«Վավերացնում եմ»
Հայաստանի Հանրապետության
Նախագահ Ռ. Քոչարյան
10 օգոստոսի 2002 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
Ո Ր Ո Շ ՈՒ Մ
1 օգոստոսի 2002 թվականի N 1135-Ն
«ՄԵՏՐՈՊՈԼ» ՍԱՀՄԱՆԱՓԱԿ ՊԱՏԱՍԽԱՆԱՏՎՈՒԹՅԱՄԲ ԸՆԿԵՐՈՒԹՅԱՆՆ ԱՌԱՆՑ ՄՐՑՈՒՅԹԻ ՀՈՂԱՄԱՍ ՎԱՐՁԱԿԱԼՈՒԹՅԱՆ ՏՐԱՄԱԴՐԵԼՈՒ ՄԱՍԻՆ
Համաձայն Հայաստանի Հանրապետության հողային օրենսգրքի 48-րդ հոդվածի չորրորդ և 76-րդ հոդվածի հինգերորդ մասերի, ինչպես նաև հիմք ընդունելով Երևանի քաղաքապետի միջնորդությունը և հաշվի առնելով «Մետրոպոլ» սահմանափակ պատասխանատվությամբ ընկերության խնդրանքը՝ Հայաստանի Հանրապետության կառավարությունը որոշում է.
1. Թույլատրել Երևանի քաղաքապետին Երևանի Մաշտոցի պողոտայի սկզբնամասում գտնվող «Մետրոպոլ» հյուրանոցի դիմացի մայթին հարող տարածքից 600 քառ. մետր մակերեսով հողամաս առանց մրցույթի, վարձակալության իրավունքով՝ 50 տարի ժամկետով տրամադրել «Մետրոպոլ» սահմանափակ պատասխանատվությամբ ընկերությանը՝ ընկերության միջոցներով հանգստի գոտի կազմակերպելու համար։
2. Երևանի քաղաքապետին՝ ապահովել սույն որոշման 1-ին կետում նշված հողամասի տրամադրման համար անհրաժեշտ փաստաթղթերի ձևակերպումները։
|
Հայաստանի Հանրապետության |
Ա. Մարգարյան |
|
|