«Գրանցված է»

ՀՀ արդարադատության

նախարարության կողմից

8 հուլիսի 2014 թ.

Պետական գրանցման թիվ 11314268

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ՊԱՇՏՊԱՆՈՒԹՅԱՆ ՆԱԽԱՐԱՐ   12 հունիսի 2014 թ. N 11-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐ   18 հունիսի 2014 թ. N 75-Ն

Հ Ա Մ Ա Տ Ե Ղ  Հ Ր Ա Մ Ա Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՇԽԱՏԱՆՔԻ ԵՎ ՍՈՑԻԱԼԱԿԱՆ ՀԱՐՑԵՐԻ ՆԱԽԱՐԱՐՈՒԹՅԱՆ ԿՈՂՄԻՑ ՀԱՅԱՍՏԱՆԻ ՀԱՆՐԱՊԵՏԱԿԱՆ ԶԻՆՎՈՐԱԿԱՆ ԿՈՄԻՍԱՐԻԱՏԻՆ ՏԵՂԵԿՈՒԹՅՈՒՆՆԵՐԻ ՏՐԱՄԱԴՐՄԱՆ ՁԵՎԱՉԱՓԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2010 թվականի մայիսի 27-ի N 657-Ն որոշմամբ հաստատված կարգի 14-րդ կետի 1-ին ենթակետը և ՀՀ կառավարության 2013 թվականի սեպտեմբերի 19-ի թիվ 1024-Ն որոշման 2-րդ կետը`

Հրամայում ենք`

1. Սահմանել, որ Հայաստանի Հանրապետության աշխատանքի և սոցիալական հարցերի նախարարության ենթակայության «Նորք» տեղեկատվավերլուծական կենտրոն» փակ բաժնետիրական ընկերությունը հաշմանդամների հաշվառման տեղեկատվական համակարգից Հայաստանի Հանրապետության զինվորական կոմիսարիատին տրամադրում է նախազորակոչային և զորակոչային տարիքի վերջին փորձաքննության ժամանակ հաշմանդամ ճանաչված կամ չճանաչված անձի վերաբերյալ հետևյալ տեղեկությունները`

1) անունը, ազգանունը, հայրանունը, ծննդյան ամսաթիվը,

2) անձը հաստատող փաստաթղթի սերիան, համարը, հաշվառման վայրը,

3) սահմանված հաշմանդամության խումբը,

4) նախորդ վարույթում հաշմանդամության խումբը (եթե ունեցել է),

5) հաշմանդամություն չսահմանելու (դադարեցնելու) ամսաթիվը:

2. Սույն հրամանի 1-ին կետում նշված տեղեկությունները տրամադրվում են էլեկտրոնային եղանակով` MS Excel ծրագրով, հանրապետական զինվորական կոմիսարիատի ծառայողական փոստի հասցեով` մեկամսյա պարբերականությամբ կամ վեբ ինտերֆեյս տրամադրելու միջոցով:

ՀՀ պաշտպանության նախարար   Ս. Օհանյան

ՀՀ աշխատանքի և սոցիալական հարցերի նախարար Ա. Ասատրյան