ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ

ԵՐԵՎԱՆ ՔԱՂԱՔ

Նորք-Մարաշ համայնքի ավագանի

Ո Ր Ո Շ ՈՒ Մ

21 դեկտեմբերի 2004 թվականի թիվ 79-Ն

քաղ. Երևան

ՆՈՐՔ-ՄԱՐԱՇ ՀԱՄԱՅՆՔԻ 2005 Թ. ԲՅՈՒՋԵԻ ՏԵՂԱԿԱՆ ՏՈՒՐՔԵՐԻ ԵՎ ՎՃԱՐՆԵՐԻ ԴՐՈՒՅՔԱՉԱՓԵՐԸ ՀԱՍՏԱՏԵԼՈՒ ՄԱՍԻՆ

Ղեկավարվելով «Տեղական ինքնակառավարման մասին» ՀՀ օրենքի 16-րդ հոդվածի 18-րդ կետով, «Տեղական տուրքերի և վճարների մասին» ՀՀ օրենքի 9-րդ, 10-րդ և 11-րդ հոդվածներով, հիմք ընդունելով Նորք-Մարաշ համայնքի ղեկավարի առաջարկությունը,

Երևան քաղաքի Նորք-Մարաշ համայնքի ավագանին որոշում է`

Սահմանել 2005 թ. բյուջետային տարվա ընթացքում Նորք-Մարաշ համայնքի վարչական տարածքում գանձվող տեղական տուրքերի և վճարների հետևյալ դրույքաչափերը.

1.1.	Տեղական տուրքեր
1.1.1.	Համայնքի տարածքում նոր կառուցվող օբյեկտների՝ շենքերի, շինությունների (շինարարական մոնտաժային աշխատանքներ) սկսելու թույլտվության համար տեղական տուրքը սահմանվում է
ա)	հիմնական օբյեկտների համար	100000 դրամ
բ)	մինչև 6 քմ ոչ հիմնական օբյեկտների համար	20000 դրամ
գ)	6 քմ ավելի ոչ հիմնական օբյեկտների համար	30000 դրամ
1.1.2.	Համայնքի տարածքում շինարարության, շենքերը, շինություններն ու քաղաքաշինական այլ օբյեկտները ամրացնելու, վերակառուցելու, վերականգնելու, արդիականացնելու և արտաքին տեսքը փոխող այլ աշխատանքներ սկսելու թույլտվության համար	15000 դրամ
1.1.3.	Պարսպապատման աշխատանքների թույլտվության համար	30000 դրամ
1.1.4.	Համայնքի տարածքում շենքեր, շինություններ և քաղաքաշինական այլ օբյեկտներ քանդելու աշխատանքներ սկսելու թույլտվության համար	5000 դրամ
1.1.5.	Համայնքի տարածքում առևտրի համայնքային կանոններին համապատասխան ոգելից խմիչքների և (կամ) ծխախոտի արտադրանքի վաճառքի թույլտվության համար
ա)	հիմնական շինությունների ներսում վաճառքի կազմակերպման դեպքում	15000 դրամ եռամսյակի համար
բ)	ոչ հիմնական շինությունների ներսում վաճառքի կազմակերպման դեպքում	6000 դրամ եռամսյակի համար
1.1.6.	Համայնքի տարածքում բացօթյա վաճառք կազմակերպելու թույլտվության համար՝
ա)	գազի և վառելիքաքսայուղային նյութերի համար	220000 դրամ տարին
բ)	գյուղատնտեսական մթերքի համար	250 դրամ օրը
գ)	այլ ապրանքների (այդ թվում՝ ոգելից խմիչքների և (կամ) ծխախոտի արտադրանքի) վաճառքի համար	22500 դրամ եռամսյակի համար
1.1.7.	Համայնքի տարածքում ժամը 24-ից հետո աշխատելու թույլտվության համար
ա)	բաղնիքների, սաունաների համար	200000 դրամ տարին
բ)	սննդի և զվարճանքի օբյեկտների համար	100000 դրամ տարին
1.1.8.	Համայնքի և քաղաքային կանոններին համապատասխան ընտանի կենդանիներ պահելու թույլտվության համար	1000 դրամ տարին
1.1.9.	Համայնքի տարածքում արտաքին գովազդ տեղադրելու թույլտվության համար
ա)	ծխախոտի արտադրանք գովազդող արտաքին գովազդի համար	250000 դրամ տարին
բ)	այլ արտաքին գովազդի համար	60000 դրամ տարին (ըստ յուր. տեղ.)
1.1.10.	Համայնքի արխիվից փաստաթղթերի պատճեններ և կրկնօրինակներ տրամադրելու համար	200 դրամ
1.2	Տեղական վճարներ
1.2.1.	Համայնքի տարածքում շինարարության կամ շինության արտաքին տեսքը փոխող վերակառուցման աշխատանքներ կատարելու հետ կապված տեխնիկատնտեսական պայմաններ մշակելու և հաստատելու համար մատուցած ծառայությունների դիմաց	30000 դրամ
1.2.2.	Համայնքի տարածքում շինարարության ավարտը փաստագրելու համար տեղական ինքնակառավարման մարմնի մատուցած ծառայությունների դիմաց	50000 դրամ
1.2.3.	Տեղական ինքնակառավարման մարմինների տնօրինության տակ գտնվող հողերը հատկացնելու, հետ վերցնելու և վարձակալության տրամադրելու դեպքում անհրաժեշտ չափագրական և այլ աշխատանքների համար տեղական ինքնակառավարման մարմնի փոխհատուցման վճար	10000 դրամ
1.2.4.	Տեղական ինքնակառավարման մարմինների կողմից մրցույթներ և աճուրդներ կազմակերպելու հետ կապված ծախսերի փոխհատուցման համար մասնակիցներից վճար	10000 դրամ յուրաքանչյուր մասնակցից

Սույն որոշումն ուժի մեջ է մտնում 01.01.2005 թ.:

Թաղապետ՝

Վ. Մկրտչյան