ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

4 մայիսի 2011 թվականի N 389-Ա

Պ. ՍԱՖԱՐՅԱՆԻՆ ԳԵՐՄԱՆԻԱՅԻ ԴԱՇՆԱՅԻՆ ՀԱՆՐԱՊԵՏՈՒԹՅԱՆ ՀԵՍՍԵՆԻ ԵՐԿՐԱՄԱՍ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի`

1. Հայաստանի Հանրապետության ֆինանսների նախարարի առաջին տեղակալ Պ. Սաֆարյանին 2011 թվականի մայիսի 10-13-ը գործուղել Գերմանիայի Դաշնային Հանրապետության Հեսսենի երկրամաս` «Աջակցություն Հայաստանի Հանրապետության Ազգային ժողովին և Հայաստանի Հանրապետության վերահսկիչ պալատին ծրագրային բյուջետավորման իրականացման գործընթացում» երկկողմանի և «Հարավային Կովկասում տնտեսության խթանումը» տարածաշրջանային ծրագրերի շրջանակներում աշխատանքային-ծանուցողական այցին մասնակցելու համար:

2. Ընդունել ի գիտություն, որ Պ. Սաֆարյանի` Գերմանիայի Դաշնային Հանրապետության Հեսսենի երկրամաս գործուղման հետ կապված ծախսերը կատարվելու են Գերմանիայի միջազգային համագործակցության ընկերության հաշվին:

3. Հայաստանի Հանրապետության ֆինանսների նախարար Վ. Գաբրիելյանին՝ ապահովել գործուղումից վերադառնալուց հետո եռօրյա ժամկետում Պ. Սաֆարյանի՝ Գերմանիայի Դաշնային Հանրապետության Հեսսենի երկրամաս գործուղման արդյունքների մասին հաշվետվությունը Հայաստանի Հանրապետության կառավարության աշխատակազմ ներկայացնելը։

Հայաստանի Հանրապետության վարչապետ	Տ. Սարգսյան
2011 թ. մայիսի 4 Երևան