ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

10 նոյեմբերի 2011 թվականի N 1606-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ԴԵԿՏԵՄԲԵՐԻ 23-Ի N 1748-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԿԱՏԱՐԵԼՈՒ, ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ԵՎ ԳՆՄԱՆ ԳՈՐԾԸՆԹԱՑԸ ԿԱԶՄԱԿԵՐՊԵԼՈՒ ՄԱՍԻՆ

«Հայաստանի Հանրապետության բյուջետային համակարգի մասին» Հայաստանի Հանրապետության օրենքի 19-րդ հոդվածի 3-րդ կետին համապատասխան՝ Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2010 թվականի դեկտեմբերի 23-ի «Հայաստանի Հանրապետության 2011 թվականի պետական բյուջեի կատարումն ապահովող միջոցառումների մասին» N 1748-Ն որոշման մեջ կատարել լրացումներ` համաձայն NN 1 և 2 հավելվածների:

2. Հայաստանի Հանրապետության 2011 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին Հայաստանի Հանրապետության գյուղատնտեսության նախարարությանը հատկացնել 301495.36 հազ. դրամ, այդ թվում` Հայաստանի Հանրապետության Արմավիրի մարզի Ջանֆիդայի գյուղական համայնքի տարածքում Արաքս գետի ափապաշտպան կառույցի վերականգնման նախագծանախահաշվային փաստաթղթերի կազմման համար` 3132.64 հազ. դրամ, աշխատանքների իրականացման համար` 41768.49 հազ. դրամ, Հայաստանի Հանրապետության Սյունիքի մարզում Արաքս գետի ափի վթարված և վթարավտանգ հատվածների վերականգնման նախագծանախահաշվային փաստաթղթերի (երկու փաթեթ) կազմման համար` 6373.23 հազ. դրամ, աշխատանքների իրականացման համար` 98049.66 հազ. դրամ, Հայաստանի Հանրապետության Գեղարքունիքի մարզի Մարտունի քաղաքի տարածքում Մարտունի գետի կարճապատնեշների (ֆիքսատորներ) տեղադրման նախագծանախահաշվային փաստաթղթերի կազմման համար` 5726.31 հազ. դրամ, աշխատանքների իրականացման համար` 88097.11 հազ. դրամ, Հայաստանի Հանրապետության Տավուշի մարզի Աչաջրի գյուղական համայնքի տարածքում Աղստև գետի հունի ուղղման, մաքրման՝ արգելաթմբերի ստեղծմամբ, նախագծանախահաշվային փաստաթղթերի կազմման համար` 3561.14 հազ. դրամ, աշխատանքների իրականացման համար` 54786.78 հազ. դրամ (282702.04 հազ. դրամը՝ բյուջետային ծախսերի տնտեսագիտական դասակարգման «Շենքերի և շինությունների կապիտալ վերանորոգում» հոդվածով, և 18793.32 հազ. դրամը` «Նախագծահետազոտական ծախսեր» հոդվածով):

3. Սահմանել, որ Հայաստանի Հանրապետության Արմավիրի մարզի Ջանֆիդայի գյուղական համայնքի տարածքում Արաքս գետի ափապաշտպան կառույցի վերականգնման, Հայաստանի Հանրապետության Սյունիքի մարզում Արաքս գետի ափի վթարված և վթարավտանգ հատվածների վերականգնման, Հայաստանի Հանրապետության Գեղարքունիքի մարզի Մարտունի քաղաքի տարածքում Մարտունի գետի կարճապատնեշների (ֆիքսատորներ) տեղադրման, Հայաստանի Հանրապետության Տավուշի մարզի Աչաջրի գյուղական համայնքի տարածքում Աղստև գետի հունի ուղղման, մաքրման՝ արգելաթմբերի ստեղծմամբ, աշխատանքների, դրանց նախագծանախահաշվային փաստաթղթերի և աշխատանքների կատարման որակի նկատմամբ տեխնիկական հսկողության ծառայության գնումներն իրականացվում են բանակցային ընթացակարգով` առանց գնումների մասին հայտարարությունը նախապես հրապարակելու՝ «Գնումների մասին» Հայաստանի Հանրապետության օրենքի 20-րդ հոդվածի 5-րդ մասի 2-րդ կետով նախատեսված ընթացակարգով:

4. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2011 թ. նոյեմբերի 18 Երևան

