«Գրանցված է»

ՀՀ արդարադատության

նախարարության կողմից

28 փետրվարի 2014 թ.

Պետական գրանցման թիվ 11414115

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ՖԻՆԱՆՍՆԵՐԻ ՆԱԽԱՐԱՐ     14 փետրվարի 2014 թ. N 123-Ն ք. Երևան

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՎԱՐՉՈՒԹՅԱՆ ՊԵՏ 19 փետրվարի 2014 թ. N 11-Ն ք. Երևան

Հ Ա Մ Ա Տ Ե Ղ  Հ Ր Ա Մ Ա Ն

ՊԵՏԱԿԱՆ ՍԵՓԱԿԱՆՈՒԹՅՈՒՆ ՀԱՆԴԻՍԱՑՈՂ ՇԵՆՔԵՐԻ ԵՎ ՇԻՆՈՒԹՅՈՒՆՆԵՐԻ ՏԱՆԻՔՆԵՐԻՆ ՈՒ ՁԵՂՆԱՀԱՐԿԵՐՈՒՄ ԿԱՊԻ ՍԱՐՔԱՎՈՐՈՒՄՆԵՐԻ ՏԵՂԱԿԱՅՄԱՆ ԵՎ ՍՊԱՍԱՐԿՄԱՆ ՀԱՄԱՐ ԱՄՍԱԿԱՆ ՎԱՐՁԱՎՃԱՐՆԵՐԻ ԲԱՇԽՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ

Ղեկավարվելով Հայաստանի Հանրապետության կառավարության 2013 թվականի հոկտեմբերի 3-ի N 1130-Ն որոշման 5-րդ կետի դրույթներով`

ՀՐԱՄԱՅՈՒՄ ԵՆՔ՝

1. Սահմանել, որ՝

1) Հայաստանի Հանրապետության կառավարությանն առընթեր պետական գույքի կառավարման վարչության «Պետական գույքի գույքագրման և գնահատման գործակալություն» պետական ոչ առևտրային կազմակերպության (այսուհետ` ՊՈԱԿ) կողմից սպասարկվող շենքերում և շինություններում` Կարգի 15-րդ կետով սահմանված վարձավճարի (այսուհետ՝ Սկզբնական վարձավճար) 100 տոկոսը հատկացվում է ՊՈԱԿ-ի հաշվարկային հաշվին:

2) ՊՈԱԿ-ի կողմից չսպասարկվող շենքերում և շինություններում Սկզբնական վարձավճարի 90 տոկոսը հատկացվում է տվյալ շենքը, շինությունը սպասարկող կազմակերպությանը (եթե այդպիսին առկա է) կամ իրավասու մարմնի` օրենսդրությամբ սահմանված կարգով բացված արտաբյուջետային հաշվին, իսկ 10 տոկոսը՝ ՊՈԱԿ-ի հաշվարկային հաշվին:

3) Կարգի 16-րդ կետի համաձայն հաշվարկված՝ պայմանագրով սահմանված վարձավճարի և Սկզբնական վարձավճարի մեծության դրական տարբերության 10 տոկոսը հատկացվում է ՊՈԱԿ-ի հաշվարկային հաշվին, 40 տոկոսը՝ տվյալ շենքը, շինությունը սպասարկող կազմակերպություններին (եթե այդպիսիք առկա են) կամ իրավասու մարմնի` օրենսդրությամբ սահմանված կարգով բացված արտաբյուջետային հաշվին, իսկ 50 տոկոսն ուղղվում է Հայաստանի Հանրապետության պետական բյուջեի «ՀՀ պետական սեփականություն հանդիսացող շենքերի և շինությունների տանիքներին ու ձեղնահարկերում կապի սարքավորումներ տեղակայելու և սպասարկելու վարձավճարների» թիվ 900005220919 հաշվին:

2. Սույն հրամանի կատարման հսկողությունը վերապահել՝ Հայաստանի Հանրապետության ֆինանսների նախարարության աշխատակազմի ղեկավար Կարեն Թամազյանին և Հայաստանի Հանրապետության կառավարությանն առընթեր պետական գույքի կառավարման վարչության պետի տեղակալ Աշոտ Մարկոսյանին:

ՀՀ ֆինանսների նախարար   Դ. Սարգսյան

ՀՀ կառավարությանն առընթեր պետական գույքի կառավարման վարչության պետ Ա. Սահակյան