Գլխավոր տեղեկություն
Համար
N 480-Ա
Տիպ
Որոշում
Ակտի տիպ
Հիմնական ակտ (24.04.2012-մինչ օրս)
Կարգավիճակ
Գործում է
Սկզբնաղբյուր
Չի հրապարակվել պաշտոնական պարբերականում
Ընդունող մարմին
ՀՀ կառավարություն
Ընդունման ամսաթիվ
19.04.2012
Ստորագրող մարմին
ՀՀ վարչապետ
Ստորագրման ամսաթիվ
23.04.2012
Ուժի մեջ մտնելու ամսաթիվ
24.04.2012

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

 

Ո Ր Ո Շ ՈՒ Մ

 

19 ապրիլի 2012 թվականի N 480-Ա

 

ԱԼԵՔՍԱՆԴՐ ՍՊԵՆԴԻԱՐՅԱՆԻ ԱՆՎԱՆ ՕՊԵՐԱՅԻ ԵՎ ԲԱԼԵՏԻ ԱԶԳԱՅԻՆ ԱԿԱԴԵՄԻԱԿԱՆ ԹԱՏՐՈՆԻ ԵՎ ԱՐԱՄ ԽԱՉԱՏՐՅԱՆԻ ԱՆՎԱՆ ՖԻԼՀԱՐՄՈՆԻԿ ՀԱՄԵՐԳԱՍՐԱՀԻ ՏԵԽՆԻԿԱԿԱՆ ՎԵՐԱԶԻՆՄԱՆ ԾԱՌԱՅՈՒԹՅԱՆ ՁԵՌՔԲԵՐՄԱՆ ԳՆՄԱՆ ԸՆԹԱՑԱԿԱՐԳԻ ԱՐԴՅՈՒՆՔՆԵՐԸ ՀԱՍՏԱՏԵԼՈԻ ՄԱՍԻՆ

 

 Հիմք ընդունելով Հայաստանի Հանրապետության կառավարության 2011 թվականի փետրվարի 10-ի N 168-Ն որոշմամբ հաստատված կարգի 73-րդ կետը` Հայաստանի Հանրապետության կառավարությունը որոշում է.

1. Հաստատել Ալեքսանդր Սպենդիարյանի անվան օպերայի և բալետի ազգային ակադեմիական թատրոնի և Արամ Խաչատրյանի անվան ֆիլհարմոնիկ համերգասրահի տեխնիկական վերազինման ծառայության ձեռքբերման գնման ընթացակարգի արդյունքները` որպես Հայաստանի Հանրապետության մշակույթի նախարարության և համատեղ գործունեության կարգով (կոնսորցիումով) գործող «Վագներ-Բիրո Աուստրիա ստեյջ սիսթեմս ԷյՋի» («Waagner-Birо Austria Stage Systems AG»), «Զալցբռեներ Ստեյջեթեք աուդիո վիդեո մեդինսիսթեմս ՋիէմբիԷյջ» («SALZBRENNER STAGETEC Audiо Videо Mediensystems GmbH»), «Էլեկտրոնիկ Թիեթր քոնթրոլս ՋիէմբիԷյջ» («Electrоnic Theatre Cоntrоls GmbH») և «Արթսթեք» (Artstech) ընկերությունների` 8 մլն եվրո պայմանագրային արժեքով կնքած գնման պայմանագիրն ուժի մեջ մտնելու պայման:

2. Ընդունել ի գիտություն, որ «Վագներ-Բիրո Աուստրիա ստեյջ սիսթեմս ԷյՋի» («Waagner-Birо Austria Stage Systems AG»), «Զալցբռեներ Ստեյջեթեք աուդիո վիդեո մեդինսիսթեմս ՋիէմբիԷյջ» («SALZBRENNER STAGETEC Audiо Videо Mediensystems GmbH») և «Էլեկտրոնիկ Թիեթր քոնթրոլս ՋիէմբիԷյջ» («Electrоnic Theatre Cоntrоls GmbH») ընկերությունների կողմից պայմանագրով նախատեսված մատակարարվող ապրանքները տեղափոխվում են Երևան՝ Ալեքսանդր Սպենդիարյանի անվան օպերայի և բալետի ազգային ակադեմիական թատրոնի շենք, որից հետո հանձնման-ընդունման ակտի համաձայն փոխանցվում են Հայաստանի Հանրապետության մշակույթի նախարարությանը: Հայաստանի Հանրապետության սեփականություն հանդիսացող ապրանքների մաքսազերծման հետ կապված՝ Հայաստանի Հանրապետության օրենսդրությամբ սահմանված հարկերը, տուրքերը և այլ պարտադիր վճարներ կատարվում են Հայաստանի Հանրապետության մշակույթի նախարարության կողմից՝ Հայաստանի Հանրապետության 2012 թվականի պետական բյուջեով» նախատեսված Հայաստանի Հանրապետության կառավարության պահուստային ֆոնդի հաշվին:

 

Հայաստանի Հանրապետության
վարչապետ

  Տ. Սարգսյան

 

2012 թ. ապրիլի 23

Երևան