Հավելված N 1 ՀՀ կառավարության 2011 թվականի նոյեմբերի 10-ի N 1606-Ն որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ԴԵԿՏԵՄԲԵՐԻ 23-Ի N 1748-Ն ՈՐՈՇՄԱՆ N 10 ՀԱՎԵԼՎԱԾՈՒՄ ԿԱՏԱՐՎՈՂ ԼՐԱՑՈՒՄՆԵՐԸ

(հազ. դրամ)

Գնման առարկայի						Ցուցանիշների փոփոխությունը (ավելացումները նշված են դրական նշանով)
անվանումը			չափի միավորը	քանակը	գնման ձևը
ՀՀ գյուղատնտեսության նախարարություն
Բաժին N 11	Խումբ N 01	Դաս N 01	ՀՀ կառավարության պահուստային ֆոնդ			301,495.36
ՄԱՍ III. ԱՇԽԱՏԱՆՔՆԵՐ
Ջրային տնտեսության կառույցների շինարարություն			դրամ	1	ԲԸԱՀ	277,447.87
Բնակելի, հասարակական և արտադրական շենքերի նախագծում, նախագծերի փորձաքննություն			դրամ	1	ԲԸԱՀ	18,793.32
Շենքերի և շինությունների տեխնիկական հետազննում			դրամ	1	ԲԸԱՀ	5,254.17

Հայաստանի Հանրապետության կառավարության աշխատակազմի ղեկավար

Դ. Սարգսյան

Հավելված N 2 ՀՀ կառավարության 2011 թվականի նոյեմբերի 10-ի N 1606-Ն որոշման

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2010 ԹՎԱԿԱՆԻ ԴԵԿՏԵՄԲԵՐԻ 23-Ի N 1748-Ն ՈՐՈՇՄԱՆ N 11 ՀԱՎԵԼՎԱԾԻ N 11.15 ԱՂՅՈՒՍԱԿՈՒՄ ԿԱՏԱՐՎՈՂ ԼՐԱՑՈՒՄՆԵՐԸ

Չափորոշիչներ			Ցուցանիշների փոփոխությունը (ավելացումները նշված են դրական նշանով)
			ոչ ֆինանսական ցուցանիշներ	ֆինանսական ցուցանիշներ
			տարի	տարի
ՄԱՍ Գ: Նախարարի պատասխանատվության ներքո իրականացվող քաղաքականության միջոցառումների և ֆինանսական կառավարման արդյունքների ցուցանիշները 1. Քաղաքականության միջոցառումներ 1.6. Հանրության կողմից օգտագործվող ոչ ֆինանսական ակտիվներ
Ծրագրային դասիչը		Անվանումը Գյուղատնտեսական հողատեսքերի պահպանում, բարելավում և ինժեներական կառուցվածքների վերականգնում Նկարագրությունը ՀՀ Արմավիրի և Սյունիքի մարզերում Արաքս գետի ափի ամրացման, ՀՀ Գեղարքունիքի մարզի Մարտունի քաղաքի տարածքում Մարտունի գետի կարճապատնեշների տեղադրման, ՀՀ Տավուշի մարզի Աչաջրի գյուղական համայնքի տարածքում Աղստև գետի հունի ուղղման, մաքրման ու արգելաթմբերի ստեղծման նախագծանախահաշվային փաստաթղթերի կազմում և աշխատանքների իրականացում
Կ001	ԱՁ02
Քանակական		Մշակված չէ
Որակական		Մշակված չէ
Տվյալ տարվա ՀՀ պետական բյուջեից ակտիվի ձեռքբերման, կառուցման կամ հիմնանորոգման վրա կատարվող ծախսերը (հազ. դրամ)			x	301.495.36
Ակտիվի ընդհանուր արժեքը (հազ. դրամ)			x	0.0
Տվյալ բյուջետային տարվան նախորդող բյուջետային տարիների ընթացքում ակտիվի վրա կատարված ծախսերը (հազ. դրամ)				0.0
Ծրագիրը (ծրագրերը), որի (որոնց) շրջանակներում իրականացվում է քաղաքականության միջոցառումը Ը 002 Հողերի բարելավման միջոցառումներ
Վերջնական արդյունքի նկարագրությունը Հողօգտագործումից ստացվող արդյունքի բարելավում և (կամ) այդ բնագավառում կորուստների նվազեցում

Հայաստանի Հանրապետության կառավարության աշխատակազմի ղեկավար

Դ. Սարգսյան