ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

23 հոկտեմբերի 2014 թվականի N 1036-Ա

ԱՇԽԱՏԱՆՔԱՅԻՆ ԽՈՒՄԲ ՍՏԵՂԾԵԼՈՒ ՄԱՍԻՆ

Ղեկավարվելով Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրով սահմանված կարգի 121-րդ կետի 2-րդ ենթակետի պահանջներով`

1. Երևան քաղաքի Ազատության 21ա հասցեում գտնվող հանրակացարանի 5 բնակարանների հարցը քննարկելու և լուծման ուղիներ փնտրելու նպատակով ստեղծել աշխատանքային խումբ և հաստատել դրա անհատական կազմը` համաձայն հավելվածի:

2. Աշխատանքային խմբի ղեկավարին` սույն որոշումն ուժի մեջ մտնելուց հետո մեկամսյա ժամկետում բազմակողմանիորեն քննարկել Երևան քաղաքի Ազատության 21ա հասցեում գտնվող հանրակացարանի չսեփականաշնորհված բնակարանների հարցը, մշակել լուծման հնարավոր տարբերակներ և ներկայացնել համապատասխան առաջարկություն:

Հայաստանի Հանրապետության վարչապետ	Հ. Աբրահամյան
2014 թ. հոկտեմբերի 23 Երևան

Հավելված ՀՀ վարչապետի 2014 թ. հոկտեմբերի 23-ի N 1036-Ա որոշման

Ա Ն Հ Ա Տ Ա Կ Ա Ն   Կ Ա Զ Մ

ԱՇԽԱՏԱՆՔԱՅԻՆ ԽՄԲԻ

Ա. Թառլամազյան	- ՀՀ կառավարությանն առընթեր պետական գույքի կառավարման վարչության աշխատակազմի պետական գույքի կառավարման քաղաքականության վարչության պետ (աշխատանքային խմբի ղեկավար)
Ս. Գլեչունց	- ՀՀ արդարադատության նախարարության աշխատակազմի իրավական ակտերի փորձաքննության գործակալության գերատեսչական նորմատիվ իրավական ակտերի փորձաքննության և գրանցման բաժնի պետ
Ա. Վարդանյան	- ՀՀ ֆինանսների նախարարության աշխատակազմի քաղաքացիական և վարչական գործերով պետական շահերի պաշտպանության բաժնի գլխավոր մասնագետ
Ն. Մուրազյան	- ՀՀ կառավարությանն առընթեր պետական գույքի կառավարման վարչության պետական գույքի կառավարման քաղաքականության և ծրագրերի մշակման բաժնի պետ
Ս. Հովհաննիսյան	- ՀՀ էկոնոմիկայի նախարարության աշխատակազմի պետական գույքի կառավարման հարցերով փորձագետ
Ս. Պարանյան	- ՀՀ էկոնոմիկայի նախարարության աշխատակազմի արդյունաբերության քաղաքականության վարչության գլխավոր մասնագետ

Հայաստանի Հանրապետության կառավարության աշխատակազմի ղեկավար-նախարար

Դ. Հարությունյան