«Գրանցված է»

ՀՀ արդարադատության

նախարարության կողմից

21 մարտի 2011 թ.

Պետական գրանցման թիվ 33011144

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ	ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՓՈԽՎԱՐՉԱՊԵՏ, ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ	ՍՊՈՐՏԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐ
28 դեկտեմբերի 2010 թ. N 19-Ն	28 դեկտեմբերի 2010 թ. N 4-Ն

 Հ Ա Մ Ա Տ Ե Ղ  Հ Ր Ա Մ Ա Ն

ՍՊՈՐՏԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ ՄԵԹՈԴԱԿԱՆ ՈՒՂԵՑՈՒՅՑԸ ՀԱՍՏԱՏԵԼՈՒ ՄԱՍԻՆ

Համաձայն «Իրավական ակտերի մասին» Հայաստանի Հանրապետության օրենքի 72-րդ հոդվածի 1-ին մասի և Հայաստանի Հանրապետության կառավարության 2009 թվականի մայիսի 21-ի N 562-Ն որոշմամբ հաստատված N 1 հավելվածի 6-րդ կետի՝

Հրամայում ենք.

1. Հաստատել սպորտի և երիտասարդության հարցերի բնագավառում Հայաստանի Հանրապետության մարզպետների կողմից կատարված աշխատանքների գնահատման չափորոշիչների մեթոդական ուղեցույցը` համաձայն հավելվածի:

2. Ուժը կորցրած ճանաչել Հայաստանի Հանրապետության սպորտի և երիտասարդության հարցերի նախարարի 2009 թվականի սեպտեմբերի 9-ի N 2-Ն և Հայաստանի Հանրապետության տարածքային կառավարման նախարարի 2009 թվականի սեպտեմբերի 9-ի N 24-Ն համատեղ հրամանը:

ՀՀ փոխվարչապետ, տարածքային կառավարման նախարար ___________ Ա. Գևորգյան

ՀՀ սպորտի և երիտասարդության հարցերի նախարար ___________ Ա. Պետրոսյան

Հավելված ՀՀ տարածքային կառավարման նախարարի 2010 թվականի դեկտեմբերի 28-ի N 19-Ն և ՀՀ սպորտի և երիտասարդության հարցերի նախարարի 2010 թվականի դեկտեմբերի 28-ի N 4-Ն համատեղ հրամանի

ՄԵԹՈԴԱԿԱՆ ՈՒՂԵՑՈՒՅՑ

ՍՊՈՐՏԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ

1. Սույն մեթոդական ուղեցույցը սահմանում է Հայաստանի Հանրապետության մարզպետների` մարզերի տարածքում սպորտի և երիտասարդության հարցերի բնագավառում կատարված աշխատանքների լիարժեքության գնահատման ընթացակարգը:

2. Սպորտի և երիտասարդության հարցերի բնագավառում Հայաստանի Հանրապետության մարզպետների աշխատանքներ են համարվում Հայաստանի Հանրապետության օրենսդրությամբ մարզպետներին վերապահված լիազորությունների իրականացման արդյունքում կատարված աշխատանքները:

3. Գործառույթի նպատակն է գնահատման միջոցով իրականացնել մարզի բնակչության՝

1) ֆիզիկական ակտիվության, առողջության և ակտիվ կենսակերպի ամրապնդումը, անհատի ներդաշնակ զարգացումը, աշխատունակության բարձրացումը և երկարակեցության ապահովումը.

  2) տարիքային և սոցիալական տարբեր խմբերի անձանց համար ֆիզիկական դաստիարակության անընդհատությունը և ֆիզիկական կուլտուրայով ու սպորտով զբաղվելու մատչելիությունը.

  3) հայրենիքի պաշտպանությանը պատրաստ երիտասարդության ֆիզիկական պատրաստականության ապահովումը.

