«Գրանցված է»
ՀՀ արդարադատության
նախարարության կողմից
1 մարտի 2004 թ.
Պետական գրանցման թիվ 11804032

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՖԻՆԱՆՍՆԵՐԻ ԵՎ ԷԿՈՆՈՄԻԿԱՅԻ ՆԱԽԱՐԱՐ	ՀՀ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԳՈՒՅՔԻ ԿԱՌԱՎԱՐՄԱՆ ՎԱՐՉՈՒԹՅՈՒՆ
29 հունվարի 2004 թ. N 47-Ն ք. Երևան	16 հունվարի 2004 թ. N 007-Ն ք. Երևան

Հ Ր Ա Մ Ա Ն

ՕՏԱՐՄԱՆ ՈՐՈՇՄԱՆ ՎԵՐԱԲԵՐՅԱԼ ԵԶՐԱԿԱՑՈՒԹՅՈՒՆ ՏԱԼՈՒ ՍԿԶԲՈՒՆՔՆԵՐԸ ՍԱՀՄԱՆԵԼՈՒ ՄԱՍԻՆ

Հայաստանի Հանրապետության կառավարության 2003 թվականի հունիսի 13-ի  N 882-Ն որոշման 3-րդ կետի պահանջների կատարման նպատակով

ՀՐԱՄԱՅՈՒՄ ԵՆՔ`

Սահմանել, որ

1. Պետական կառավարչական հիմնարկներին ամրացված, պետական ոչ առևտրային կազմակերպությունների սեփականությունը հանդիսացող և դրանց ամրացված գույքի օտարման որոշման վերաբերյալ եզրակացությունների տրամադրման հիմքում դրվում են հետևյալ սկզբունքները.

ա) անշարժ գույքի օտարման դեպքում.

- գույքի օտարումը չի խաթարում հիմնարկի կամ կազմակերպության բնականոն գործունեությունը,

- ներկայացվում է օտարման մրցույթով կամ ուղղակի եղանակով` տվյալ գույքի բարելավման նպատակով ներդրումներ կատարելու պահանջով,

բ) այլ հիմնական միջոցների օտարման դեպքում.

- գույքի օտարումը չի խաթարում հիմնարկի կամ կազմակերպության բնականոն գործունեությունը,

- օտարվող գույքն ունի 70 տոկոսից ավելի մաշվածք, իսկ տրանսպորտային միջոցների համար` 50 տոկոսից ավելի մաշվածք,

- ուղղակի եղանակով գույքը ներկայացվում է օտարման` առնվազն մեկ անգամ դասական աճուրդով կամ մրցույթով ներկայացնելուց հետո:

(1-ին կետը խմբ. 17.05.05 N 70-Ն)

2. Հայաստանի Հանրապետության կառավարության 2003 թվականի հունիսի 13-ի N 882-Ն որոշմամբ հաստատված «Պետական կառավարչական հիմնարկներին ամրացված, պետական ոչ առևտրային կազմակերպությունների սեփականությունը հանդիսացող և դրանց ամրացված գույքի օտարման» կարգի 4-րդ և 9-րդ կետերով նախատեսված դեպքերում պետական կառավարման լիազորված մարմինները ՀՀ կառավարությանն առընթեր պետական գույքի կառավարման վարչություն են ներկայացնում գույքի օտարման մասին ՀՀ կառավարության որոշման նախագիծը, սույն հրամանի 1-ին կետով սահմանված սկզբունքների պահպանման հիմնավորումները, սույն հրամանի հավելվածներով նախատեսված տեղեկանքները ըստ գույքի համապատասխան տեսակների:

3. Հայաստանի Հանրապետության կառավարության 2003 թվականի հունիսի 13-ի N 882-Ն որոշմամբ հաստատված «Պետական կառավարչական հիմնարկներին ամրացված, պետական ոչ առևտրային կազմակերպությունների սեփականությունը հանդիսացող և դրանց ամրացված գույքի օտարման» կարգի 8-րդ կետով նախատեսված դեպքերում կազմակերպության կառավարումն իրականացնող լիազորված պետական մարմինը ՀՀ կառավարությանն առընթեր պետական գույքի կառավարման վարչություն է ներկայացնում սույն հրամանի 1-ին կետով սահմանված սկզբունքների պահպանման հիմնավորումները և սույն հրամանի հավելված N 2-ով նախատեսված տեղեկանքը: ՀՀ կառավարությանն առընթեր պետական գույքի կառավարման վարչությունը որոշման վերաբերյալ եզրակացությունը տրամադրում է գույքի օտարման ձևի և գների հիմնավորվածության մասին ՀՀ ֆինանսների և էկոնոմիկայի նախարարության կարծիքը ստանալուց հետո:

