«Գրանցված է»

ՀՀ արդարադատության

նախարարության կողմից

20 մարտի 2015 թ.

Պետական գրանցման թիվ 11215094

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ԱՌՈՂՋԱՊԱՀՈՒԹՅԱՆ ՆԱԽԱՐԱՐ   9 մարտի 2015 թ. N 08-Ն ք. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ԿԱՌԱՎԱՐՈՒԹՅԱՆՆ ԱՌԸՆԹԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏ   10 փետրվարի 2015 թ. N 3-Ն ք. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐԻ 2013 ԹՎԱԿԱՆԻ ՍԵՊՏԵՄԲԵՐԻ 12-Ի ԹԻՎ 46-Ն ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏԻ 2013 ԹՎԱԿԱՆԻ ՍԵՊՏԵՄԲԵՐԻ 6-Ի ԹԻՎ 14-Ն ՀԱՄԱՏԵՂ ՀՐԱՄԱՆՈՒՄ ՓՈՓՈԽՈՒԹՅՈՒՆՆԵՐ ԵՎ ԼՐԱՑՈՒՄՆԵՐ ԿԱՏԱՐԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2013 թվականի հուլիսի 25-ի թիվ 806-Ն որոշման 4-րդ կետի պահանջը.

ՀՐԱՄԱՅՈՒՄ ԵՆՔ՝

Հայաստանի Հանրապետության առողջապահության նախարարի 2013 թվականի սեպտեմբերի 12-ի և Հայաստանի Հանրապետության կառավարությանն առընթեր Հայաստանի Հանրապետության կառավարության ոստիկանության պետի 2013 թվականի սեպտեմբերի 6-ի «Հայաստանի Հանրապետության կառավարությանն առընթեր Հայաստանի Հանրապետության ոստիկանության ծառայողների և նրանց ընտանիքների անդամների, երկարամյա ծառայության կամ հաշմանդամության կենսաթոշակ ստացող նախկին ծառայողների, ծառայության ընթացքում զոհված (մահացած) ծառայողների ընտանիքների անդամների պետության կողմից երաշխավորված անվճար բժշկական օգնության և սպասարկման ուղեգրման կարգը հաստատելու և Հայաստանի Հանրապետության առողջապահության նախարարի 2004 թվականի մայիսի 5-ի թիվ 460-Ն և Հայաստանի Հանրապետության կառավարությանն առընթեր Հայաստանի Հանրապետության ոստիկանության պետի 2004 թվականի ապրիլի 30-ի թիվ 2-Ն համատեղ հրամանն ուժը կորցրած ճանաչելու մասին» թիվ 46/14-Ն համատեղ հրամանում (այսուհետ՝ հրաման) կատարել հետևյալ փոփոխություններն ու լրացումները.

1. Հրամանի վերնագրում, հրամանի 1-ին կետում, ինչպես նաև հրամանի 1-ին կետով հաստատված կարգի (այսուհետ՝ կարգ) վերնագրում «ոստիկանության ծառայողների» բառերը փոխարինել «ոստիկանության՝ սոցիալական փաթեթի շահառու հանդիսացող ծառայողների, ոստիկանության քաղաքացիական ծառայողների» բառերով,

2. Կարգի 1-ին կետում «ոստիկանության (այսուհետ՝ ոստիկանություն) ծառայողների» բառերը փոխարինել «ոստիկանության (այսուհետ՝ ոստիկանություն)՝ սոցիալական փաթեթի շահառու հանդիսացող ծառայողների, ոստիկանության քաղաքացիական ծառայողների» բառերով,

3. Կարգի 2-րդ կետում «որոշմամբ» բառերը փոխարինել «, Հայաստանի Հանրապետության կառավարության 2004 թվականի մարտի 4-ի թիվ 318-Ն որոշումներով» բառերով,

4. Կարգի 6-րդ կետում «հիմնարկը» բառը փոխարինել «վարչությունը» բառով,

5. Կարգի 7-րդ կետի՝

1) 1-ին ենթակետը «ծառայողների» բառից հետո լրացնել «և ոստիկանության քաղաքացիական ծառայողների» բառերով,

2) 3-րդ ենթակետի «ա» պարբերությունը «անձնագիրը,» բառից հետո լրացնել «անգործունակ ճանաչված երեխայի դեպքում՝ դատարանի՝ օրինական ուժի մեջ մտած վճիռը,» բառերով,

3) 3-րդ ենթակետի «գ» պարբերությունը՝

ա. «վկայականները,» բառից հետո լրացնել «ծնողների՝ աշխատանքային գործունեությամբ զբաղվելու կարողության առնվազն 3-րդ աստիճանի սահմանափակման մասին լիազոր մարմնի կողմից տրված տեղեկանքը,» բառերով,

բ. լրացնել հետևյալ բովանդակությամբ նոր նախադասություն. «Քույրը և եղբայրը համարվում են զինծառայողի խնամքի տակ գտնվող, եթե նրանց ծնողներն ունեն աշխատանքային գործունեությամբ զբաղվելու կարողության առնվազն 3-րդ աստիճանի սահմանափակում:»,

6. Կարգի 9-րդ կետում «Հայաստանի Հանրապետության կառավարության 2013 թվականի հուլիսի 25-ի թիվ 806-Ն որոշման թիվ 3 հավելվածով» բառերը փոխարինել «Հայաստանի Հանրապետության կառավարության 2004 թվականի մարտի 4-ի թիվ 318-Ն որոշման թիվ 7 հավելվածով» բառերով:

ՀՀ առողջապահության նախարար Ա. Մուրադյան

ՀՀ կառավարությանն առընթեր ՀՀ ոստիկանության պետ, գեներալ-լեյտենանտ Վ. Գասպարյան