ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

2 փետրվարի 2012 թվականի N 135-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԶԱՐԳԱՑՄԱՆ ՀԱՅԵՑԱԿԱՐԳՈՎ ՆԱԽԱՏԵՍՎԱԾ ՏԱՐԱԾՔԱՅԻՆ ԶԱՐԳԱՑՄԱՆ ՄԻՋՈՑԱՌՈՒՄՆԵՐԻ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հաստատել Հայաստանի Հանրապետության տարածքային զարգացման հայեցակարգով նախատեսված տարածքային զարգացման միջոցառումների ծրագիրը` համաձայն հավելվածի:

2. Սույն որոշման հավելվածի համաձայն պատասխանատու կատարող հանդիսացող՝ Հայաստանի Հանրապետության պետական կառավարման մարմինների ղեկավարներին` յուրաքանչյուր կիսամյակ Հայաստանի Հանրապետության տարածքային կառավարման նախարարություն ներկայացնել տեղեկատվություն տարածքային զարգացման միջոցառումների ծրագրի իրականացման մասին:

3. Հայաստանի Հանրապետության փոխվարչապետ, Հայաստանի Հանրապետության տարածքային կառավարման նախարարին` յուրաքանչյուր կիսամյակ ամփոփել և Հայաստանի Հանրապետության կառավարություն ներկայացնել տարածքային զարգացման միջոցառումների ծրագրի կատարման ընթացքի մասին տեղեկատվություն:

4. Սույն որոշումն ուժի մեջ է մտնում պաշտոնական հրապարակման օրվան հաջորդող տասներորդ օրը:

Հայաստանի Հանրապետության վարչապետ	Տ. Սարգսյան
2012 թ. փետրվարի 16 Երևան

Հավելված ՀՀ կառավարության 2012 թվականի փետրվարի 2-ի N 135-Ն որոշման

Ծ Ր Ա Գ Ի Ր

 ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՐԱԾՔԱՅԻՆ ԶԱՐԳԱՑՄԱՆ ՀԱՅԵՑԱԿԱՐԳՈՎ ՆԱԽԱՏԵՍՎԱԾ  ՏԱՐԱԾՔԱՅԻՆ ԶԱՐԳԱՑՄԱՆ ՄԻՋՈՑԱՌՈՒՄՆԵՐԻ