4) երիտասարդ քաղաքացիների զբաղվածության տարածքային քաղաքականության իրականացումը:

4. Մարզպետի կողմից կատարված աշխատանքների գնահատումը կատարվում է աղյուսակ 1-ին համապատասխան:

Աղյուսակ 1

N	Չափորոշիչները	Առավելագույն գնահատման միավորը	Ենթաչափորոշիչներ	Գնահա- տականը	Գնահատման միավորները
1.	Հայաստանի Հանրապետության օրենքների, Հայաստանի Հանրապետության Նախագահի հրամանագրերի, կարգադրությունների, կառավարության և վարչապետի որոշումների և այլ նորմատիվ իրավական ակտերի կատարման ապահովում, ինչպես նաև օրենսդրության կատարելագործման վերաբերյալ առաջարկությունների ներկայացում	1			Չի կատարվել	Ընթացքի մեջ է		Ապահովել է կատարումը
			«Ֆիզիկական կուլտուրայի և սպորտի մասին» ՀՀ օրենքի 10-րդ հոդվածի պահանջների կատարում	0.4	0	0.2		0.4
			«Մանկապատանեկան սպորտի մասին» ՀՀ օրենքի 6-րդ, 7-րդ, 8-րդ, 9-րդ հոդվածների պահանջների կատարում	0.4	0	0.2		0.4
			ՀՀ Նախագահի 2004 թվականի մայիսի 20-ի ՆԿ-113-Ն կարգադրության պահանջների կատարում	0.2	0	0.1		0.2
2.	Հանրապետական գործադիր մարմինների հետ համագործակցության ապահովում և դրանց քննարկմանը վերջիններիս իրավասությանը վերաբերող մարզին առնչվող հարցերի ներկայացում	0.3		0.3	Համագործակ- ցություն տեղի չի ունեցել	Տեղի են ունեցել քննարկումներ		Իրականացվել է համագործակցություն մարզին առնչվող հարցերի վերաբերյալ
					0	0.1		0.2
3.	Ֆիզիկական ակտիվության, առողջության և ակտիվ կենսակերպի ամրապնդման, անհատի ներդաշնակ զարգացման, աշխատունակության բարձրացման և երկարակեցության ապահովում	1.3	Ֆիզիկական ակտիվության զարգացման բնագավառում մարզպետի ձեռնարկած միջոցառումները պետական բյուջեի, դրամաշնորհների, իրավաբանական կամ ֆիզիկական անձանց օգնությամբ կատարված ներդրում	0.2	Միջոցառումներ չեն ձեռնարկվել	Ընթացքի մեջ է		Կատարվել է
					0	0.08		0.2
			Քաղաքի կամ գյուղի պլանավորված հատակագծով նախատեսված շրջակա միջավայրի կանաչապատման, խաղահրապարակների, սպորտով զբաղվելու գոտիների, զբոսայգիների, հետիոտնի համար նախատեսված ճանապարհների պահպանում և ավելացում (հաշվի է առնվել, որ մարզի բնակչության ֆիզիկական ակտիվությունը կախված է մարզի շրջակա միջավայրի վիճակից)	0.5	Անբարվոք վիճակ	Պահպանվել և ավելացել են
					0	0.5
			Նախատեսվել և կազմակերպվել են «Ֆիզկուլտուրայի օր», «Ֆիզիկական ակտիվության մարզային օր» և այլ միջոցառումներ	0.03	Չի նախատեսվել	Նախատեսվել, բայց չի կազմակերպվել	Կազմակերպվել է (միջոցառման անվանումը)
					0	0.01	0.03
			Սպորտի և ակտիվ կենսակերպի հարցերով զբաղվող կազմակերպությունների հետ համատեղ կազմակերպված և իրականացված ֆիզիկական ակտիվության հնարավորությունների բարելավման և սոցիալական համախմբվածության ամրապնդմանն ուղղված ծրագիր (ծրագրեր)	0.16	Չի կատարվել	Ընթացքի մեջ է	Կատարվել է
					0	0.06	0.16
