ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

3 հունիսի 2011 թվականի N 504-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 2-րդ ենթակետի`

1. 2006 թվականի մարտի 29-ին Երևանում տեղի ունեցած` Հայաստանի Հանրապետության և Հունաստանի Հանրապետության միջև Տնտեսական, արդյունաբերական, տեխնիկական և գիտական համագործակցության համատեղ միջկառավարական հանձնաժողովի չորրորդ նիստի արձանագրության 6.1-ին կետի համաձայն հունական ապրանքային վարկի հետ կապված հարցը կարգավորելու նպատակով ստեղծել աշխատանքային խումբ` համաձայն հավելվածի:

2. Հայաստանի Հանրապետության արտաքին գործերի նախարարին` հունական կողմի հետ համաձայնեցնել աշխատանքային խմբի հանդիպման կազմակերպման հետ կապված հարցերը:

Հայաստանի Հանրապետության վարչապետ	Տ. Սարգսյան
2011 թ. հունիսի 3 Երևան

 

Հավելված  ՀՀ վարչապետի 2011 թ.   հունիսի 3-ի N 504-Ա  որոշման

Կ Ա Զ Մ

ԱՇԽԱՏԱՆՔԱՅԻՆ ԽՄԲԻ

Ա. Մարության	- ՀՀ ֆինանսների նախարարության աշխատակազմի    պետական պարտքի կառավարման վարչության    արտաքին պետական պարտքի կառավարման   բաժնի պետ-վարչության պետի տեղակալ   (աշխատանքային խմբի ղեկավար)
Տ. Սամվելյան	- ՀՀ արտաքին գործերի նախարարության   Եվրոպայի վարչության երկկողմ   հարաբերությունների երկրորդ բաժնի վարիչ
Վ. Մնացականյան	- ՀՀ կենտրոնական բանկի իրավաբանական  վարչության պետի տեղակալ (համաձայնությամբ)
Հ. Թոռչյան	- «Արդշինբանկ» ԲԲԸ-ի լուծարվող բանկի    լուծարային կառավարիչ (համաձայնությամբ)

Հայաստանի Հանրապետության կառավարության աշխատակազմի ղեկավար

Դ. Սարգսյան