NN ը/կ	Միջոցառման անվանումը	2012 թ.	2013 թ.	2014 թ.	2015 թ.	Ակնկալվող արդյունքները	Պատասխանատու կատարողը
1	2	3	4	5	6	7	8
1.	ՀՀ տարածքային կառավարման նախարարության և Միավորված ազգերի զարգացման ծրագրերի Հայաստանի գրասենյակի կողմից իրականացված «Հայաստանի Հանրապետության գյուղական համայնքները» տեղեկատվական ապահովում, վերլուծություններ և տիպաբանություններ» հետազոտության արդյունքում ստեղծված տեղեկատվական բազայի թարմացում	+	+	+	+	տարածքային կտրվածքով տվյալների տեղեկատվական բազայի ձևավորում	ՀՀ տարածքային կառավարման նախարարություն
2.	Արտադրական ենթակառուցվածքների հասանելիության մասին ամբողջական գնահատման համակարգի սահմանում (խմելու, ոռոգման ջրի ջրագիծ, գազատար, ճանապարհ, կապ և այլն)		+	+		Պետական կառավարման մարմինների կողմից համապատասխան իրավական ակտերով կհաստատվեն չափորոշիչներ, որոնց հիման վրա կսահմանվեն իրականացվելիք ներդրումների առաջնահերթությունները:	համապատասխան բնագավառի պետական քաղաքականությունը մշակող և իրականացնող ՀՀ պետական կառավարման մարմիններ
3.	Սոցիալական ենթակառուցվածքների հասանելիության մասին ամբողջական գնահատման համակարգի սահմանում (առողջապահական, կրթական հաստատություններ և այլն)		+	+		Պետական կառավարման մարմինների կողմից համապատասխան իրավական ակտերով կհաստատվեն չափորոշիչներ, որոնց հիման վրա կսահմանվեն իրականացվելիք ներդրումների առաջնահերթությունները:	համապատասխան բնագավառի պետական քաղաքականությունը մշակող և իրականացնող ՀՀ պետական կառավարման մարմիններ   ՀՀ տարածքային կառավարման նախարարություն
4.	Ինտեգրված սոցիալական ծառայությունների տրամադրման համակարգի ներդրում, համայնքի (տարածքի) սոցիալական կարիքների գնահատման, դրա հիման վրա տեղական սոցիալական ծրագրերի մշակման և սոցիալա-կան ծառայություններ տրամադրող կազմակերպությունների(խնամքի ծառայություններ և այլընտրանքային այլ ծառայություններ տրամադրող) անհրաժեշտության (առաջնահերթության) մեթոդաբանության սահմանում	+	+	+		մեթոդաբանության սահմանում	ՀՀ աշխատանքի և սոցիալական հարցերի նախարարություն   ՀՀ տարածքային կառավարման նախարարություն
5.	Մարզերի տնտեսական զարգացման ներուժի գնահատման մեթոդաբանության ամբողջացում	+	+	+	+	տարածքների տնտեսական զարգացման մակարդակների սահմանում	ՀՀ ազգային վիճակագրական ծառայություն (համաձայնությամբ)    ՀՀ կենտրոնական բանկ (համաձայնությամբ)    ՀՀ տարածքային կառավարման նախարարություն   ՀՀ մարզպետարաններ
6.	Տարածքներում ՀՀ պետական բյուջեի և այլ միջոցների հաշվին կատարվող ներդրումների արդյունավետության հաշվարկում		+	+	+	տարածքներում աղքատության մակարդակի նվազում	ՀՀ տարածքային կառավարման նախարարություն   ՀՀ պետական կառավարման մարմիններ   ՀՀ մարզպետարաններ (համապատասխան ծրագրերի առկայության պայմաններում)
7.	Այլ տարածքների զարգացման և բարեկեցության վրա ազդեցություն ունեցող տարածքների (մարզ, համայնք, առանձին զարգացման կենտրոն համարվող քաղաք, միջհամայնքային միավոր, համայնքների խումբ) բացահայտում		+	+		մրցունակ և գրավիչ տարածքների ձևավորում	ՀՀ տարածքային կառավարման նախարարություն   ՀՀ էկոնոմիկայի նախարարություն   ՀՀ մարզպետարաններ
8.	Մրցունակ և գրավիչ տարածքների զարգացման նպատակային ծրագրերի մշակում		+	+	+	տարածքներում ձեռնարկատիրության զարգացում	ՀՀ տարածքային կառավարման նախարարություն ՀՀ էկոնոմիկայի նախարարություն ՀՀ մարզպետարաններ
9.	Մարզային զարգացման ծրագրերի իրականացման տարեկան արդյունքների գնահատում և աղքատության նվազման վրա այդ գնահատականների ազդեցության հաշվարկում	+	+	+	+	մարզերի սոցիալ-տնտեսական զարգացման ծրագրերի իրականացման մոնիթորինգի համակարգի ձևավորում	ՀՀ տարածքային կառավարման նախարարություն
10.	Տարածքային զարգացման հիմնադրամի ձևավորման մոտեցումների և աղբյուրների վերաբերյալ առաջարկություններ ներկայացնելը			+	+	Տարածքային զարգացման հիմնադրամի ձևավորման առաջարկությունների մշակում	ՀՀ տարածքային կառավարման նախարարություն
11.	Մարզային զարգացման ծրագրերի մշակում` ըստ ժամանակացույցի կատարվելիք ներդրումների գնահատականներով	+	+	+	+	ծրագրերով նախատեսված միջոցառումների առաջնահերթությունների սահմանում	ՀՀ տարածքային կառավարման նախարարություն ՀՀ մարզպետարաններ (համապատասխան ծրագրերի առկայության պայմաններում)
12.	Փորձնական տարածքային զարգացման ծրագրերի իրականացում		+	+	+	ԵՄ-ի տարածքային զարգացման փորձի ներդրում	ՀՀ տարածքային կառավարման նախարարություն
13.	ՀՀ կառավարության 2003 թվականի ապրիլի 10-ի N 610-Ն որոշմամբ հաստատված տարաբնակեցման գլխավոր նախագծի մոնիթորինգի իրականացում		+	+		տարածական պլանավորման հնարավորություն	ՀՀ քաղաքաշինության նախարարություն   ՀՀ մարզպետարաններ ՀՀ համայքներ (համաձայնությամբ) ՀՀ տարածքային կառավարման նախարարություն
14.	Մարզերի և համայնքների մակարդակով վարչական ռեգիստրների ձևավորման հնարավորությունների ուսումնասիրում		+	+		մարզի և համայնքի անձնագրերի վարում	ՀՀ ազգային վիճակագրական ծառայություն (համաձայնությամբ) ՀՀ տարածքային կառավարման նախարարություն
15.	ՀՀ տարածքների կայուն զարգացման պահանջներին համապատասխանող ներքին միգրացիոն գործընթացների ուղղորդում	+	+	+	+	սահմանամերձ և այլ ռազմավարական նշանակություն ունեցող տարածքների բնակչության թվի նվազման կանխար-գելումը և աճի խթանումը	ՀՀ տարածքային կառավարման նախարարության միգրացիոն պետական ծառայություն ՀՀ մարզպետարաններ ՀՀ պետական կառավարման մարմիններ

Հայաստանի Հանրապետության կառավարության աշխատակազմի ղեկավար

Դ. Սարգսյան