«Գրանցված է»

ՀՀ արդարադատության

նախարարության կողմից

30 նոյեմբերի 2009 թ.

Պետական գրանցման թիվ 12109418

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ՓՈԽՎԱՐՉԱՊԵՏ, ՏԱՐԱԾՔԱՅԻՆ ԿԱՌԱՎԱՐՄԱՆ ՆԱԽԱՐԱՐ   9 սեպտեմբերի 2009 թ. N 23-Ն

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ   ԳՅՈՒՂԱՏՆՏԵՍՈՒԹՅԱՆ ՆԱԽԱՐԱՐ     9 սեպտեմբերի 2009 թ. N 218-Ն

Հ Ա Մ Ա Տ Ե Ղ  Հ Ր Ա Մ Ա Ն

ԳՅՈՒՂԱՏՆՏԵՍՈՒԹՅԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ ՄԵԹՈԴԱԿԱՆ ՈՒՂԵՑՈՒՅՑԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Հայաստանի Հանրապետության կառավարության 2009 թվականի մայիսի 1‑ «Հայաստանի Հանրապետության մարզպետների կողմից կատարված աշխատանքների գնահատման կարգը, Հայաստանի Հանրապետության մարզպետների կողմից կատարված աշխատանքների գնահատման չափորոշիչները, ինչպես նաև դրանց հիման վրա ձևավորվող գնահատականների միավորները հաստատելու մասին» թիվ 562-Ն որոշմամբ (այսուհետ` Որոշում) հաստատված N 1 հավելվածի 6‑րդ կետը.

Հրամայում ենք՝

հաստատել Որոշմամբ հաստատված N 2 հավելվածի գնահատման հիմնական չափորոշիչներ սյունակի 3-րդ և լրացուցիչ չափորոշիչներ սյունակի 3.1 և 3.3 կետերի` գյուղատնտեսության բնագավառում Հայաստանի Հանրապետության մարզպետների կողմից կատարված աշխատանքների գնահատման չափորոշիչների մեթոդական ուղեցույցը` համաձայն հավելվածի:

ՀՀ փոխվարչապետ, տարածքային կառավարման նախարար	ՀՀ գյուղատնտեսության նախարար
Ա. Գևորգյան	Գ. Ալավերդյան

Հավելված ՀՀ փոխվարչապետ, տարածքային կառավարման նախարարի 2009 թվականի սեպտեմբերի 8-ի թիվ 23-Ն և ՀՀ գյուղատնտեսության նախարարի 2009 թվականի սեպտեմբերի 8-ի թիվ 218-Ն համատեղ հրամանի

Մ Ե Թ Ո Դ Ա Կ Ա Ն  ՈՒ Ղ Ե Ց ՈՒ Յ Ց

ԳՅՈՒՂԱՏՆՏԵՍՈՒԹՅԱՆ ԲՆԱԳԱՎԱՌՈՒՄ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՐԶՊԵՏՆԵՐԻ ԿՈՂՄԻՑ ԿԱՏԱՐՎԱԾ ԱՇԽԱՏԱՆՔՆԵՐԻ ԳՆԱՀԱՏՄԱՆ ՉԱՓՈՐՈՇԻՉՆԵՐԻ

1. Սույն մեթոդական ուղեցույցը բնութագրում է գյուղատնտեսության բնագավառում մարզպետների գնահատման հիմնական և լրացուցիչ չափորոշիչները։

Հիմնական չափորոշիչները սահմանող մոտեցումները

2. Հայաստանի Հանրապետության Նախագահի 1997 թվականի մայիսի 6-ի «Հայաստանի Հանրապետության մարզերում պետական կառավարման մասին» ՆՀ-728 հրամանագրով սահմանված գյուղատնտեսության բնագավառում մարզպետի կողմից կատարված աշխատանքները՝ ըստ գործունեության ուղղությունների, գնահատվում է՝

(գնահատման առավելագույն միավորը` 4)

1) Իրականացնում է մարզային նշանակության ոռոգման ցանցերի կառուցումը, պահպանումը և շահագործումը, միջոցներ է ձեռնարկում հանրապետական նշանակության ոռոգման համակարգերի նպատակային շահագործման ուղղությամբ:

(առավելագույն ընդհանուր գնահատականը` 0.6)

Տվյալ գործունեության գնահատման համար ելակետ պետք է հանդիսանան հետևյալ ցուցանիշները և պայմանները.

ա. գնահատվող տարում նախորդ տարվա համեմատությամբ մարզում ոռոգելի հողատարածությունների ավելացում.

