ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

6 հոկտեմբերի 2011 թվականի N 1416-Ա

1988-1992 ԹՎԱԿԱՆՆԵՐԻՆ ԱԴՐԲԵՋԱՆԻ ՀԱՆՐԱՊԵՏՈՒԹՅՈՒՆԻՑ ԲՌՆԱԳԱՂԹԱԾ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՔԱՂԱՔԱՑԻՈՒԹՅՈՒՆ ՍՏԱՑԱԾ ԱՆՁԱՆՑ ԿՈՂՄԻՑ ԶԲԱՂԵՑՎԱԾ ԲՆԱԿԵԼԻ ՏԱՐԱԾՔՆԵՐԸ ՍԵՓԱԿԱՆԱՇՆՈՐՀԵԼՈՒ ՄԱՍԻՆ

Համաձայն «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածի, «1988-1992 թվականներին Ադրբեջանի Հանրապետությունից բռնագաղթած և Հայաստանի Հանրապետության քաղաքացիություն ստացած անձանց իրավական և սոցիալ-տնտեսական երաշխիքների մասին» Հայաստանի Հանրապետության օրենքի և Հայաստանի Հանրապետության կառավարության 2001 թվականի մայիսի 14-ի N 404 որոշման` Հայաստանի Հանրապետության կառավարությունը որոշում է.

1. Հայաստանի Հանրապետության գիտությունների ազգային ակադեմիայի «Ֆիզիկական հետազոտությունների ինստիտուտ» պետական ոչ առևտրային կազմակերպությունից հետ վերցնել Հայաստանի Հանրապետության Արագածոտնի մարզի Աշտարակ քաղաքի Գիտավանի հանրակացարանային NN 3, 7 և 9 մասնաշենքերի 213.9 քառ. մետր ընդհանուր մակերեսով և սկզբնական 1480 դրամ հաշվեկշռային արժեքով բնակելի տարածքները և ամրացնել «Հայաստանի Հանրապետության կառավարությանն առընթեր պետական գույքի կառավարման վարչության աշխատակազմ» պետական կառավարչական հիմնարկին:

2. Թույլատրել Հայաստանի Հանրապետության կառավարությանն առընթեր պետական գույքի կառավարման վարչությանն իր հաշվեկշռում հաշվառված՝ սույն որոշման 1-ին կետում նշված բնակելի տարածքները (այսուհետ՝ տարածքներ) Հայաստանի Հանրապետության օրենսդրությամբ սահմանված կարգով սեփականաշնորհել այդ տարածքներում բնակվող` 1988-1992 թվականներին Ադրբեջանի Հանրապետությունից բռնագաղթած և Հայաստանի Հանրապետության քաղաքացիություն ստացած անձանց` համաձայն հավելվածի:

3. Սահմանել, որ սույն որոշման 1-ին կետում նշված հանրակացարանային NN 3, 7 և 9 մասնաշենքերի զբաղեցրած հողամասերի նկատմամբ ընդհանուր բաժնային սեփականության իրավունքն օրենքով սահմանված կարգով անցնում է տարածքների նկատմամբ սեփականության իրավունք ձեռք բերողներին:

4. Հայաստանի Հանրապետության կառավարությանն առընթեր պետական գույքի կառավարման վարչության պետին` Հայաստանի Հանրապետության գիտությունների ազգային ակադեմիայի նախագահի հետ համատեղ` երկամսյա ժամկետում` սահմանված կարգով իրականացնել տարածքների հանձնման-ընդունման աշխատանքները և տարածքների անհատույց սեփականաշնորհման պայմանագրերի կնքումը` նախատեսելով, որ պայմանագրերի նոտարական վավերացման և պայմանագրերից բխող գույքային իրավունքների պետական գրանցման ծախսերը ենթակա են իրականացման` սույն որոշման հավելվածում նշված անձանց միջոցների հաշվին:

Հայաստանի Հանրապետության վարչապետ	Տ. Սարգսյան
2011 թ. հոկտեմբերի 11 Երևան

Հավելված  ՀՀ կառավարության 2011 թվականի հոկտեմբերի 6-ի N 1416-Ա որոշման

Ց Ա Ն Կ

Հայաստանի Հանրապետության Գիտությունների Ազգային Ակադեմիայի «Ֆիզիկական հետազոտությունների ինստիտուտ» պետական ոչ առԵՎտրային կազմակերպության` Գիտավանի NN 3, 7 ԵՎ 9 հանրակացարանային մասնաշենքերում բնակվողների

Ազգանունը, անունը, հայրանունը	Անձնագրային տվյալները	Բնակվող ընտանիքի անդամների թիվը	Բնակտարածու-թյան հասցեն, սենյակների թիվը	Հատկաց-ման տարեթիվը	Բնակարանի մակերեսը (քառ.մ)	Հաշ-վեկշռա-յին արժեքը (դրամ)	Սեփակա-նության տեսակը	Բնակտարածության պատկանելությունը
1	2	3	4	5	6	7	8	9
Քարամյան Նելլի Էդուարդի	AF 0601615, տրված` 029-ի կողմից	2	քաղ. Աշտարակ 2, Գիտավան ՖՀԻ, շենք 7, բն. 11, 1 սենյակ	1988 թ.	42.7	239	ընդհանուր համատեղ սեփակա-նություն	ՀՀ ԳԱԱ-ի «Ֆիզիկական հետազոտությունների ինստիտուտ» ՊՈԱԿ
Խաչատուրովա Աննա Աշոտի	AF 0653621, տրված` 029-ի կողմից	3	քաղ. Աշտարակ 2, Գիտավան ՖՀԻ, շենք 7, բն. 10, 1 սենյակ	1991 թ.	42.7	239	ընդհանուր համատեղ սեփակա-նություն	ՀՀ ԳԱԱ-ի «Ֆիզիկական հետազոտությունների ինստիտուտ» ՊՈԱԿ
Մարգարյան Ջուլետտա Արտաշեսի	AF 0653510, տրված` 029-ի կողմից	2	քաղ. Աշտարակ 2, Գիտավան ՖՀԻ, շենք 7, բն. 7, 1 սենյակ	1989 թ.	42.7	239	ընդհանուր համատեղ սեփակա-նություն	ՀՀ ԳԱԱ-ի «Ֆիզիկական հետազոտությունների ինստիտուտ» ՊՈԱԿ
Դադայան Լիլիաննա Յուրիի	AF 0432128, տրված` 029-ի կողմից	2	քաղ. Աշտարակ 2, Գիտավան ՖՀԻ, շենք 3, բն. 7, 1 սենյակ	1989 թ.	42.7	487	ընդհանուր համատեղ սեփակա-նություն	ՀՀ ԳԱԱ-ի «Ֆիզիկական հետազոտությունների ինստիտուտ» ՊՈԱԿ
Հարությունյան Նոննա Էռնեստի	AG0446397, տրված` 029-ի կողմից	2	քաղ. Աշտարակ 2, Գիտավան ՖՀԻ, շենք 9, բն. 8, 1 սենյակ	1988 թ.	43.1	276	ընդհանուր համատեղ սեփակա-նություն	ՀՀ ԳԱԱ-ի «Ֆիզիկական հետազոտությունների ինստիտուտ» ՊՈԱԿ
Ընդամենը					213.9	1480

Հայաստանի Հանրապետության կառավարության աշխատակազմի ղեկավար

Դ. Սարգսյան