մշակույթի, երիտասարդության հարցերի և սպորտի նախարարության Ծաղկաձորի գլխավոր մարզահամալիրի 3-րդ մասնաշենքը նվիրաբերել «Համահայկական երիտասարդական միջազգային կենտրոն» հիմնադրամին:

2. Հայաստանի Հանրապետության մշակույթի, երիտասարդության հարցերի և սպորտի նախարարին՝ երկշաբաթյա ժամկետում «Համահայկական երիտասարդական միջազգային կենտրոն» հիմնադրամի հետ համատեղ ապահովել նշված մասնաշենքի նվիրաբերության պայմանագրի՝ սահմանված կարգով կնքումն ու գույքային իրավունքների պետական գրանցումը:

3. Հայաստանի Հանրապետության Կոտայքի մարզպետին՝ մեկամսյա ժամկետում ճշտել Հայաստանի Հանրապետության մշակույթի, երիտասարդության հարցերի և սպորտի նախարարության Ծաղկաձորի գլխավոր մարզահամալիրի 3-րդ մասնաշենքի սպասարկման համար անհրաժեշտ հարակից հողատարածքի սահմանները և ապահովել Ծաղկաձորի գլխավոր մարզահամալիրի 3-րդ մասնաշենքի ու դրան հարակից հողատարածքի նկատմամբ «Համահայկական երիտասարդական միջազգային կենտրոն» հիմնադրամի օգտագործման իրավունքների պետական գրանցումը:

4. Ուժը կորցրած ճանաչել Հայաստանի Հանրապետության կառավարության 2001 թվականի օգոստոսի 27-ի «Համահայկական երիտասարդական միջազգային կենտրոն» հիմնադրամին շենք հանձնելու մասին» N 777 որոշումը:

5. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Ա. Մարգարյան
2002 թ. օգոստոսի 30 Երևան