(հնարավոր գնահատականը` 0; 0.05; 0.1; 0.15; 0.2)

բ. մարզում գնահատվող տարում ոռոգման միջտնտեսային (երկրորդական) և ներտնտեսային (երրորդական) ցանցերի երկարության փոփոխություն.

(հնարավոր գնահատականը` 0; 0.05; 0.1)

գ. ոռոգման նոր տեխնոլոգիաների կիրառման ուղղությամբ մարզում առկա տեղաշարժեր.

(հնարավոր գնահատականը` 0; 0.05; 0.1)

դ. գնահատվող տարում ոռոգման համակարգի բարելավմանն ուղղված նոր ծրագրերի առկայություն։

(հնարավոր գնահատականը` 0; 0.05; 0.1; 0.15; 0.2)

2) Աջակցում է գյուղատնտեսական մշակաբույսերի հիվանդությունների և վնասատուների, մոլախոտերի դեմ պայքարի, կարանտինային պահանջների կատարման և ագրոկանոնների պահպանմանն ուղղված աշխատանքները:

(առավելագույն ընդհանուր գնահատականը` 0.7)

Տվյալ գործունեության գնահատման համար ելակետ պետք է հանդիսանան հետևյալ ցուցանիշները և պայմանները.

ա. գնահատվող տարում գյուղատնտեսական մշակաբույսերի հիվանդությունների և վնասատուների դեմ պայքարի պետական ծրագրերի իրականացման արդյունքներ.

(հնարավոր գնահատականը` 0; 0.05; 0.1; 0.15; 0.2; 0.25; 0.3; 0.35)

բ. գնահատվող տարում ագրոտեխնիկական միջոցառումների, նոր տեխնոլոգիաների ներդրմանն ուղղված ծրագրերի առկայություն:

(հնարավոր գնահատականը` 0; 0.05; 0.1; 0.15; 0.2; 0.25; 0.3; 0.35)

3) Համակարգում է մարզի տարածքում անասնաբուժական ծառայության, հակահամաճարակային միջոցառումների իրականացման և կենդանիների հիվանդությունների կանխման ու վերացման աշխատանքները:

(առավելագույն ընդհանուր գնահատականը` 0.8)

Տվյալ գործունեության գնահատման համար ելակետ պետք է հանդիսանան հետևյալ ցուցանիշները և պայմանները.

ա. գնահատվող տարում գյուղատնտեսական կենդանիների համաճարակային հիվանդությունների բռնկման դեպքում դրանց կանխմանն ուղղված միջոցառումների արդյունքներ.

(հնարավոր գնահատականը` 0; 0.05; 0.1; 0.15; 0.2; 0.25; 0.3; 0.35)

բ. գնահատվող տարում գյուղատնտեսական կենդանիների հակահամաճարակային միջոցառումների պետական ծրագրերով նախատեսվող միջոցառումների իրականացման արդյունքներ.

(հնարավոր գնահատականը` 0; 0.05; 0.1; 0.15; 0.2; 0.25)

գ. գյուղական համայնքների անասնաբույժների կողմից պատվիրակված լիազորությունների իրականացման արդյունքներ:

(հնարավոր գնահատականը` 0; 0.05; 0.1; 0.15; 0.2)

4) Աջակցում է գյուղացիական տնտեսություններին, ագրարային ոլորտում տնտեսավարող այլ սուբյեկտներին` արտադրության կազմակերպման և զարգացման գործում:

(առավելագույն ընդհանուր գնահատականը` 0.6)

Տվյալ գործունեության գնահատման համար ելակետ պետք է հանդիսանան հետևյալ ցուցանիշները և պայմանները.

ա. գնահատվող տարում մարզպետարանի կողմից գյուղատնտեսության ոլորտում աջակցության ծրագրերի առկայություն և դրանց իրականացման արդյունքներ.

(հնարավոր գնահատականը ` 0; 0.05; 0.1; 0.15; 0.2; 0.25; 0.3; 0.35; 0.4)

բ. գնահատվող տարում նախորդ տարվա համեմատությամբ մարզի տարածքում գյուղատնտեսության ոլորտում աջակցության ծրագրի ծավալի աճ։

(հնարավոր գնահատականը` 0; 0.05; 0.1; 0.15; 0.2)

5) Համակարգում է մարզի տարածքում ջրատնտեսական և ոռոգման կազմակերպությունների գործունեությունը:

(առավելագույն ընդհանուր գնահատականը` 0.5)

Տվյալ գործունեության գնահատման համար ելակետ պետք է հանդիսանան հետևյալ ցուցանիշները և պայմանները.

ա. մարզի տարածքում ջրատնտեսական և ոռոգման կազմակերպությունների գործունեության վիճակ.

