ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

1 դեկտեմբերի 2011 թվականի N 1162-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴՅՈՒՆԱԲԵՐՈՒԹՅԱՆ ԸՆՏՐՎԱԾ ՈԼՈՐՏՆԵՐԻ ՕՐԵՆՍԴՐՈՒԹՅՈՒՆԸ ԵՎՐԱՄԻՈՒԹՅԱՆ ՄԱԿԱՐԴԱԿՈՒՄ ԿԱՆՈՆԱԿԱՐԳՎՈՂ ԱՐԴՅՈՒՆԱԲԵՐԱԿԱՆ ՈԼՈՐՏՆԵՐԻ ՕՐԵՆՍԴՐՈՒԹՅԱՆԸ ՄՈՏԱՐԿՄԱՆ ԾՐԱԳԻՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 5-րդ կետը և Հայաստանի Հանրապետության վարչապետի 2011 թվականի օգոստոսի 10-ի N 763-Ա որոշմամբ հաստատված Հայաստանի Հանրապետության և Եվրոպական միության միջև խոր և համապարփակ ազատ առևտրի համաձայնագրի շուրջ վարվելիք բանակցությունների մեկնարկի ապահովման միջոցառումների ժամանակացույցի 3.2-րդ կետը՝

1. Հաստատել Հայաստանի Հանրապետության արդյունաբերության ընտրված ոլորտների օրենսդրությունը Եվրամիության մակարդակում կանոնակարգվող արդյունաբերական ոլորտների օրենսդրությանը մոտարկման ծրագիրը` համաձայն հավելվածի:

2. Հայաստանի Հանրապետության էկոնոմիկայի նախարարին` ապահովել Հայաստանի Հանրապետության արդյունաբերության ընտրված ոլորտների օրենսդրությունը Եվրամիության մակարդակում կանոնակարգվող արդյունաբերական ոլորտների օրենսդրությանը մոտարկման ծրագրով հաստատված Եվրամիության հրահանգների կիրարկումն ապահովող ստանդարտներին ներդաշնակ ազգային ստանդարտներն ընդունելը, հաստատելը և գործողության մեջ դնելը:

Հայաստանի Հանրապետության վարչապետ	Տ. Սարգսյան
2011 թ. դեկտեմբերի 1 Երևան

Հավելված  ՀՀ վարչապետի 2011 թ.  դեկտեմբերի 1-ի N 1162-Ա  որոշման

Ծ Ր Ա Գ Ի Ր

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴՅՈՒՆԱԲԵՐՈՒԹՅԱՆ ԸՆՏՐՎԱԾ ՈԼՈՐՏՆԵՐԻ ՕՐԵՆՍԴՐՈՒԹՅՈՒՆԸ ԵՎՐԱՄԻՈՒԹՅԱՆ ՄԱԿԱՐԴԱԿՈՒՄ ԿԱՆՈՆԱԿԱՐԳՎՈՂ ԱՐԴՅՈՒՆԱԲԵՐԱԿԱՆ ՈԼՈՐՏՆԵՐԻ ՕՐԵՆՍԴՐՈՒԹՅԱՆԸ ՄՈՏԱՐԿՄԱՆ

Ոլորտը	Ոլորտը կանոնակարգող ԵՄ-ի իրավական ակտը	Ոլորտը կանոնակարգող ՀՀ-ում գործող իրավական ակտը	Պատասխանատու կատարողները և համակատարողները	Ոլորտը կանոնակարգող ՀՀ իրավական ակտի փոփոխության մշակման ժամկետը	Ոլորտը կանոնակարգող ՀՀ իրավական ակտի փոփոխության հաստատման ժամկետը	Ոլորտը կանոնակարգող ՀՀ իրավական ակտի փոփոխու-թյունը գործողության մեջ դնելու ժամկետը
1	2	3	4	5	6	7
1. Խաղալիքների անվտանգություն	Եվրոպական խորհրդարանի և խորհրդի 2009 թվականի հունիսի 18-ի N 2009/48/ԵՀ հրահանգ` խաղալիքների անվտանգության մասին (փոխարինում է 88/378/ԵԵՀ)	ՀՀ կառավարության 2004 թվականի նոյեմբերի 11-ի «Խաղալիքների տեխնիկական կանոնակարգը հաստատելու մասին» N 1551-Ն որոշում	ՀՀ էկոնոմիկայի նախարարություն ՀՀ առողջապահության նախարարություն	2011 թ. դեկտեմբերի 20-ից մինչև 2013 թ. ապրիլ	2013 թ. հուլիս	2014 թ. դեկտեմբեր
2. Ցածրավոլտ սարքավորումներ	Եվրոպական խորհրդարանի և խորհրդի 2006 թվականի դեկտեմբերի 12-ի N 2006/95/ԵՀ հրահանգ` հստակ լարման սահմանափակումներով կիրառվող էլեկտրական սարքավորումների վերաբերյալ ԵՄ անդամ պետությունների օրենսդրության ներդաշնակեցման (կոդիֆիկացված տարբերակ)	ՀՀ կառավարության 2005 թվականի փետրվարի 3-ի «Ցածր լարման էլեկտրասարքավորումներին ներկայացվող պահանջների տեխնիկական կանոնակարգը հաստատելու մասին» N 150-Ն որոշումը	ՀՀ էկոնոմիկայի նախարարություն ՀՀ էներգետիկայի և բնական պաշարների նախարարություն	2013 թ. հուլիսից մինչև 2014 թ. հուլիս	2014 թ. դեկտեմբեր	2017 թ. հունիս
3. Էլեկտրամագնիսական համատեղելիություն	Եվրոպական խորհրդարանի և խորհրդի 2004 թվականի դեկտեմբերի 15-ի N 2004/108/ԵՀ հրահանգ` էլեկտրամագնիսական համատեղելիության մասին ԵՄ անդամ պետությունների օրենսդրության մոտարկման և 89/336/ԵԵՀ հրահանգն ուժը կորցրած ճանաչելու մասին	ՀՀ կառավարության 2004 թվականի դեկտեմբերի 23-ի «Էլեկտրամագնիսական համատեղելիության վերաբերյալ տեխնիկական կանոնակարգը հաստատելու մասին» N 1925-Ն որոշում	ՀՀ տրանսպորտի և կապի նախարարություն ՀՀ էներգետիկայի և բնական պաշարների նախարարություն ՀՀ էկոնոմիկայի նախարարություն	2012 թ. փետրվարի 20-ից մինչև 2013 թ. սեպտեմբեր	2013 թ. նոյեմբեր	2016 թ. դեկտեմբեր

Հայաստանի Հանրապետության կառավարության աշխատակազմի ղեկավար

Դ. Սարգսյան