ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2 օգոստոսի 2012 թվականի N 971-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2001 ԹՎԱԿԱՆԻ ՕԳՈՍՏՈՍԻ 14-Ի N 759 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2001 թվականի օգոստոսի 14-ի «Հայաստանի Հանրապետությունում կիրառվող դեղատոմսային ձևաթղթերը հաստատելու մասին» N 759 որոշման մեջ կատարել հետևյալ փոփոխությունները`

 1) որոշման 3-րդ կետի երկրորդ պարբերությունն ուժը կորցրած ճանաչել, իսկ առաջին պարբերության առաջին նախադասությունը շարադրել հետևյալ խմբագրությամբ.

«Սահմանել, որ զեղչով դեղատոմսերն ուժի մեջ են դեղատոմսը դուրս գրող բժշկի ստորագրության առկայության դեպքում:».

2) որոշմամբ հաստատված N 1 դեղատոմսային ձևաթղթում`

ա. հանել «անձնական կնիքը և» բառերը,

բ. «Բժշկի հուշաթերթիկ» մասի վեցերորդ պարբերությունում «ուժի մեջ է բժշկական կազմակերպության կնիքի, դրոշմակնիքի, «Դեղատոմսերի համար» կնիքի և դեղատոմսը դուրս գրող բժշկի ստորագրության ու անձնական կնիքի առկայության դեպքում» բառերը փոխարինել «ուժի մեջ է դեղատոմսը դուրս գրող բժշկի ստորագրության առկայության դեպքում» բառերով.

3) որոշմամբ հաստատված N 2 դեղատոմսային ձևաթղթից`

ա. հանել «անձնական կնիքը և» բառերը,

բ. «Բժշկի հուշաթերթիկ» մասի հինգերորդ պարբերությունից հանել «և անձնական կնիքի» բառերը.

4) որոշմամբ հաստատված N 3 դեղատոմսային ձևաթղթում`

ա. հանել «անձնական կնիքը և» բառերը,

բ. «Բժշկի հուշաթերթիկ» մասի հինգերորդ պարբերությունը ճանաչել ուժը կորցրած.

5) որոշմամբ հաստատված N 4 դեղատոմսային ձևաթղթից`

ա. հանել «անձնական կնիքը և» բառերը,

բ. «Բժշկի հուշաթերթիկ» մասի հինգերորդ պարբերությունից հանել «և անձնական կնիքի» բառերը.

6) որոշմամբ հաստատված N 5 դեղատոմսային ձևաթղթում`

ա. հանել «անձնական կնիքը և» բառերը,

բ. «Բժշկի հուշաթերթիկ» մասի հինգերորդ պարբերությունը ճանաչել ուժը կորցրած:

2. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Տ. Սարգսյան
2012 թ. օգոստոսի 7 Երևան