(հնարավոր գնահատականը` 0; 0.05; 0.1; 0.15; 0.2)

բ. գնահատվող տարում մարզում ոռոգման ջրի մատակարարման ժամկետների և ծավալների պահպանում:

(հնարավոր գնահատականը` 0; 0.05; 0.1; 0.15; 0.2; 0.25; 0.3)

6) Համակարգում է մարզի տարածքում սերմնաբուծական կազմակերպությունների, տոհմաբուծարանների և արհեստական սերմնավորման կայանների գործունեությունը:

(առավելագույն ընդհանուր գնահատականը` 0.8)

Տվյալ գործունեության գնահատման համար ելակետ պետք է հանդիսանան հետևյալ ցուցանիշները և պայմանները.

ա. գնահատվող տարում մարզի տարածքում սերմնաբուծական և տոհմաբուծական գործառույթ իրականացնող կառույցների թվաքանակի աճ.

(հնարավոր գնահատականը` 0; 0.05; 0.1; 0.15; 0.2)

բ. գնահատվող տարում մարզի տարածքում սերմնաբուծական տնտեսությունների արտադրական ցուցանիշների բարելավում.

(հնարավոր գնահատականը` 0; 0.05; 0.1; 0.15; 0.2; 0.25; 0.3)

գ. գնահատվող տարում մարզի տարածքում տոհմաբուծական տնտեսությունների արտադրական ցուցանիշների բարելավում:

(հնարավոր գնահատականը` 0; 0.05; 0.1; 0.15; 0.2; 0.25; 0.3)

Գնահատման ամփոփ միավորները կլորացվում են 0.5 ճշտությամբ:

Լրացուցիչ չափորոշիչները սահմանող մոտեցումները

3. Գյուղատնտեսության բնագավառում կատարված աշխատանքներ

1) Մարզում մշակվող գյուղատնտեսական նշանակության հողերի ծավալի փոփոխություն։

(գնահատման առավելագույն միավորը` 3)

Տվյալ գործունեության գնահատման համար ելակետ պետք է հանդիսանան հետևյալ ցուցանիշները և պայմանները.

ա. մարզում նախորդ տարվա համեմատությամբ վարելահողերի նպատակային օգտագործման մակարդակի բարձրացում.

(հնարավոր գնահատականը` 0; 0.1; 0.2; 0.3; 0.4; 0.5; 0.6; 0.7; 0.8; 0.9; 1)

բ. նախորդ տարվա համեմատությամբ ցանքատարածությունների ավելացում.

(հնարավոր գնահատականը` 0; 0.1; 0.2; 0.3; 0.4; 0.5; 0.6; 0.7; 0.8; 0.9; 1)

գ. նախորդ տարվա համեմատությամբ ցանքատարածությունների կառուցվածքի բարելավում (ինտենսիվ մշակաբույսերի տեսակարար կշռի ավելացում):

(հնարավոր գնահատականը` 0; 0.1; 0.2; 0.3; 0.4; 0.5; 0.6; 0.7; 0.8; 0.9; 1)

2) Գյուղատնտեսական մթերքների իրացմանն աջակցություն։

(գնահատման առավելագույն միավորը` 2)

Տվյալ գործունեության գնահատման համար ելակետ պետք է հանդիսանան հետևյալ ցուցանիշները և պայմանները.

ա. նախորդ տարվա համեմատությամբ գյուղատնտեսական հիմնական մթերքների ապրանքայնության մակարդակի բարձրացում

(հնարավոր գնահատականը` 0; 0.1; 0.2; 0.3; 0.4)

բ. գյուղատնտեսական մթերքների իրացմանն աջակցության ծրագրերի առկայությունը և դրանց իրականացման ընթացքը.

(հնարավոր գնահատականը` 0; 0.1; 0.2; 0.3; 0.4)

գ. նախորդ տարվա համեմատությամբ գյուղատնտեսական կարևորագույն մթերքների արտադրության ծավալների աճ.

(հնարավոր գնահատականը` 0; 0.1; 0.2; 0.3; 0.4)

դ. նոր ստեղծվող գյուղատնտեսական մթերքներ վերամշակող ընկերությունների թվաքանակի աճ.

(հնարավոր գնահատականը` 0; 0.1; 0.2; 0.3; 0.4)

ե. նախորդ տարվա համեմատությամբ գյուղմթերքների մթերումների ծավալի փոփոխություն:

(հնարավոր գնահատականը` 0; 0.1; 0.2; 0.3; 0.4)

Գնահատման ամփոփ միավորները կլորացվում են 0.5 ճշտությամբ: