ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

8 փետրվարի 2012 թվականի N 70-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետը, կապի կազմակերպման համար վարձակալական հիմունքներով պետական ու համայնքային հողերի, շենքերի և շինությունների օգտագործման դեպքում առաջացող խնդիրների կանոնակարգման նպատակով`

1. Ստեղծել աշխատանքային խումբ և հաստատել խմբի անհատական կազմը` համաձայն հավելվածի:

2. Աշխատանքային խմբի ղեկավարին` մեկամսյա ժամկետում էլեկտրոնային հաղորդակցության ծառայությունների գծով միջազգային փորձագետի կողմից ներկայացված առաջարկությունների հիման վրա մշակել և Հայաստանի Հանրապետության կառավարություն ներկայացնել համապատասխան նորմատիվ իրավական ակտերի նախագծեր:

Հայաստանի Հանրապետության վարչապետ	Տ. Սարգսյան
2012 թ. փետրվարի 8 Երևան

Հավելված ՀՀ վարչապետի 2012 թ. փետրվարի 8-ի N 70-Ա որոշման

Կ Ա Զ Մ

ԱՇԽԱՏԱՆՔԱՅԻՆ ԽՄԲԻ

Վ. Դանիելյան		- ՀՀ էկոնոմիկայի նախարարի խորհրդական (աշխատանքային խմբի ղեկավար)
Ա. Գիլոյան		- ՀՀ տարածքային կառավարման նախարարության աշխատակազմի տեղական ինքնակառավարման վարչության պետ
Կ. Ենոքյան		- ՀՀ ֆինանսների նախարարության աշխատակազմի պետական եկամուտների քաղաքականության և վարչարարության մեթոդաբանության վարչության պետի տեղակալ, մաքսային քաղաքականության և վարչարարության մեթոդաբանության բաժնի պետ
Ն. Ստեփանյան -		- ՀՀ տրանսպորտի և կապի նախարարության աշխատակազմի կապի և տեղեկատվայնացման վարչության պետի տեղակալ, տեղեկատվայնացման բաժնի պետ
Ն. Բակունց		- ՀՀ առողջապահության նախարարության աշխատակազմի պետական հիգիենիկ և հակահամաճարակային տեսչության իրավական ապահովման և փաստաթղթային հոսքերի կառավարման բաժնի պետ
Ա. Պատրիկյան		- ՀՀ քաղաքաշինության նախարարության աշխատակազմի ճարտարապետության վարչության ճարտարապետության քաղաքականության բաժնի գլխավոր մասնագետ
Ա. Օհանյան		- ՀՀ արդարադատության նախարարության աշխատակազմի իրավական ակտերի փորձաքննության գործակալության մասնավոր իրավունքի բնագավառի իրավական ակտերի փորձաքննության բաժնի գլխավոր մասնագետ
Ս. Ավետիսյան		- ՀՀ կառավարությանն առընթեր պետական գույքի կառավարման վարչության աշխատակազմի հաշվապահական հաշվառման և ֆինանսատնտեսական վարչության գույքի տնօրինման բաժնի պետ
Հ. Մխիթարյան		- ՀՀ կառավարությանն առընթեր անշարժ գույքի կադաստրի պետական կոմիտեի աշխատակազմի «Տեղեկատվական տեխնոլոգիաների կենտրոն» ստորաբաժանման տեղեկատվության կառավարման բաժնի պետ
Գ. Գևորգյան		- ՀՀ հանրային ծառայությունները կարգավորող հանձնաժողովի աշխատակազմի հեռահաղորդակցության վարչության պետ (համաձայնությամբ)
Դ. Սանդուխչյան		- «ԱրմենՏել» փակ բաժնետիրական ընկերության իրավաբանական տնօրինության տնօրեն (համաձայնությամբ)
Մ. Մանուկյան		- «Ղ-Տելեկոմ» փակ բաժնետիրական ընկերության առաջատար իրավաբան, փաստաթղթերի իրավաբանական ձևակերպման ստորաբաժանման ղեկավար
Ա. Բաղդասարյան		- «Օրանժ Արմենիա» փակ բաժնետիրական ընկերության նոր կայանների ձեռքբերման գծով ղեկավար (համաձայնությամբ)
Ա. Մելիքյան		- «Ձեռնարկությունների ինկուբատոր» հիմնադրամի իրավաբան (համաձայնությամբ)

Հայաստանի Հանրապետության կառավարության աշխատակազմի ղեկավար

Դ. Սարգսյան