Գլխավոր տեղեկություն

Համար

N 614-Ա

Տիպ

Որոշում

Ակտի տիպ

Հիմնական ակտ (22.05.2012-16.01.2018)

Կարգավիճակ

Չի գործում

Սկզբնաղբյուր

ՀԽՍՀԳԽՏ 1989/23

Ընդունող մարմին

ՀՀ կառավարություն

Ընդունման ամսաթիվ

17.05.2012

Ստորագրող մարմին

ՀՀ վարչապետ

Ստորագրման ամսաթիվ

21.05.2012

Ուժի մեջ մտնելու ամսաթիվ

22.05.2012

Ուժը կորցնելու ամսաթիվ

16.01.2018

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

17 մայիսի 2012 թվականի N 614-Ա

«ԵՐԵՎԱՆԻ Ա. ԳՐԻԲՈՅԵԴՈՎԻ ԱՆՎԱՆ N 41 ՀԻՄՆԱԿԱՆ ԴՊՐՈՑ» ՊԵՏԱԿԱՆ ՈՉ ԱՌԵՎՏՐԱՅԻՆ ԿԱԶՄԱԿԵՐՊՈՒԹՅԱՆԸ ՄԵԿ ՏԱՐՎԱՆԻՑ ԱՎԵԼԻ ԺԱՄԿԵՏՈՎ ՎԱՐՁԱԿԱԼՈՒԹՅԱՆ ՄԱՍԻՆ ՊԱՅՄԱՆԱԳԻՐ ԿՆՔԵԼՈՒ ԹՈՒՅԼՏՎՈՒԹՅՈՒՆ ՏԱԼՈՒ ՄԱՍԻՆ

Ղեկավարվելով «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածի 3-րդ մասի և Հայաստանի Հանրապետության քաղաքացիական օրենսգրքի 609-րդ հոդվածի պահանջներով` Հայաստանի Հանրապետության կառավարությունը որոշում է.

1. Թույլատրել Երևանի քաղաքապետարանի «Երևանի Ա. Գրիբոյեդովի անվան N 41 հիմնական դպրոց» պետական ոչ առևտրային կազմակերպությանն իրեն անհատույց և անժամկետ օգտագործման իրավունքով ամրացված` Երևան քաղաքի Մյասնիկյան 2 հասցեում գտնվող շենքից 394.2 քառ. մետր ընդհանուր մակերեսով տարածքը 20 տարի ժամկետով վարձակալության հանձնել «Վարդանանք» կրթահամալիր» սահմանափակ պատասխանատվությամբ ընկերությանը:

2. Սահմանել, որ՝

1) վարձակալության մասին պայմանագիրը կնքելիս` անհրաժեշտ է վարձավճարը հաշվարկել Հայաստանի Հանրապետության կառավարության 2001 թվականի փետրվարի 22-ի «Հայաստանի Հանրապետության պետական կառավարչական հիմնարկների տիրապետմանը, տնօրինմանն ու օգտագործմանը հանձնված (ամրացված) գույքի (տարածքի) վարձակալության կարգը հաստատելու մասին» N 125 որոշմամբ սահմանված կարգով.

2) վարձակալությունից գոյացած վարձավճարներն ուղղվում են Հայաստանի Հանրապետության պետական բյուջե.

3) վարձակալությամբ տրամադրված տարածքում վարձակալի կողմից կարող են անբաժանելի բարելավումներ կատարվել՝ առանց դրանց արժեքի փոխհատուցման:

3. Հայաստանի Հանրապետության կառավարությանն առընթեր պետական գույքի կառավարման վարչության պետին՝ սույն որոշումն ուժի մեջ մտնելուց հետո երկամսյա ժամկետում ապահովել «Երևանի Ա. Գրիբոյեդովի անվան N 41 հիմնական դպրոց» պետական ոչ առևտրային կազմակերպության և «Վարդանանք» կրթահամալիր» սահմանափակ պատասխանատվությամբ ընկերության միջև վարձակալության մասին պայմանագրի կնքումը՝ վարձակալության մասին պայմանագրի նոտարական վավերացման և պայմանագրից ծագող գույքային իրավունքների պետական գրանցման ծախսերը կատարելով «Վարդանանք» կրթահամալիր» սահմանափակ պատասխանատվությամբ ընկերության միջոցների հաշվին:

Հայաստանի Հանրապետության
վարչապետ
Տ. Սարգսյան

2012 թ. մայիսի 21

Երևան