«Վավերացնում եմ»
Հայաստանի Հանրապետության
Նախագահ Ռ. Քոչարյան
20 հունիսի 2002 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

13 հունիսի 2002 թվականի N 819-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՂԱՐՔՈՒՆԻՔԻ ՄԱՐԶԻ ԳԱՎԱՌԻ ՔԱՂԱՔԱՅԻՆ ՀԱՄԱՅՆՔԻ ՀՈՂԵՐԻ ՕԳՏԱԳՈՐԾՄԱՆ ԺԱՄԱՆԱԿԱՎՈՐ ՍԽԵՄԱՆ ՀԱՍՏԱՏԵԼՈՒ ՄԱՍԻՆ

Հայաստանի Հանրապետության կառավարությունը որոշում է.

1. Հաստատել Հայաստանի Հանրապետության Գեղարքունիքի մարզի Գավառի քաղաքային համայնքի հողերի օգտագործման ժամանակավոր սխեման՝ համաձայն հավելվածի, և համայնքի վարչական տարածքում գտնվող՝ պետական սեփականություն համարվող 8514,9 հեկտար պահուստային ֆոնդի հողերից փոխադրել՝

ա) 8508,4 հեկտարը, որից՝ 400,5 հեկտար վարելահող, 18 հեկտար խոտհարք, 6129 հեկտար արոտ, 1960,9 հեկտար այլ հողեր՝ գյուղատնտեսական նշանակության հողերի կատեգորիա.

բ) 1,5 հեկտար վարելահողը՝ բնակավայրերի հողերի կատեգորիա, այդ թվում՝ 1,35 հեկտարը՝ բնակելի, իսկ 0,15 հեկտարը՝ հասարակական կառուցապատման նպատակով անհատույց սեփականության իրավունքով տրամադրելու համար.

գ) 5 հեկտար այլ հողեր՝ արդյունաբերության, ընդերքօգտագործման և այլ արտադրական նշանակության հողերի կատեգորիա՝ խարամի հանքի համար։

2. Գավառի քաղաքային համայնքի վարչական սահմաններում և «Սևան» ազգային պարկի սահմաններից դուրս գտնվող 149,8 հեկտար անտառային ֆոնդի հողերից փոխադրել հատուկ պահպանվող տարածքների կատեգորիա՝ հանձնելով Գավառի քաղաքային համայնքին, այդ թվում՝ 134,8 հեկտար անտառաշերտը՝ հանգստի գոտի հիմնելու, իսկ 15 հեկտար արոտը՝ գերեզմանոցի համար։

Հայաստանի Հանրապետության վարչապետ	Ա. Մարգարյան
2002 թ. հունիսի 17 Երևան

Հավելված ՀՀ կառավարության 2002 թվականի հունիսի 13-ի N 819-Ն որոշման

Ժ Ա Մ Ա Ն Ա Կ Ա Վ Ո Ր  Ս Խ Ե Մ Ա

ՀՀ ԳԵՂԱՐՔՈՒՆԻՔԻ ՄԱՐԶԻ ԳԱՎԱՌԻ ՔԱՂԱՔԱՅԻՆ ՀԱՄԱՅՆՔԻ ՀՈՂԵՐԻ ՕԳՏԱԳՈՐԾՄԱՆ

Հայաստանի Հանրապետության կառավարության աշխատակազմի ղեկավար-նախարար

Մ. Թոփուզյան