ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

Ո Ր Ո Շ ՈՒ Մ

14 ապրիլի 2011 թվականի N 319-Ա

ՊԱՏՎԻՐԱԿՈՒԹՅՈՒՆ ՅԱԼԹԱ ԳՈՐԾՈՒՂԵԼՈՒ ՄԱՍԻՆ

Համաձայն Հայաստանի Հանրապետության Նախագահի 2007 թվականի հուլիսի 18-ի ՆՀ-174-Ն հրամանագրի 1-ին կետով սահմանված կարգի 121-րդ կետի 3-րդ ենթակետի՝

1. ԱՊՀ տնտեսական խորհրդի հերթական` 49-րդ նիստին, ինչպես նաև ԱՊՀ տնտեսական խորհրդի անդամների մասնակցությամբ կայանալիք «Գործնական հանդիպումներ» խորագրով ներդրումային համաժողովին մասնակցելու նպատակով 2011 թվականի ապրիլի 13-16-ը Յալթա (Ուկրաինա) գործուղել պատվիրակություն` համաձայն հավելվածի:

2. Ա. Գևորգյանի և Ս. Ամիրբեկյանի` 2011 թվականի ապրիլի 13-15-ը Յալթա գործուղման հետ կապված ծախսերը՝ համաձայն փաստացի կատարված ծախսերը հիմնավորող փաստաթղթերի, և Ա. Պետրոսյանի ու Գ. Քոչարյանի` Յալթա գործուղման հետ կապված ծախսերը կատարել Հայաստանի Հանրապետության 2011 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Հայաստանի Հանրապետության փոխվարչապետ, Հայաստանի Հանրապետության տարածքային կառավարման նախարար Ա. Գևորգյանին՝ գործուղումից վերադառնալուց հետո եռօրյա ժամկետում Հայաստանի Հանրապետության վարչապետին ներկայացնել Յալթա գործուղման արդյունքների մասին հաշվետվություն:

Հայաստանի Հանրապետության վարչապետ	Տ. Սարգսյան
2011 թ. ապրիլի 14 Երևան

Հավելված ՀՀ վարչապետի 2011 թ. ապրիլի 14-ի N 319-Ա որոշման

 

Կ Ա Զ Մ

2011 ԹՎԱԿԱՆԻ ԱՊՐԻԼԻ 13-16-Ը ՅԱԼԹԱ ՄԵԿՆՈՂ ՊԱՏՎԻՐԱԿՈՒԹՅԱՆ

Ա. Գևորգյան	- ՀՀ փոխվարչապետ, ՀՀ տարածքային կառավարման նախարար (պատվիրակության ղեկավար)
Ա. Պետրոսյան	- ՀՀ էկոնոմիկայի նախարարի տեղակալ
Ս. Ամիրբեկյան	- ՀՀ փոխվարչապետ, ՀՀ տարածքային կառավարման նախարարի խորհրդական
Գ. Քոչարյան	- ՀՀ էկոնոմիկայի նախարարության աշխատակազմի առևտրի և շուկաների կարգավորման վարչության պետ

Հայաստանի Հանրապետության կառավարության աշխատակազմի ղեկավար

Դ. Սարգսյան