ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԵՐԵՎԱՆ ՔԱՂԱՔ

Քանաքեռ-Զեյթուն թաղային համայնքի ավագանի

Ո Ր Ո Շ ՈՒ Մ

3 մայիսի 2006 թվականի թիվ 33

քաղ. Երևան

ՔԱՆԱՔԵՌ-ԶԵՅԹՈՒՆԻ ՀԱՄԱՅՆՔԻ ԱՎԱԳԱՆՈՒ 17.11.2005 Թ. N 3 ՈՐՈՇՄԱՆ ՄԵՋ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

Քանաքեռ-Զեյթունի թաղային համայնքի ավագանին որոշում է`

Քանաքեռ-Զեյթունի համայնքի ավագանու 2005 թ. նոյեմբերի 17-ի «Տեղական տուրքերի և վճարների 2006 թ. դրույքաչափերի հաստատման մասին» N 3 որոշման 8-րդ կետը շարադրել հետևյալ խմբագրությամբ.

1. Համայնքի տարածքում յուրաքանչյուր մեկ ամսվա արտաքին գովազդ տեղադրելու թույլտվության համար մեկ քառակուսի մետր մակերեսի տուրքը սահմանել.

ա) ալկոհոլային (սպիրտի պարունակությունը մինչև 20 ծավալային տոկոս) արտադրանք գովազդող արտաքին գովազդի համար՝ 2000 դրամ.

բ) թունդ ալկոհոլային (սպիրտի պարունակությունը 20 և ավելի ծավալային տոկոս) արտադրանք գովազդող արտաքին գովազդի համար՝ 3000 դրամ.

գ) այլ արտաքին գովազդի համար՝ 1500 դրամ.

դ) մինչև 2006 թ. հոկտեմբերի 1-ը՝ ծխախոտի արտաքին գովազդի համար՝ 5000 դրամ։

Դատարկ գովազդային վահանակների համար՝ 700 դրամ։

2. Սույն որոշումն ուժի մեջ է մտնում պաշտոնական հրապարակմանը հաջորդող տասներորդ օրը։

Համայնքի ղեկավար`

Ա. Քոթանջյան