«Գրանցված է»

ՀՀ արդարադատության

նախարարության կողմից

20 փետրվարի 2014 թ.

Պետական գրանցման թիվ 12114091

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ՓՈԽՎԱՐՉԱՊԵՏ, ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ 5 փետրվարի 2014 թ.  N 2-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐ   17 դեկտեմբերի 2013 թ.  N 233-Ն

Հ Ա Մ Ա Տ Ե Ղ  Հ Ր Ա Մ Ա Ն

ԱՆԱՍՆԱԲՈՒԺՈՒԹՅԱՆ, ԲՈՒՍԱՍԱՆԻՏԱՐԻԱՅԻ ԵՎ ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԻՐԱԿԱՆԱՑՎՈՂ ՎԱՐՉԱԿԱՆ ՀՍԿՈՂՈՒԹՅԱՆ ՀԱՐՑԱՇԱՐԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության Նախագահի 1997 թվականի մայիսի 6-ի N ՆՀ-728 հրամանագրի 1.37 կետը.

ՀՐԱՄԱՅՈՒՄ ԵՆՔ՝

Հաստատել անասնաբուժության, բուսասանիտարիայի և սննդամթերքի անվտանգության բնագավառում Հայաստանի Հանրապետության մարզպետների կողմից իրականացվող վարչական հսկողության հարցաշարը` համաձայն հավելվածի:

ՀՀ փոխվարչապետ, տարածքային կառավարման   նախարար    Ա. Գևորգյան

ՀՀ գյուղատնտեսության նախարար   Ս. Կարապետյան

Հավելված ՀՀ փոխվարչապետ, տարածքային կառավարման նախարարի 2014 թվականի փետրվարի 5-ի N  2-Ն և  ՀՀ գյուղատնտեսության նախարարի 2013 թվականի դեկտեմբերի 17-ի N 233-Ն համատեղ հրամանի

Հ Ա Ր Ց Ա Շ Ա Ր

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԱՆԱՍՆԱԲՈՒԺՈՒԹՅԱՆ, ԲՈՒՍԱՍԱՆԻՏԱՐԻԱՅԻ ԵՎ ՍՆՆԴԱՄԹԵՐՔԻ ԱՆՎՏԱՆԳՈՒԹՅԱՆ ԲՆԱԳԱՎԱՌՈՒՄ ՎԱՐՉԱԿԱՆ ՀՍԿՈՂՈՒԹՅԱՆ ԻՐԱԿԱՆԱՑՄԱՆ

1. Գործառույթը՝

1) կազմակերպում և իրականացնում է հակաանասնահամաճարակային կանխարգելիչ և հարկադիր միջոցառումներ՝ կենդանիների վարակիչ և զանգվածային ոչ վարակիչ հիվանդությունների, թունավորումների կանխարգելման ու վերացման նպատակով,

2) կենդանիների կարանտինային հիվանդությունների բռնկման դեպքում վարչատարածքային անասնաբուժական ծառայության մարմինների ներկայացմամբ, սահմանված կարգով, համապատասխան տարածքում՝ մարզում, համայնքում, բնակավայրում, սահմանում և չեղյալ է հայտարարում կարանտինը,

3) աջակցում է Հայաստանի Հանրապետության գյուղատնտեսության նախարարության սննդամթերքի անվտանգության պետական ծառայության մարզային կենտրոններին հակահամաճարակային կանխարգելիչ, ախտորոշիչ և հարկադիր միջոցառումների իրականացման նկատմամբ վերահսկողություն իրականացման գործում,

4) աջակցում է Հայաստանի Հանրապետության գյուղատնտեսության նախարարության «Անասնաբուժասանիտարիայի, սննդամթերքի անվտանգության և բուսասանիտարիայի ոլորտի ծառայությունների կենտրոն» պետական ոչ առևտրային կազմակերպության մարզային կենտրոններին հակահամաճարակային կանխարգելիչ, ախտորոշիչ և հարկադիր միջոցառումների իրականացման գործընթացում:

 2. Գործառույթի իրականացման օրենսդրական հիմքը՝ «Անասնաբուժության մասին» ՀՀ օրենք, ՀՀ կառավարության 2008 թվականի հունիսի 26-ի թիվ 671-Ն որոշում:

Դրույթների անվանումը	Պահպանված է	Թերի է պահպանված	Պահպանված չէ	Հայտնա-բերված խախտում-ները	Առաջար-կություններ հսկողության ընթացքում հայտնա-բերված խախտումների վերացման վերաբերյալ	Հայտնա-բերված խախտումները վերացնելու համար սահմանված ժամկետները
1. Մարզի տարածքում անասնահամաճարակի բռնկման դեպքում ՀՀ օրենսդրությամբ սահմանված կարգով կարանտինի սահմանում:
2. Մարզային և համայնքային հակաանասնահամաճարակային հանձնաժողովների կազմի և կանոնադրության հաստատում ՀՀ օրենսդրությամբ սահմանված կարգով:
3. Կարանտինի սահմանումից հետո կարանտինային գոտու սահմանների և անհրաժեշտ անասնաբուժասանիտարական միջոցառումների իրականացման վերաբերյալ առաջարկությունների ներկայացում ՀՀ օրենսդրության պահանջներին համապատասխան:
4. Կարանտինային գոտում լրիվ կամ մասնակի արգելք սահմանելու մասին ՀՀ օրենքով սահմանված կարգով համայնքի ղեկավարի որոշման ընդունում:
5. Մարզի տարածքում անասնահակահամաճարակային կանխարգելիչ, ախտորոշիչ և հարկադիր միջոցառումների իրականացման վերաբերյալ համայնքի ղեկավարի կողմից ընդունված որոշում: