«Գրանցված է»

ՀՀ արդարադատության

նախարարության կողմից

27 փետրվարի 2014 թ.

Պետական գրանցման թիվ 12114112

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ՓՈԽՎԱՐՉԱՊԵՏ, ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ   19 դեկտեմբերի 2013 թ.     N 16-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ     ԱՌՈՂՋԱՊԱՀՈՒԹՅԱՆ ՆԱԽԱՐԱՐ   10 դեկտեմբերի 2013 թ.    N 79-Ն

Հ Ա Մ Ա Տ Ե Ղ  Հ Ր Ա Մ Ա Ն

ԱՌՈՂՋԱՊԱՀՈՒԹՅԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԻՐԱԿԱՆԱՑՎՈՂ ՎԱՐՉԱԿԱՆ ՀՍԿՈՂՈՒԹՅԱՆ ՀԱՐՑԱՇԱՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության Նախագահի 1997 թվականի մայիսի 6-ի N ՆՀ-728 հրամանագրի 1.37 կետը.

Հրամայում ենք`

1. Հաստատել առողջապահության բնագավառում Հայաստանի Հանրապետության մարզպետների կողմից իրականացվող վարչական հսկողության հարցաշարը` համաձայն հավելվածի:

ՀՀ փոխվարչապետ, տարածքային կառավարման նախարար   Ա. Գևորգյան

ՀՀ առողջապահության նախարար     Դ. Դումանյան

Հավելված Հաստատված է ՀՀ փոխվարչապետ, տարածքային կառավարման նախարարի 2013 թվականի դեկտեմբերի 19-ի թիվ 16-Ն և ՀՀ առողջապահության նախարարի 2013 թվականի դեկտեմբերի 10-ի թիվ 79-Ն համատեղ հրամանով

 ՀԱՐՑԱՇԱՐ

ՎԱՐՉԱԿԱՆ ՀՍԿՈՂՈՒԹՅԱՆ ՀԱՐՑԱՇԱՐ

ԱՌՈՂՋԱՊԱՀՈՒԹՅԱՆ ԲՆԱԳԱՎԱՌ

(վերնագիրը խմբ. 26.08.15 N 47-Ն)

1. Գործառույթը` կազմակերպում է աղբահանությունը և սանիտարական մաքրումը, ինչպես նաև իրականացնում է «Աղբահանության և սանիտարական մաքրման մասին» Հայաստանի Հանրապետության օրենքով նախատեսված այլ լիազորություններ, աջակցում է սանիտարական վիճակի բարելավմանը.

2. Գործառույթի իրականացման օրենսդրական հիմքը` ՀՀ կառավարության 2007 թ. հոկտեմբերի 4-ի N 1161-Ն որոշում:

Դրույթների անվանումը	Պահպանված է	Թերի է պահպանված	Պահպանված չէ	Հայտնաբերված խախտումները	Առաջար-կություններ հսկողության ընթացքում հայտնաբերված խախտումների վերացման վերաբերյալ	Հայտնա-բերված խախտում-ները վերացնելու նպատակով սահմանված ժամկետները
1. Ապահովված են սպառման թափոնների հեռացման ՀՀ օրենսդրությամբ սահմանված հաճախականությունը` առնվազն երեք օրը մեկ անգամ:
2. +50C և ավելի բարձր օդի ջերմաստիճանի դեպքում` ՀՀ օրենսդրությամբ սահմանված ամեն օր հաճախականությունը:
3. Աղբախցերը ապահովված են ամուր փակվող դռներով 1) ունեն սողնակ, 2) աղբախցի դռան ստորին մասը և շեմքերը պատված են թիթեղով:
4. Ապահովված է աղբախցեր կրծողների և միջատների ներթափանցման բացառումը` հատակների անցքերը և բացվածքները ամրակցված են:

3. Գործառույթը ըստ «Տեղական ինքնակառավարման մասին» ՀՀ օրենքի՝ (այսուհետ՝ ՏԻՄ Օրենք) կազմակերպում է աղբահանությունը և սանիտարական մաքրումը, ինչպես նաև իրականացնում է «Աղբահանության և սանիտարական մաքրման մասին» Հայաստանի Հանրապետության օրենքով նախատեսված այլ լիազորություններ, աջակցում է սանիտարական վիճակի բարելավմանը.

