ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

22 սեպտեմբերի 2011 թվականի N 1432-Ն

ՍԵՐՄԵՐԻ ԳՆՈՒՄԸ ԹՈՒՅԼԱՏՐԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հայաստանի Հանրապետության գյուղատնտեսության նախարարին՝ «Սերմերի գործակալություն» պետական ոչ առևտրային կազմակերպության միջոցով՝

1) Ռուսաստանի Դաշնությունից ներկրված աշնանացան ցորենի 1100 տոննա էլիտային վերարտադրության սերմացուն բաշխել Հայաստանի Հանրապետության մարզերի` 7 և ավելի հեկտար հողատարածք ունեցող շահառուներին.

2) ղեկավարվելով «Գնումների մասին» Հայաստանի Հանրապետության օրենքի 20-րդ հոդվածի 5-րդ մասի 2-րդ կետի դրույթով` կազմակերպել աշնանացան ցորենի 417 տոննա առաջին վերարտադրության սերմացուի գնումը.

3) գնված աշնանացան ցորենի 417 տոննա առաջին վերարտադրության սերմացուն տրամադրել Հայաստանի Հանրապետության մարզերին՝ համաձայն հավելվածի` համապատասխան պայմանագրեր կնքելով Հայաստանի Հանրապետության մարզպետների հետ:

(1-ին կետը փոփ. 01.12.11 N 1701-Ն)

2. Հայաստանի Հանրապետության մարզպետներին՝ տրամադրված աշնանացան ցորենի առաջին վերարտադրության սերմացուն՝ պայմանագրային հիմունքներով հատկացնել մարզի շահառուներին՝ 0.4 – 3.0 հեկտար հողատարածքի վրա ցանք կատարելու համար` 2012 թվականի բերքահավաքից հետո 1:2 փոխհարաբերությամբ մեկ կիլոգրամի դիմաց 80 դրամ վերադարձնելու պայմանով:

3. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2011 թ. հոկտեմբերի 12 Երևան

Հավելված ՀՀ կառավարության 2011 թվականի սեպտեմբերի 22-ի N 1432-Ն որոշման

 

Ց Ա Ն Կ

ԱՇՆԱՆԱՑԱՆ ՑՈՐԵՆԻ 417 ՏՈՆՆԱ ԱՌԱՋԻՆ ՎԵՐԱՐՏԱԴՐՈՒԹՅԱՆ ՍԵՐՄԱՑՈՒԻ ԲԱՇԽՄԱՆ
(վերնագիրը փոփ. 01.12.11 N 1701-Ն)

       (հավելվածը փոփ. 01.12.11 N 1701-Ն)

Հայաստանի Հանրապետության կառավարության աշխատակազմի ղեկավար

Դ. Սարգսյան