ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

30 հունիսի 2011 թվականի N 1017-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՀԱՄԱԿԱՐԳՈՒՄ ԲԻԶՆԵՍ ԳՈՐԾԸՆԹԱՑՆԵՐԻ ՎԵՐԱԿԱԶՄԱԿԵՐՊՄԱՆ ԵՎ ԻՐԱԿԱՆԱՑՄԱՆ ՄԻՋՈՑԱՌՈՒՄՆԵՐԻ ԺԱՄԱՆԱԿԱՑՈՒՅՑԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2010 թվականի մայիսի 13-ի «Հայաստանի Հանրապետության և Միջազգային զարգացման ընկերակցության միջև զարգացման քաղաքականության վարկի երկրորդ և երրորդ գործողությունների ժամանակացույցը հաստատելու մասին» N 697-Ն որոշման հավելվածի երկրորդ բաժնի «դ» կետը` Հայաստանի Հանրապետության կառավարությունը որոշում է.

1. Հաստատել Հայաստանի Հանրապետության կառավարությանն առընթեր պետական եկամուտների կոմիտեի համակարգում բիզնես գործընթացների վերակազմակերպման և իրականացման միջոցառումների ժամանակացույցը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

Հայաստանի Հանրապետության վարչապետ	Տ. Սարգսյան
2011 թ. հուլիսի 27 Երևան

Հավելված  ՀՀ կառավարության 2011 թվականի հունիսի 30-ի N 1017-Ն որոշման

Ժ Ա Մ Ա Ն Ա Կ Ա Ց ՈՒ Յ Ց

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆՆ ԱՌԸՆԹԵՐ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵԻ ՀԱՄԱԿԱՐԳՈՒՄ ԲԻԶՆԵՍ ԳՈՐԾԸՆԹԱՑՆԵՐԻ ՎԵՐԱԿԱԶՄԱԿԵՐՊՄԱՆ ԵՎ ԻՐԱԿԱՆԱՑՄԱՆ ՄԻՋՈՑԱՌՈՒՄՆԵՐԻ

