Գլխավոր տեղեկություն
Համար
թիվ 119-Ն
Տիպ
Որոշում
Ակտի տիպ
Պաշտոնական Ինկորպորացիա (27.07.2012-մինչ օրս)
Կարգավիճակ
Գործում է
Սկզբնաղբյուր
ՀՀԳՏ 2012.06.01/15(428) Հոդ.167
Ընդունող մարմին
Կենտրոնական բանկի խորհուրդ
Ընդունման ամսաթիվ
15.05.2012
Ստորագրող մարմին
Կենտրոնական բանկի նախագահ
Ստորագրման ամսաթիվ
15.05.2012
Ուժի մեջ մտնելու ամսաթիվ
11.06.2012

«Գրանցված է»

ՀՀ արդարադատության

նախարարության կողմից

24 մայիսի 2012 թ.

Պետական գրանցման թիվ 05012226

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ

 

ԿԵՆՏՐՈՆԱԿԱՆ ԲԱՆԿԻ ԽՈՐՀՈՒՐԴ

 

15 մայիսի 2012 թ.

  թիվ 119-Ն

 

Ո Ր Ո Շ ՈՒ Մ

 

2012-2013 ԹՎԱԿԱՆՆԵՐԻ ՀՈՒՇԱԴՐԱՄՆԵՐԻ ԹՈՂԱՐԿՄԱՆ ԾՐԱԳՐՈՎ ՆԱԽԱՏԵՍՎԱԾ «ՍԵՐԳԵՅ ՓԱՐԱՋԱՆՈՎ» ՀՈՒՇԱԴՐԱՄԸ ՇՐՋԱՆԱՌՈՒԹՅԱՆ ՄԵՋ ԴՆԵԼՈՒ ԵՎ ԴՐԱ ՆԿԱՐԱԳՐՈՒԹՅՈՒՆԸ ՀԱՍՏԱՏԵԼՈՒ ՄԱՍԻՆ

 

Հիմք ընդունելով «Հայաստանի Հանրապետության կենտրոնական բանկի մասին» Հայաստանի Հանրապետության օրենքի 20-րդ հոդվածի «է» կետը` Հայաստանի Հանրապետության կենտրոնական բանկի խորհուրդը որոշում է.

1. 2012 թվականի հունիսի 12-ից շրջանառության մեջ դնել «Սերգեյ Փարաջանով» արծաթե հուշադրամը:

2. Հաստատել սույն որոշման 1-ին կետով սահմանված հուշադրամի նկարագրությունը, որը հուշադրամի էսքիզների հետ մեկտեղ ներկայացված է սույն որոշման Հավելվածում:

3. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

 

ՀՀ կենտրոնական

բանկի նախագահ

 Ա. Ջավադյան

 

2012 թ. մայիսի 15

Երևան

 

 

Հավելված

 

Հաստատված է

ՀՀ կենտրոնական բանկի խորհրդի

2012 թվականի մայիսի 15-ի

թիվ 119-Ն որոշմամբ

 

Ն Կ Ա Ր Ա Գ Ր ՈՒ Թ Յ ՈՒ Ն

 

1. «Սերգեյ Փարաջանով» հուշադրամի նկարագրությունը

 

Հայաստանի Հանրապետության կենտրոնական բանկը թողարկել է Սերգեյ Փարաջանովին նվիրված արծաթե հուշադրամ:

 

Հուշադրամի դիմերեսի աջ մասում պատկերված է Սերգեյ Փարաջանովի կոլաժից հատված, ձախ մասում Փարաջանովի լուսանկարն է: Կենտրոնում կինոխցիկ է ամրակալանի վրա, որից աջ ճեղքված նուռ է, իսկ ձախ` դրամահատարանի ֆիրմային նշանը: Ներքևի մասում հուշադրամի անվանական արժեքն է` «DRAM 100 ԴՐԱՄ» և Հայաստանի Հանրապետության զինանշանը: Ներքևի և ձախ շրջագծերով «ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ» և «REPUBLIC OF ARMENIA» մակագրություններն են և հուշադրամի թողարկման տարեթիվը` «2012»:

 

Հուշադրամի դարձերեսի կենտրոնում Փարաջանովի լուսանկարն է, որից վերև «SERGEI PARAJANOV» ոճավորված մակագրությունն է: Վերևի աջ անկյունում Փարաջանովի «Ֆաբերժեի հիշատակին» կոլաժից հատված է, իսկ դրանից ներքև՝ Փարաջանովի ինքնատիպ ստորագրությունը, որն ավարտվում է անսովոր կափարիչով. ռեժիսորը դրա վրա քերծելով գծել է Պուշկինի դիմանկարը: Ձախ կողմում ուղղահայաց մակագրված են նկարչի ծննդյան և մահվան տարեթվերը` «1924 - 1990»:

 

Հուշադրամի էսքիզների հեղինակն է Ուրսուլա Վալեժակը:

Հուշադրամը հատվել է Լեհաստանի դրամահատարանում:

 

 

Հուշադրամի բնութագիրը

 


Անվանական արժեքը


100 դրամ

Մետաղը և հարգը 

արծաթ, 9250

Քաշը

28,28 գ

Չափը  28,0 x 40,0 մմ

Դրամաշուրթը

 հարթ

Որակը

 պրուֆ
Տպաքանակը

մինչև 5555 հատ

 

(1-ին կետը խմբ. 26.06.12 թիվ 166-Ն)

 

1.1 «Սերգեյ Փարաջանով» հուշադրամի դիմերեսի և դարձերեսի էսքիզները

 

Ներմուծեք նկարագրությունը_1896

(հավելվածը խմբ. 26.06.12 թիվ 166-Ն)

Փոփոխման պատմություն
Փոփոխող ակտ Համապատասխան ինկորպորացիան
26.06.2012, թիվ 166-Ն 27.07.2012, թիվ 119-Ն
Փոփոխված ակտ
Փոփոխող ակտ Համապատասխան ինկորպորացիան