Գլխավոր տեղեկություն
Համար
N 432-Ա
Տիպ
Որոշում
Ակտի տիպ
Հիմնական ակտ (15.04.2012-մինչ օրս)
Կարգավիճակ
Գործում է
Սկզբնաղբյուր
Չի հրապարակվել պաշտոնական պարբերականում
Ընդունող մարմին
ՀՀ կառավարություն
Ընդունման ամսաթիվ
12.04.2012
Ստորագրող մարմին
ՀՀ վարչապետ
Ստորագրման ամսաթիվ
14.04.2012
Ուժի մեջ մտնելու ամսաթիվ
15.04.2012

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

12 ապրիլի 2012 թվականի N 432-Ա

 

ԳՈՒՅՔ ՀԱՆՁՆԵԼՈՒ ՄԱՍԻՆ

 

Ղեկավարվելով «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածի, «Բաժնետիրական ընկերությունների մասին» Հայաստանի Հանրապետության օրենքի 35-րդ հոդվածի պահանջներով` Հայաստանի Հանրապետության կառավարությունը որոշում է.

1. «Հայաստանի Հանրապետության տարածքային կառավարման նախարարության ջրային տնտեսության պետական կոմիտեի աշխատակազմ» պետական կառավարչական հիմնարկին ամրացնել`

1) Հայաստանի Հանրապետության Արագածոտնի մարզի Շենավանի գյուղական համայնքի վարչական տարածքում գտնվող` Երևան-Ապարան ավտոմայրուղու և Ջրամբար գյուղ գնացող ճանապարհի աջ սկզբնամասում կառուցված ոռոգման ջրի անավարտ պոմպակայանը և կից վարչական շենքը՝ 2410026 դրամ արժեքով (այսուհետ՝ գույք).

 2) Հայաստանի Հանրապետության Արագածոտնի մարզի Շենավանի գյուղական համայնքի վարչական տարածքում գտնվող` Երևան-Ապարան ավտոմայրուղու և Ջրամբար գյուղ գնացող ճանապարհի աջ սկզբնամասում կառուցված ոռոգման ջրի անավարտ պոմպակայանին կից կառուցված և առկա ոռոգման ջրի 7000 գծամետր երկարությամբ 520 մմ տրամագծով երկաթյա, 1300 գծամետր երկարությամբ 400 մմ տրամագծով ազբո-երկաթյա և 2000 գծամետր երկարությամբ 400 մմ տրամագծով ազբո խողովակաշարերը՝ 120800000 դրամ արժեքով (այսուհետ՝ գույք):

2. Սույն որոշման 1-ին կետի 1-ին ենթակետում նշված գույքը ներդնել «Սևան-Հրազդանյան-ջրառ» փակ բաժնետիրական ընկերության կանոնադրական կապիտալում` լրացուցիչ բաժնետոմսեր տեղաբաշխելու միջոցով` համապատասխան չափով ավելացնելով ընկերության կանոնադրական կապիտալի չափը:

3. Սույն որոշման 1-ին կետի 2-րդ ենթակետում նշված գույքն անհատույց օգտագործման իրավունքով հանձնել «Ապարան-Արագած» ՋՕ ընկերությանը:

4. Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին՝ Հայաստանի Հանրապետության օրենսդրությամբ սահմանված կարգով ապահովել`

1) սույն որոշման 1-ին կետում նշված գույքի նկատմամբ պետության գույքային իրավունքները պետական գրանցմանը ներկայացնելու աշխատանքները.

2) սույն որոշման 1-ին կետի 1-ին ենթակետում նշված գույքի ներդրումը «Սևան-Հրազդանյան-ջրառ» փակ բաժնետիրական ընկերության կանոնադրական կապիտալում.

3) սույն որոշման 1-ին կետի 2-րդ ենթակետում նշված գույքը «Ապարան-Արագած» ՋՕ ընկերությանն անհատույց օգտագործման իրավունքով հանձնելու պայմանագրի կնքումը:

5. Սահմանել, որ սույն որոշման 2-րդ և 3-րդ կետերում նշված գույքերի գույքային իրավունքների պետական գրանցումը կատարվում է համապատասխանաբար «Սևան-Հրազդանյան-ջրառ» փակ բաժնետիրական ընկերության և «Ապարան-Արագած» ՋՕ ընկերության միջոցների հաշվին:

 

Հայաստանի Հանրապետության
վարչապետ

 Տ. Սարգսյան

 

2012 թ. ապրիլի 14

Երևան