ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

Ո Ր Ո Շ ՈՒ Մ

14 հուլիսի 2011 թվականի N 984-Ա

ԳՈՒՅՔ ՆՎԻՐԱԲԵՐԵԼՈՒ ՄԱՍԻՆ

Հայաստանի Հանրապետության քաղաքացիական օրենսգրքի 605-րդ հոդվածին և «Պետական կառավարչական հիմնարկների մասին» Հայաստանի Հանրապետության օրենքի 4-րդ հոդվածին համապատասխան` Հայաստանի Հանրապետության կառավարությունը որոշում է.

1. «Հայաստանի Հանրապետության տարածքային կառավարման նախարարության ջրային տնտեսության պետական կոմիտեի աշխատակազմ» պետական կառավարչական հիմնարկին ամրացված և «Գավառ» ջրօգտագործողների ընկերությանն անհատույց օգտագործման իրավունքով հանձնված`

1) 25850972 դրամ հաշվեկշռային արժեքով Գեղամազանգվածի պոմպակայանը (այսուհետ` գույք, N 2497721 վկայական, զբաղեցրած հողատարածքը 0.097 հեկտար, շինության մակերեսը 112.3 քառ. մետր) հետ վերցնել և Հայաստանի Հանրապետության օրենսդրությամբ սահմանված կարգով նվիրաբերել Հայաստանի Հանրապետության Գեղարքունիքի մարզի Գավառի քաղաքային համայնքին` պոմպակայանն իր նպատակային նշանակությանը համապատասխան օգտագործելու պայմանով.

2) 13599351 դրամ հաշվեկշռային արժեքով Գեղամազանգվածի ջրարբիացման համակարգը (այսուհետ` գույք, ճնշումային խողովակաշար, N 2423283 վկայական) հետ վերցնել և Հայաստանի Հանրապետության օրենսդրությամբ սահմանված կարգով նվիրաբերել Հայաստանի Հանրապետության Գեղարքունիքի մարզի Գավառի քաղաքային համայնքին` ջրարբիացման համակարգն իր նպատակային նշանակությանը համապատասխան օգտագործելու պայմանով.

3) 8404250 դրամ հաշվեկշռային արժեքով Սպիտակասարի ջրարբիացման համակարգը (այսուհետ` գույք, N 223282 վկայական, կապտաժի զբաղեցրած հողատարածքը 0.078 հեկտար, շինության մակերեսը 701 քառ.մետր) հետ վերցնել և Հայաստանի Հանրապետության օրենսդրությամբ սահմանված կարգով նվիրաբերել Հայաստանի Հանրապետության Գեղարքունիքի մարզի Գեղարքունիք և Լանջաղբյուր գյուղական համայնքներին՝ համաձայն NN 1 և 2 հավելվածների, ջրարբիացման համակարգն իր նպատակային նշանակությանը համապատասխան օգտագործելու պայմանով:

2. Հայաստանի Հանրապետության տարածքային կառավարման նախարարության ջրային տնտեսության պետական կոմիտեի նախագահին` Հայաստանի Հանրապետության օրենսդրությամբ սահմանված կարգով ապահովել սույն որոշման 1-ին կետում նշված գույքի մասով «Գավառ» ջրօգտագործողների ընկերության հետ կնքած պայմանագրի լուծումը, հանձնման-ընդունման աշխատանքների իրականացումը և նվիրաբերության պայմանագրերի կնքումը` դրանցում սահմանելով, որ սույն որոշման 1-ին կետում նշված գույքի նկատմամբ գույքային իրավունքների պետական գրանցման հետ կապված վճարները կատարվելու են Հայաստանի Հանրապետության Գեղարքունիքի մարզի Գավառի քաղաքապետարանի և Գեղարքունիք ու Լանջաղբյուր համայնքների միջոցների հաշվին` Հայաստանի Հանրապետության օրենսդրությամբ սահմանված կարգով:

Հայաստանի Հանրապետության վարչապետ	Տ. Սարգսյան
2011 թ. հուլիսի 22 Երևան

Հավելված N 1  ՀՀ կառավարության 2011 թվականի  հուլիսի 14-ի N 984-Ա որոշման

Ց Ա Ն Կ

Հայաստանի Հանրապետության Գեղարքունիքի մարզի Գեղարքունիքի համայնքին նվիրաբերվող գույքի

NN ը/կ	Անվանումը	Հաշվեկշռային արժեքը (դրամ)
1.	Փական PY-16 (1հատ) d=100	2909
2.	Կապտաժ (1հատ) մ/բ, երկարությունը` 52մ, պատի հաստությունը`0.6մ, բարձրությունը`1.6մ, սալահատակ (լայնությունը`15մ)	4576000
3.	Ջրընդունիչ ավազան (1հատ) 3.8x1.5x2մ(H),մ/բ, ե/բ ծածկով, պատի հաստությունը`0.4մ	96717
4.	Խողովակաշար Պողպատե d=114-152մմ, 3000 գմ	630000
5.	Խողովակաշար Պողպատե d=100մմ, 6100 գմ	1281000
	Ընդամենը	6586626

Հայաստանի Հանրապետության կառավարության աշխատակազմի ղեկավար

Դ. Սարգսյան

  

Հավելված N 2  ՀՀ կառավարության 2011 թվականի  հուլիսի 14-ի N 984-Ա որոշման

Ց Ա Ն Կ

Հայաստանի Հանրապետության Գեղարքունիքի մարզի Լանջաղբյուրի համայնքին նվիրաբերվող գույքի

NN ը/կ	Անվանումը	Հաշվեկշռային արժեքը (դրամ)
1.	Փական PY-16 (1հատ) d=100	2909
2.	Մարման հոր (1հատ) 2մx2մx1.5մ(H),մ/բ, ե/բ ծածկ, պատի հաստությունը`0.4մ	36333
3.	Բաժանարար հոր (1հատ) 2մx2մx1.5մ(H),մ/բ, ե/բ ծածկ, պատի հաստությունը`0.4մ	36333
4.	Խողովակաշար Պողպատե d=114-152մմ, 1740 գմ	365400
5.	Խողովակաշար Պողպատե d=100մմ, 4100 գմ	1025000
6.	Խողովակաշար Ազբեստյա d=100մմ, 3330 գմ	351649
	Ընդամենը	1817624

Հայաստանի Հանրապետության կառավարության աշխատակազմի ղեկավար

Դ. Սարգսյան