ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

28 հունիսի 2012 թվականի N 806-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2011 ԹՎԱԿԱՆԻ ՀՈՒՆԻՍԻ 17-Ի N 874-Ա ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով Հայաստանի Հանրապետության քաղաքացիական օրենսգրքի 605-րդ հոդվածը և «Իրավական ակտերի մասին» Հայաստանի Հանրապետության օրենքի 70-րդ հոդվածի 1-ին մասը` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2011 թվականի հունիսի 17-ի «Հայաստանի Հանրապետության կառավարության և Չինաստանի Ժողովրդական Հանրապետության կառավարության միջև 2010 թվականի դեկտեմբերի 27-ին ստորագրված պայմանագրի շրջանակներում շտապ օգնության գծային մեքենաները, շտապ օգնության ռեանիմոբիլները և դրանց օժանդակ սարքավորումները նվիրաբերելու մասին» N 874-Ա որոշման մեջ կատարել հետևյալ լրացումները`

1) որոշումը լրացնել հետևյալ բովանդակությամբ նոր` 1.1-ին կետով.

«1.1. Հաստատել Հայաստանի Հանրապետության կառավարության և Չինաստանի Ժողովրդական Հանրապետության կառավարության միջև 2010 թվականի դեկտեմբերի 27-ին ստորագրված` նվիրաբերության պայմանագրով Հայաստանի Հանրապետությանը նվիրաբերված շտապ բժշկական օգնության գծային մեքենաների և շտապ օգնության ռեանիմոբիլների պահեստամասերի ցանկը` համաձայն N 3 հավելվածի:».

2) որոշումը լրացնել հետևյալ բովանդակությամբ նոր` 3.1-ին կետով.

«3.1. Հայաստանի Հանրապետության առողջապահության նախարարին` ըստ անհրաժեշտության, ապահովել սույն որոշման N 3 հավելվածով նախատեսված շտապ օգնության գծային մեքենաների և շտապ օգնության ռեանիմոբիլների պահեստամասերի նվիրաբերության մասին երկկողմ պայմանագրերի կնքումը «Շտապ բուժօգնություն» փակ բաժնետիրական ընկերության, մարզպետարանների ենթակայության առողջապահական բաժնետիրական ընկերությունների և Հայաստանի Հանրապետության կառավարությանն առընթեր Հայաստանի Հանրապետության ոստիկանության հետ` պայմանագրերում նախատեսելով դրույթներ պահեստամասերը բացառապես սույն որոշմամբ նվիրաբերված գծային մեքենաների և շտապ օգնության ռեանիմոբիլների համար օգտագործելու, դրանք ավտոմեքենաների տեխնիկական փաստաթղթերին համապատասխան շահագործելու, պահպանելու, սպասարկելու և սույն կետում նշված պայմանները չպահպանելու դեպքում` նվիրաբերման վերացման հնարավորության մասին:».

3) որոշումը լրացնել նոր` N 3 հավելվածով` համաձայն հավելվածի:

Հայաստանի Հանրապետության վարչապետ	Տ. Սարգսյան
2012 թ. հուլիսի 2 Երևան

Հավելված  ՀՀ կառավարության 2012 թվականի հունիսի 28-ի N 806-Ա որոշման   «Հավելված  ՀՀ կառավարության 2011 թվականի  հունիսի 17-ի N 874-Ա որոշման

Ց Ա Ն Կ

ՇՏԱՊ OԳՆՈՒԹՅԱՆ ԳԾԱՅԻՆ ՄԵՔԵՆԱՆԵՐԻ ԵՎ ՇՏԱՊ OԳՆՈՒԹՅԱՆ ՌԵԱՆԻՄՈԲԻԼՆԵՐԻ ՊԱՀԵՍՏԱՄԱՍԵՐԻ

NN ը/կ Անվանումը Քանակը 1 2 3 1. Ռադիատոր 42 2. Բենզինի ֆիլտր 91 3. Դիմապակու մաքրիչ 88 4. Էլեկտրական գեներատոր 22 5. Ապահովիչ (տարբեր) 704 6. Արգելակման սկավառակ 44 7. Արգելակման կոճղակ` առջևի 176 8. Արգելակման կոճղակ` հետևի 88 9. Աքսելեռատորի ճոպան 88 10. Թերմոստատ 44 11. Փոխանցման լիսեռի դիրքի տվիչ 44 12. Հակամառախուղային լուսարձակ (հալոգեն) 44 13. Լուսարձակ 88 14. Լուսարձակ` հետևի 88 15. Ստարտեր 44 16. Խցծծոց 44 17. Կարբյուրատորի դրոսելային փական 22 18. Մեղմիչ` առջևի 44 19. Մեղմիչ` հետևի 44 20. Ցափկի առանցկակալ 44 21. Մոմիկ 44 22. Ճնշման ցուցիչ 88 23. Շարժիչի ալյումինե ատամնանիվ 51 24. Շարժիչի շղթա 16 25. Նեցուկ` առջևի 88 26. Նեցուկ` հետևի 88 27. Օդի ֆիլտր 352 28. Յուղի ֆիլտր 704 29. Ետնամասի թթվածնային տվիչ 22 30. Առջևի անիվների պտտման տվիչ 44 31. Տաքացուցիչ` էկոնմայզեր 44

»:

Հայաստանի Հանրապետության կառավարության աշխատակազմի ղեկավար

Դ. Սարգսյան