«Գրանցված է»

ՀՀ արդարադատության

նախարարության կողմից

22 օգոստոսի 2014 թ.

Պետական գրանցման թիվ 10014378

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ԱՌՈՂՋԱՊԱՀՈՒԹՅԱՆ ՆԱԽԱՐԱՐ   10 հունիսի 2014 թ.    N 34-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐ   18 հունիսի 2014 թ.    N 145-Ն

Հ Ա Մ Ա Տ Ե Ղ  Հ Ր Ա Մ Ա Ն

ԼԱԲՈՐԱՏՈՐԻԱՆԵՐՈՒՄ ԿԱԴՐԵՐԻ ՎԱՐՄԱՆ ԸՆԹԱՑԱԿԱՐԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Իրավական ակտերի մասին» ՀՀ օրենքի 19-րդ հոդվածի 2-րդ մասով և հիմք ընդունելով Հայաստանի Հանրապետության կառավարության 2013 թվականի մայիսի 23-ի նիստի «Համընդհանուր լաբորատոր ցանցի ստեղծման ռազմավարական ծրագրին և 2013-2014 թվականների միջոցառումների ցանկին հավանություն տալու մասին» N 20 արձանագրային որոշման N 2 հավելվածի 13-րդ կետի 5-րդ ենթակետի պահանջները`

Հրամայում ենք`

Հաստատել՝

1. «Լաբորատորիաներում կադրերի վարման ընթացակարգը»` համաձայն հավելվածի:

ՀՀ առողջապահության նախարար

ՀՀ գյուղատնտեսության նախարար

Հավելված ՀՀ առողջապահության նախարարի 2014 թվականի հունիսի 10-ի թիվ 34-Ն   ՀՀ գյուղատնտեսության նախարարի 2014 թվականի հունիսի 18-ի թիվ 145-Ն համատեղ հրամանի

ԸՆԹԱՑԱԿԱՐԳ

ԼԱԲՈՐԱՏՈՐԻԱՆԵՐՈՒՄ ԿԱԴՐԵՐԻ ՎԱՐՄԱՆ

I. ԸՆԴՀԱՆՈՒՐ ԴՐՈՒՅԹՆԵՐ

1. Լաբորատորիաներում աշխատանքային հարաբերությունները կարգավորվում են Հայաստանի Հանրապետության աշխատանքային օրենսգրքով:

2. Սույն ընթացակարգը նախատեսված է այն իրավաբանական անձանց համար, ովքեր իրականացնում են ճառագայթային, քիմիական, կենսաբանական ազդակներին առնչվող լաբորատոր գործունեություն:

II. ԼԱԲՈՐԱՏՈՐ ԿԱԴՐԵՐԻ ՎԱՐՄԱՆ ՔԱՂԱՔԱԿԱՆՈՒԹՅՈՒՆ

4. Սույն ընթացակարգն իրենից ներկայացնում է լաբորատոր կադրերի վարման ընդհանուր ուղղությունները և մոտեցումները և հիմք է հանդիսանում լաբորատորիաներում կադրային քաղաքականության մշակման համար:

5. Լաբորատորիաներում կադրային քաղաքականության հիմնական սկզբունքներն են.

1) Համալիր մոտեցում՝ կադրերի կառավարման բոլոր ոլորտների ընդգրկում:

2) Համակարգային մոտեցում՝ կադրային քաղաքականության բոլոր տարրերի փոխկապակցված դիտարկում:

3) Թափանցիկություն՝ մարդկային ռեսուրսների կառավարման բոլոր փուլերի հանրամատչելիություն:

4) Հիմնավորվածություն՝ ժամանակակից մեթոդների և միջոցների կիրառում կադրերի կառավարման ոլորտում, որը կապահովի առավելագույն տնտեսական և հասարարակական արդյունավետություն:

5) Արդյունավետություն՝ կադրերի կառավարման ընթացքում ծախսված ֆինանսական միջոցների փոխհատուցում աշխատանքային գործունեության արդյունավետությամբ:

6. Լաբորատոր կադրերի վարման քաղաքականությունը մշակվում է հիմնվելով ՀՀ աշխատանքային օրենսգրքի, լաբորատորիայի առաքելության, գործառույթների և խնդիրների վրա: Ամրագրվում է լաբորատորիայի կանոնադրությամբ և ներկայացվում լաբորատորիայի որակի ձեռնարկում և ավելի մանրամասն՝ անձնակազմի կառավարման փաստաթղթերում:

7. Լաբորատոր կադրերի վարման քաղաքականությունը մշակվում է վերադաս կառույցների, լաբորատորիայի ղեկավարության, որակի պատասխանատուի և անձնակազմի կառավարման պատասխանատուի հետ համատեղ:

8. Լաբորատոր կադրերի վարման քաղաքականության սահմանված ուղղությունների իրականացումը կատարվում է յուրաքանչյուր ուղղության համար գործընթացներ և այդ գործընթացների իրականացման ընթացակարգեր մշակելով: Լաբորատոր կադրերի վարման քաղաքականությունների, գործընթացների և ընթացակարգերի օրինակելի ձևաչափը ներկայացված է Ձև 1-ում:

9. Լաբորատոր կադրերի վարման ճիշտ կառուցված քաղաքականությունը կարող է հանդիսանալ լաբորատոր որակի ապահովման հիմքը:

10. Լաբորատոր կադրերի վարման քաղաքականությունը ներառում է.

1) Լաբորատոր անձնակազմի պաշտոնների նկարագրերի սահմանում (օրինակելի ձևաչափը ներկայացված է Ձև 2-ում), ներառյալ.

ա. բազային գիտելիքները,

բ. պարտականությունները,

գ. իրավունքները,

դ. պատասխանատվությունը,

ե. կարողություններն ու հմտությունները:

2) Նոր աշխատակիցների կողմնորոշման ծրագրի առկայությունը, որի օրինակելի ձևաչափը ներկայացված է Ձև 3-ում:

3) Աշխատակիցների ուսումնական ծրագրերի կազմակերպում որակի կառավարման համակարգի համատեքստում (որակի դասընթաց, կենսաանվտանգության դասընթաց, համակարգչային դասընթաց, աշխատանքային հմտությունների դասընթաց), որի օրինակելի ձևաչափը ներկայացված է Ձև 4-ում:

4) Աշխատակիցների շարունակական կրթման և մասնագիտական զարգացման ապահովում, որն իրականացվում է ըստ.

ա. լաբորատորիայի աշխատակիցների մասնագիտական զարգացման ծրագրի,

բ. լաբորատորիայի աշխատակիցների շարունակական կրթման ծրագրի:

5) Աշխատակիցների իրազեկության շարունակական գնահատման համակարգի առկայություն (մասնագիտական թեստավորում, դիտարկում տեղում և այլն), որն իրականացվում է ուղղակի դիտարկման ստուգաթերթերի (օրինակելի ձևաչափը ներկայացված է Ձև 5-ում) և Լաբորատոր անձնակազմի կառավարչական հմտությունների գնահատման ստուգաթերթերի (օրինակելի ձևաչափը ներկայացված է Ձև 6-ում) միջոցով:

6) Կադրային քաղաքականության արդյունավետության գնահատման համակարգի առկայությունը (ներքին և արտաքին հսկողություն):

7) Աշխատանքից ազատվող աշխատակցի աշխատանքային գործունեության փաթեթի փոխանցման ընթացակարգ:

8) Աշխատակցի անձնական գործի առկայությունը:

9) Լաբորատոր կադրերի վարման համակարգի ներդրման արդյունավետության գնահատում և վերլուծություն` Կադրային բացերի գնահատման գործիքի (օրինակելի ձևաչափը ներկայացված է Ձև 7-ում) և Լաբորատորիայի կադրային քաղաքականության ինքնագնահատման ստուգաթերթի կիրառումով գործիքի (օրինակելի ձևաչափը ներկայացված է Ձև 8-ում) միջոցով:

III. ԼԱԲՈՐԱՏՈՐԻԱՅԻ ՂԵԿԱՎԱՐՈՒԹՅԱՆ ՊԱՐՏԱՎՈՐՈՒԹՅՈՒՆՆԵՐԸ ԿԱԴՐԵՐԻ ՎԱՐՄԱՆ ՈԼՈՐՏՈՒՄ

11. Լաբորատոր կադրերի վարման համատեքստում լաբորատորիայի ղեկավարությունը.

1) Ապահովում է բավարար քանակով աշխատակիցների առկայությունը:

2) Ստուգում է աշխատանքի ընդունվելիս ներկայացող տեղեկատվության (օրինակ՝ երաշխավորագրեր, հավաստագրեր) հավաստիությունը:

3) Ապահովում է ամբողջական և մանրամասն պաշտոնի նկարագրի մշակումը՝ յուրաքանչյուր աշխատակցի համար:

4) Յուրաքանչյուր աշխատակցի ծանոթացնում է իր անմիջական պարտականություններին:

5) Ապահովում է նոր աշխատակիցների կողմնորոշումը և ուղղորդումը, համաձայն լաբորատորիայի կողմից հաստատված նոր աշխատակիցների կողմնորոշման և ուղղորդման ծրագրի:

6) Կազմակերպում է աշխատակիցների կարողությունների և իրազեկվածության գնահատում (մասնագիտական թեստավորում, դիտարկումներ տեղում, ինքնագնահատման ստուգաթերթեր), որի հիման վրա վերլուծել առկա կադրային քաղաքականությունը և աշխատանքի կազմակերպման արդյունավետությունը:

7) Ապահովում է շարունակական կրթության և մասնագիտական զարգացման հնարավորությունը:

8) Կազմակերպում է ուսումնական դասընթացներ՝ համաձայն լաբորատորիայի ուսումնական դասընթացների ծրագրի:

Ձև 1

ԼԱԲՈՐԱՏՈՐ ԿԱԴՐԵՐԻ ՎԱՐՄԱՆ ՀԻՄՆԱԿԱՆ ՔԱՂԱՔԱԿԱՆՈՒԹՅՈՒՆՆԵՐԸ, ԳՈՐԾԸՆԹԱՑՆԵՐԸ, ԸՆԹԱՑԱԿԱՐԳԵՐԸ

(Օրինակելի ձևաչափ)

ՊԱՇՏՈՆԻ ՆԿԱՐԱԳԻՐ   Պաշտոնի անվանումը   Բաժին Ամսաթիվ   Մշակվել է

Պաշտոնի նկարագիր

Աշխատանքի նկատմամբ ներկայացվող պահանջները   1. Բազային կրթություն   2. Տեխնիկական պահանջներ   3. Կառավարչական կամ այլ աշխատանքային հմտություններ   4. Այլ պահանջներ (վերապատրաստում, մասնագիտացում և այլն)

Հիմնական պատասխանատվությունները և պարտականությունները   1. Նախահետազոտական գործընթացներ   2. Հետազոտական գործընթացներ   3. Հետհետազոտական գործընթացներ   4. Մասնակցություն լաբորատոր տեղեկատվական համակարգերին   5. Կազմակերպչական հարաբերությունները

Հաստատում   Տնօրեն` (ազգանուն, ստորագրություն) ________________ Անձնակազմի կառավարման բաժնի պետ՝ (ազգանուն, ստորագրություն) ______ Ամսաթիվ ____________

Համրանքի սանդղակ

Բավարարման կատեգորիաները	Համրանք	Ընդհանուր իրազեկվածության արդյունք
10	100%	Բավարար
9	90%	Բավարար
8	80%	Բավարար
7	70%	Անբավարար

Ձև 6

ԼԱԲՈՐԱՏՈՐ ԱՆՁՆԱԿԱԶՄԻ ԿԱՌԱՎԱՐՉԱԿԱՆ ՀՄՏՈՒԹՅՈՒՆՆԵՐԻ ԳՆԱՀԱՏՄԱՆ ՍՏՈՒԳԱԹԵՐԹ

NN ը/կ	Չափորոշիչները	Գնահատման բնութագրիչները` ենթաչափորոշիչները	Գնահատականը
1.	ԱՇԽԱՏԱՆՔԱՅԻՆ ՊԼԱՆԻ ՄՇԱԿՈՒՄ	1) Հիմնական պարտականությունների և պահանջների իմացություն
		2) Աշխատանքի հետ առնչվող կանոնների, գործընթացների իմացություն և դրանց փոխկապակցում
		3) Առաջադրված խնդիրների լուծման համար անհրաժեշտ տեղեկատվության համախմբում
		4) Սահմանված ժամկետներում աշխատանքը ռացիոնալ բաշխելու ունակություն
2.	ԱՐԴՅՈՒՆՔՆԵՐԻ ԱՊԱՀՈՎՈՒՄ	1) Աշխատանքը վերլուծելու ընդունակություն
		2) Աշխատանքային ժամերի ճիշտ կառավարում, առաջադրանքների համապատասխանաբար բաշխում
		3) Զարգացմանն ուղղված ծրագրեր կազմակերպելու ընդունակություն
		4) Ստորաբաժանման գործունեությունը կազմակերպված կառավարելու ունակություն
3.	ԹԻՄԱՅԻՆ ԱՇԽԱՏԱՆՔ	1) Ստորադասների կարիքները գիտակցելու ունակություն
		2) Ստորադասներին մոտիվացնելու կարողություն
		3) Համագործակցելու կարողություն և թիմում աշխատելու հմտություն
		4) Թիմային աշխատանքի համար պատասխանատվության զգացում
4.	ՀԱՂՈՐԴԱԿՑՈՒԹՅՈՒՆ	1) Պարզ, սահուն արտահայտվելու կարողություն
		2) Մտքերը գրավոր շարադրելու կարողություն
		3) Մտքերը հակիրճ ձևակերպելու ունակություն
		4) Տեղեկատվությունը ժամանակին փոխանակելու կարողություն
5.	ՄԻՋԱՆՁՆԱՅԻՆ ՀԱՐԱԲԵՐՈՒԹՅՈՒՆՆԵՐ	1) Աջակցող աշխատանքային հարաբերություններ ստեղծելու և պահպանելու ընդունակություն և ձգտում
		2) Հանուն ընդհանուր նպատակների աշխատելու ցանկություն
		3) Առաջադրանքն այլ աշխատողների հետ ներդաշնակ կատարելու պատրաստակամություն
		4) Գործընկերներին ուղղորդելու կարողություն
6.	ՄՏԱԾՈՂՈՒԹՅԱՆ ՈՃԵՐ	1) Փաստերի վրա հիմնվելով՝ խնդիրներին իրատեսական լուծումներ տալու ունակություն
		2) Լուծման հնարավոր տարբերակների գնահատումից հետո միայն որոշումների ընդունում
		3) Աշխատանքային պրոցեսներն ըստ առաջնայնության կազմակերպելու ունակություն
		4) Ռեսուրսները հնարավորինս արդյունավետ օգտագործելու կարողություն
7.	ՆՊԱՏԱԿՆԵՐԻ ՍԱՀՄԱՆՈՒՄ	1) Նպատակին հասնելու համար տարբեր մոտեցումների կիրառում
		2) Նոր նպատակներ իրականացնելու համար ծանոթ մեթոդներից կառչելու փոխարեն նոր և առավել արդյունավետ մեթոդներից օգտվելու հմտություն և ձգտում
		3) Կիրառվող մեթոդները գործող իրավիճակին համապատասխանեցնելու ունակություն
		4) Խնդիրը լուծելիս, անհրաժեշտության դեպքում, որոշ հարցեր շրջանցելու կարողություն
	Ընդհանուր

Ձև 7

ԿԱԴՐԱՅԻՆ ԲԱՑԵՐԻ ԳՆԱՀԱՏՄԱՆ ԳՈՐԾԻՔ

(օրինակելի ձևաչափ)

Գնահատման տարրեր		Ներդրման կարգավիճակը
		0%	-20%	-40%	-60%	-80%	100%
1	Յուրաքանչյուր աշխատանքի համար սահմանված են որակավորումները՝ կրթություն, ուսուցում, հմտություններ, փորձ:
2	Լաբորատորիայի տնօրենի պարտականությունները ներառում են մասնագիտական, գիտական, խորհրդատվական կազմակերպչական, վարչական, կրթական հարցերը
3	Պաշտոնի նկարագրերը գրված են և առկա է հաստատման գործընթաց
4	Կա դիմող աշխատակցի ներկայացրած փաստաթղթերի հավաստիության հաստատման գործընթաց
5	Կա նոր աշխատակցին կազմակերպությունը և լաբորատորիան ներկայացնելու ծրագիր
6	Ուսումնական ծրագրերը ներառում են. 1) Որակի կառավարումը 2) Անվտանգությունը 3) Հաճախորդների սպասարկումը 4) Աշխատանքային գործընթացներ և ընթացակարգեր 5) Համակարգչային համակարգեր 6) Գաղտնի տեղեկատվության վարում 7) Անհամապատասխանությունների կառավարում
7	Լաբորատորիան ունի յուրաքանչյուր աշխատակցի իրազեկման գնահատման պարբերական ծրագիր, որը ներառում է. 1) Գնահատման ծրագիր 2) Գնահատման օբյեկտիվ գործիքների մշակում 3) Գնահատման սանդղակ բալային համակարգով 4) Կրկնագնահատման չափանիշների մշակում
8	Բոլոր մակարդակների աշխատակիցների համար կա շարունակական կրթության ծրագիր
9	Անձնակազմը հնարավորություն ունի մասնակցելու մասնագիտական զարգացման ծրագրերին
10	Մշակված են անձնակազմի գնահատման օբյեկտիվ չափանիշներ և ժամանակացույց
11	Մշակված է աշխատանքից ազատվող աշխատակցի աշխատանքի փոխանցման և աշխատանքային պարտավորությունների դադարեցման գործընթաց
12	Լաբորատորիան ունի հետևյալ մատչելի գրառումները և փաստաթղթերը՝ 1) աշխատակիցների մասնագիտական որակավորման 2) դասընթացների և փորձի փոխանակման 3) հավաստագրեր, լիցենզիաներ 4) հատուկ աշխատանքային դասընթացների 5) շարունակական կրթության 6) արդյունավետության գնահատման 7) աշխատանքից ազատման

Ձև 8

ԼԱԲՈՐԱՏՈՐԻԱՅԻ ԿԱԴՐԱՅԻՆ ՔԱՂԱՔԱԿԱՆՈՒԹՅԱՆ ԻՆՔՆԱԳՆԱՀԱՏՄԱՆ ՍՏՈՒԳԱԹԵՐԹ

(օրինակելի ձևաչափ)

N	Ստուգաթերթ	Այո	Ոչ
1.	Ստեղծվել են լաբորատորիայի ծրագիր, կադրային քաղաքականություն և մշակվել են յուրաքանչյուր աշխատակցի որակավորումներն ու պարտականությունները:	□	□
2.	Առկա են կրթական և մասնագիտական որակավորումների, դասընթացների, գործնական պարապմունքների և իրազեկության վերաբերյալ հաշվետվությունները: Դրանք կարող են լինել հավաստագրերը, լիցենզիաները, նախորդ գործատուի երաշխավորագրերը, աշխատանքի նկարագրությունը, շարունակական կրթության և ձեռքբերումների հաշվետվությունները, իրազեկման գնահատականները, վթարների և պատահարների հաշվետվությունները:	□	□
3.	Սահմանված են լաբորատորիայի ղեկավարի պատասխանատվությունները, ներառյալ՝ մասնագիտական, գիտական, խորհրդատվական:	□	□
4.	Առկա են բավարար կադրային ռեսուրսներ որակի կառավարման համակարգին առնչվող գործընթացներն իրականացնելու համար:	□	□
5.	Անձնակազմը ուսուցանված է առաջարկվող ծառայությունների որակի ապահովման գործընթացներին:	□	□
6.	Ապահովված են համակարգչից օգտվողներին, հաճախորդների տվյալները և հետազոտությունների արդյունքները մուտքագրողներին և հաշվետվությունների մեջ և համակարգչային ծրագրերում փոփոխություններ կատարողներին հայտնաբերելու հնարավորությունը:	□	□
7.	Առկա է շարունակական ուսուցման ծրագիր, որը մատչելի է բոլոր աշխատակիցների համար:	□	□
8.	Աշխատակիցները ուսուցանված են անկանխատեսելի իրավիճակների հետևանքները կանխարգելելու և կառավարելու միջոցառումներին:	□	□
9.	Գնահատվել է յուրաքանչյուր աշխատակցի իրազեկվածությունը և ապահովվել է գնահատման շարունակականությունը:	□	□
10.	Ըստ անհրաժեշտության կազմակերպվում են վերապատրաստումներ և կրկնագնահատումներ:	□	□
11.	Անձնակազմը ներգրավված է կանոնավոր մասնագիտական զարգացման ծրագրերի կամ դրան նպաստող փոխհամագործակցության մեջ:	□	□
12.	Հաճախորդների վերաբերյալ տեղեկատվության գաղտնիությունը պահպանվում է ողջ անձնակազմի կողմից:	□	□