			Անվտանգ զբոսայգիների, ոտքով և հեծանվով երթևեկելու համար նախատեսված ճանապարհների, խաղահրապարակների, սահադաշտերի, լողավազանների և ֆիզկուլտուրայով ու սպորտով զբաղվելու այլ հնարավորությունների, հովանավորչական միջոցներով իրականացվող և իրականացված ծրագրերի, մարզական միջոցառումների մասին տեղեկատվության տեղադրումը մարզի կայքէջում, ներկայացում լրատվամիջոցներին	0.1	Չի կատարվել	Ընթացքի մեջ է, աշխատանքները ավարտվելուց հետո կտեղադրվի կայքէջում	Կատարվել է: Տեղադրվել է մարզի կայքէջում և ներկայացվել է լրատվական միջոցներին
					0	0.02	0.05
			ՀՀ օրենսդրությամբ նախատեսված ֆիզկուլտուրայի պարապմունքների ընդգրկվածություն բոլոր դասարանների դասացուցակներում	0.3	Միջոցներ չեն ձեռնարկվել	Միջոցներ են ձեռնարկվել, բայց դասացուցակում ընդգրկված չեն	Միջոցներ են ձեռնարկվել, ընդգրկված են շաբաթական 3 ժամ՝ բոլոր դասարանների դասացուցակում
					0	0.1	0.3
			Արտադպրոցական և արտադասարանական մարզական պարապմունքների, խմբերի և մասնակիցների քանակը	0.01	Դպրոցի աշակերտների մինչև 20%-ը	Դպրոցի աշակերտների 20-60% -ը	Դպրոցի աշակերտների 60%-ը և 60%-ից ավել
					0	0.005	0.01
4.	Տարիքային և սոցիալական տարբեր խմբերի անձանց համար ֆիզիկական դաստիարակության անընդհատության և ֆիզիկական կուլտուրայով ու սպորտով զբաղվելու մատչելիության ապահովում	1.1	Գործող մարզադպրոցի սաների բժշկական զննումները իրականացվում են սահմանված կարգով, ինչպես նաև մարզադպրոցներին գույքային ծրագրի շրջանակում գույքով ապահովելու համար ներկայացրել է հայտ և ապահովել է գույքով	0.5	Բժշկական զննումներ չեն իրականացվել	Բժշկական զննումներ չեն իրականացվել, բայց գույքով ապահովելու համար ներկայացվել է հայտ	Իրականացվել են բժշկական զննումներ, ապահովել է գույքով
					0	0.2	0.5
			Ֆիզիկական կուլտուրայի հայկական պետական ինստիտուտ նպատակային ընդունելության համար ներկայացված անձանց թիվը և վերապատրաստման դասընթացների կազմակերպման համար գործում ցուցաբերած աջակցությունը	0.5	Նպատակային ընդունելության համար ոչ մեկին չի ներկայացվել, վերապատ-րաստման համար աջակցություն ցույց չի տրվել	Նպատակային ընդունելության համար ներկայացվել է համապա- տասխան ցուցակ, վերապատ-րաստման համար անձինք չեն եղել	Ներկայացվել է մեկից ավելի անձանց, վերապատրաստ- ման համար ցուցաբերվել է աջակցություն
					0	0.3	0.5
			Քարոզչություն է իրականացրել և միջոցներ ձեռնարկել նախնական և միջին մասնագիտական կրթության ուսումնական հաստատություններ ընդունվելու նպատակով	0.1	Սովորել ցանկացողներ չկան, կադրերի պահանջարկ կա	Սովորում են	Սովորում են, համալրվել են կադրերով (պահանջարկ կա)
					0	0.05	0.1
5.	Երիտասարդ քաղաքացիների անմիջական մասնակցությամբ մշակված` երիտասարդության խնդիրներին առնչվող մարզային նշանակության ծրագրեր	0.3		0.3	Ծրագրեր չեն մշակվել	Ծրագրեր մշակվել են առանց երիտասարդ քաղաքացիների մասնակցության	Մշակվել են ծրագրեր երիտասարդ քաղաքացիների մասնակցությամբ, և ծրագրերն իրականացվել են
					0	0.15	0.3