ՀՀ ֆինանսների և էկոնոմիկայի նախարար

Վ. Խաչատրյան

ՀՀ կառավարությանն առընթեր պետական գույքի կառավարման վարչության պետ

Դ. Վարդանյան

Հավելված N 1 ՀՀ ֆինանսների և էկոնոմիկայի նախարարի 29.01.2004 թ. N 47-Ն և ՀՀ կառավարությանն առընթեր պետական գույքի կառավարման վարչության 16.01.2004 թ. N 007-Ն համատեղ հրամանի

Տ Ե Ղ Ե Կ Ա Ն Ք

_________________________________ պետական կառավարման լիազորված մարմնի անվանումը

_________________________________ (հիմնարկի, կազմակերպության անվանումը)

ՕՏԱՐՎՈՂ ԱՆՇԱՐԺ ԳՈՒՅՔԻ ՄԱՍԻՆ

N	Գույքի անվա- նումը և հասցեն	Շահագործ- ման հանձ- նման տարին	Ձեռք- բերման տարին	Մակե- րեսը (քառ. մետր)	Սկզբնա- կան արժեքը (հազ. դրամ)	Մաշվա- ծութ- յունը, %	Հաշվե- կշռային (մնացոր- դային) արժեքը (հազ. դրամ)	Օտարվող գույքի գնահատ- ված արժեքը (հազ. դրամ)	Գույքի օտար- ման (նվազագույն, մեկնարկային) գինը (հազ. դրամ)	Գույքն օգտագործող կազմակեր- պությունների անվանումը և օգտագործ- ման հիմքերը	Եթե գույքը վաճառքի է ներկայացվում 2-րդ և ավելի անդամ, ապա նշել կայացած աճուրդների (մրցույթների) քանակը և յուրաքանչյուր անգամ գնի նվազեցման չափը (տոկոսը)
1	2	3	4	5	6	7	8	9	10	11	12
1.
2.
3.
4.
5.
...

Հիմնարկի ղեկավար (կազմակերպության տնօրեն)	_______________ (ստորագրություն)	______________ (Ա. Ա. Հ.)
__ _________200  թ.	Կ. Տ.

Հավելված N 2 Հ ֆինանսների և էկոնոմիկայի նախարարի 29.01.2004 թ. N 47-Ն և ՀՀ կառավարությանն առընթեր պետական գույքի կառավարման վարչության 16.01.2004 թ. N 007-Ն համատեղ հրամանի

Տ Ե Ղ Ե Կ Ա Ն Ք

_________________________________ պետական կառավարման լիազորված մարմնի անվանումը

_________________________________ (հիմնարկի, կազմակերպության անվանումը)

ՕՏԱՐՎՈՂ ՇԱՐԺԱԿԱՆ ԳՈՒՅՔԻ ՄԱՍԻՆ

N	Անվանումը	Թողարկ- ման տարին	Ձեռք- բերման տարին	Սկզբնա- կան արժեքը (հազ. դրամ)	Մաշվա- ծութ- յունը, %	Հաշվե- կշռային (մնացոր- դային) արժեքը (հազ. դրամ)	Օտարվող գույքի գնահատ- ված արժեքը (հազ. դրամ)	Գույքի օտար- ման (նվազագույն, մեկնարկային) գինը (հազ. դրամ)	Տեխնիկական վիճակը (սարքին, անսարք, շահագործման համար ոչ պիտանի)	Եթե գույքը վաճառքի է ներկայացվում 2-րդ և ավելի անգամ, ապա նշել կայացած աճուրդների (մրցույթների) քանակը և յուրաքանչյուր անգամ գնի նվազեցման չափը (տոկոսը)	Ավտոմեքենա- ների համար նշել պետ. հա- մարանիշը, տեխնիկական անձնագրի համարը և վազքը
1	2	3	4	5	6	7	8	9	10	11	12
1.
2.
3.
4.
5.
...

Հիմնարկի ղեկավար (կազմակերպության տնօրեն)	_______________ (ստորագրություն)	______________ (Ա. Ա. Հ.)
__ _________200  թ.	Կ. Տ.