NN ը/կ	Միջոցառման անվանումը	Իրականացման ժամկետը
1.	Հարկային մարմնի գործառույթների հստակեցման շրջանակներում հարկային տեսչությունների գործառույթներից հարկ վճարողների սպասարկման գործառույթների տարանջատում, տվյալների մշակման և վերլուծությունների իրականացման բաժնի գործառույթների հստակեցում: Այդ նպատակով`
	- Երևանի հարկային տեսչություններում կառուցվածքային փոփոխությունների իրականացում` հարկ վճարողների սպասարկման և տվյալների մշակման բաժինների վերակազմակերպում տեղեկատվության և վերլուծության բաժնի	2011 թ.
	- հարկ վճարողների սպասարկման հետևյալ գործառույթների կենտրոնացում սպասարկման կենտրոններում`  հարկային վարչարարությունը կարգավորող իրավական ակտերի ձեռքբերման, դրանց հիմնական դրույթների մասին տեղեկատվության տրամադրում, իր իրավասությունների շրջանակներում դրանց պարզաբանումների վերաբերյալ տեղեկատվության տրամադրում, հաշվետվությունների լրացման հետ կապված հարցերում աջակցություն, դրանց ներկայացման և հարկերի վճարման վերաբերյալ բացատրական աշխատանքների իրականացում, հաշվետվությունների էլեկտրոնային եղանակով ներկայացման պայմանագրի կնքման գործընթացի ապահովում, հարկ վճարողին էլեկտրոնային ծածկագրի և գաղտնաբառի տրամադրում, համապատասխան համակարգչային ծրագրերի և սարքերի (տերմինալ) միջոցով էլեկտրոնային հաշվետվությունների հանձնման հնարավորությունների ապահովում, նորաստեղծ հարկ վճարողներին աջակցելու նպատակով այցելություններ, հարկ վճարողների համար սեմինարների կազմակերպում և անցկացում	2012-2013 թթ.
	- տեղեկատվական և վերլուծական կենտրոնների վերլուծությունների համար անհրաժեշտ մեթոդական ուղեցույցների պատրաստում	2011 թ.
2.	Հաշվետվությունների էլեկտրոնային ներկայացման լիարժեք համակարգի ներդրում	2012 թ.
3.	Հարկ վճարողների սպասարկմանն օժանդակելուն ուղղված հեռախոսազանգերի ժամանակակից կենտրոնի (Call Center) գործարկում` մատուցվող ծառայությունների հետագա կատարելագործմամբ	2011 թ.
4.	ՀՀ ԿԱ ՊԵԿ-ի հարկային բարեփոխումների 2011-2013 թթ. ծրագրից բխող` վերադաս և տարածքային հարկային մարմինների կառուցվածքային բարեփոխումներ` կրճատելով նաև հարկային տեսչությունների քանակը	2013 թ.
5.	Միջազգային առաջավոր փորձի հիման վրա հարկային մարմնում ներքին աուդիտի նոր, ամբողջական համակարգի ներդրում և կատարելագործում	2012 թ.
6.	Հարկ վճարողների ինքնագնահատման և հարկային պարտավորությունների կամավոր կատարման ապահովման մեխանիզմների ներդրում
	1) հարկ վճարողների էլեկտրոնային հաշվառում, նույնականացում	ֆինանսավորումից 6 ամիս հետո
	2) հաշվետվությունների, հայտարարագրերի, տեղեկությունների և այլ փաստաթղթերի ընդունում և էլեկտրոնային մշակում	ֆինանսավորումից 6 ամիս հետո
	3) վերլուծական կարողությունների ուժեղացում	2013 թ.
	4) հարկային մարմնում առկա տվյալների հիման վրա ստացվող վերլուծական և վիճակագրական հաշվետվությունների ավելացում, նոր հաշվետվությունների ներդնում	2012 թ.
	5) անձնական հաշվի քարտերի էլեկտրոնային վարում	2012 թ.
	6) ավելացված արժեքի հարկի գերավճարների վերադարձ և հարկային գերավճարների հաշվանցում	2012 թ.
	7) դրամարկղային մեքենաների, գրանցման գրքերի, դրամարկղային գրքերի հաշվառման ավտոմատացված վարում	2012 թ.
	8) ՀՀ ԿԱ ՊԵԿ-ի շտեմարաններում օգտագործվող ծրագրային միջոցների լիցենզիաների ձեռքբերում	ֆինանսավորումից 6 ամիս հետո
7.	Ռիսկային գործոնների կառավարման վրա հիմնված ժամանակակից հարկային հսկողության ապահովում
	1) ռիսկային չափանիշների հիման վրա ստուգման ենթակա հարկ վճարողների ընտրության համակարգի կատարելագործում` ինտեգրելով այն սույն կետի 2-րդ և 3-րդ մասերում ներգրավված գործընթացներին	2012 թ.
	2) 3-րդ անձանցից ստացվող տեղեկությունների մշակում	2012 թ.
	3) կենտրոնական գանձապետարանից ստացված տվյալների ավտոմատացված գրանցում	2012 թ.
	4) կամերալ ուսումնասիրությունների ավտոմատացված ծրագիր	2012 թ.
	5) հարկային մարմնի կողմից հարկային պարտավորությունների ստուգման, ուսումնասիրության և վերագնահատման աշխատանքների նոր որակական աստիճանի ապահովում, հարկային պարտավորությունների հաշվարկման անուղղակի մեթոդների կիրառման կատարելագործում	2013թ.
	6) ստուգման ակտերի էլեկտրոնային լրացում	2012 թ.
	7) իրավախախտումների հաշվառում, հայցային աշխատանքների կազմակերպում, հարկադիր գանձումների և հարկ վճարողին ծանուցումների ավտոմատացված ներկայացման համակարգ	2012թ.
8.	Հերթերի կառավարման համակարգի ներդրում	ֆինանսավորումից 18 ամիս հետո
9.	Տվյալների մշակման կենտրոնի (սերվերային սենյակ) ստեղծում	ֆինանսավորումից 9 ամիս հետո
10.	Համալրված համակարգի տեխնիկական ապահովման հզորացում	ֆինանսավորումից 9 ամիս հետո
11.	Գործընթացների միասնական կառավարման և էլեկտրոնային արխիվի համակարգերի ստեղծում	ֆինանսավորումից 18 ամիս հետո
12.	Պահուստային տվյալների մշակման կենտրոնի ստեղծում	ֆինանսավորումից 12 ամիս հետո
13.	Ներքին ցանցի վերազինում և արդիականացում	ֆինանսավորումից 6 ամիս հետո
14.	Հարկերի էլեկտրոնային վճարումների համակարգի ներդնում	ֆինանսավորումից 9 ամիս հետո
15.	Տեղեկատվական տեխնոլոգիաների համակարգերի ներքին աուդիտի ներդնում	ֆինանսավորումից 6 ամիս հետո
16.	ԻՊ (IP) հեռախոսակապի ներդրում ՀՀ ԿԱ ՊԵԿ-ում	ֆինանսավորումից 3 ամիս հետո
17.	Տվյալների մշակման միասնական շտեմարանի (Data Warehouse) ստեղծում` ներառյալ նախագծումը և տարբեր համակարգերից տվյալների տեղափոխումը	ֆինանսավորումից 6 ամիս հետո
18.	ՀՀ ԿԱ ՊԵԿ-ի համակարգիչների փոխարինում դյուրակիր համակարգիչներով (thin client)	ֆինանսավորումից 6 ամիս հետո
19.	Մարդկային ռեսուրսների կառավարման և կատարողականի գնահատման ավտոմատ համակարգեր	ֆինանսավորումից 6 ամիս հետո
20.	Հարկային ծառայողների ընթացիկ ուսումնական և իրազեկման միջոցառումների կազմակերպման համար` Երևանում ՀՀ ԿԱ ՊԵԿ-ի ուսումնական կենտրոնի գործարկում	2012 թ.
21.	Հարկային ծառայողների երկարաժամկետ ուսումնական միջոցառումների կազմակերպման համար` Դիլիջանում ՀՀ ԿԱ ՊԵԿ-ի ուսումնական կենտրոնի գործարկում	2012 թ.

Հայաստանի Հանրապետության կառավարության աշխատակազմի ղեկավար

Դ. Սարգսյան