4. Գործառույթի իրականացման օրենսդրական հիմքը` ՀՀ առողջապահության նախարարի 2009 թվականի դեկտեմբերի 22-ի թիվ 25-Ն հրամանով հաստատված «Բնակավայրերի տարածքների սանիտարական պահպանմանը, սպառման թափոնների հավաքմանը, պահմանը, փոխադրմանը, մշակմանը, վերամշակմանը, օգտահանմանը, վնասազերծմանը և թաղմանը, բնակավայրերի տարածքների սանիտարական պահպանման, սպառման թափոնների գործածության ոլորտում աշխատանքներ իրականացնող անձնակազմի աշխատանքային անվտանգությանը ներկայացվող հիգիենիկ պահանջներ» N 2.1.7.002-09 սանիտարական կանոններ և նորմեր:

Դրույթների անվանումը	Պահպանված է	Թերի է պահպանված	Պահպանված չէ	Հայտնաբերված խախտումները	Առաջար-կություններ հսկողության ընթացքում հայտնաբերված խախտումների վերացման վերաբերյալ	Հայտնա-բերված խախտում-ները վերացնելու նպատակով սահմանված ժամկետները
1. Առկա են աղբահանության սխեմաները, համաձայն որոնց իրականացնում են ոչ վնասակար թափոնների հավաքումը՝ սպառման թափոնների փոխադրումը (աղբահանությունը):
2. Առկա են կոնտեյներներ, որոնք 1) ունեն կափարիչներ, 2) պարունակում են աղբահանության ընկերության հասցեն կամ անվանումը կամ ծածկագիրը, 3) ունեն մաքրման և ախտահանման ենթակա հարթ մակերեսներ:
3. Կոնտեյներները տեղադրված են՝ բնակելի և հասարակական շենքերից ոչ պակաս, քան 15մ և ոչ ավելի, քան 100մ հեռավորության վրա:
4. Կոնտեյներները տեղադրված են ոչ պակաս, քան 50մ հեռավորության վրա` պուրակներում, զբոսայգիներում` մարդկանց զանգվածային կուտակման վայրերից:
5. Կոնտեյներներից աղբը հեռացնելու ժամանակ կոնտեյներների հարակից տարածքի աղբը տեղափոխված է:
6. Կոնտեյներներից աղբը հեռացնելու ժամանակ կոնտեյներների հարակից տարածքը մաքրված է:
7. Աղբահանության ժամանակ աղբակույտերը և տերևակույտերը այրված չեն:
8. Աղբահավաք կոնտեյներները ախտահանված են համապատասխան ախտահանիչ լուծույթներով (ամիսը 1 անգամ հաճախականությամբ):
9. Աղբանոթները ախտահանված են համապատասխան ախտահանիչ լուծույթներով (ամիսը 1 անգամ հաճախականությամբ):
10. Բազմաբնակարան շենքերի աղբամուղի խողովակի ամբողջականությունը ապահովված է, 1) չկան ճաքեր և անցքեր, 2) միջհարկային տարածքներում բացվածքները ունեն հերմետիկ փակվող կափարիչներ:
11. Աղբահավաք խցի մուտքը մեկուսացված է բնակելի շենքի մուտքից, խցի դռները հերմետիկ են:
12. Աղբահավաք խցի ներքին մակերեսները ունեն մաքրման, լվացման և ախտահանման հնարավորություն ընձեռնող մակերեսներ` հարթ են, բարեկարգ, ամբողջական:
13. Բազմաբնակարան շենքերի ընդհանուր օգտագործման տարածքների սանիտարական մաքրման աշխատանքներն իրականացված են (առնվազն երկու օրը մեկ անգամ):
14. Բազմաբնակարան շենքերի ընդհանուր օգտագործման տարածքների, աղբամուղի և աղբահավաք խցերի դեզինսեկցիայի ու դեռատիզացիայի աշխատանքներն իրականացված են (առնվազն երեք ամիսը մեկ անգամ):
15. Բազմաբնակարան շենքերի ընդհանուր օգտագործման տարածքների` նկուղային հարկի ջրամատակարարման և ջրահեռացման (կոյուղու) ցանցերի շահագործումը սարքին վիճակում են (բացառվում է խմելու ջրի և կոյուղաջրերի արտահոսքը և ջրակուտակումները):
16. Փողոցները, ճանապարհները, հրապարակները, զբոսայգիները, պուրակները ենթարկված են սանիտարական մաքրման:
17. Ամռան ամիսներին փողոցները ենթարկված են ջրման:
18. Բնակավայրերը պահված են պատշաճ սանիտարական վիճակում` սպառման թափոններից, շինարարական աշխատանքների ընթացքում առաջացող աղբից, կենցաղային ավելորդ իրերից, փոշու կուտակումներից զերծ:
19. Ձմռանը փողոցների, ճանապարհների հետիոտնի համար նախատեսված և երթևեկելի մասերը, հրապարակների, զբոսայգիների հետիոտնի մասերը մաքրված են ձյունից և սառույցից:
20. Աղբատար փոխադրամիջոցների հետ առկա են. 1) փակ թափքեր, 2) աղբաջրերը հավաքող համակարգ, 3) կողքից կամ հետնամասում կոնտեյներները բեռնող հիդրավլիկ սարք, 4) կոնտեյներները լվանալու համակարգ:
21. Կոնտեյներները տեղադրված են ջրանթափանց, հարթ, բարեկարգ մակերեսով հարթակների վրա, որն ունի պատնեշ կամ մետաղյա դեկորատիվ ցանկապատ:
22. Շենքերի աղբամուղները և աղբահավաք խցերը լվացվում և ախտահանվում են ամիսը 1 անգամ:

5. Գործառույթը` կազմակերպում և կառավարում է համայնքի սեփականություն համարվող ներհամայնքային հաղորդակցության ուղիների, ջրմուղի, կոյուղու, ոռոգման ու ջեռուցման ցանցերի և այլ կառուցվածքների շահագործումը, աջակցում է առողջապահական մարմինների` սանիտարահիգիենիկ, հակահամաճարակային և կարանտինային միջոցառումների իրականացմանը,

6. Գործառույթի իրականացման օրենսդրական հիմքը` ՀՀ առողջապահության նախարարի 2002 թվականի դեկտեմբերի 25-ի թիվ 876 հրամանով հաստատված «Խմելու ջուր: Ջրամատակարարման կենտրոնացված համակարգերի ջրի որակին ներկայացվող հիգիենիկ պահանջներ, որակի հսկողություն» N 2-III- Ա2-1 սանիտարական կանոններ և նորմեր:

Դրույթների անվանումը	Պահպանված է	Թերի է պահպանված	Պահպանված չէ	Հայտնաբերված խախտումները	Առաջարկություններ հսկողության ընթացքում հայտնաբերված խախտումների վերացման վերաբերյալ	Հայտնաբերված խախտումները վերացնելու նպատակով սահմանված ժամկետները
1. Ջրամատակարարման համակարգի կառույցներում կամ օբյեկտներում առաջացած վթարային իրավիճակների կամ տեխնիկական շեղումների վերացման ուղղությամբ ձեռնարկած և իրականացված են անհապաղ միջոցներ:
2. Ջրամատակարարման բաշխիչ ցանցերում առկա է խմելու ջրի արտադրական հսկողության իրականացում՝ ՀՀ օրենսդրությամբ սահմանված (մանրէաբանական զգայորոշական ցուցանիշներով սահմանված հաճախականությամբ):
3. Մինչև ջուրը բաշխիչ ցանց մղելը առկա է խմելու ջրի մնացորդային քլորի պարունակության հսկողության իրականացում:
4. Ջրամատակարարման համակարգով տրվող խմելու ջրի որակը մանրէաբանական ցուցանիշներով համապատասխանում է նորմերին՝ նորմատիվների գերազանցում չի արձանագրվել ջրամատակարարման արտաքին և ներքին ցանցի ջրաբաշխիչ կետերից վերցված նմուշների 95 տոկոսում, 12 ամսվա ընթացքում, 100-ից ոչ պակաս հետազոտված նմուշների քանակի դեպքում, տարվա ընթացքում:
5. Ջրամատակարարման համակարգով տրվող խմելու ջրի որակը ջրի մշակման ժամանակ ներմուծված և առաջացած վնասակար քիմիական նյութերի պարունակությամբ (մնացորդային ազատ քլոր և այլն) համապատասխանում է նորմերին:

(հավելվածը խմբ. 26.08.15 N 47-Ն)